ରାଧାସହସ୍ରନାମସ୍ତୋତ୍ରମ୍
🔹ରାଧାସହସ୍ରନାମସ୍ତୋତ୍ରମ୍🔹
➖ ୨ ➖
( ରୁଦ୍ରୟାମଲତଃ)
ଶ୍ରୀଶିଵ ଉଵାଚ -
ଅଥାତଃ ସଂପ୍ରଵକ୍ଷ୍ୟାମି ରାଧାନାମସହସ୍ରକମ୍ ।
ଶୃଣୁନାରଦ ଭଦ୍ରଂ ତେ ଗୋପନୀୟଂ ପ୍ରୟତ୍ନତଃ ॥ ୧॥
ପ୍ରାତଃ ସାୟଂ ନିଶୀଥେଵା ପଠିତଵ୍ୟଂ ମୁମୁକ୍ଷୁଭିଃ ।
ତ୍ରିରାଚମ୍ୟ ଶୁଚିର୍ଭୂତ୍ଵା ୟୋ ଜପେତ୍ସୁସମାହିତଃ ॥ ୨॥
ସଵୈଷ୍ଣଵୋ ଵିଶୁଦ୍ଧାତ୍ମା ଜାୟତେ ନାତ୍ର ସଂଶୟଃ ।
ବହୁ କିଂ ପଠନାଦସ୍ୟ ଭଵେଦ୍ଵିଷ୍ଣୁସମଃ ପୁମାନ୍ ॥ ୩॥
ମାସୈକପଠନାଦସ୍ୟ ଭଵେତ୍ସର୍ଵାର୍ଥସିଦ୍ଧିଦଃ ।
ମାସଦ୍ଵୟେନ ଦେଵର୍ଷେ ଭଵେଦ୍ଵୈ ଵୈଷ୍ଣଵୋତ୍ତମଃ ॥ ୪॥
ସୋଽମ୍ବରୀଷଃ ସ ପ୍ରହ୍ଲାଦ ଉଦ୍ଧଵଃ ସ ୟୁଧିଷ୍ଠିରଃ ।
ସଭୀଷ୍ମ ଅର୍ଜୁନଶ୍ଚୈଵ ସ୍ତଵରାଜଂ ପଠେତ୍ତୁ ୟଃ ॥ ୫॥
ଅଥ କିଂ ବହୁନୋକ୍ତେନ ଵର୍ଣନେନ ପୁନଃ ପୁନଃ ।
ୟଦ୍ୟଦିଷ୍ଟତମଂ ଲୋକେ ତତ୍ତଦାପ୍ନୋତି ସାଧକଃ ॥ ୬॥
ରହସ୍ୟଂ କଥୟାମ୍ୟଦ୍ୟ ୟଦ୍ଵୈ ନାମସହସ୍ରକମ୍ ।
ଇଦମେଵ ପୁରା ପୃଷ୍ଟଃ କୃଷ୍ଣ ଉଦ୍ଧଵମୂଚିଵାନ୍ ॥ ୭॥
ଅଥ ସ୍ତୋତ୍ରମ୍ ।
ଓଁ ଶ୍ରୀରାଧାରାଧିକାଽଽରାଧ୍ୟା ରାଧାକୃଷ୍ଣଶିଵାଦିଭିଃ ।
ଗୋପିକା ଗୋପରାଜ୍ଞୀ ଚ ଗୋପାନନ୍ଦଵିଧାୟିନୀ ॥ ୮॥
ଗୋପପୂଜ୍ୟା ଗୋପହୃଷ୍ଟା ଗୋପଗୋପୀଭିରାଵୃତା ।
ଗୋପାହ୍ଲାଦକରୀ ଗୋପୀ ଗୋପାଗୋପଶିଵଙ୍କରୀ ॥ ୯॥
ସୁନ୍ଦରୀ ସୁନ୍ଦରାକାରା ସୁନ୍ଦରୋତ୍ତମଵନ୍ଦିତା ।
