🏠 ଗୃହ ପ୍ରବେଶ ବିଷୟକ ସଂକ୍ଷିପ୍ତ ବିଚାର

 🏠🏠 ଗୃହ ପ୍ରବେଶ ବିଷୟକ ସଂକ୍ଷିପ୍ତ ବିଚାର  🏠🏠

➖➖➖➖➖➖➖➖➖➖➖➖

       💥.।। ଶ୍ରୀହରିଃ ।। 💥

ଅକପାଟମନାଚ୍ଛନ୍ନମଦତ୍ତବଳିଭୋଜନମ୍, 

ଗୃହଂ  ନ ପ୍ରବିଶେଦେବଂ ବିପଦାମାକରଂ ହି ତତ୍।   

     🔴   ଯେଉଁଘରେ  କବାଟ  ଲାଗିନଥିବ,  ଛାତ ପଡିନଥିବ, ବଳି ଓ ବ୍ରାହ୍ମଣ ଭୋଜନ ଦିଆହୋଇ ନ ଥିବ  ସେହିପରି ଗୃହରେ ପ୍ରବେଶ କରିବା ଉଚିତ୍ ନୁହେଁ।  ସେହିପରି ଗୃହ ବିପଦର  ଭଣ୍ଡାର ଅଟେ। ସେହିପରି ଗୃହରେ ପ୍ରବେଶ କରିବା ନିଷେଧ ଅଟେ  ।

ବଧୂପ୍ରବେଶୋ ନ ଦିବା ପ୍ରଶସ୍ତଃ

          ରାଜପ୍ରବେଶୋ ନ ନିଶି ପ୍ରଶସ୍ତଃ ,

ଦିବା ଚ ରାତ୍ରୌ ଚ ଗୃହପ୍ରବେଶଃ 

            ସତ୍କର୍ତ୍ତିଦଃସ୍ଯାତ୍ତ୍ରିବିଧଃ ପ୍ରବେଶଃ। 

       ଦିବସରେ ନବବଧୁ ପ୍ରବେଶ ଓ   ଯୁଦ୍ଧରେ ଜୟ ଲାଭ କରି ରାତ୍ରିରେ ରାଜା ନଗରରେ  ପ୍ରବେଶ କରିବା  ଅଶୁଭ ଅଟେ,  କିନ୍ତୁ  ଦିବସ ଓ ରାତ୍ରି ଓ  ଦିବସ ଉଭୟ ସମୟରେ ଗୃହପ୍ରବେଶ ଶୁଭପ୍ରଦ ହୋଇଥାଏ। 

🟢🟣  ଗୃହପ୍ରବେଶ ରେ ସମୟ ନିରୂପଣ 

ଆଦୌ ସୌମ୍ୟାୟନେ କାର୍ଯ୍ୟଂ ନବବାସ୍ତୁ ପ୍ରବେଶନମ୍, 

ରାଜ୍ଞା ଯାତ୍ରାନିବୃତ୍ତୌ ଚ ଯଦ୍ ବା ଦ୍ବନ୍ଦପ୍ରବେଶନମ୍। 

       ନୂତନ ଗୃହ ପ୍ରବେଶ ଉତ୍ତରାୟଣ ରେ ଅତ୍ୟନ୍ତ ଶୁଭପ୍ରଦ। ଯାତ୍ରା ନିବୃତ୍ତ ରାଜାଙ୍କର ଗୃହ ପ୍ରବେଶମଧ୍ୟ ଉତ୍ତରାୟଣ ରେ ଶୁଭ ।  ଉଭୟ ପ୍ରବେଶ ମଧ୍ୟ ଉତ୍ତରାୟଣରେ ଅତ୍ୟନ୍ତ ଶୁଭଦାୟକ। 

