ଵିଭିନ୍ନରୂପଲକ୍ଷ୍ମୀଧ୍ୟାନପ୍ରକାରାଃ
🔴॥ ଵିଭିନ୍ନରୂପଲକ୍ଷ୍ମୀଧ୍ୟାନପ୍ରକାରାଃ ॥🔴
🌹ଶ୍ରୀଲକ୍ଷ୍ମୀନାରାୟଣ ଧ୍ୟାନମ୍ ।
କ୍ଷୀରାମ୍ଭୋନିଧିରତ୍ନମଣ୍ଡପମହାସୌଵର୍ଣସିଂହାସନେ ।
ଵାମାଙ୍କେ ସ୍ଥିତୟା ପ୍ରସନ୍ନଵଦନଂ ଶ୍ରୀକାନ୍ତୟାଽଽଲିଙ୍ଗିତମ୍ ॥
ଦୋର୍ଦଣ୍ଡାଙ୍କିତଶଙ୍ଖପଙ୍କଜଗଦାଚକ୍ରୈରୁଦାରଶ୍ରିୟମ୍ ।
ତ୍ଵାଂ ନିତ୍ୟଂ କଲୟାମି ଜନ୍ମଵିମୁଖଃ ଲକ୍ଷ୍ମୀଶ ନାରାୟଣ ॥
🌹ଦ୍ଵିଭୁଜାଲକ୍ଷ୍ମୀ - ହେମଵର୍ଣା ।
ହରେଃ ସମୀପେ କର୍ତଵ୍ୟା ଲକ୍ଷ୍ମୀସ୍ତୁ ଦ୍ଵିଭୁଜା ନୃପ ।
ଦିଵ୍ୟରୂପାମ୍ବୁଜକରା ସର୍ଵାଭରଣଭୂଷିତା ॥
🌹ଗଜଲକ୍ଷ୍ମୀ - ସ୍ଵର୍ଣଵର୍ଣା ।
ଲକ୍ଷ୍ମୀଃ ଶୁକ୍ଲାମ୍ବରା ଦେଵୀ ରୂପେଣାପ୍ରତିମା ଭୁଵି ।
ପୃଥକ୍ ଚତୁର୍ଭୁଜା କାର୍ୟା ଦେଵୀ ସିମ୍ହାସନେ ଶୁଭା ॥
ସିମ୍ହାସନେଽସ୍ୟା କର୍ତଵ୍ୟଂ କମଲଂ ଚାରୁକର୍ଣିକମ୍ ।
ଅଷ୍ଟପତ୍ରଂ ମହାଭାଗା କର୍ଣିକାୟାଂ ସୁସଂସ୍ଥିତା ॥
ଵିନାୟକଵଦାସୀନା ଦେଵୀ କାର୍ୟା ଚତୁର୍ଭୁଜା ।
ବୃହନ୍ନାଲଙ୍କରେ କାର୍ୟଂ ତସ୍ୟାଶ୍ଚ କମଲଂ ଶୁଭମ୍ ॥
ଦକ୍ଷିଣେ ୟାଦଵଶ୍ରେଷ୍ଠଂ କେୟୂରଭ୍ରାନ୍ତସଂସ୍ଥିତମ୍ ।
ଵାମେଽମୃତଘଟଃ କାର୍ୟସ୍ତଦା ରାଜନ୍ ମନୋହରଃ ॥
ତସ୍ୟାଽନ୍ୟୌ ଚ କରୌ କାର୍ୟୌ ବିଲ୍ଵଶଙ୍ଖଧରୌ ଦ୍ଵିଜ ।
ଅଵର୍ଜିତକରଂ କାର୍ୟଂ ତତ୍ପୃଷ୍ଠେ କୁଞ୍ଜରଦ୍ଵୟମ୍ ॥
ଦେଵାଶ୍ଚ ମସ୍ତକେ କାର୍ୟଂ ପଦ୍ମଂ ଚାପି ମନୋହରମ୍ ॥
🌹ମହାଲକ୍ଷ୍ମୀ - ସ୍ଵର୍ଣଵର୍ଣା ।
କୋଲ୍ଲାପୁରଂ ଵିନାଽନ୍ୟତ୍ର ମହାଲକ୍ଷ୍ମୀର୍ୟଥୋଚ୍ୟତେ ।
ଲକ୍ଷ୍ମୀଵତ୍ ସା ସଦାକାର୍ୟା ସର୍ଵାଭରଣଭୂଷିତା ॥
ଦକ୍ଷିଣାଧଃ କରେ ପାତ୍ରମୂର୍ଧ୍ଵଂ କୌମୋଦକୀଂ ତଦା ।