ସୁନ୍ଦରାନନ୍ଦସଂହୃଷ୍ଟା ସୁନ୍ଦରୀ ବହୁଭାଵିନୀ ॥ ୧୦॥
ସୌନ୍ଦର୍ୟନିଲୟାରାମାଭିରାମା ବହୁମାନିତା ।
ଶ୍ୟାମା ଶ୍ୟାମପ୍ରିୟାଽଶ୍ୟାମା ଶ୍ୟାମାଭିଵନ୍ଦିତା ନଵା ॥ ୧୧॥
ଲଲିତା ଲଲିତାଚାରା ଲଲିତାଚାରଶାଲିନୀ ।
କୃଷ୍ଣା କୃଷ୍ଣକୃପାକର୍ତ୍ରୀ କୃଷ୍ଣାନନ୍ଦପରାୟଣା ॥ ୧୨॥
କୃଷ୍ଣପ୍ରିୟା କୃଷ୍ଣପୂଜ୍ୟା କୃଷ୍ଣାକର୍ଷଣକାରିଣୀ ।
କୃଷ୍ଣାରାଧ୍ୟା କୃଷ୍ଣଵନ୍ଦ୍ୟା କୃତ୍ସ୍ନଵର୍ତ୍ମନିବୁଦ୍ଧିଦା ॥ ୧୩॥
କୃଷ୍ଣପୂଜନସର୍ଵସ୍ଵା କୃଷ୍ଣଦର୍ଶନତତ୍ପରା ।
ଶ୍ରୀକୃଷ୍ଣପଦସର୍ଵସ୍ଵା କୃଷ୍ଣକୃଷ୍ଣେତିଵାଦିନୀ ॥ ୧୪॥
ଶ୍ରୀକୃଷ୍ଣକାନ୍ତସକ୍ତା ଚ କୃଷ୍ଣପ୍ରେମଵିଵର୍ଦ୍ଧିନୀ ॥ ୧୫॥
ଵିଶେଷା ଚ ଵିଶେଷଜ୍ଞା ବଲ୍ଲଵୀ ଵଲ୍ଲଭାର୍ଚିତା ।
ବଲ୍ଲଵୀନାଞ୍ଚହାର୍ଦଜ୍ଞା ବଲ୍ଲଵୀନାଂସୁଖାଵହା ॥ ୧୬॥
ରାସମଣ୍ଡଲମଧ୍ୟସ୍ଥା ରାସକେଲିକଲୋତ୍ସୁକା ।
ଶ୍ରୀକୃଷ୍ଣାଲିଙ୍ଗିତଭୁଜା ରାସକ୍ରୀଡାଭିନନ୍ଦିନୀ ॥ ୧୭॥
ଵୃଷଭାନୁସୁତାରାଧା ଵୃଷଭାନୁସୁଖପ୍ରଦା ।
ଵୃଷଭାନୁସୁତାଦେଵୀ କୀର୍ତ୍ୟାନନ୍ଦପ୍ରଦାୟିନୀ ॥ ୧୮॥
ଵୃଷଭାନୁସୁତା ତନ୍ଵୀ ଵୃଷଭାନୋଃ କୁଲଧ୍ଵଜା ।
ସର୍ଵାଗମପ୍ରିୟା ସର୍ଵାଚାରତତ୍ପରମାନସା ॥ ୧୯॥
ପ୍ରଜାସଞ୍ଜୀଵନୀ ଜୀଵନୌଷଧୀଂ ପରମାମୃତା ।
ପ୍ରଜାସେଵ୍ୟା ପ୍ରଜାଵନ୍ଦ୍ୟା ଵ୍ରଜମାନୁଷମୁକ୍ତିଦା ॥ ୨୦॥
ସୌଦାମିନୀ ଦାମପ୍ରିୟା ତପୋୟୁକ୍ତା ତପୋନିଧିଃ ।
ତାପସୀଗୀତଗୁଣକା ତାପସାନାଂ ଗତିପ୍ରିୟା ॥ ୨୧॥