ବିଧାୟ ପୂର୍ବଦିବସେ ବାସ୍ତୁପୂଜାବଳିକ୍ରୟାମ୍ 

ମାଘଫାଲ୍ଗୁନବୈଶାଖ ଜ୍ୟେଷ୍ଠମାସେଷୁ ଶୋଭନଃ ।

ପ୍ରବେଶୋ ମଧ୍ୟମୋ ଜ୍ଞେୟଃ ସୌମ୍ୟକାର୍ତ୍ତିକମାସୟୋଃ 

ପ୍ରବେଶେ ନିର୍ଣୟଃ ପ୍ରୋକ୍ତଃ  ଶାସ୍ତ୍ରଜ୍ଞୈଃ ପୂର୍ବସୂରିଭିଃ। 

ଗୃହାରମ୍ଭୋଦିତେ ମାସେ ଧିଷ୍ଣ୍ୟେ ବାରେ ବିଶେଦ୍ ଗୃହମ୍ 

ବିଶେତ୍ ସୌମ୍ୟାୟନେ ହର୍ମ୍ୟଂ ତୃଣାଗାରେ ତୁ ସର୍ବଦା  ।

       🔴  ଗୃହ ପ୍ରବେଶର ପୂର୍ବଦିବସରେ ବିଧିବଦ୍ଧ ଭାବରେ ବାସ୍ତୁ ପୂଜା ଓ ବଳି  ଇତ୍ୟାଦି କର୍ମ ସମ୍ପାଦନ କରି  ମାଘ -ଫାଲ୍ଗୁନ -ବୈଶାଖ -ଜ୍ୟେଷ୍ଠ ମାସରେ , ଅନୁକୂଳ ଯୋଗରେ ଗୃହପ୍ରବେଶ ଶୁଭପ୍ରଦ ହୋଇଥାଏ। କାର୍ତ୍ତିକ ଓ ମାର୍ଗଶୀର ମାସରେ ମଧ୍ୟମ ଫଳ ଦାୟକ ବୋଲି ପୂର୍ବସୂରୀ ଓ ଶାସ୍ତ୍ରଜ୍ଞମାନେ  କହିଛନ୍ତି।    ଗୃହ ପ୍ରବେଶ ନିମିତ୍ତ କୁହାଯାଇଥିବା  ତିଥି, ବାର, ନକ୍ଷତ୍ର ଇଟା, ପଥର, ମାଟି, ସିମେଣ୍ଟ ଘର ପାଇଁ  ପ୍ରଯୁଜ୍ୟ ଓ ଏହା ଉତ୍ତରାୟଣରେ ଅତ୍ୟନ୍ତ ଶୁଭପ୍ରଦ  । କିନ୍ତୁ  ତୃଣ ନିର୍ମିତ ଗୃହ ଯେକୌଣସି ଶୁଭ ସମୟରେ ପ୍ରବେଶ କରିହେବ। 

       🔴ଯେଉଁ ନକ୍ଷତ୍ରରେ ପାପଗ୍ରହଯୁକ୍ତ ହୋଇଥିବେ ବା ପାପଗ୍ରହ ଦ୍ଵାରା  ବିଦ୍ଧ ହୋଇଥିବେ ତାହା ଉପରୋକ୍ତ ତ୍ରିବିଧ ପ୍ରବେଶ ନିମିତ୍ତ ବର୍ଜନୀୟ । ସମସ୍ତ ପ୍ରକାରର ଅଭିବୃଦ୍ଧି ନିମନ୍ତେ ଶୁକ୍ଳ ପକ୍ଷରେ ପ୍ରବେଶ ଉତ୍ତମ । କୃଷ୍ଣ ପକ୍ଷରେ ୧୦ମୀ  ତିଥି ଠାରୁ  ପ୍ରବେଶ  ସର୍ବଥା  ନିଷିଦ୍ଧ ଅଟେ। 

