ବନଦୁର୍ଗାମନ୍ତ୍ରବିଧାନମ୍
🔴 ବନଦୁର୍ଗାମନ୍ତ୍ରବିଧାନମ୍ 🔴
ଅଥ ସଙ୍କଲ୍ପଃ ।
ମମ ସକୁଟୁମ୍ବସ୍ୟ ସପରିବାରସ୍ୟ ଚ ସକଲଦୁରିତୋପଶମନାର୍ଥଂ ସମସ୍ତକ୍ଷୁଦ୍ରାଦ୍ୟାଭିଚାର-
ଦୋଷନିରାସାର୍ଥଂ ଦୁଷ୍ଟଗ୍ରହବାଧା ନିବୃତ୍ୟର୍ଥଂ ସର୍ୱୋପଦ୍ରବଶାନ୍ତ୍ୟର୍ଥଂ ଦେହରକ୍ଷାର୍ଥଂ ସ୍ଥଲରକ୍ଷାର୍ଥଂ
ଗୃହରକ୍ଷାର୍ଥଂ ବିଶେଷେଣ-ଆତ୍ମକଲତ୍ରପୁତ୍ରପୁତ୍ରୀଭ୍ରାତୄଣାଂ
ବିଦ୍ୟା-ଉଦ୍ୟୋଗବିବାହସନ୍ତତି-ଅଭ୍ୟୁଦୟପ୍ରତିବନ୍ଧକଦୋଷାଣାଂ ନିବୃତ୍ତ୍ୟର୍ଥଂ କ୍ଷେମସ୍ଥୈର୍ୟବୀର୍ୟବିଜୟାଭ୍ୟୁଦୟାୟୁରାରୋଗ୍ୟାନନ୍ଦ-ଐଶ୍ୱର୍ୟାଭିବୃଦ୍ଧ୍ୟର୍ଥଂ ଧର୍ମାର୍ଥକାମମୋକ୍ଷଚତୁର୍ୱିଧପୁରୁଷାର୍ଥସିଦ୍ଧ୍ୟର୍ଥଂ
ସର୍ୱଦେବତାତ୍ମିକା ଭଗବତୀ ଶ୍ରୀବନଦୁର୍ଗା ପ୍ରୀତିଦ୍ୱାରା
ସର୍ୱାପଚ୍ଛାନ୍ତି-ପୂର୍ୱକଦୀର୍ଘାୟୁର୍ୱିପୁଲଧନଧାନ୍ୟପୁତ୍ର-
ପୌତ୍ରାଦ୍ୟବିଚ୍ଛିନ୍ନସନ୍ତତିବୃଦ୍ଧିସ୍ଥିରଲକ୍ଷ୍ମୀକୀର୍ତିଲାଭଶତ୍ରୁପରାଜୟା- ଦ୍ୟଭୀଷ୍ଟଫଲସିଦ୍ଧ୍ୟର୍ଥଂ
ରାଜାମାତ୍ୟାଦିସର୍ୱଜନବଶୀକରଣାର୍ଥଂ ଗୋଭୂଗୃହଧନଧାନ୍ୟକନକବସ୍ତୁ
ବାହନାଦିସକଲ-ସମ୍ପଦଭିବୃଦ୍ଧ୍ୟର୍ଥଂ ଶ୍ରୀବନଦୁର୍ଗାପ୍ରୀତ୍ୟର୍ଥଂ
ବନଦୁର୍ଗାମନ୍ତ୍ରହୋମାଖ୍ୟଂ କର୍ମ କରିଷ୍ୟେ ॥ ଇତି ॥
🔴ଅଥ ଜପବିଧାନମ୍ ।
ଅସ୍ୟ ଶ୍ରୀବନଦୁର୍ଗାମନ୍ତ୍ରସ୍ୟ ଆରଣ୍ୟକଋଷିଃ।
ଅନୁଷ୍ଟୁପ୍ଛନ୍ଦଃ । ଶ୍ରୀବନଦୁର୍ଗାଦେବତା । ଦୁଁ ବୀଜମ୍ । ସ୍ୱାହା ଶକ୍ତିଃ । ଶ୍ରୀବନଦୁର୍ଗାପ୍ରୀତ୍ୟର୍ଥେ ଜପେ ବିନିୟୋଗଃ ॥
👉ଉତ୍ତିଷ୍ଠ ପୁରୁଷି ହୃଦୟାୟ ନମଃ ।
👉କିଂ ସ୍ୱପିଷି ଶିରସେ ସ୍ୱାହା ।
👉ଭୟଂ ମେ ସମୁପସ୍ଥିତଂ ଶିଖାୟୈ ବଷଟ୍ ।
👉ଯଦି ଶକ୍ୟମଶକ୍ୟଂ ବା କବଚାୟ ହୁମ୍ ।
👉ତନ୍ମେ ଭଗବତି ନେତ୍ରତ୍ରୟାୟ ବୌଷଟ୍ ।
👉ଶମୟ ସ୍ୱାହା ଅସ୍ତ୍ରାୟ ଫଟ୍ । ଇତି ଷଡଙ୍ଗନ୍ୟାସାଃ ॥
ଓଁ ଭୂର୍ଭୁବସ୍ସୁବରୋମିତି ଦିଗ୍ବନ୍ଧଃ ॥
🌹ଅଥ ଧ୍ୟାନମ୍ 🌹
ହେମପ୍ରଖ୍ୟାମିନ୍ଦୁଖଣ୍ଡାତ୍ତମୌଲିଂ
ଶଙ୍ଖାରୀଷ୍ଟାଂ ଅଭୀତିହସ୍ତାଂ ତ୍ରିଣେତ୍ରାମ୍ ।
ହେମାବ୍ଜସ୍ଥାଂ ପୀତବସ୍ତ୍ରାଂ ପ୍ରସନ୍ନାଂ
ଦେବୀଂ ଦୁର୍ଗାଂ ଦିବ୍ୟରୂପାଂ ନମାମି ॥
ଓଁ ଉତ୍ତିଷ୍ଠ ପୁରୁଷି କିଂ ସ୍ୱପିଷି ଭୟଂ ମେ ସମୁପସ୍ଥିତମ୍ ।
ଯଦି ଶକ୍ୟମଶକ୍ୟଂ ବା ତନ୍ମେ ଭଗବତି ଶମୟ ସ୍ୱାହା ॥
ଇତ୍ୟୁପଦ୍ରବଶାନ୍ତିରକ୍ଷାପ୍ରଧାନୋଽୟଂ ମନ୍ତ୍ରଃ ॥
ଅଥ ମନ୍ତ୍ରୋଦ୍ଧାରଃ ॥
ଉତ୍ତିଷ୍ଠ ପଦମାଭାଷ୍ୟ ପୁରୁଷି ସ୍ୟାତ୍ପଦଂ ତତଃ ।
ପିତାମହଃ ସ ନେତ୍ରେ ନଃ ସ୍ୱପିଷି ସ୍ୟାଦ୍ଭୟଂ ଚ ମେ ॥
ସମୁପସ୍ଥିତମୁଚ୍ଚାର୍ୟ ଯଦିଶକ୍ୟମନନ୍ତରମ୍ ।
ଅଶକ୍ୟଂ ବା ପୁନସ୍ତନ୍ମେ ବଦେଦ୍ଭଗବତୀଂ ତତଃ ॥
ଶମୟାଗ୍ନିବଧୂଃ ସପ୍ତତ୍ରିଂଶଦ୍ୱର୍ଣାତ୍ମକୋ ମନୁଃ ।
ଋଉଷିରାଣ୍ୟକଶ୍ଛନ୍ଦୋପ୍ୟନୁଷ୍ଟୁବୁଦାହୃତମ୍ ॥
ଦେବତା ବନଦୁର୍ଗା ସ୍ୟାତ୍ ସର୍ୱଦୁର୍ଗବିମଁଚନୀ ।
ଷଡ୍ଭିଶ୍ଚତୁର୍ଭିରଷ୍ଟାଭିଃ ଷଡ୍ଭିରିନ୍ଦ୍ରିୟୈଃ ॥
ମନ୍ତ୍ରାର୍ଣୈରଙ୍ଗକ୍ଲୃପ୍ତିଃ ସ୍ୟାଜ୍ଜାତିୟୁକ୍ତୈର୍ୟଥାକ୍ରମମ୍ ॥
ଇତି ॥
🔴ଅଥ ମନ୍ତ୍ରାନ୍ତରମ୍ ॥
ସହସ୍ରମନ୍ତ୍ରସାରସଙ୍ଗ୍ରହେ, ଆରଣ୍ୟକ ଈଶ୍ୱରଋଷିଃ । ଅନୁଷ୍ଟୁପ୍ଛନ୍ଦଃ । ଅନ୍ତର୍ୟାମୀ ନାରାୟଣ କିରାତରୂପଧର ଈଶ୍ୱରୋ ବନଦୁର୍ଗା ଦେବତା । ଦୁଂ ବୀଜମ୍ । ହ୍ରୀଂ ଶକ୍ତିଃ । କ୍ଲୀଂ କୀଲକମ୍ । ସର୍ୱଦୁଃଖବିମୋଚନାର୍ଥେ ଜପେ ବିନିୟୋଗଃ ॥
ଓଁ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ ଉତ୍ତିଷ୍ଠ ପୁରୁଷି ରୁଦ୍ରତେଜୋ ଜ୍ୱଲଜ୍ୱାଲାମାଲିନି ହଂସିନି ହ୍ରାଂ, ହୃଦୟାୟ ନମଃ ।
ଓଁ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ କିଂ ସ୍ୱପିଷି ବ୍ରହ୍ମତେଜୋ ଜ୍ୱଲଜ୍ୱାଲାମାଲିନି ପଦ୍ମିନି ହ୍ରୀଂ, ଶିରସେ ସ୍ୱାହା ।
ଓଁ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ ଭୟଂ ମେ ସମୁପସ୍ଥିତଂ ବିଷ୍ଣୁତେଜୋ ଜ୍ୱଲଜ୍ୱାଲାମାଲିନି ଚକ୍ରିଣି ହ୍ରୂଂ, ଶିଖାୟୈ ବଷଟ୍ ।