ଵାମୋର୍ଧ୍ଵେ ଖେଟକଞ୍ଚୈଵ ଶ୍ରୀବଲଂ ତଦଧଃ କରେ ॥
ବିଭ୍ରତୀ ମସ୍ତକେ ପଦ୍ମଂ ପୂଜନୀୟା ଵିଭୂତୟେ ॥
🌹ଶ୍ରୀଦେଵୀ - ହେମଵର୍ଣା
ପାଶାକ୍ଷମାଲୀ କାମ୍ଭୋଜମଣିଭିର୍ୟାମ୍ୟସୌମ୍ୟୟୋଃ ।
ପଦ୍ମାସନସ୍ଥାଂ କୁର୍ଵୀଥ ଶ୍ରିୟଂ ତ୍ରୈଲୋକ୍ୟମାତରମ୍ ॥
🌹ଚତୁର୍ଭୁଜା ଵୀରଲକ୍ଷ୍ମୀ - ସ୍ଵର୍ଣଵର୍ଣା ।
ଵୀରଲକ୍ଷ୍ମୀରିତି ଖ୍ୟାତା ଵରଦାଭୟହସ୍ତିନୀ ।
ଊର୍ଧ୍ଵପଦ୍ମଦ୍ଵୟକରା ତଥା ପଦ୍ମାସନେ ସ୍ଥିତା ॥
🌹ଦ୍ଵିଭୁଜା ଵୀରଲକ୍ଷ୍ମୀ - ହେମଵର୍ଣା ।
ଦକ୍ଷିଣେ ତ୍ଵଭୟଂ ବିଭ୍ରଦୁତ୍ତରେ ଵରଦଂ ତଥା ।
ଊରୂ ପଦ୍ମଦଲାକାରୌ ଵୀରଶ୍ରୀମୂର୍ତିଲକ୍ଷଣମ୍ ॥
🌹ଅଷ୍ଟଭୁଜା ଵୀରଲକ୍ଷ୍ମୀ - ହେମଵର୍ଣା ।
ପାଶାଙ୍କୁଶାକ୍ଷସୂତ୍ରଵରାଭୟଗଦାଭଦ୍ରହସ୍ତା ॥
🌹ପ୍ରସନ୍ନଲକ୍ଷ୍ମୀ - ସ୍ଵର୍ଣଵର୍ଣା ।
ଵନ୍ଦେ ଲକ୍ଷ୍ମୀଂ ଵରଶଶିମୟୀଂ ଶୁଦ୍ଧଜାମ୍ବୂନଦାଭାଂ
ତେଜୋରୂପାଂ କନକଵସନାଂ ସର୍ଵଭୂଷୋଜ୍ଜ୍ଵଲାଙ୍ଗୀମ୍ ।
ବୀଜାପୂରଂ କନକକଲଶଂ ହେମପଦ୍ମେ ଦଧାନାଂ
ଆଦ୍ୟାଂ ଶକ୍ତିଂ ସକଲଜନନୀଂ ଵିଷ୍ଣୁଵାମାଙ୍କସଂସ୍ଥାମ୍ ॥
🌹ମହାଲକ୍ଷ୍ମୀ - ପ୍ରଵାଲଵର୍ଣା ।
ଅକ୍ଷସ୍ରକ୍ପରଶୁଂ ଗଦେଷୁ କୁଲିଶଂ ପଦ୍ମଂ ଧନୁଃ କୁଣ୍ଡିକାଂ
ଦଣ୍ଡଂ ଶକ୍ତିମସିଞ୍ଚ ଚର୍ମଜଲଜଂ ଘଣ୍ଟାଂ ସୁରାଭାଜନମ୍ ।
ଶୂଲଂ ପାଶସୁଦର୍ଶନେ ଚ ଦଧତୀଂ ହସ୍ତୈଃ ପ୍ରଵାଲପ୍ରଭାଂ
ସେଵେ ସୈରିଭମର୍ଦିନୀମିହ ମହାଲକ୍ଷ୍ମୀଂ ସରୋଜସ୍ଥିତାମ୍ ॥
🌹ଶ୍ରୀଲକ୍ଷ୍ମୀ - କନକଵର୍ଣା ।
ଅରୁଣକମଲସଂସ୍ଥା ତଦ୍ରଜଃପୁଞ୍ଜଵର୍ଣା
କରକମଲଧୃତେଷ୍ଵାଭୀତିୟୁଗ୍ମାମ୍ବୁଜା ଚ ।
ମଣିମକୁଟଵିଚିତ୍ରାଲଙ୍କୃତା କଲ୍ପଜାତୈଃ