ତପଃ କର୍ତ୍ରୀ ତପୋୟୁକ୍ତା ତପୋମୂର୍ତିସ୍ତପୋମୟୀ ।
ତପସାଂ ସିଦ୍ଧିଦା ସିଦ୍ଧା ସିଦ୍ଧାଚାରଵିଚାରିଣୀ ॥ ୨୨॥
ସିଦ୍ଧାଗମା ଚ ସିଦ୍ଧାଖ୍ୟା ସିଦ୍ଧିଦାତ୍ରୀ ସୁଖାଵହା ।
ସୁଖଦାସୁଖସଂହୃଷ୍ଟା ସୁଖାକାରାସୁଖାଲୟା ॥ ୨୩॥
ସଖିଭିଃ ସେଵିତାସେଵ୍ୟା ସେଵକାନାଂ ଶିଵଙ୍କରୀ ।
ସେଵିକାସେଵିତପଦା ସେଵକାର୍ପିତମାନସା ॥ ୨୪॥
ମନୋଵେଗା ମନୋରୂପା ମନୋଗତିଵିଡମ୍ବିନୀ ।
ମନସଃପ୍ରେରିକା ମାୟା ମାୟାମୟଵିନାଶିନୀ ॥ ୨୫॥
ମୋକ୍ଷଦା ମୋକ୍ଷମାର୍ଗଜ୍ଞା ମୋକ୍ଷମାର୍ଗପ୍ରକାଶିନୀ ।
ମୋକ୍ଷରୂପା ମୋକ୍ଷଗୃହା କର୍ତ୍ରୀ ମୋକ୍ଷସ୍ୟ ଜାହ୍ନଵୀ ॥ ୨୬॥
ଜହ୍ନୁକନ୍ୟା ଜଲାଵାସା ଜଲାଧୀଶା ଜଲପ୍ରିୟା ।
ସମୁଦ୍ରଗା ଵିହଙ୍ଗାଚ ଗଙ୍ଗା ଶିଵଶିରଃ ସ୍ଥିତା ॥ ୨୭॥
ଶିଵରୂପା ଶିଵକରୀ ଶିଵହୃଦ୍ୟା ଶିଵଂଵଦା ।
ଶିଵପ୍ରିୟା ଶିଵଗତିଃ ଶିଵମାର୍ଗରତିପ୍ରଦା ॥ ୨୮॥
ଶିଵାଚାରପ୍ରିୟା ଗୁର୍ଵୀ ଗୁପ୍ତିର୍ଗୁପ୍ତଗତିର୍ନୃଣାମ୍ ।
ଗୁପ୍ତା ଗୁପ୍ତତରା ଗୋପ୍ୟା ଗୋପ୍ୟଵିଦ୍ଭିଃ ସମର୍ଚିତା ॥ ୨୯॥
ଗୁପ୍ତାଲୟା ଗୁପ୍ତରୂପା ଗୁପ୍ତମାର୍ଗପ୍ରଵର୍ତିକା ।
ଲକ୍ଷ୍ମୀହ୍ରୀଶ୍ରୀଦୟାମୂର୍ତିସ୍ତୁଷ୍ଟିଃ ପୁଷ୍ଟିଃ ସ୍ତୁତିଃ ପ୍ରଭା ॥ ୩୦॥
କ୍ଷମା ମେଧା ସୁଧା ଵିଦ୍ୟା ଶୁଦ୍ଧିର୍ବୁଦ୍ଧିଧୃତିର୍ଗତିଃ ।
ପ୍ରଚଣ୍ଡଚଣ୍ଡମୁଣ୍ଡଘ୍ନୀ ରକ୍ତବୀଜଵିନାଶିନୀ ॥ ୩୧॥
ମଥୁରା ଦ୍ଵାରକା କାଞ୍ଚୀ ମାହିଷ୍ମତ୍ୟଥ କୌଶିକୀ ।