ଓଁ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ ଯଦି ଶକ୍ୟମଶକ୍ୟଂ ବା ସୂର୍ୟତେଜୋ ଜ୍ୱଲଜ୍ୱାଲାମାଲିନି ଗଦିନି ହ୍ରୈଂ, କବଚାୟ ହୁମ୍ ।
ଓଁ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ ତନ୍ମେ ଭଗବତି ଅଗ୍ନିତେଜୋ ଜ୍ୱଲଜ୍ୱାଲାମାଲିନି ତ୍ରିଶୂଲିନି ହ୍ରୌଂ, ନେତ୍ରତ୍ରୟାୟ ବୌଷଟ୍ ।
ଓଂ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ ଶମୟ ସ୍ୱାହା
ସର୍ୱତେଜୋ ଜ୍ୱଲଜ୍ୱାଲାମାଲିନି ତ୍ରିଶୂଲଧାରିଣି ହ୍ରଃ, ଅସ୍ତ୍ରାୟ ଫଟ୍ ॥
ଇତି କରଷଡଙ୍ଗହୃଦୟାଦିନ୍ୟାସାଃ ॥
ଓଁ କ୍ଲୀଂ ପଶୁ ହୁଂ ଫଟ୍ ସ୍ୱାହା ଇତି ଦିଗ୍ବନ୍ଧଃ ॥
।। ଅଥ ଧ୍ୟାନମ୍ ॥
ମହାବିଦ୍ୟାଂ ହୃଦ୍ୟାଂ ସକଲଦୁରିତଧ୍ୱଂସନକରୀ
ପିଶାଚବ୍ୟାଲୋଗ୍ରଗ୍ରହରିପୁଗ୍ରହୋଚ୍ଛେଦନ କରୀମ୍ ।
ମହାମନ୍ତ୍ରଜ୍ୱାଲା ପଠୁଲପଠୁ ଦିଗ୍ବନ୍ଧନକରୀଂ
ପଠେଦ୍ୟଃ ସମ୍ପ୍ରାପ୍ତୋ ନ୍ୟଦଖିଲମିହାମୁଷ୍ମିକଫଲମ୍ ॥ ଇତି ॥
ଓଁ ହ୍ରୀଂ ଶ୍ରୀଂ କ୍ଲୀଂ ଦୁଂ ଐଂ ହ୍ରୀଂ ଶ୍ରୀଂ ଦୁଂ ଉତ୍ତିଷ୍ଠ ପୁରୁଷି କିଂ ସ୍ୱପିଷି ଭୟଂ ମେ ସମୁପସ୍ଥିତଂ ଯଦି ଶକ୍ୟମଶକ୍ୟଂ ବା ତନ୍ମେ ଭଗବତି ଶମୟ ସ୍ୱାହା ॥
ସର୍ୱଦୁଃଖୋପଦ୍ରବଶାନ୍ତି ରକ୍ଷାପ୍ରଧାନୋଽୟଂ ମନ୍ତ୍ରଃ ॥
🔴ଅଥ ବନଦୁର୍ଗାୟନ୍ତ୍ରମ୍ ॥
ଷଟ୍କୋଣାଷ୍ଟଦଲଦ୍ୱାଦଶଦଲଚତୁର୍ୱିଂଶତି ଦଲାନ୍ୱିଲିଖ୍ୟ
ତଦ୍ବହିର୍ଦ୍ୱିବୃତ୍ତଂ ଚତୁର୍ଦ୍ୱାରମିତି ବନଦୁର୍ଗାପୂଜାୟନ୍ତ୍ରମ୍ ।
ଭୂପୁରଦ୍ୱୟସହିତଂ ପଦ୍ମଂ ବିଲିଖ୍ୟ ସର୍ୱସମୃଦ୍ଧ୍ୟର୍ଥଂ
ପୂଜୟେଦିତି ସହସ୍ରମନ୍ତ୍ର ସାରସଙ୍ଗ୍ରହେ ॥
🔴ଅଥ ଦ୍ୱାରପାଲପୂଜା ।
ଓଁ ପୂର୍ୱଦ୍ୱାରେ ଦ୍ୱାରଶ୍ରିୟୈ ନମଃ । ଓଁ ଧାତ୍ରେ ନମଃ । ଓଁ ବିଧାତ୍ରେ ନମଃ ।
ଓଂ ଦକ୍ଷିଣଦ୍ୱାରେ ଦ୍ୱାରଶ୍ରିୟୈ ନମଃ । ଓଁ ଚଣ୍ଡାୟ ନମଃ । ଓଁ ପ୍ରଚଣ୍ଡାୟ ନମଃ ।
ଓଁ ପଶ୍ଚିମଦ୍ୱାରେ ଦ୍ୱାରଶ୍ରିୟୈ ନମଃ । ଓଁ ଜୟାୟ ନମଃ । ଓଁ ବିଜୟାୟ ନମଃ ।
ଓଁ ଉତ୍ତରଦ୍ୱାରେ ଦ୍ୱାରଶ୍ରିୟୈ ନମଃ । ଓଁ ଶଙ୍ଖନିଧୟେ ନମଃ । ଓଁ ପୁଷ୍ପନିଧୟେ ନମଃ ॥ ଇତି ॥
🔴ଅଥ ପୀଠ ପୂଜା ।
ଓଁ ଗୁଂ ଗୁରୁଭ୍ୟୋ ନମଃ । ଓଁ ଗଂ ଗଣପତୟେ ନମଃ । ଓଁ ଆଧାରଶକ୍ତ୍ୟୈ ନମଃ । ଓଁ ମୂଲପ୍ରକୃତ୍ୟୈ ନମଃ । ଓଁ ଆଦିକୂର୍ମାୟ ନମଃ । ଓଁ ଅନନ୍ତାୟ ନମଃ । ଓଂ ପୃଥିବ୍ୟୈ ନମଃ । ଓଁ କ୍ଷୀରସମୁଦ୍ରାୟ ନମଃ । ଓଁ ଶ୍ୱେତଦ୍ୱୀପାୟ ନମଃ । ଓଂ ରତ୍ନମଣ୍ଡପାୟ ନମଃ । ଓଁ କଲ୍ପବୃକ୍ଷାୟ ନମଃ । ଓଁ ଶ୍ୱେତଚ୍ଛତ୍ରାୟ ନମଃ ।
ଓଁ ସିତଚାମରାଭ୍ୟାଂ ନମଃ । ଓଁ ରତ୍ନସିଂହାସନାୟ ନମଃ । ଓଁ ଧର୍ମାୟ ନମଃ । ଓଁ ଜ୍ଞାନାୟ ନମଃ । ଓଁ ବୈରାଗ୍ୟାୟ ନମଃ । ଓଁ ଐଶ୍ୱର୍ୟାୟ ନମଃ । ଓଁ ଅଧର୍ମାୟ ନମଃ । ଓଁ ଅଜ୍ଞାନାୟ ନମଃ ।
ଓଁ ଅବୈରାଗ୍ୟାୟ ନମଃ । ଓଁ ଆନୈଶ୍ୱର୍ୟାୟ ନମଃ ।
ଓଁ ସଂ ସତ୍ୱାୟ ନମଃ । ଓଁ ରଂ ରଜସେ ନମଃ । ଓଁ ତଂ ତମସେ ନମଃ । ଓଂମଂ ମାୟାୟୈ ନମଃ । ଓଁ ବିଂ ବିଦ୍ୟାୟୈ ନମଃ । ଓଁ ଅଂ ଅନନ୍ତାୟ ନମଃ ।
ଓଁ ପଂ ପଦ୍ମାୟ ନମଃ । ଓଁ ଅଂ ସୂର୍ୟମଣ୍ଡଲାୟ ନମଃ । ଓଁ ଉଂ ସୋମମଣ୍ଡଲାୟ ନମଃ । ଓଁ ମଂ ବହ୍ନିମଣ୍ଡଲାୟ ନମଃ । ଓଁ ଅଂ ଆତ୍ମନେ ନମଃ । ଓଁ ଉଂ ଅନ୍ତରାତ୍ମନେ ନମଃ ।
ଓଁ ମଂ ପରମାତ୍ମନେ ନମଃ । ଓଁ ହ୍ରୀଂ ଜ୍ଞାନାତ୍ମନେ ନମଃ ॥
ଇତି ପୀଠଂ ସମ୍ପୂଜ୍ୟ ନବଶକ୍ତିପୂଜାଂ କୁର୍ୟାତ୍ ॥
ଓଁ ଆଂ ପ୍ରଭାୟୈ ନମଃ । ଓଁ ଈଂ ମାୟାୟୈ ନମଃ ।
ଓଁ ଊଂ ଜୟାୟୈ ନମଃ । ଓଁ ଏଂ ସୂକ୍ଷ୍ମାୟୈ ନମଃ । ଓଁ ଐଂ ବିଶୁଦ୍ଧାୟୈ ନମଃ । ଓଁ ଓଁ ନନ୍ଦିନ୍ୟୈ ନମଃ । ଓଁ ଔଂ ସୁପ୍ରଭାୟୈ ନମଃ । ଓଁ ଅଂ ବିଜୟାୟୈ ନମଃ ।
ଓଁ ଅଃ ସର୍ୱସିଦ୍ଧିଦାୟୈ ନମଃ ॥ ଓଁ ବଜ୍ରନଖଦଂଷ୍ଟ୍ରାୟୁଧାୟ ମହାସିଂହାୟ ହୁଂ ଫଟ୍ ନମଃ ॥ ଇତି ॥
🔴ଅଥ ଷୋଡଶୋପଚାର ପୂଜା ।
👉ଅଥ ଧ୍ୟାନମ୍ ।
ଦୁର୍ଗାଂ ଭଗବତୀଂ ଧ୍ୟାୟେନ୍ମୂଲମନ୍ତ୍ରାଧିଦେବତାମ୍ ।
ବାଣୀଂ ଲକ୍ଷ୍ମୀଂ ମହାଦେବୀଂ ମହାମାୟାଂ ବିଚିନ୍ତୟେତ୍ ॥
ମାହିଷଘ୍ନୀଂ ଦଶଭୁଜାଂ କୁମାରୀଂ ସିଂହବାହିନୀମ୍ ।
ଦାନବାଂସ୍ତର୍ଜୟନ୍ତୀଂ ଚ ସର୍ୱକାମଦୁଘାଂ ଶିବାମ୍ ॥