ଭଵତୁ ଭୁଵନମାତା ସନ୍ତତଂ ଶ୍ରୀଃ ଶ୍ରିୟୈ ନଃ ॥
🌹ପଦ୍ମା - ପଦ୍ମଵର୍ଣା
ପଦ୍ମା ପଦ୍ମାସନାସୀନା ପଦ୍ମାଭା ପଦ୍ମଵାସିନୀ ।
ହେମରତ୍ନୋଜ୍ଜ୍ଵଲନ୍ନଗ୍ରକର୍ଣକୁଣ୍ଡଲମଣ୍ଡିତା ॥
ଚନ୍ଦ୍ରବିମ୍ବାମଲମୁଖୀ କର୍ଣପୂରାୟତେକ୍ଷଣା ।
ସୟୌଵନା ସୁରମ୍ୟାଙ୍ଗୀ କୁଞ୍ଚିତଭ୍ରୂଃ ସୁଵିଭ୍ରମା ॥
ରକ୍ତୋଷ୍ଠୀ ପୀନକଣ୍ଠା ଚ କଞ୍ଚୁକାଚ୍ଛାଦିତସ୍ତନୀ ।
ଶିରସୋ ମଣ୍ଡନଂ ଚକ୍ରଂ ସୀମନ୍ତଂ ଚୈଵ ପଦ୍ମକମ୍ ॥
ନାଗହସ୍ତସମୌ ବାହୁ କେୟୂରକଟକୋଜ୍ଜ୍ଵଲୌ ।
ପଙ୍କଜଂ ଶ୍ରୀଫଲଂ ଵାମେ ଦକ୍ଷିଣେ ବିଭ୍ରତୀ ପରା ॥
ଶୋଭନାମ୍ବରସମ୍ପନ୍ନା ଵିପୁଲଶ୍ରୋଣିତା ତଥା ।
ମେଖଲାକଟିସୂତ୍ରାଙ୍ଗା ଲକ୍ଷ୍ମୀଃ ଲକ୍ଷ୍ମୀଵିଵର୍ଧନୀ ॥
🌹ଶ୍ରୀଲକ୍ଷ୍ମୀ (ଅପରା)
ଅଭୟଵରଦହସ୍ତାଂ ରତ୍ନସିମ୍ହାସନସ୍ଥାଂ
ଜଲଜକମଲଵର୍ଣାଂ ହେମଵର୍ଣୋର୍ଧ୍ଵହସ୍ତାମ୍ ।
କନକମଣିଵିଭୂଷାମାସ୍ଥିତାଂ ପଦ୍ମପାଦାଂ
ସକଲଭୁଵନଭାଗ୍ୟାଂ ଭାଵୟେ ଵୀରଲକ୍ଷ୍ମୀମ୍ ॥
🌹ଵାଗୀଶ୍ଵରୀ - ଶ୍ଵେତଵର୍ଣା ।
ଶ୍ଵେତପଦ୍ମାସନାରୂଢା ଶୁକ୍ଲଵର୍ଣା ଚତୁର୍ଭୁଜା ।
ଜଟାମକୁଟସମ୍ୟୁକ୍ତା ରତ୍ନକୁଣ୍ଡଲମଣ୍ଡିତା ॥
ୟଜ୍ଞୋପଵୀତିନୀ ହାରମୁକ୍ତାଭରଣଭୂଷିତା ।
ଦୁକୂଲଵସନା ଦେଵୀ ନେତ୍ରତ୍ରୟସମନ୍ଵିତା ॥
ସୁଦଣ୍ଡଂ ଦକ୍ଷିଣେ ହସ୍ତେ ଵାମହସ୍ତେ ତୁ ପୁସ୍ତକମ୍ ।
ଦକ୍ଷିଣେଽକ୍ଷମାଲାଞ୍ଚ କୁଣ୍ଡିକାଂ ଵାମହସ୍ତକେ ॥
🌹ଶତ୍ରୁଵିଧ୍ଵଂସିନୀ - ନୀଲଵର୍ଣା ।
ଶତ୍ରୁଵିଧ୍ଵଂସିନୀ ରୌଦ୍ରା ତ୍ରିଶିରା ରକ୍ତଲୋଚନା ।
ଦିଗମ୍ବରା ରକ୍ତକେଶୀ ରକ୍ତପାଣିର୍ମହୋଦରୀ ॥
ଏତୈରାଵିଷ୍କୃତୈର୍ଘୋରୈଃ ଶୀଘ୍ରମୁଚ୍ଚାଟୟେଦ୍ଦ୍ଵିଷଃ ॥
🌹ମୃତସଞ୍ଜୀଵିନୀ - ରକ୍ତଵର୍ଣା ।