🌹ଶୁଭଯୋଗ ବିଚାର 

ପୌଷ୍ଣ୍ୟେ ଧନିଷ୍ଠାସ୍ବଥ ବାରୁଣେଷୁ ସ୍ବାୟମ୍ଭୁବର୍କ୍ଷେଷୁ ତ୍ରିଷ୍ବତ୍ତରାଷୁ ,

ଅକ୍ଷୀଣଚନ୍ଦ୍ରେ ଶୁଭବାସରେ ଚ ତିଥାବରିକ୍ତେ ଚ ଗୃହପ୍ରବେଶଃ। 

ଶୁଭଃପ୍ରବେଶୋ ଦେବେଜ୍ୟଶୁକ୍ରୟୋର୍ଦଶ୍ୟମାନୟୋଃ ,

ବ୍ୟର୍କାରବାରତିଥିଷୁ ରିକ୍ତାମାବର୍ଜିତେଷୁ ଚ ।

ବସ୍ବୀଜ୍ୟାନ୍ତ୍ୟେନ୍ଦୁବରୁଣତ୍ବାଷ୍ଟ୍ରମିତ୍ରସ୍ଥିରୋଡୁଷୁ 

ଦିବା ବା ଯଦି ବା ରାତ୍ରୌ ପ୍ରବେଶୋ ମଙ୍ଗଳପ୍ରଦଃ  ।

       ରେବତୀ, ଧନିଷ୍ଠା, ଶତଭିଷା, ରୋହିଣୀ, ତିନି ଉତ୍ତରା,  କ୍ଷୀଣ ନ ହୋଇଥିବା ଚନ୍ଦ୍ରମା ଓ ରିକ୍ତା ବର୍ଜ୍ୟ ଅନ୍ୟ ସମସ୍ତ ତିଥିରେ ଗୃହପ୍ରବେଶ ମଙ୍ଗଳ ପ୍ରଦ ଅଟେ। 

            ବୃହସ୍ପତି ଓ ଶୁକ୍ର  ଉଦୟୀ ହୋଇଥିବେ, ରବି, ମଙ୍ଗଳ ଵାର ଓ ରିକ୍ତା ତିଥି ହୋଇ ନ ଥିବ, ଧନିଷ୍ଠା, ପୂଷ୍ୟା, ରେବତୀ, ମୃଗଶିରା, ଶତଭିଷା, ଚିତ୍ରା, ଅନୁରାଧା ଓ ତିନି ଉତ୍ତରା  ନକ୍ଷତ୍ରମାନଙ୍କରେ  ଦିବସ ଓ ରାତ୍ରି  ଉଭୟ ସମୟରେ ଗୃହ ପ୍ରବେଶ ଶୁଭପ୍ରଦ ହୋଇଥାଏ। 

🌹ଲଗ୍ନବିଚାର 

ମେଷେ ଯାନଂ ଘଟେ ବ୍ୟାଧିର୍ଧାନ୍ୟହାନିର୍ମୃଗେ ଗୃହମ୍ 

ବିଶତାଂ କର୍କଟେ ନାଶଃ ଶେଷଲଗ୍ନେଷୁ ଶୋଭନମ୍। 

ନିନ୍ଦିତା ଅପି ଶୁଭାଂଶସମେତାସ୍ତୌଳିମେଷମକରାଃ ସକୁଳୀରାଃ 

କର୍ତୃରୌପଚୟଗାଶ୍ଚ ବିଲଗ୍ନେରାଶୟଃ ଶୁଭଫଳାଶ୍ଚ ଭବନ୍ତି ।

        ମେଷ ଲଗ୍ନରେ  ଗୃହ ପ୍ରବେଶ କଲେ ସୁଖପ୍ରଦ ଓ ଶୁଭଯାତ୍ରା,  କୃମ୍ଭଲଗ୍ନରେ ରୋଗ, ମକରରେ ଧାନ୍ୟହାନି, କର୍କଟ ରେ  ନାଶ,  ଏହା ବ୍ୟତୀତ ଅନ୍ୟାନ୍ୟ ଲଗ୍ନରେ ଶୁଭପ୍ରଦ। 

          ନିନ୍ଦିତ ହେଲେ ମଧ୍ୟ ଯଦି ଶୁଭ ନବାଂଶ ଯୁକ୍ତ ହୋଇଥିଲେ ବା ମେଷ, ତୁଳା, ମକର, କର୍କଟ ରାଶି ଯଦି  ଗୃହପତିଙ୍କ ରାଶିଠାରୁ  ଉପଚୟ ହୋଇ ଲଗ୍ନରେ ଥିବେ ତେବେ ଗୃହପ୍ରବେଶ ଶୁଭାଵହ ହୋଇଥାଏ। 