ଶ୍ରୀ ବନଦୁର୍ଗାୟୈ ନମଃ । ଧ୍ୟାୟାମି ଧ୍ୟାନଂ ସମର୍ପୟାମି ॥
ଅଥାବାହନମ୍ ।
ଶ୍ରୀଦୁର୍ଗାଦିରୂପେଣ ବିଶ୍ୱମାବୃତ୍ୟ ତିଷ୍ଠତି ।
ଆବାହୟାମି ତ୍ୱାଂ ଦେବି ସମ୍ୟକ୍ ସନ୍ନିହିତା ଭବ ॥
ଶ୍ରୀ ବନଦୁର୍ଗାୟୈ ନମଃ । ଆବାହୟାମି ଆବାହନଂ ସମର୍ପୟାମି ॥
ଅଥାସନମ୍ ।
ଭଦ୍ରକାଲି ନମସ୍ତେଽସ୍ତୁ ଭକ୍ତାନାମୀପ୍ସିତାର୍ଥଦେ ।
ସ୍ୱର୍ଣସିଂହାସନଂ ଚାରୁ ପ୍ରୀତ୍ୟର୍ଥଂ ପ୍ରତିଗୃହ୍ୟତାମ୍ ॥
ଶ୍ରୀ ବନଦୁର୍ଗାୟୈ ନମଃ । ଆସନଂ ସମର୍ପୟାମି ॥
ଅଥ ସ୍ୱାଗତମ୍ ।
ସର୍ୱସ୍ୱରୂପେ ସର୍ୱେଶେ ସର୍ୱଶକ୍ତିସମନ୍ୱିତେ ।
କୃତାଞ୍ଜଲିପୁଟୋ ଭକ୍ତ୍ୟା ସ୍ୱାଗତଂ କଲ୍ପୟାମ୍ୟହମ୍ ॥
ଶ୍ରୀ ବନଦୁର୍ଗାୟୈ ନମଃ । ସ୍ୱାଗତଂ ସମର୍ପୟାମି ॥
ଅଥାର୍ଘ୍ୟମ୍ ।
ମହାଲକ୍ଷ୍ମି ମହାମୟେ ମହାବିଦ୍ୟାସ୍ୱରୂପିଣି ।
ଅର୍ଘ୍ୟପାଦ୍ୟାଚମାନ୍ ଦେବି ଗୃହାଣ ପରମେଶ୍ୱରି ॥
ଶ୍ରୀ ବନଦୁର୍ଗାୟୈ ନମଃ । ଅର୍ଘ୍ୟ-ପାଦ୍ୟ-ଆଚମନାନି ସମର୍ପୟାମି ॥
ଅଥ ମଧୁପର୍କମ୍ ।
ଦୂର୍ୱାଙ୍କୁରସମାୟୁକ୍ତଂ ଗନ୍ଧାଦିସୁମନୋହରମ୍ ।
ମଧୁପର୍କଂ ମୟା ଦତ୍ତଂ ନାରାୟଣି ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ମଧୁପର୍କଂ ସମର୍ପୟାମି ॥
ଅଥ ପଞ୍ଚାମୃତସ୍ନାନମ୍ ।
ସ୍ନାନଂ ପଞ୍ଚାମୃତଂ ଦେବି ଭଦ୍ରକାଲି ଜଗନ୍ମୟି ।
ଭକ୍ତ୍ୟା ନିବେଦିତଂ ତୁଭ୍ୟଂ ବିଶ୍ୱେଶ୍ୱରି ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ପଞ୍ଚାମୃତସ୍ନାନଂ ସମର୍ପୟାମି ॥
ଅଥ ଶୁଦ୍ଧୋଦକସ୍ନାନମ୍ ।
ଶୁଦ୍ଧୋଦକସମାୟୁକ୍ତଂ ଗଙ୍ଗାସଲିଲମୁତ୍ତମମ୍ ।
ସ୍ନାନଂ ଗୃହାଣ ଦେବେଶି ଭଦ୍ରକାଲି ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ଶୁଦ୍ଧୋଦକସ୍ନାନଂ ସମର୍ପୟାମି ॥
ଅଥ ବସ୍ତ୍ରମ୍ ।
ବସ୍ତ୍ରଂ ଗୃହାଣ ଦେବେଶି ଦେବାଙ୍ଗସଦୃଶଂ ନବମ୍ ।
ବିଶ୍ୱେଶ୍ୱରି ମହାମାୟେ ନାରାୟଣି ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ରତ୍ନଦୁକୂଲବସ୍ତ୍ରଂ ସମର୍ପୟାମି ॥
ଅଥ କଞ୍ଚୁକମ୍ ।
ଗୋଦାବରି ନମସ୍ତୁଭ୍ୟଂ ସର୍ୱାଭୀଷ୍ଟପ୍ରଦାୟିନି ।
ସର୍ୱଲକ୍ଷଣସମ୍ଭୂତେ ଦୁର୍ଗେ ଦେବି ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ରତ୍ନକଞ୍ଚୁକଂ ସମର୍ପୟାମି ॥
ଅଥ ଯଜ୍ଞୋପବୀତମ୍ ।
ତକ୍ଷକାନନ୍ତକର୍କୋଟ ନାଗୟଜ୍ଞୋପବୀତିନେ ।
ସୌବର୍ଣଂ ଯଜ୍ଞସୂତ୍ରଂ ତେ ଦଦାମି ହରିସେବିତେ ॥
ଶ୍ରୀ ବନଦୁର୍ଗାୟୈ ନମଃ । ସ୍ୱର୍ଣୟଜ୍ଞୋପବୀତଂ ସମର୍ପୟାମି ॥
ଅଥାଭରଣମ୍ ।
ନାନାରତ୍ନବିଚିତ୍ରାଢ୍ୟାନ୍ ବଲୟାନ୍ ସୁମନୋହରାନ୍ ।
ଅଲଙ୍କାରାନ୍ ଗୃହାଣ ତ୍ୱଂ ମମାଭୀଷ୍ଟପ୍ରଦା ଭବ ॥
ଶ୍ରୀ ବନଦୁର୍ଗାୟୈ ନମଃ । ଆଭରଣାନି ସମର୍ପୟାମି ॥
ଅଥ ଗନ୍ଧଃ ।
ଗନ୍ଧଂ ଚନ୍ଦନସଂୟୁକ୍ତଂ କୁଙ୍କୁମାଦିବିମିଶ୍ରିତମ୍ ।
ଗୃହ୍ଣୀଷ୍ୱ ଦେବି ଲୋକେଶି ଜଗନ୍ମାତର୍ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ଗନ୍ଧଂ ସମର୍ପୟାମି ॥
ଅଥ ବିଲ୍ୱଗନ୍ଧଃ ।
ବିଲ୍ୱବୃକ୍ଷକୃତାବାସେ ବିଲ୍ୱପତ୍ରପ୍ରିୟେ ଶୁଭେ ।
ବିଲ୍ୱବୃକ୍ଷସମୁଦ୍ଭୂତୋ ଗନ୍ଧଶ୍ଚ ପ୍ରତିଗୃହ୍ୟତାମ୍ ॥
ଶ୍ରୀ ବନଦୁର୍ଗାୟୈ ନମଃ । ବିଲ୍ୱଗନ୍ଧଂ ସମର୍ପୟାମି ॥
ଅଥାକ୍ଷତାଃ ।
ଅକ୍ଷତାନ୍ ଶୁଭଦାନ୍ ଦେବି ହରିଦ୍ରାଚୂର୍ଣମିଶ୍ରିତାନ୍ ।
ପ୍ରତିଗୃହ୍ଣୀଷ୍ୱ କୌମାରି ଦୁର୍ଗାଦେବି ନମୋଽସ୍ତୁତେ ॥
ଶ୍ରୀ ବନଦୁର୍ଗାୟୈ ନମଃ । ଅକ୍ଷତାନ୍ ସମର୍ପୟାମି ॥
ଅଥ ପୁଷ୍ପାଣି ।
ମାଲତୀବିଲ୍ୱମନ୍ଦାରକୁନ୍ଦଜାତିବିମିଶ୍ରିତମ୍ ।
ପୁଷ୍ପଂ ଗୃହାଣ ଦେବେଶି ସର୍ୱମଙ୍ଗଲଦା ଭବ ॥
ଶିବପତ୍ନି ଶିବେ ଦେବି ଶିବଭକ୍ତଭୟାପହେ ।
ଦ୍ରୋଣପୁଷ୍ପଂ ମୟା ଦତ୍ତଂ ଗୃହାଣ ଶିବଦା ଭବ ॥
ଶ୍ରୀ ବନଦୁର୍ଗାୟୈ ନମଃ । ନାନାବିଧ ପରିମଳ ପତ୍ରପୁଷ୍ପାଣି ସମର୍ପୟାମି ॥
🔴ଅଥ ଅଙ୍ଗପୂଜା ।
ଓଁ ବାରାହ୍ୟୈ ନମଃ ପାଦୌ ପୂଜୟାମି ।
ଓଁ ଚାମୁଣ୍ଡାୟୈ ନମଃ ଜଙ୍ଘେ ପୂଜୟାମି ।
ଓଁ ମାହେନ୍ଦ୍ର୍ୟୈ ନମଃ ଜାନୁନୀ ପୂଜୟାମି ।