ମୃତସଞ୍ଜୀଵିନୀଂ ଦେଵୀଂ ଶାନ୍ତରୂପାଂଶ୍ଚ ବିଭ୍ରତୀମ୍ ।
ପାଶାହୀନ୍ଦ୍ରାଙ୍କୁଶଗଦାଖଡ୍ଗଶୂଲଵରାଭୟାନ୍ ॥
ରକ୍ତାମଷ୍ଟଭୁଜାଂ ଵନ୍ଦେ ଫୁଲ୍ଲପଦ୍ମାସନେ ଶୁଭେ ॥
🌹ଅଣିମାଦି ଅଷ୍ଟସିଦ୍ଧିଦେଵତା - ରକ୍ତଵର୍ଣା ।
ଅଣିମା ମହିମା ଚୈଵ ଗରିମା ଲଘିମା ତଥା ।
ପ୍ରାପ୍ତିଃ ପ୍ରାକାମ୍ୟମୀଶିତ୍ଵଂ ଵଶିତ୍ଵଂ ଚାଷ୍ଟସିଦ୍ଧୟଃ ॥
ମୁକ୍ତିସିଦ୍ଧିଃ ସର୍ଵସିଦ୍ଧିଃ ଦଶସିଦ୍ଧୟ ଈରିତାଃ ।
ଏତା ଦେଵ୍ୟଶ୍ଚତୁର୍ବାହାଃ ଜପାକୁସୁମସନ୍ନିଭାଃ ॥
ଚିନ୍ତାମଣିଂ କପାଲଞ୍ଚ ତ୍ରିଶୂଲଂ ସିଦ୍ଧକଜ୍ଜଲମ୍ ।
ଦଧାନା ଦୟୟାପୂର୍ଣା ୟୋଗିଭିଶ୍ଚ ନିଷେଵିତା ॥
ମହାଲକ୍ଷ୍ମୀସହିତ ଅଷ୍ଟମାତୃକାଃ - ରକ୍ତଵର୍ଣାଃ ।
ବ୍ରାହ୍ମୀ ମାହେଶ୍ଵରୀ ଚୈଵ କୌମାରୀ ଵୈଷ୍ଣଵୀ ତଥା ।
ଵାରାହୀ ଚୈଵ ମାହେନ୍ଦ୍ରୀ ଚାମୁଣ୍ଡା ଚୈଵ ସପ୍ତମା ॥
ମହାଲକ୍ଷ୍ମୀରଷ୍ଟମା ଚ ଦ୍ଵିଭୁଜା ଶୋଣଵିଗ୍ରହାଃ ।
କପାଲମୁତ୍ପଲଂ ଚୈଵ ବିଭ୍ରାଣା ରକ୍ତଵାସସଃ ॥
ଅଥଵାନ୍ୟପ୍ରକାରେଣ କେଚିତ୍ତାନ୍ ୟଂ ପ୍ରଚକ୍ଷତେ ।
ବ୍ରହ୍ମାଦିସଦୃଶାକାରାଃ ବ୍ରହ୍ମାଦିସଦୃଶାୟୁତାଃ ॥
ବ୍ରହ୍ମାଦୀନାଂ ପରଂ ଚିହ୍ନଂ ଧାରୟନ୍ତ୍ୟଃ ପ୍ରକୀର୍ତିତାଃ ॥
🌹ସର୍ଵମଙ୍ଗଲା - କନକଵର୍ଣା ।
ଶଙ୍ଖଂ ଚକ୍ରଞ୍ଚ ଚାପଂ ସୃଣିମପି ସୁମହାଖେଟଖଡ୍ଗୌ ସୁଚାପଂ
ବାଣଂ କହ୍ଲାରପୁଷ୍ପଂ ତଦନୁକରଗତଂ ମାତୁଲଙ୍ଗଂ ଦଧାନାମ୍ ।
ଉଦ୍ୟଦ୍ବାଲାର୍କଵର୍ଣାଂ ତ୍ରିଭୁଵନଵିଜୟାଂ ପଞ୍ଚଵକ୍ତ୍ରାଂ ତ୍ରିନେତ୍ରାଂ
ଦେଵୀଂ ପୀତାମ୍ବରାଢ୍ୟାଂ କୁଚଭରନମିତାଂ ସନ୍ତତଂ ଭାଵୟାମି ॥
ହେମାଭାଂ କରୁଣାଭିପୂର୍ଣନୟନାଂ ମାଣିକ୍ୟଭୂଷୋଜ୍ଜ୍ଵଲାଂ