ବ୍ୟାଧିହା ଧନହା ଚୈବ ବିତ୍ତଦୋ ବନ୍ଧୁନାଶକୃତ୍ 

ପୁତ୍ରହା ଶତ୍ରୁହା ସ୍ତ୍ରୀଘ୍ନଃ ପ୍ରାଣହା ପିଟକପ୍ରଦଃ। 

ସିଦ୍ଧିଦୋ ଧନଦଶ୍ଚୈବ ଭବତ୍ତଦ୍ ଜନ୍ମରାଶିଗଃ 

ଲଗ୍ନସ୍ଥଃ କ୍ରମଶୋ ରାଶିଃ ଜନ୍ମଲଗ୍ନାତ୍ ପ୍ରବେଶନେ। 

             ଜନ୍ମଲଗ୍ନ ଠାରୁ   ଦ୍ବାଦଶରାଶିସ୍ଥ ଲଗ୍ନ ଫଳଯଥା  - ଜନ୍ମ ଲଗ୍ନରେ ରୋଗ, ଦ୍ବିତୀୟ ରେ  ଧନରାଶି, ତୃତୀୟରେ ଧନଦ, ଚତୁର୍ଥ ରେ  ବନ୍ଧୁନାଶ,ପଞ୍ଚମରେ ପୁତ୍ରହାନି,  ଷଷ୍ଠରେ ଶତ୍ରୁନାଶ, ସପ୍ତମରେ ପତ୍ନୀ ନାଶ,  ଅଷ୍ଟମରେ  ପ୍ରାଣନାଶ, ନବମରେ ବ୍ରଣ ବିସ୍ଫୋଟକ,  ଦଶମରେ କାର୍ଯ୍ୟ ସିଦ୍ଧି,  ଏକାଦଶରେ ଧନପ୍ରାପ୍ତି ଓ ଦ୍ବାଦଶରେ ଅଶୁଭ  ଅଟେ  ।

କୃତ୍ବା ଶୁକ୍ରଂ ପୃଷ୍ଠତୋ ବାମତୋଽର୍କଂ 

ବିପ୍ରାନ୍ ପୂଜ୍ୟାନଗ୍ରତୋ ପୂର୍ଣ୍ଣକୁମ୍ଭାନ୍। 

ରମ୍ୟଂ ହର୍ମ୍ୟଂ ତୋରଣଂ ସ୍ରଗ୍- ବିତାନୈଃ 

ସମ୍ୟକ୍  ସ୍ତ୍ରୀଭିର୍ଗୀତବାଦ୍ୟୈର୍ବିଶେତତ୍। 

                  -   ଶ୍ରୀପତିଃ ।

                ଶୁକ୍ରଙ୍କୁ  ପୃଷ୍ଠ ଭାଗରେ  ଓ ରବି ଙ୍କୁ  ବାମଭାଗରେ ରଖି  ବ୍ରାହ୍ମଣମାନଙ୍କୁ ପୂଜାକରି  ପୂର୍ଣ୍ଣ କଳଶ କୁ ଆଗରେ ଧରି ଘରକୁ ତୋରଣ ,ବନ୍ଦନବାର,  ବିତାନ ଓ ପୁଷ୍ପମାଳାରେ ସୁସଜ୍ଜିତ କରି  ସ୍ତ୍ରୀମାନଙ୍କର ମଙ୍ଗଳଧ୍ବନି ( ବା ମଙ୍ଗଳ ଗୀତ ଗାନ)  ସହିତ ବିବିଧ ମଙ୍ଗଳ ବାଦ୍ୟ ଘୋଷ ପୂର୍ବକ  ଇଷ୍ଟ ମିତ୍ରାଦି ସହ ନୂତନ ଗୃହରେ ପ୍ରବେଶ କରିବା ଉତ୍ତମ। 

   👉  ଅଗ୍ରେଽମ୍ବୁ ପୂର୍ଣ୍ଣକଳଶଂ ଦ୍ବିଜାଶ୍ଚ କୃତ୍ଵା ବିଶେତ୍ ବେଶ୍ମମଧ୍ୟେ ଭକୂଟେଽଥ ଶୁଦ୍ଧେ। 

        

🏠🏠🏠🏠🏠🏠🏠🏠🏠🏠🏠