ଓଁ ବାଗୀଶ୍ୱର୍ୟୈ ନମଃ ଊରୂ ପୂଜୟାମି ।
ଓଁ ବ୍ରହ୍ମାଣ୍ୟୈ ନମଃ ଗୁହ୍ୟଂ ପୂଜୟାମି ।
ଓଁ କାଲରାତ୍ର୍ୟୈ ନମଃ କଟିଂ ପୂଜୟାମି ।
ଓଁ ଜଗନ୍ମାୟାୟୈ ନମଃ ନାଭିଂ ପୂଜୟାମି ।
ଓଁ ମାହେଶ୍ୱର୍ୟୈ ନମଃ କୁକ୍ଷିଂ ପୂଜୟାମି ।
ଓଁ ସରସ୍ୱତ୍ୟୈ ନମଃ ହୃଦୟଂ ପୂଜୟାମି ।
ଓଁ କାତ୍ୟାୟନ୍ୟୈ ନମଃ କଣ୍ଠଂ ପୂଜୟାମି ।
ଓଁ ଶିବଦୂତ୍ୟୈ ନମଃ ହସ୍ତାନ୍ ପୂଜୟାମି ।
ଓଁ ନାରସିଂହ୍ୟୈ ନମଃ ବାହୂନ୍ ପୂଜୟାମି ।
ଓଁ ଇନ୍ଦ୍ରାଣ୍ୟୈ ନମଃ ମୁଖଂ ପୂଜୟାମି ।
ଓଁ ଶିବାୟୈ ନମଃ ନାସିକାଂ ପୂଜୟାମି ।
ଓଁ ଶତାକ୍ଷ୍ୟୈ ନମଃ କର୍ଣୌ ପୂଜୟାମି ।
ଓଁ ତ୍ରିପୁରହନ୍ତ୍ର୍ୟୈ ନମଃ ନେତ୍ରତ୍ରୟଂ ପୂଜୟାମି ।
ଓଁ ପରମେଶ୍ୱର୍ୟୈ ନମଃ ଲଲାଟଂ ପୂଜୟାମି ।
ଓଁ ଶାକମ୍ଭର୍ୟୈ ନମଃ ଶିରଃ ପୂଜୟାମି ।
ଓଁ କୌଶିକ୍ୟୈ ନମଃ ସର୍ୱାଣି ଅଙ୍ଗାନି ପୂଜୟାମି ॥
🌹ଅଥ ବିଲ୍ୱପତ୍ରମ୍ ।
ଶ୍ରୀବୃକ୍ଷମମୃତୋଦ୍ଭୂତଂ ମହାଦେବୀ ପ୍ରିୟଂ ସଦା ।
ବିଲ୍ୱପତ୍ରଂ ପ୍ରୟଚ୍ଛାମି ପବିତ୍ରଂ ତେ ସୁରେଶ୍ୱରୀ ॥
ଶ୍ରୀ ବନଦୁର୍ଗାୟୈ ନମଃ । ବିଲ୍ୱପତ୍ରଂ ସମର୍ପୟାମି ॥
🌹ଅଥ ପୁଷ୍ପପୂଜା ।
ଓଁ ଦୁର୍ଗାୟୈ ନମଃ ତୁଲସୀ ପୁଷ୍ପଂ ସମର୍ପୟାମି ।
ଓଁ କାତ୍ୟାୟନ୍ୟୈ ନମଃ ଚମ୍ପକପୁଷ୍ପଂ ସମର୍ପୟାମି ।
ଓଁ କୌମାର୍ୟୈ ନମଃ ଜାତୀ ପୁଷ୍ପଂ ସମର୍ପୟାମି ।
ଓଁ କାଲ୍ୟୈ ନମଃ କେତକୀ ପୁଷ୍ପଂ ସମର୍ପୟାମି ।
ଓଁ ଗୌର୍ୟୈ ନମଃ କରବୀରପୁଷ୍ପଂ ସମର୍ପୟାମି ।
ଓଁ ଲକ୍ଷ୍ମ୍ୟୈ ନମଃ ଉତ୍ପଲପୁଷ୍ପଂ ସମର୍ପୟାମି ।
ଓଁ ସର୍ୱମଙ୍ଗଲାୟୈ ନମଃ ମଲ୍ଲିକାପୁଷ୍ପଂ ସମର୍ପୟାମି ।
ଓଁ ଇନ୍ଦ୍ରାଣ୍ୟୈ ନମଃ ଯୂଥିକାପୁଷ୍ପଂ ସମର୍ପୟାମି ।
ଓଁ ସରସ୍ୱତ୍ୟୈ ନମଃ କମଲପୁଷ୍ପଂ ସମର୍ପୟାମି ।
ଓଁ ଶ୍ରୀ ଭଗବତ୍ୟୈ ନମଃ ସର୍ୱାଣି ପୁଷ୍ପାଣି ସମର୍ପୟାମି ॥
🔴ଅଥାବରଣଦେବତାଃ ।
ପ୍ରଥମାବରଣଦେବତାଃ ॥
ଓଁ ଉତ୍ତିଷ୍ଠ ପୁରୁଷି ହୃଦୟାୟ ନମଃ ।
ଓଁ କିଂ ସ୍ୱପିଷି ଶିରସେ ସ୍ୱାହା ନମଃ ।
ଓଁ ଭୟଂ ମେ ସମୁପସ୍ଥିତଂ ଶିଖାୟୈ ବଷଣ୍ଣମଃ ।
ଓଁ ଯଦି ଶକ୍ୟମଶକ୍ୟଂ ବା କବଚାୟ ହୁଂ ନମଃ ।
ଓଁ ତନ୍ମେ ଭଗବତି ନେତ୍ରତ୍ରୟାୟ ବୌଷଣ୍ଣମଃ ।
ଓଁ ଶମୟ ସ୍ୱାହା ଅସ୍ତ୍ରାୟ ଫଣ୍ଣମଃ ॥ ୦୧॥
ଦ୍ୱିତୀୟାବରଣ ଦେବତାଃ ॥
ଓଁ ଆର୍ୟାୟୈ ନମଃ । ଓଁ ଦୁର୍ଗାୟୈ ନମଃ । ଓଁ ଭଦ୍ରାୟୈ ନମଃ ।
ଓଁ ଭଦ୍ରକାଳ୍ୟୈ ନମଃ । ଓଁ ଅମ୍ବିକାୟୈ ନମଃ । ଓଁ କ୍ଷେମ୍ୟାୟୈ ନମଃ ।
ଓଁ ବେଦଗର୍ଭାୟୈ ନମଃ । ଓଁ କ୍ଷେମକାର୍ୟୈ ନମଃ ॥ ୦୨॥
ତୃତୀୟାବରଣ ଦେବତାଃ ॥ ଓଁ ଅରୟେ ନମଃ । ଓଁ ଦରାୟ ନମଃ ।
ଓଁ କୃପାଣାୟ ନମଃ । ଓଁ ଖେଟାୟ ନମଃ । ଓଁ ବାଣାୟ ନମଃ । ଓଁ ଧନୁଷେ ନମଃ ।
ଓଁ ଶୂଲାୟ ନମଃ । ଓଁ କପାଲାୟ ନମଃ ॥ ୦୩॥
ଚତୁର୍ଥାବରଣଦେବତାଃ ॥ ଓଁ ବ୍ରାହ୍ମ୍ୟୈ ନମଃ । ଓଁ ମାହେଶ୍ୱର୍ୟୈ ନମଃ । ଓଂ
କୌମାର୍ୟୈ ନମଃ । ଓଁ ବୈଷ୍ଣବ୍ୟୈ ନମଃ । ଓଁ ବାରାହ୍ୟୈ ନମଃ । ଓଁ ଇନ୍ଦ୍ରାଣ୍ୟୈ
ନମଃ । ଓଁ ଚାମୁଣ୍ଡାୟୈ ନମଃ । ଓଁ ମହାଲକ୍ଷ୍ମ୍ୟୈ ନମଃ ॥ ୦୪॥
ପଞ୍ଚମାବରଣ ଦେବତାଃ ॥ ଓଁ ଇନ୍ଦ୍ରାୟ ନମଃ । ଓଁ ଅଗ୍ନୟେ ନମଃ ।
ଓଁ ଯମାୟ ନମଃ । ଓଁ ନିରୃତୟେ ନମଃ । ଓଁ ବରୁଣାୟ ନମଃ । ଓଁ ବାୟବେ ନମଃ ।
ଓଁ ସୋମାୟ ନମଃ । ଓଁ ଈଶାନାୟ ନମଃ । ଓଁ ବ୍ରହ୍ମଣେ ନମଃ ।
ଓଁ ଅନନ୍ତାୟ ନମଃ ॥ ୦୫॥
🔴॥ ଦୁର୍ଗାଷ୍ଟୋତ୍ତରଶତନାମାବଲିଃ ॥
ଓଁ ସତ୍ୟାୟୈ ନମଃ ।
ଓଁ ସାଧ୍ୟାୟୈ ନମଃ ।
ଓଁ ଭବପ୍ରୀତାୟୈ ନମଃ ।
ଓଁ ଭବାନ୍ୟୈ ନମଃ ।
ଓଁ ଭବମୋଚନ୍ୟୈ ନମଃ । ୫
ଓଁ ଆର୍ୟାୟୈ ନମଃ ।
ଓଁ ଦୁର୍ଗାୟୈ ନମଃ ।
ଓଁ ଜୟାୟୈ ନମଃ ।
ଓଁ ଆଦ୍ୟାୟୈ ନମଃ ।
ଓଁ ତ୍ରିଣେତ୍ରାୟୈ ନମଃ । ୧୦
ଓଁ ଶୂଲଧାରିଣ୍ୟୈ ନମଃ ।
ଓଁ ପିନାକଧାରିଣ୍ୟୈ ନମଃ ।
ଓଁ ଚିତ୍ରାୟୈ ନମଃ ।
ଓଁ ଚଣ୍ଡଘଣ୍ଟାୟୈ ନମଃ ।
ଓଁ ମହାତପସେ ନମଃ । ୧୫
ଓଁ ମନସେ ନମଃ ।
ଓଁ ବୁଦ୍ଧ୍ୟୈ ନମଃ ।
ଓଁ ଅହଙ୍କାରାୟୈ ନମଃ ।
ଓଁ ଚିଦ୍ରୂପାୟୈ ନମଃ ।
ଓଁ ଚିଦାକୃତ୍ୟୈ ନମଃ । ୨୦
ଓଁ ସର୍ୱମନ୍ତ୍ରମୟ୍ୟୈ ନମଃ ।