ଦ୍ଵାତ୍ରିଂଶଦ୍ଦଲଷୋଡଶାଷ୍ଟଦଲୟୁକ୍ ପଦ୍ମସ୍ଥିତାଂ ସୁସ୍ମିତାମ୍ ॥
ଭକ୍ତାନାଂ ଵରଦାଂ ଵରଂ ଚ ଦଧତୀଂ ଵାମେନ ହସ୍ତେନ ତତ୍
ଦକ୍ଷେଣାଭୟମାତୁଲଙ୍ଗସୁଫଲଂ ଶ୍ରୀମଙ୍ଗଲାଂ ଭାଵୟେ ॥
🌹ଜ୍ଵାଲାମାଲିନି - କନକଵର୍ଣା
କଲ୍ପାନ୍ତାଗ୍ନିସମପ୍ରଭାଂ ସ୍ମିତମୁଖୈଃ ଷଡ୍ଭିର୍ଭୁଜଦ୍ଵାଦଶୈଃ
ୟୁକ୍ତାଂ ପାଶକଖେଟକଞ୍ଚ ସୁଶରଂ ଶୂଲଂ ଵରଂ ଵାମକେ ।
ଦକ୍ଷେତ୍ଵଙ୍କୁଶଖଡ୍ଗଶକ୍ତିସୁଶରଂ ଚାପାଭୟେ ବିଭ୍ରତୀଂ
ଜ୍ଵାଲାମାଲିନି ସଞ୍ଚିତାଂ ମଣିମୟୀଭୂଷାନ୍ଵିତାମାଶ୍ରୟେ ॥
🌹ମିତ୍ରା - ରକ୍ତଵର୍ଣା
ବାଲାର୍କକାନ୍ତି ଚ ଶିଲାଂ ଜିତଵକ୍ତ୍ରଶୋଭାଂ
ପାଶାଙ୍କୁଶୌ ଚ ଵରମପ୍ୟଭୟଂ ଦଧାନାମ୍ ।
ଚିତ୍ରାଂଶୁକାଂ ଚ ନଵରତ୍ନ ଵିଭୂଷିତାଙ୍ଗୀଂ
ଚିତ୍ରାମ୍ବିକାଂ ତ୍ରିନୟନାଂ ହୃଦି ଭାଵୟାମି ॥
🌹ଗାୟତ୍ରୀ - ରକ୍ତଵର୍ଣା
ଦେଵୀଂ ପୂର୍ଵାହ୍ନସଂଧ୍ୟାୟାଂ ଗାୟତ୍ରୀଂ ଵହ୍ନିରୂପିଣୀମ୍ ।
କୁମାରୀଂ ରକ୍ତଵସ୍ତ୍ରାଙ୍ଗୀଂ ରକ୍ତସ୍ରଗନୁଲେପନାମ୍ ॥
ଚତୁର୍ଭୁଜାଂ ଚତୁର୍ଵକ୍ତ୍ରାଂ ଵରଦାଂ ଚାଷ୍ଟଲୋଚନାମ୍ ।
ପଦ୍ମାକ୍ଷମାଲାଵଲୟାଂ ବିଭ୍ରତୀଂ ଦକ୍ଷିଣେ କରେ ॥
ଵାମେ କମଣ୍ଡଲୁଂ ପାଣୌ ସ୍ରୁଵଂ ସଵ୍ୟେତରେ କରେ ।
ଅଭୟଂ ଵାମହସ୍ତେ ଚ ପଦ୍ମପୀଠେ ପ୍ରତିଷ୍ଠିତାମ୍ ॥
ଋଗ୍ଵେଦରୂପିଣୀଂ ପ୍ରାତସ୍ସଵନାଂ ହଂସଵାହନାମ୍ ।
ରସାୟନାଞ୍ଚ ପ୍ରହତୀଂ ଗାର୍ହପତ୍ୟେ ପ୍ରତିଷ୍ଠିତାମ୍ ॥
🌹ସାଵିତ୍ରୀ - ଶୁକ୍ଲଵର୍ଣା (ମଧ୍ୟାହ୍ନମ୍)
ଦେଵୀଂ ମଧ୍ୟାହ୍ନସନ୍ଧ୍ୟାୟାଂ ସାଵିତ୍ରୀଂ ରୁଦ୍ରରୂପିଣୀମ୍ ।
ୟୁଵତୀଂ ଶ୍ଵେତଵସ୍ତ୍ରାଖ୍ୟାଂ ଶୁକ୍ଲସ୍ରଗନୁଲେପନାମ୍ ॥
ଚତୁର୍ଭୁଜାଂ ଚତୁର୍ଵକ୍ତ୍ରାଂ ଵରଦାଂ ଦ୍ଵାଦଶେକ୍ଷଣାମ୍ ।