ଅୟୋଧ୍ୟା କର୍ଣିକା କାଶୀଵାସିନୀ କର୍ମଵର୍ଦ୍ଧିନୀ ॥ ୩୨॥
ଶାନ୍ତା ଶାନ୍ତିକରୀ ପୁଷ୍ଟା ଶାନ୍ତଵିଜ୍ଞାନଦାୟିକା ।
ଶାନ୍ତିରୂପାସଦା ସାଙ୍ଗା ସାଙ୍ଗୋପାଙ୍ଗଗତିପ୍ରିୟା ॥ ୩୩॥
ମନୋହରା ମନୋଜ୍ଞାଚ ମନୋଵୃତ୍ତିପ୍ରକାଶିନୀ ।
ମନଃକାନ୍ତିଭ୍ରମକରୀ ଭ୍ରାମରୀ ଭ୍ରମକାରିକା ॥ ୩୪॥
ଜଗଦ୍ଭ୍ରମଣଧାରାଚ ଜଗତୋ ମୁକ୍ତିକାରିଣୀ ।
ଜଗନ୍ମାତା ଜଗଦ୍ଧାତ୍ରୀ ଜଗଜ୍ଜୀଵନଜୀଵିକା ॥ ୩୫॥
ଜଗନ୍ମୂର୍ତିର୍ଜଗଦ୍ଦେହା ଜଗତାଂ ଜୀଵନୌଷଧୀ ।
ଜଗତାଂ ବୁଦ୍ଧିସନ୍ଦାତ୍ରୀ ଜଗତାଂ ବୁଦ୍ଧିହାରିଣୀ ॥ ୩୬॥
ମାୟା ମୁଦ୍ରା ମହାଵିଦ୍ୟା ମହାୟୋଗୀଶ୍ଵରୀ ମହୀ ।
ୟୋଗୟୁକ୍ତା ୟୋଗଵିଦ୍ୟା ୟୋଗାଙ୍ଗାୟୋଗଵଲ୍ଲଭା ॥ ୩୭॥
ୟୋଗଵିଦ୍ୟେଶ୍ଵରୀ ୟୋଗ୍ୟାୟୁକ୍ତାହାରାସୁଖାନ୍ଵିତା ।
ୟୋଗୈକସାଧ୍ୟା ୟୋଗାଦ୍ୟା ୟୋଗକ୍ଷେମପ୍ରଵାହିକା ॥ ୩୮॥
ଵୃନ୍ଦାଵନପ୍ରିୟା ଵୃନ୍ଦାଵୃନ୍ଦାଵନଵିହାରିଣୀ ।
ଵୃନ୍ଦାଵନକୃତାଲାସ୍ୟା ଵୃନ୍ଦାଵନଵରାର୍ଚିତା ॥ ୩୯॥
ଵୃନ୍ଦାଵନସ୍ଥଜନ୍ତୂନାଂ ସର୍ଵତୋଭଦ୍ରକାରିଣୀ ।
ଵୃନ୍ଦାଵନରସୋତ୍କଣ୍ଠା ଵୃନ୍ଦାଵନକୃତାଲୟା ॥ ୪୦॥
ଵୃନ୍ଦାଵନପ୍ରଭାଵଜ୍ଞା ଵୃନ୍ଦାଵନସୁପୂଜିତା ।
ଵେଣୁଵାଦରତା ଵେଣୁନାଦିନୀ କଲଭାଷିଣୀ ॥ ୪୧॥
ଵେଷ୍ଣଵୀ ଵିଷ୍ଣୁନିରତା ଵିଷ୍ଣୁମାୟାଵସୁନ୍ଧରା ।
ଵସୁଦା ଵସୁକୃଦ୍ରାମା ଵିଷ୍ଣୁଵାମାଙ୍ଗଵାସିନୀ ॥ ୪୨॥
ଵିଷ୍ଣୁଭକ୍ତୈଃ ସଦା ସେଵ୍ୟା ଵିଷ୍ଣୁଭକ୍ତହିତୈଷିଣୀ ।