ଓଁ ସତ୍ତାୟୈ ନମଃ ।
ଓଁ ସତ୍ୟାନନ୍ଦସ୍ୱରୂପିଣ୍ୟୈ ନମଃ ।
ଓଁ ଅନନ୍ତାୟୈ ନମଃ ।
ଓଁ ଭାବିନ୍ୟୈ ନମଃ । ୨୫
ଓଁ ଭାବ୍ୟାୟୈ ନମଃ ।
ଓଁ ଅଭବ୍ୟାୟୈ ନମଃ ।
ଓଁ ସଦାଗତ୍ୟୈ ନମଃ ।
ଓଁ ଶାମ୍ଭବ୍ୟୈ ନମଃ ।
ଓଁ ଦେବମାତ୍ରେ ନମଃ । ୩୦
ଓଁ ଚିନ୍ତାୟୈ ନମଃ ।
ଓଁ ରତ୍ନପ୍ରିୟାୟୈ ନମଃ ।
ଓଁ ସର୍ୱବିଦ୍ୟାୟୈ ନମଃ ।
ଓଁ ଦକ୍ଷକନ୍ୟାୟୈ ନମଃ ।
ଓଁ ଦକ୍ଷୟଜ୍ଞବିନାଶିନ୍ୟୈ ନମଃ । ୩୫
ଓଁ ଅପର୍ଣାୟୈ ନମଃ ।
ଓଁ ଅନେକବର୍ଣାୟୈ ନମଃ ।
ଓଁ ପାଟଲାୟୈ ନମଃ ।
ଓଁ ପାଟଲାବତ୍ୟୈ ନମଃ ।
ଓଁ ପଟ୍ଟାମ୍ବରପରୀଧାନାୟୈ ନମଃ । ୪୦
ଓଁ କଲମଞ୍ଜୀରରଞ୍ଜିନ୍ୟୈ ନମଃ ।
ଓଁ ଈଶାନ୍ୟୈ ନମଃ ।
ଓଁ ମହାରାଜ୍ଞୈ ନମଃ ।
ଓଁ ଅପ୍ରମେୟପରାକ୍ରମାୟୈ ନମଃ ।
ଓଁ ରୁଦ୍ରାଣ୍ୟୈ ନମଃ । ୪୫
ଓଁ କ୍ରୂରରୂପାୟୈ ନମଃ ।
ଓଁ ସୁନ୍ଦର୍ୟୈ ନମଃ ।
ଓଁ ବନଦୁର୍ଗୟୈ ନମଃ ।
ଓଁ ମାତଙ୍ଗ୍ୟୈ ନମଃ । ୫୦
ଓଁ କନ୍ୟକାୟୈ ନମଃ ।
ଓଁ ବ୍ରାହ୍ମ୍ୟୈ ନମଃ ।
ଓଁ ମାହେଶ୍ୱର୍ୟୈ ନମଃ ।
ଓଁ ଐନ୍ଦ୍ରାୟୈ ନମଃ ।
ଓଁ କୌମାର୍ୟୈ ନମଃ । ୫୫
ଓଁ ବୈଷ୍ଣବ୍ୟୈ ନମଃ ।
ଓଁ ଚାମୁଣ୍ଡାୟୈ ନମଃ ।
ଓଁ ବାରାହ୍ୟୈ ନମଃ ।
ଓଁ ଲକ୍ଷ୍ମ୍ୟୈ ନମଃ ।
ଓଁ ପୁରୁଷାକୃତ୍ୟୈ ନମଃ । ୬୦
ଓଁ ବିମଲାୟୈ ନମଃ ।
ଓଁ ଜ୍ଞାନରୂପାୟୈ ନମଃ ।
ଓଁ କ୍ରିୟାୟୈ ନମଃ ।
ଓଁ ନିତ୍ୟାୟୈ ନମଃ ।
ଓଁ ବୁଦ୍ଧିଦାୟୈ ନମଃ । ୬୫
ଓଁ ବହୁଲାୟୈ ନମଃ ।
ଓଁ ବହୁଲପ୍ରେମାୟୈ ନମଃ ।
ଓଁ ମହିଷାସୁରମର୍ଦିନ୍ୟୈ ନମଃ ।
ଓଁ ମଧୁକୈଟଭହନ୍ତ୍ର୍ୟୈ ନମଃ ।
ଓଁ ଚଣ୍ଡମୁଣ୍ଡବିନାଶିନ୍ୟୈ ନମଃ । ୭୦
ଓଁ ସର୍ୱଶାସ୍ତ୍ରମୟ୍ୟୈ ନମଃ ।
ଓଁ ସର୍ୱଦାନବଘାତିନ୍ୟୈ ନମଃ ।
ଓଁ ଅନେକଶସ୍ତ୍ରହସ୍ତାୟୈ ନମଃ ।
ଓଁ ସର୍ୱଶସ୍ତ୍ରାସ୍ତ୍ରଧାରିଣ୍ୟୈ ନମଃ ।
ଓଁ ଭଦ୍ରକାଲ୍ୟୈ ନମଃ । ୭୫
ଓଁ ସଦାକନ୍ୟାୟୈ ନମଃ ।
ଓଁ କୈଶୋର୍ୟୈ ନମଃ ।
ଓଁ ଯୁବତ୍ୟୈ ନମଃ ।
ଓଁ ଯତୟେ ନମଃ ।
ଓଁ ପ୍ରୌଢାୟୈ ନମଃ । ୮୦
ଓଁ ଅପ୍ରୌଢାୟୈ ନମଃ ।
ଓଁ ବୃଦ୍ଧମାତ୍ରେ ନମଃ ।
ଓଁ ଅଘୋରରୂପାୟୈ ନମଃ ।
ଓଁ ମହୋଦର୍ୟୈ ନମଃ ।
ଓଁ ବଲପ୍ରଦାୟୈ ନମଃ । ୮୫
ଓଁ ଘୋରରୂପାୟୈ ନମଃ ।
ଓଁ ମହୋତ୍ସାହାୟୈ ନମଃ ।
ଓଁ ମହାବଲାୟୈ ନମଃ ।
ଓଁ ଅଗ୍ନିଜ୍ୱାଲାୟୈ ନମଃ ।
ଓଁ ରୌଦ୍ରମୁଖ୍ୟୈ ନମଃ । ୯୦
ଓଁ କାଲରାତ୍ର୍ୟୈ ନମଃ ।
ଓଁ ତପସ୍ୱିନ୍ୟୈ ନମଃ ।
ଓଁ ମହାଦେବ୍ୟୈ ନମଃ ।
ଓଁ ବିଷ୍ଣୁମାୟାୟୈ ନମଃ ।
ଓଁ ଶିବାତ୍ମିକାୟୈ ନମଃ । ୯୫
ଓଁ ଶିବଦୂତ୍ୟୈ ନମଃ ।
ଓଁ କରାଲ୍ୟୈ ନମଃ ।
ଓଁ ଅନନ୍ତାୟୈ ନମଃ ।
ଓଁ ପରମେଶ୍ୱର୍ୟୈ ନମଃ ।
ଓଁ କାତ୍ୟାୟନ୍ୟୈ ନମଃ । ୧୦୦
ଓଁ ମହାବିଦ୍ୟାୟୈ ନମଃ ।
ଓଁ ମହାମେଧାସ୍ୱରୂପିଣ୍ୟୈ ନମଃ ।
ଓଁ ଗୌର୍ୟୈ ନମଃ ।
ଓଁ ସରସ୍ୱତ୍ୟୈ ନମଃ ।
ଓଁ ସାବିତ୍ର୍ୟୈ ନମଃ । ୧୦୫
ଓଁ ବ୍ରହ୍ମବାଦିନ୍ୟୈ ନମଃ ।
ଓଁ ସର୍ୱତନ୍ତ୍ରୈକନିଲୟାୟୈ ନମଃ ।
ଓଁ ବେଦମନ୍ତ୍ରସ୍ୱରୂପିଣ୍ୟୈ ନମଃ । ୧୦୮
॥ ଇତି ଶ୍ରୀ ଦୁର୍ଗାଷ୍ଟୋତ୍ତରଶତନାମାବଲିଃ ॥
ଅଥ ଧୂପଃ ।
ସଗୁଗ୍ଗୁଲ୍ୱଗରୂଶୀରଗନ୍ଧାଦିସୁମନୋହରମ୍ ।
ଧୂପଂ ଗୃହାଣ ଦେବେଶି ଦୁର୍ଗେ ଦେବି ନମୋଽସ୍ତୁ ତେ ॥
ଶ୍ରୀ ବନଦୁର୍ଗାୟୈ ନମଃ । ଧୂପମାଘ୍ରାପୟାମି ॥
ଅଥ ଦୀପଃ ।
ପଟ୍ଟସୂତ୍ରୋଲ୍ଲସଦ୍ୱର୍ତି ଗୋଘୃତେନ ସମନ୍ୱିତମ୍ ।
ଦୀପଂ ଜ୍ଞାନପ୍ରଦଂ ଦେବି ଗୃହାଣ ପରମେଶ୍ୱରୀ ॥
ଶ୍ରୀ ବନଦୁର୍ଗାୟୈ ନମଃ । ଦୀପଂ ଦର୍ଶୟାମି ॥
ଅଥ ନୈବେଦ୍ୟମ୍ ।
ଜୁଷାଣ ଦେବି ନୈବେଦ୍ୟଂ ନାନାଭକ୍ଷ୍ୟୈଃ ସମନ୍ୱିତମ୍ ।
ପରମାନ୍ନଂ ମୟା ଦତ୍ତଂ ସର୍ୱାଭୀଷ୍ଟଂ ପ୍ରୟଚ୍ଛ ମେ ॥
ଶ୍ରୀ ବନଦୁର୍ଗାୟୈ ନମଃ । ମହାନୈବେଦ୍ୟଂ ସମର୍ପୟାମି ॥
ଅଥ ପାନୀୟମ୍ ।
ଗଙ୍ଗାଦିସଲିଲୋଦ୍ଭୂତଂ ପାନୀୟଂ ପାବନଂ ଶୁଭମ୍ ।
ସ୍ୱାଦୂଦକଂ ମୟା ଦତ୍ତଂ ଗୃହାଣ ପରମେଶ୍ୱରୀ ॥
ଶ୍ରୀ ବନଦୁର୍ଗାୟୈ ନମଃ । ଅମୃତପାନୀୟଂ ସମର୍ପୟାମି ॥
ଅଥ ତାମ୍ବୂଲମ୍ ।
ପୂଗୀଫଲସମାୟୁକ୍ତଂ ନାଗବଲ୍ଲୀଦଲୈର୍ୟୁତମ୍ ।
କର୍ପୂରଚୂର୍ଣସଂୟୁକ୍ତଂ ତାମ୍ବୂଲଂ ପ୍ରତିଗୃହ୍ୟତାମ୍ ॥