ରୁଦ୍ରାକ୍ଷମାଲାଵଲୟାଂ ବିଭ୍ରତୀଂ ଦକ୍ଷିଣେ କରେ ॥
ଵାମେ କରେଽଭୟଂ ଦେଵୀଂ ତଥୈଵାର୍କେନ୍ଦୁଧାରିଣୀମ୍ ।
ସ୍ଵର୍ଣପୀଠେ ସ୍ଥିତାଂ ସୌମ୍ୟେ ୟଜୁର୍ଵେଦସ୍ଵରୂପିଣୀମ୍ ॥
ମାଧ୍ୟନ୍ଦିନାଖ୍ୟସଵନେ ସତାଂ ଗୋଵୃଷଵାହନାମ୍ ।
ଦକ୍ଷିଣାଗ୍ନିସ୍ଵରୂପାଂ ତାଂ ଧ୍ୟାୟେନ୍ନିତ୍ୟଂ ଵିଶୁଦ୍ଧଧୀଃ ॥
🌹ସରସ୍ଵତୀ - ଶ୍ୟାମଵର୍ଣା (ସାୟଙ୍କାଲଂ)
ସରସ୍ଵତୀଂ ତୁ ସାୟାହ୍ନେ ସନ୍ଧ୍ୟାୟାଂ ଵିଷ୍ଣୁରୂପିଣୀମ୍ ।
ସ୍ଥଵିରେନ୍ଦୀଵରଶ୍ୟାମାଂ ନୀଲକୁଞ୍ଚିତମୂର୍ଧଜାମ୍ ॥
ଚତୁର୍ଭୁଜାଂ ଚୈକଵକ୍ତ୍ରାଂ ପଦ୍ମପତ୍ରାୟତେକ୍ଷଣାମ୍ ।
ଶଙ୍ଖଂ ଚକ୍ରଂ ଗଦାଞ୍ଚୈଵ ତଥୈଵାଭୟଦଂ ପୁନଃ ॥
ପୀତାମ୍ବରଂ ଦଧାନାଞ୍ଚ ଦିଵ୍ୟସ୍ରଗନୁଲେପନାମ୍ ।
ତୃତୀୟସଵନାଖ୍ୟାଞ୍ଚ ଧ୍ୟାୟେଦ୍ଵୈ ଵିଷ୍ଣୁରୂପିଣୀମ୍ ॥
ନୀଲପୀଠେ ସ୍ଥିତାଂ ସୌମ୍ୟେ ସାମଵେଦସ୍ଵରୂପିଣୀମ୍ ।
ଵରଦାଂ ଗରୁଡାରୂଢାଂ ଆହଵନୀୟେ ଵ୍ୟଵସ୍ଥିତାମ୍ ॥
🌹ଵଶ୍ୟମୁଖୀ - ରକ୍ତଵର୍ଣା
ସନ୍ଧାୟ ସୁମନୋବାଣଂ କର୍ଷନ୍ତୀମୈକ୍ଷଵଂ ଧନୁଃ ।
ଜଗଜ୍ଜୈତ୍ରୀଂ ଜପାସକ୍ତାଂ ଦେଵୀଂ ଵଶ୍ୟମୁଖୀଂ ଭଜେ ॥
🟣ସପ୍ତମାତୃକାସୁ -
➖➖➖➖➖
🌹ବ୍ରାହ୍ମୀ - ପୀତଵର୍ଣା
ତତ୍ର ବ୍ରାହ୍ମୀ ଚତୁର୍ଵକ୍ତ୍ରା ଷଡ୍ଭୁଜା ହଂସସଂସ୍ଥିତା ।
ପିଙ୍ଗାଭା ଭୂଷଣୋପେତା ମୃଗଚର୍ମୋତ୍ତରୀୟକା ॥
ଵରଂ ସୂତ୍ରଂ ସ୍ରୁଵଂ ଧତ୍ତେ ଦକ୍ଷବାହୂତ୍ତରେ କ୍ରମାତ୍ ।
ଵାମେ ତୁ ପୁସ୍ତକଂ କୁଣ୍ଡୀଂ ବିଭ୍ରତୀ ଚାଭୟଙ୍କରମ୍ ॥
🌹ମାହେଶ୍ଵରୀ - ଶ୍ଵେତଵର୍ଣା
ମାହେଶ୍ଵରୀ ଵୃଷାରୂଢା ପଞ୍ଚଵକ୍ତ୍ରା ତ୍ରିଲୋଚନା ।
ଶ୍ଵେତଵର୍ଣା ଦଶଭୁଜା ଚନ୍ଦ୍ରରେଖାଵିଭୂଷିତା ॥