ଵିଷ୍ଣୁଵିଦ୍ୟା ଵିଷ୍ଣୁରୂପା ଵିଶ୍ଵଜ୍ଞା ଚ ଵିଵେକିନୀ ॥ ୪୩॥
ଵିଵେକଦାୟିକା ସାଧ୍ଵୀ ସମ୍ୟକ୍ସାଧୁଜନାର୍ଚିତା ।
ସମ୍ୟଗ୍ଜ୍ଞାନପରା ସମ୍ୟକ୍ ସମ୍ୟଗ୍ଵିଦ୍ୟାଵିଶାରଦା ॥ ୪୪॥
ସାରଦା ଶାରଦା ସାଧ୍ୟା ଶରତ୍ପୂର୍ଣନିଭାନନା ।
ଶରାହ୍ଵୟା ସଦାହ୍ଲାଦକାରିଣୀ ଜୟଦା ମତା ॥ ୪୫॥
ମାତା ମାତାମହୀ ମନ୍ତ୍ରା ମୂର୍ତିର୍ଵନ୍ଦ୍ୟା ପିତାମହୀ ।
ଅର୍ଥୈଶ୍ଵର୍ୟକରୀ ପ୍ରଜ୍ଞା ବ୍ରାହ୍ମୀନାରାୟଣୀ ଦୟା ॥ ୪୬॥
ପୁଣ୍ୟାପୁଣ୍ୟଵିଧାନଜ୍ଞା ପୁଣ୍ୟଦେଵଦ୍ଵିଜାର୍ଚିତା ।
ପୁଣ୍ୟମୂର୍ତିଃ ପୁଣ୍ୟଦେହା ପୁଣ୍ୟଗ୍ରାମନିଵାସିନୀ ॥ ୪୭॥
ଗୋକୁଲସ୍ୟ ପ୍ରିୟା ଦେଵୀ ଗୋକୁଲେ ସର୍ଵନର୍ମଦା ।
ଗୋକୁଲାଚାରସର୍ଵଜ୍ଞା ଗୋକୁଲସ୍ୟ ସୁଖାର୍ଥିନୀ ॥ ୪୮॥
ଗୋକୁଲୀୟୈଃ ସଦା ଧ୍ୟେୟା ଗୋକୁଲାୟ ଗତିପ୍ରଦା ।
ଗୋକୁଲାଚାରଵିଦୁଷୀ ଗୋକୁଲାଚାରଵର୍ଣିନୀ ॥ ୪୯॥
ସୁରାରିଦମନୀ ଦିଵ୍ୟା ସୁରଵୃନ୍ଦଵିନାଶିନୀ ।
ଦୁଷ୍ଟଦାନଵସଂହତ୍ରୀଂ କଂସଚାଣୂରମର୍ଦିନୀ ॥ ୫୦॥
କୁମାରୀ କୁଲଜା କୁନ୍ତୀ କୁଲସ୍ତ୍ରୀ କୁଲପାଲିକା ।
ପାଞ୍ଚାଲୀ ଦ୍ରୌପଦୀ ସୀତା ତାରା ଶୈବ୍ୟାଽଥ ରୁକ୍ମିଣୀ ॥ ୫୧॥
ସତ୍ୟଭାମା ତଥା ସତ୍ୟା ସତ୍ୟଧର୍ମପରାୟଣା ।
ବୃହତୀଚ ତଥା ସ୍ଥୂଲା ସୂକ୍ଷ୍ମା ହ୍ରସ୍ଵାଚ ଦୀର୍ଘିକା ॥ ୫୨॥
ୟଶୋଦାଦେଵକୀ ଚିତ୍ତିରନ୍ତଃସଂଲଗ୍ନମାନସା ।
ରୋହିଣୀ କୁବ୍ଜିକା ଗୁର୍ଵୀ କିଶୋରୀ ଷୋଡଶାବ୍ଦିକା ॥ ୫୩॥