ଶ୍ରୀ ବନଦୁର୍ଗାୟୈ ନମଃ । ତାମ୍ବୂଲଂ ସମର୍ପୟାମି ॥
ଅଥ ନୀରାଜନମ୍ ।
ପଟ୍ଟିସୂତ୍ରବିଚିତ୍ରାଢ୍ୟୈଃ ପ୍ରଭାମଣ୍ଡଲମଣ୍ଡିତୈଃ ।
ଦୀପୈର୍ନୀରାଜୟେ ଦେବୀଂ ପ୍ରଣବାଦ୍ୟୈଶ୍ଚ ନାମଭିଃ ॥
ଶ୍ରୀ ବନଦୁର୍ଗାୟୈ ନମଃ । ଦିବ୍ୟମଙ୍ଗଲନୀରାଜନଂ ସମର୍ପୟାମି ॥
🔴ଅଥ ମନ୍ତ୍ରପୁଷ୍ପମ୍ ।
ଗନ୍ଧପୁଷ୍ପାକ୍ଷତୈର୍ୟୁକ୍ତମଞ୍ଜଲୀକରପୂରକୈଃ ।
ମହାଲକ୍ଷ୍ମି ନମସ୍ତେଽସ୍ତୁ ମନ୍ତ୍ରପୁଷ୍ପଂ ଗୃହାଣ ଭୋ ॥
ଶ୍ରୀ ବନଦୁର୍ଗାୟୈ ନମଃ । ବେଦୋକ୍ତ ମନ୍ତ୍ରପୁଷ୍ପଂ ସମର୍ପୟାମି ॥
ଅଥ ପ୍ରଦକ୍ଷିଣନମସ୍କାରଃ ।
ମହାଦୁର୍ଗେ ନମସ୍ତେଽସ୍ତୁ ସର୍ୱେଷ୍ଟଫଲଦାୟିନି ।
ପ୍ରଦକ୍ଷିଣାଂ କରୋମି ତ୍ୱାଂ ପ୍ରୀୟତାଂ ଶିବବଲ୍ଲଭେ ॥
ଶ୍ରୀ ବନଦୁର୍ଗାୟୈ ନମଃ । ପ୍ରଦକ୍ଷିଣନମସ୍କାରାନ୍ ସମର୍ପୟାମି ॥
🔴ଅଥ ପ୍ରସନ୍ନାର୍ଘ୍ୟମ୍ ।
ସର୍ୱସ୍ୱରୂପେ ସର୍ୱେଶେ ସର୍ୱଶକ୍ତିସମନ୍ୱିତେ ।
ବିଲ୍ୱାର୍ଘ୍ୟଂ ଚ ମୟା ଦତ୍ତଂ ଦେବେଶି ପ୍ରତିଗୃହ୍ୟତାମ୍ ॥ ୧॥
ଜ୍ଞାନେଶ୍ୱରି ଗୃହାଣେଦଂ ସର୍ୱସୌଖ୍ୟବିବର୍ଧିନି ।
ଗୃହାଣାର୍ଘ୍ୟଂ ମୟା ଦତ୍ତଂ ଦେବେଶି ବରଦା ଭବ ॥ ୨॥
ଶ୍ରୀ ବନଦୁର୍ଗାୟୈ ନମଃ । ବିଲ୍ୱପତ୍ରାର୍ଘ୍ୟଂ ସମର୍ପୟାମି ॥
🔴ଅଥ ପ୍ରାର୍ଥନା ।
ନ ଧ୍ୟାତଂ ତବ ଚାସ୍ୟମମ୍ବ ରୁଚିରଂ ଚେତସ୍ସମାକର୍ଷଣଂ,
ନୋ ମନ୍ତ୍ରସ୍ତବ ଦେବି ନିର୍ଜନବନେ ସ୍ଥିତ୍ୱା ପ୍ରଜପ୍ତୋ ମୟା ।
ନୋ ପୂଜା ହ୍ୟପି ବେଦଶାସ୍ତ୍ରବିହିତା ପଞ୍ଚାମୃତାଦ୍ୟୈଃ କୃତା,
ଲୋକେ କେବଲମେବ ଦେବି ଶରଣଂ ମାତସ୍ତ୍ୱମେକାସ୍ତି ମେ ॥
ଦେବି ଦେହି ପରଂ ରୂପଂ ଦେବି ଦେହି ପରଂ ସୁଖମ୍ ।
ଧର୍ମଂ ଦେହି ଧନଂ ଦେହି ସର୍ୱକାମାଂଶ୍ଚ ଦେହି ମେ ॥
ସୁପୁତ୍ରାଂଶ୍ଚ ପଶୂନ୍ କୋଶାନ୍ ସୁକ୍ଷେତ୍ରାଣି ସୁଖାନି ଚ ।
ଦେବି ଦେହି ପରଂ ଜ୍ଞାନମିହ ମୁକ୍ତି ସୁଖଂ କୁରୁ ॥
ଅପରାଧ ସହସ୍ରାଣି କ୍ରିୟନ୍ତେଽହର୍ନିଶଂ ମୟା ।
ଦାସୋଽୟମିତି ମାଂ ମତ୍ୱା କ୍ଷମସ୍ୱ ପରମେଶ୍ୱରି ॥
ଆବାହନଂ ନ ଜାନାମି ନ ଜାନାମି ବିସର୍ଜନମ୍ ।
ପୂଜାବିଧିଂ ନ ଜାନାମି କ୍ଷମସ୍ୱ ପରମେଶ୍ୱରି ॥
ଅପରାଧଶତଂ କୃତ୍ୱା ଜଗଦମ୍ବେତି ଚୋଚ୍ଚରେତ୍ ।
ଯାଂ ଗତିଂ ସମବାପ୍ନୋତି ନତାଂ ବ୍ରହ୍ମାଦୟଃ ସୁରାଃ ॥
ସାପରାଧୋଽସ୍ମି ଶରଣଂ ପ୍ରାପ୍ତସ୍ତ୍ୱାଂ ଜଗଦମ୍ବିକେ ।
ଇଦାନୀମନୁକମ୍ପ୍ୟୋଽହଂ ଯଥେଚ୍ଛସି ତଥା କୁରୁ ॥
ଅଜ୍ଞାନାଦ୍ୱିସ୍ମୃତେର୍ଭ୍ରାନ୍ତ୍ୟା ଯନ୍ନ୍ୟୂନମଧିକଂ କୃତମ୍ ।
ତତ୍ସର୍ୱଂ କ୍ଷମ୍ୟତାଂ ଦେବି ପ୍ରସୀଦ ପରମେଶ୍ୱରି ॥
କାମେଶ୍ୱରି ଜଗନ୍ମାତଃ ସଚ୍ଚିଦାନନ୍ଦବିଗ୍ରହେ ।
ଗୃହାଣାର୍ଚାମିମାଂ ପ୍ରୀତ୍ୟା ପ୍ରସୀଦ ପରମେଶ୍ୱରି ॥
ପ୍ରସୀଦତାଂ ଜାତବେଦା ଦୁର୍ଗା ଚ ବରଦା ମମ ।
ତୟୋଃ ପ୍ରସାଦାତ୍ସର୍ୱତ୍ର ବାଞ୍ଛିତଂ ମମ ସିଦ୍ଧ୍ୟତାତ୍ ॥
ପ୍ରୀୟତାଂ ଜାତବେଦୋଽଗ୍ନିଃ ସଫଲଂ ଚାସ୍ତୁ ମେ ବ୍ରତମ୍ ।
ମନ୍ତ୍ରୋଽୟଂ ଫଲତାଂ ଶୀଘ୍ରଂ ସିଦ୍ଧିଶ୍ଚୈବାସ୍ତୁ ଶାଶ୍ୱତୀ ॥ ଇତି ॥
ଶ୍ରୀ ବନଦୁର୍ଗାୟୈ ନମଃ । ପ୍ରାର୍ଥନାଂ ସମର୍ପୟାମି ॥
🔴ଅଥ ପୁରଶ୍ଚରଣମ୍ ।
ସୌବର୍ଣାମ୍ବୁଜମଧ୍ୟଗାଂ ତ୍ରିଣୟନାଂ ସୌଦାମିନୀ ସନ୍ନିଭାଂ
ଚକ୍ରଂ ଶଙ୍ଖବରାଭୟାନି ଦଧତୀମିନ୍ଦୋଃ କଲାଂ ବିଭ୍ରତୀମ୍ ।
ଗ୍ରୈବେୟାଙ୍ଗଦହାରକୁଣ୍ଡଲଧରାମାଖଣ୍ଡଲାଦ୍ୟୈସ୍ତୁତାଂ
ଧ୍ୟାୟେଦ୍ୱିନ୍ଧ୍ୟନିବାସିନୀଂ ଶଶିମୁଖୀଂ ପାର୍ଶ୍ୱସ୍ଥପଞ୍ଚାନନାମ୍ ॥
ଏବଂ ଧ୍ୟାତ୍ୱା ଜପେଲ୍ଲକ୍ଷଂ ଚତୁଷ୍କଂ ତଦ୍ଦଶାଂଶତଃ ।
ଜୁହୁୟାଦ୍ଧବିଷା ମନ୍ତ୍ରୀ ଶାଲୀଭିଃ ସର୍ପିଷା ତିଲୈଃ ॥ ଇତି ॥
🔴ତତ୍ର ପ୍ରୟୋଗାଃ ॥
୧ ଚତୁର୍ଲକ୍ଷଂ ଜପଃ ବ୍ରୀହିତିଲାଜ୍ୟହବିର୍ଭିର୍ଦଶାଂଶଂ ପୁରଶ୍ଚରଣହୋମଃ ।
୨ ସ୍ନାତ୍ୱାର୍କାଭିମୁଖସ୍ସନ୍ନାଭିଦ୍ୱୟସେଽମ୍ଭସି ସ୍ଥିତୋ ମନ୍ତ୍ରୀ ଅଷ୍ଟୋର୍ଧ୍ୱଶତଂ
ପ୍ରଜପେନ୍ନିଜ-ବାଞ୍ଚ୍ଛିତସିଦ୍ଧୟେ ଚ ଲକ୍ଷ୍ମ୍ୟୈ ।
୩ ଅୟୁତଂ ତିଲବନୋତ୍ଥୈଃ ରାଜୀଭିର୍ୱା ହୁନେତ୍ସମିଦ୍ଭିର୍ୱା
ମାୟୂରିକୀଭିରଚିରାତ୍ସୋଽପସ୍ମାରାଦିକାଂଶ୍ଚ ନାଶୟତି ।
୪ ଜୁହୁୟାଦ୍ରୋହିଣସମିଧାମୟୁତଂ ମନ୍ତ୍ରୀ ପୁନସ୍ସଶୁଙ୍ଗାନାଂ ସର୍ୱାପଦାଂ ବିମୁକ୍ତ୍ୟୈ