ଖଡ୍ଗଂ ଵଜ୍ରଂ ତ୍ରିଶୂଲଞ୍ଚ ପରଶୁଂ ଚାଭୟଂ ଵରମ୍ ।
ପାଶଂ ଘଣ୍ଟାଂ ତଥା ନାଗମଙ୍କୁଶଂ ବିଭ୍ରତୀ କରୈଃ ॥
🌹କୌମାରୀ - ପାଟଲଵର୍ଣା
ଷଡାନନା ତୁ କୌମାରୀ ପାଟଲାଭା ସୁଶୀଲକା ।
ରଵିବାହୁର୍ମୟୂରସ୍ଥା ଵରଦା ଶକ୍ତିଧାରିଣୀ ॥
ପତାକାଂ ବିଭ୍ରତୀ ଦଣ୍ଡଂ ପାତ୍ରଂ ବାଣଞ୍ଚ ଦକ୍ଷିଣେ ।
ଵାମେ ଚାପମଥୋ ଘଣ୍ଟାଂ କମଲଂ କୁକ୍କୁଟଂ ତଥା ॥
ପରଶୁଂ ବିଭ୍ରତୀ ଚୈଵ ଦଧତସ୍ତ୍ଵଭୟାନ୍ଵିତା ॥
🌹ଵୈଷ୍ଣଵୀ - ନୀଲଵର୍ଣା
ଵୈଷ୍ଣଵୀ ତାର୍କ୍ଷ୍ୟକା ଶ୍ୟାମା ଷଡ୍ଭୁଜା ଵନମାଲିନୀ ।
ଵରଦା ଗଦିନୀ ଦକ୍ଷେ ବିଭ୍ରତୀ ଚ କରେଽମ୍ବୁଜମ୍ ॥
ଶଙ୍ଖଚକ୍ରାଭୟାନ୍ଵାମେ ସା ଚେୟଂ ଵିଲସଦ୍ଭୁଜା ॥
🌹ଵାରାହୀ - କୃଷ୍ଣଵର୍ଣା
କୃଷ୍ଣଵର୍ଣା ତୁ ଵାରାହୀ ମହିଷସ୍ଥା ମହୋଦରୀ ।
ଵରଦା ଦଣ୍ଡିନୀ ଖଡ୍ଗଂ ବିଭ୍ରତୀ ଦକ୍ଷିଣେ କରେ ॥
ଖେଟପାତ୍ରାଭୟାନ୍ଵାମେ ସୂକରାସ୍ୟା ଲସଦ୍ଭୁଜା ॥
🌹ଐନ୍ଦ୍ରୀ - କନକଵର୍ଣା
ଐନ୍ଦ୍ରୀ ସହସ୍ରଦୃକ୍ ସୌମ୍ୟା ହେମାଭା ଗଜସସସ୍ଥିତା ।
ଵରଦା ସୂତ୍ରିଣୀ ଵଜ୍ରଂ ବିଭ୍ରତ୍ୟୂର୍ଧ୍ଵଂ ତୁ ଦକ୍ଷିଣେ ॥
ଵାମେ ତୁ କମଲଂ ପାତ୍ରଂ ହ୍ୟଭୟଂ ତଦଧଃ କରେ ॥
🌹ଚାମୁଣ୍ଡା - କୃଷ୍ଣଵର୍ଣା
ଚାମୁଣ୍ଡା ପ୍ରେତକା କୃଷ୍ଣା ଵିକୃତା ଚାହିଭୂଷଣା ।
ଦଂଷ୍ଟ୍ରାଲା କ୍ଷୀଣଦେହା ଚ କର୍ତାକ୍ଷୀ କାମରୂପିଣୀ ॥
ଦିଗ୍ବାହୁଃ କ୍ଷୌମକୁକ୍ଷୀ ଚ ମୁସଲଂ ଚକ୍ରଚାମରେ ।
ଅଙ୍କୁଶଂ ବିଭ୍ରତୀ ଖଡ୍ଗଂ ଦକ୍ଷିଣେ ଚାଥ ଵାମକେ ॥
ଖେଟଂ ପାଶଂ ଧନୁର୍ଦଣ୍ଡଂ କୁଠାରଂ ଚାପି ବିଭ୍ରତୀ ॥
🌹ସିଦ୍ଧିଦାୟିନୀ - ଶ୍ଵେତଵର୍ଣା
ସିଦ୍ଧଗନ୍ଧର୍ଵୟକ୍ଷାଦ୍ୟୈରସୁରୈରମରୈରପି ।
ସେଵ୍ୟମାନା ସଦା ଭୂୟାତ୍ସିଦ୍ଧିଦା ସିଦ୍ଧିଦାୟିନୀ ॥