ସର୍ୱସମୃଦ୍ଧ୍ୟୈ ଗ୍ରହାଦିଶାନ୍ତ୍ୟୈ ଚ ।
୫ ଜପେଲ୍ଲକ୍ଷଚତୁଷ୍କଂ ଜୁହୁୟାଦ୍ଧବିଷା ମନ୍ତ୍ରୀ ଗାଲିଭିସ୍ସର୍ପିଷା ତିଲୈଃ ॥ ଇତି ॥
🔴ଅଥ ଶ୍ରୀରୁଦ୍ରଚଣ୍ଡୀ କବଚମ୍ ॥
ଶ୍ରୀକାର୍ତିକେୟ ଉବାଚ ।
କବଚଂ ଚଣ୍ଡିକାଦେବ୍ୟାଃ ଶ୍ରୋତୁମିଚ୍ଛାମି ତେ ଶିବ! ।
ଯଦି ତେଽସ୍ତି କୃପା ନାଥ! କଥୟସ୍ୱ ଜଗତ୍ପ୍ରଭୋ ! ॥ ୧॥
ଶ୍ରୀଶିବ ଉବାଚ ।
ଶୃଣୁ ବତ୍ସ ! ପ୍ରବକ୍ଷ୍ୟାମି ଚଣ୍ଡିକାକବଚଂ ଶୁଭମ୍ ।
ଭୁକ୍ତିମୁକ୍ତିପ୍ରଦାତାରମାୟୁଷ୍ୟଂ ସର୍ୱକାମଦମ୍ ॥ ୨॥
ଦୁର୍ଲଭଂ ସର୍ୱଦେବାନାଂ ସର୍ୱପାପନିବାରଣମ୍ ।
ମନ୍ତ୍ରସିଦ୍ଧିକରଂ ପୁଂସାଂ ଜ୍ଞାନସିଦ୍ଧିକରଂ ପରମ୍ ॥ ୩॥
ଶ୍ରୀରୁଦ୍ର ଚଣ୍ଡିକାକବଚସ୍ୟ ଶ୍ରୀଭୈରବ ଋଷିଃ, ଅନୁଷ୍ଟୁପ୍ଛନ୍ଦଃ,
ଶ୍ରୀଚଣ୍ଡିକା ଦେବତା, ଚତୁର୍ୱର୍ଗଫଲପ୍ରାପ୍ତ୍ୟର୍ଥଂ ପାଠେ ବିନିୟୋଗଃ ॥
ଅଥ କବଚସ୍ତୋତ୍ରମ୍ ।
ଚଣ୍ଡିକା ମେଽଗ୍ରତଃ ପାତୁ ଆଗ୍ନେୟ୍ୟାଂ ଭବସୁନ୍ଦରୀ ।
ଯାମ୍ୟାଂ ପାତୁ ମହାଦେବୀ ନୈଋତ୍ୟାଂ ପାତୁ ପାର୍ୱତୀ ॥ ୧॥
ବାରୁଣେ ଚଣ୍ଡିକା ପାତୁ ଚାମୁଣ୍ଡା ପାତୁ ବାୟବେ ।
ଉତ୍ତରେ ଭୈରବୀ ପାତୁ ଈଶାନେ ପାତୁ ଶଙ୍କରୀ ॥ ୨॥
ପୂର୍ୱେ ପାତୁ ଶିବା ଦେବୀ ଊର୍ଧ୍ୱେ ପାତୁ ମହେଶ୍ୱରୀ ।
ଅଧଃ ପାତୁ ସଦାଽନନ୍ତା ମୂଲାଧାର ନିବାସିନୀ ॥ ୩॥
ମୂର୍ଧ୍ନି ପାତୁ ମହାଦେବୀ ଲଲାଟେ ଚ ମହେଶ୍ୱରୀ ।
କଣ୍ଠେ କୋଟୀଶ୍ୱରୀ ପାତୁ ହୃଦୟେ ନଲକୂବରୀ ॥ ୪॥
ନାଭୌ କଟିପ୍ରଦେଶେ ଚ ପାୟାଲ୍ଲମ୍ବୋଦରୀ ସଦା ।
ଊର୍ୱୋର୍ଜାନ୍ୱୋଃ ସଦା ପାୟାତ୍ ତ୍ୱଚଂ ମେ ମଦଲାଲସା ॥ ୫॥
ଊର୍ଧ୍ୱେ ପାର୍ଶ୍ୱେ ସଦା ପାତୁ ଭବାନୀ ଭକ୍ତବତ୍ସଲା ।
ପାଦୟୋଃ ପାତୁ ମାମୀଶା ସର୍ୱାଙ୍ଗେ ବିଜୟା ସଦା ॥ ୬॥
ରକ୍ତ ମାଂସେ ମହାମାୟା ତ୍ୱଚି ମାଂ ପାତୁ ଲାଲସା ।
ଶୁକ୍ରମଜ୍ଜାସ୍ଥିସଙ୍ଘେଷୁ ଗୁହ୍ୟଂ ମେ ଭୁବନେଶ୍ୱରୀ ॥ ୭॥
ଊର୍ଧ୍ୱକେଶୀ ସଦା ପାୟାନ୍ ନାଡୀ ସର୍ୱାଙ୍ଗସନ୍ଧିଷୁ ।
ଓଁ ଐଂ ଐଂ ହ୍ରୀଂ ହ୍ରୀଂ ଚାମୁଣ୍ଡେ ସ୍ୱାହାମନ୍ତ୍ରସ୍ୱରୂପିଣୀ ॥ ୮॥
ଆତ୍ମାନଂ ମେ ସଦା ପାୟାତ୍ ସିଦ୍ଧବିଦ୍ୟା ଦଶାକ୍ଷରୀ ।
ଇତ୍ୟେତତ୍ କବଚଂ ଦେବ୍ୟାଶ୍ଚଣ୍ଡିକାୟାଃ ଶୁଭାବହମ୍ ॥ ୯॥
ଅଥଫଲଶ୍ରୁତିଃ ।
ଗୋପନୀୟଂ ପ୍ରୟତ୍ନେନ କବଚଂ ସର୍ୱସିଦ୍ଧିଦମ୍ ।
ସର୍ୱରକ୍ଷାକରଂ ଧନ୍ୟଂ ନ ଦେୟଂ ଯସ୍ୟ କସ୍ୟଚିତ୍ ॥ ୧୦॥
ଅଜ୍ଞାତ୍ୱା କବଚଂ ଦେବ୍ୟା ଯଃ ପଠେତ୍ ସ୍ତବମୁତ୍ତମମ୍ ।
ନ ତସ୍ୟ ଜାୟତେ ସିଦ୍ଧିର୍ବହୁଧା ପଠନେନ ଚ ॥ ୧୧॥
ଧୃତ୍ୱୈତତ୍ କବଚଂ ଦେବ୍ୟା ଦିବ୍ୟଦେହଧରୋ ଭବେତ୍ ।
ଅଧିକାରୀ ଭବେଦେତଚ୍ଚଣ୍ଡୀପାଠେନ ସାଧକଃ ॥ ୧୨॥
ଇତି ଶ୍ରୀରୁଦ୍ରୟାମଲତନ୍ତ୍ରେ ଶ୍ରୀଶିବକାର୍ତିକେୟସଂବାଦେ ରୁଦ୍ରଚଣ୍ଡୀକବଚଂ ସମ୍ପୂର୍ଣମ୍ ॥
🔴ଅଥ ବନଦୁର୍ଗାଷ୍ଟୋତ୍ତରଶତନାମ ସ୍ତୋତ୍ରମ୍ ॥🔴
ଅସ୍ୟଶ୍ରୀ ଦୁର୍ଗାଷ୍ଟୋତ୍ତରଶତନାମାସ୍ତୋତ୍ରମାଲାମନ୍ତ୍ରସ୍ୟ,
ବ୍ରହ୍ମାବିଷ୍ଣୁମହେଶ୍ୱରାଃ ଋଷୟଃ, ଅନୁଷ୍ଟୁପ୍ଛନ୍ଦଃ,
ଶ୍ରୀଦୁର୍ଗାପରମେଶ୍ୱରୀ ଦେବତା । ହ୍ରାଂ ବୀଜଂ, ହ୍ରୀଂ ଶକ୍ତିଃ, ହ୍ରୂଂ କୀଲକମ୍ ।ସର୍ୱାଭୀଷ୍ଟସିଧ୍ୟର୍ଥେ ଜପେ ବିନିୟୋଗଃ ॥
ଓଁ ସତ୍ୟା ସାଧ୍ୟା ଭବପ୍ରୀତା ଭବାନୀ ଭବମୋଚନୀ ।
ଆର୍ୟା ଦୁର୍ଗା ଜୟା ଚାଧ୍ୟା ତ୍ରିଣେତ୍ରାଶୂଲଧାରିଣୀ ॥
ପିନାକଧାରିଣୀ ଚିତ୍ରା ଚଣ୍ଡଘଣ୍ଟା ମହାତପାଃ ।
ମନୋ ବୁଦ୍ଧି ରହଙ୍କାରା ଚିଦ୍ରୂପା ଚ ଚିଦାକୃତିଃ ॥
ଅନନ୍ତା ଭାବିନୀ ଭବ୍ୟା ହ୍ୟଭବ୍ୟା ଚ ସଦାଗତିଃ ।
ଶାମ୍ଭବୀ ଦେବମାତା ଚ ଚିନ୍ତା ରତ୍ନପ୍ରିୟା ତଥା ॥
ସର୍ୱବିଦ୍ୟା ଦକ୍ଷକନ୍ୟା ଦକ୍ଷୟଜ୍ଞବିନାଶିନୀ ।
ଅପର୍ଣାଽନେକବର୍ଣା ଚ ପାଟଲା ପାଟଲାବତୀ ॥
ପଟ୍ଟାମ୍ବରପରୀଧାନା କଲମଞ୍ଜୀରରଞ୍ଜିନୀ ।
ଈଶାନୀ ଚ ମହାରାଜ୍ଞୀ ହ୍ୟପ୍ରମେୟପରାକ୍ରମା ।
ରୁଦ୍ରାଣୀ କ୍ରୂରରୂପା ଚ ସୁନ୍ଦରୀ ସୁରସୁନ୍ଦରୀ ॥
ବନଦୁର୍ଗା ଚ ମାତଙ୍ଗୀ ମତଙ୍ଗମୁନିକନ୍ୟକା ।
ବ୍ରାମ୍ହୀ ମାହେଶ୍ୱରୀ ଚୈନ୍ଦ୍ରୀ କୌମାରୀ ବୈଷ୍ଣବୀ ତଥା ॥