🌹ଅପରାଜିତା - ନୀଲଵର୍ଣା
ନୀଲୋତ୍ପଲନିଭାଂ ଦେଵୀଂ ନିଦ୍ରାମୁଦ୍ରିତଲୋଚନାମ୍ ।
ନୀଲକୁଞ୍ଜିତକେଶାଗ୍ନାଂ ନିମ୍ନନାଭୀଵଲିତ୍ରୟାମ୍ ॥
ଵରାଭୟକରାମ୍ଭୋଜାଂ ପ୍ରଣତାର୍ତିଵିନାଶିନୀମ୍ ।
ପୀତାମ୍ବରଵରୋପେତାଂ ଭୂଷଣସ୍ରଗ୍ଵିଭୂଷିତାମ୍ ॥
ଵରଶକ୍ତ୍ୟାକୃତିଂ ସୌମ୍ୟାଂ ପରସୈନ୍ୟପ୍ରଭଞ୍ଜନୀମ୍ ।
ଶଙ୍ଖଚକ୍ରଗଦାଽଭୀତିରମ୍ୟହସ୍ତାଂ ତ୍ରିଲୋଚନାମ୍ ॥
ସର୍ଵକାମପ୍ରଦାଂ ଦେଵୀଂ ଧ୍ୟାୟେତ୍ତାମପରାଜିତାମ୍ ॥
🌹ତୁଲସୀ - ଶ୍ୟାମଵର୍ଣା
ଧ୍ୟାୟେଚ୍ଚ ତୁଲସୀଂ ଦେଵୀଂ ଶ୍ୟାମାଂ କମଲଲୋଚନାମ୍ ।
ପ୍ରସନ୍ନାଂ ପଦ୍ମକଲ୍ହାର ଵରାଭୟ ଚତୁର୍ଭୁଜାମ୍ ॥
କିରୀଟହାରକେୟୂରକୁଣ୍ଡଲାଦିଵିଭୂଷିତାମ୍ ।
ଧଵଲାଂଶୁକସଭ୍ୟୁକ୍ତାଂ ପଦ୍ମାସନନିଷେଦୁଷୀମ୍ ॥
🌹ଭୂଦେଵୀ - ସ୍ଵର୍ଣଵର୍ଣା
ସ୍ଵର୍ଗଵର୍ଣା ଦ୍ଵିହସ୍ତା ଚ ଦକ୍ଷିଣେନାଭୟପ୍ରଦା ।
ଦାଡିମୀଫଲସମ୍ୟୁକ୍ତା ଵାମେ କଲ୍ପତରୋରଧଃ ॥
ଵାମପାଦେନ ସଂସ୍ପୃଷ୍ଟନିଧିକୁମ୍ଭାଧରା ତଥା ।
ସର୍ଵାଲଙ୍କାରଭୂଷାଢ୍ୟା ଧ୍ୟେୟା ସର୍ଵଫଲପ୍ରଦା ॥
🌹ନୀଲାଦେଵୀ - ଶ୍ୟାମଵର୍ଣା
ନୀଲୋତ୍ପଲଘନଶ୍ୟାମା ନୀଲଵସ୍ତ୍ରଵିଭୂଷିତା ।
ଚତୁର୍ଭୁଜା ସୁଖାସୀନା ଵରାଭୟକରାନ୍ଵିତା ॥
ଇତରାଭ୍ୟାଂ ତୁ ହସ୍ତାଭ୍ୟାଂ କୁମୁଦଦ୍ଵୟଧାରିଣୀ ।
ସର୍ଵାଭରଣସମ୍ୟୁକ୍ତା ନୀଲାଦେଵୀ ସମୀରିତା ॥
🌹ଅଶ୍ଵାରୂଢା ରାଜଲକ୍ଷ୍ମୀ - ହିରଣ୍ୟଵର୍ଣା
ଚତୁରଙ୍ଗବଲୋପେତାଂ ଧନଧାନ୍ୟସୁଖେଶ୍ଵରୀମ୍ ।
ଅଶ୍ଵାରୂଢାମହଂ ଵନ୍ଦେ ରାଜଲକ୍ଷ୍ମୀଂ ହିରଣ୍ମୟୀମ୍ ॥
ଇତି ଵିଭିନ୍ନରୂପଲକ୍ଷ୍ମୀଧ୍ୟାନପ୍ରକାରାଃ ସମ୍ପୂର୍ଣାଃ ।
Comments
Post a Comment