ଚାମୁଣ୍ଡା ଚୈବ ବାରାହୀ ଲକ୍ଷ୍ମୀଶ୍ଚ ପୁରୁଷାକୃତିଃ ।
ବିମଲା ଜ୍ଞାନରୂପା ଚ କ୍ରିୟା ନିତ୍ୟା ଚ ବୁଦ୍ଧିଦା ॥
ବହୁଲା ବହୁଲପ୍ରେମା ମହିଷାସୁରମର୍ଦିନୀ ।
ମଧୁକୈଠଭ ହନ୍ତ୍ରୀ ଚ ଚଣ୍ଡମୁଣ୍ଡବିନାଶିନୀ ॥
ସର୍ୱଶାସ୍ତ୍ରମୟୀ ଚୈବ ସର୍ୱଧାନବଘାତିନୀ ।
ଅନେକଶସ୍ତ୍ରହସ୍ତା ଚ ସର୍ୱଶସ୍ତ୍ରାସ୍ତ୍ରଧାରିଣୀ ॥
ଭଦ୍ରକାଲୀ ସଦାକନ୍ୟା କୈଶୋରୀ ଯୁବତିର୍ୟତିଃ ।
ପ୍ରୌଢାଽପ୍ରୌଢା ବୃଦ୍ଧମାତା ଘୋରରୂପା ମହୋଦରୀ ॥
ବଲପ୍ରଦା ଘୋରରୂପା ମହୋତ୍ସାହା ମହାବଲା ।
ଅଗ୍ନିଜ୍ୱାଲା ରୌଦ୍ରମୁଖୀ କାଲାରାତ୍ରୀ ତପସ୍ୱିନୀ ॥
ନାରାୟଣୀ ମହାଦେବୀ ବିଷ୍ଣୁମାୟା ଶିବାତ୍ମିକା ।
ଶିବଦୂତୀ କରାଲୀ ଚ ହ୍ୟନନ୍ତା ପରମେଶ୍ୱରୀ ॥
କାତ୍ୟାୟନୀ ମହାବିଦ୍ୟା ମହାମେଧାସ୍ୱରୂପିଣୀ ।
ଗୌରୀ ସରସ୍ୱତୀ ଚୈବ ସାବିତ୍ରୀ ବ୍ରହ୍ମବାଦିନୀ ।
ସର୍ୱତତ୍ତ୍ୱୈକନିଲୟା ବେଦମନ୍ତ୍ରସ୍ୱରୂପିଣୀ ॥
ଇଦଂ ସ୍ତୋତ୍ରଂ ମହାଦେବ୍ୟାଃ ନାମ୍ନାଂ ଅଷ୍ଟୋତ୍ତରଂ ଶତମ୍ ।
ଯଃ ପଠେତ୍ ପ୍ରୟତୋ ନିତ୍ୟଂ ଭକ୍ତିଭାବେନ ଚେତସା ।
ଶତ୍ରୁଭ୍ୟୋ ନ ଭୟଂ ତସ୍ୟ ତସ୍ୟ ଶତ୍ରୁକ୍ଷୟଂ ଭବେତ୍ ।
ସର୍ୱଦୁଃଖଦରିଦ୍ରାଚ୍ଚ ସୁସୁଖଂ ମୁଚ୍ୟତେ ଧ୍ରୁବମ୍ ॥
ବିଦ୍ୟାର୍ଥୀ ଲଭତେ ବିଦ୍ୟାଂ ଧନାର୍ଥୀ ଲଭତେ ଧନମ୍ ।
କନ୍ୟାର୍ଥୀ ଲଭତେ କନ୍ୟାଂ କନ୍ୟା ଚ ଲଭତେ ବରମ୍ ॥
ଋଣୀ ଋଣାତ୍ ବିମୁଚ୍ୟେତ ହ୍ୟପୁତ୍ରୋ ଲଭତେ ସୁତମ୍ ।
ରୋଗାଦ୍ୱିମୁଚ୍ୟତେ ରୋଗୀ ସୁଖମତ୍ୟନ୍ତମଶ୍ନୁତେ ॥
ଭୂମିଲାଭୋ ଭବେତ୍ତସ୍ୟ ସର୍ୱତ୍ର ବିଜୟୀ ଭବେତ୍ ।
ସର୍ୱାନ୍କାମାନବାପ୍ନୋତି ମହାଦେବୀପ୍ରସାଦତଃ ॥
କୁଙ୍କୁମୈଃ ବିଲ୍ୱପତ୍ରୈଶ୍ଚ ସୁଗନ୍ଧୈଃ ରକ୍ତପୁଷ୍ପକୈଃ ।
ରକ୍ତପତ୍ରୈର୍ୱିଶେଷେଣ ପୂଜୟନ୍ଭଦ୍ରମଶ୍ନୁତେ ॥ ଇତି ॥
🔴॥ ଦୁର୍ଗା ଆପଦୁଦ୍ଧାରାଷ୍ଟକମ୍ ॥🔴
ନମସ୍ତେ ଶରଣ୍ୟେ ଶିବେ ସାନୁକମ୍ପେ ନମସ୍ତେ ଜଗଦ୍ୱ୍ୟାପିକେ ବିଶ୍ୱରୂପେ ।
ନମସ୍ତେ ଜଗଦ୍ୱନ୍ଦ୍ୟପାଦାରବିନ୍ଦେ ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୧॥
ନମସ୍ତେ ଜଗଚ୍ଚିନ୍ତ୍ୟମାନସ୍ୱରୂପେ ନମସ୍ତେ ମହାୟୋଗିବିଜ୍ଞାନରୂପେ ।
ନମସ୍ତେ ନମସ୍ତେ ସଦାନନ୍ଦ ରୂପେ ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୨॥
ଅନାଥସ୍ୟ ଦୀନସ୍ୟ ତୃଷ୍ଣାତୁରସ୍ୟ ଭୟାର୍ତସ୍ୟ ଭୀତସ୍ୟ ବଦ୍ଧସ୍ୟ ଜନ୍ତୋଃ ।
ତ୍ୱମେକା ଗତିର୍ଦେବି ନିସ୍ତାରକର୍ତ୍ରୀ ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୩॥
ଅରଣ୍ୟେ ରଣେ ଦାରୁଣେ ଶୁତ୍ରୁମଧ୍ୟେ ଜଲେ ସଙ୍କଟେ ରାଜଗ୍ରେହେ ପ୍ରବାତେ ।
ତ୍ୱମେକା ଗତିର୍ଦେବି ନିସ୍ତାର ହେତୁର୍ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୪॥
ଅପାରେ ମହଦୁସ୍ତରେଽତ୍ୟନ୍ତଘୋରେ ବିପତ୍ ସାଗରେ ମଜ୍ଜତାଂ ଦେହଭାଜାମ୍ ।
ତ୍ୱମେକା ଗତିର୍ଦେବି ନିସ୍ତାରନୌକା ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୫॥
ନମଶ୍ଚଣ୍ଡିକେ ଚଣ୍ଡୋର୍ଦଣ୍ଡଲୀଲାସମୁତ୍ଖଣ୍ଡିତା ଖଣ୍ଡଲାଶେଷଶତ୍ରୋଃ ।
ତ୍ୱମେକା ଗତିର୍ୱିଘ୍ନସନ୍ଦୋହହର୍ତ୍ରୀ ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୬॥
ତ୍ୱମେକା ସଦାରାଧିତା ସତ୍ୟବାଦିନ୍ୟନେକାଖିଲା କ୍ରୋଧନା କ୍ରୋଧନିଷ୍ଠା ।
ଇଡା ପିଙ୍ଗଲା ତ୍ୱଂ ସୁଷୁମ୍ନା ଚ ନାଡୀ ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୭॥
ନମୋ ଦେବି ଦୁର୍ଗେ ଶିବେ ଭୀମନାଦେ ସଦାସର୍ୱସିଦ୍ଧିପ୍ରଦାତୃସ୍ୱରୂପେ ।
ବିଭୂତିଃ ସତାଂ କାଲରାତ୍ରିସ୍ୱରୂପେ ନମସ୍ତେ ଜଗତ୍ତାରିଣି ତ୍ରାହି ଦୁର୍ଗେ ॥ ୮॥
ଶରଣମସି ସୁରାଣାଂ ସିଦ୍ଧବିଦ୍ୟାଧରାଣାଂ ମୁନିଦନୁଜବରାଣାଂ ବ୍ୟାଧିଭିଃ ପୀଡିତାନାମ୍ ।
ନୃପତିଗୃହଗତାନାଂ ଦସ୍ୟୁଭିସ୍ତ୍ରାସିତାନାଂ ତ୍ୱମସି ଶରଣମେକା ଦେବି ଦୁର୍ଗେ ପ୍ରସୀଦ ॥ ୯॥
॥ ଇତି ସିଦ୍ଧେଶ୍ୱରତନ୍ତ୍ରେ ହରଗୌରୀସଂବାଦେ ଆପଦୁଦ୍ଧାରାଷ୍ଟକସ୍ତୋତ୍ରଂ ସମ୍ପୂର୍ଣମ୍ ॥
Comments
Post a Comment