ଚିତ୍ରିଣୀ ଚିତ୍ରଭାଵଜ୍ଞା ଚିତ୍ରକର୍ମକରୀ ସଦା ।
ଵିଚିତ୍ରାଭରଣାନନ୍ଦଵ୍ରଜସୌଭାଗ୍ୟଵର୍ଦ୍ଧିନୀ ॥ ୫୪॥
ନନ୍ଦସ୍ତୁତା ନନ୍ଦପ୍ରିୟା ନନ୍ଦାନନ୍ଦକରୀ ମହୀ ।
ନନ୍ଦାଦିଗୋପୈଃ ପ୍ରଣତା ନନ୍ଦସ୍ମରପ୍ରଭାଵତୀ ॥ ୫୫॥
ୟମୁନାକୃତସଙ୍କ୍ରୀଡା ୟମୁନାରୂପଧାରିଣୀ ।
ୟମୁନାୟାଂ ସଦାସ୍ନାତା ୟମୁନାରାମକାରିଣୀ ॥ ୫୬॥
ଗୁଣାଢ୍ୟା ଗୁଣଦା ଗୁଣ୍ୟା ତ୍ରିଗୁଣା ଗୁଣନିର୍ଵୃତା ।
ଗୁଣାନ୍ଵିତା ଗୁଣମୟୀ ଗୁଣଗ୍ରାମନିଵାସିନୀ ॥ ୫୭॥
ଗୋପସ୍ତ୍ରୀଭିଃ ପରିଵୃତା ଗୋପକନ୍ୟାଵିନୋଦିନୀ ।
ଗୋପସ୍ତ୍ରୀଣାଂ ପରାଶକ୍ତିଃ ପରମାମୃତଵର୍ଷିଣୀ ॥ ୫୮॥
ପରମାନନ୍ଦସନ୍ତୁଷ୍ଟା ବ୍ରହ୍ମାନନ୍ଦମୟୀଶ୍ଵରୀ ।
ବ୍ରହ୍ମାନନ୍ଦପ୍ରିୟା ବ୍ରହ୍ମଵାଦିନୀ ବ୍ରାହ୍ମଣପ୍ରିୟା ॥ ୫୯॥
ସରସ୍ଵତୀ ତ୍ରିଵେଣୀ ଚ ପୁଷ୍କରା ପୁଷ୍କରାଲୟା ।
ତ୍ରୟୀମୟୀ ସ୍ମୃତିମୟୀ ଵେଦମାର୍ଗଵିଭୂଷଣା ॥ ୬୦॥
ଵେଦମାର୍ଗରତାଵେଦଵେଦ୍ୟା ଵିଦ୍ଵତ୍ସୁପୂଜିତା ।
ପୁରାଣଗୀତଗୁଣିକା ପୁରାଣଵ୍ରତଶୋଭନା ॥ ୬୧॥
ପୁରାଣାତିପୁରାଣାମ୍ବା ପୁରାଣପରମାର୍ଥଦା ।
ଭୂତା ଭୂତପ୍ରିୟା ଭୂତଗ୍ରାମପାଲନମାନସା ॥ ୬୨॥
ଭୂତଵର୍ଗଧରା ଭୂତପୋଷଣଵ୍ରତପାଲିକା ।
ଭୂତାନନ୍ଦକରୀ ଭୂତମାତା ଧାତ୍ରୀ ଧୃତିଃ କ୍ରିୟା ॥ ୬୩॥
ଭୂତପ୍ରାଣପ୍ରିୟା ଭୂତରକ୍ଷିକା ଭୂତଦର୍ପହା ।
ଶର୍ଵାଣୀ ସର୍ଵଦା ସାର୍ଵୀ ସର୍ଵମୋହଵିଧାୟିନୀ ॥ ୬୪॥
ସର୍ଵସଙ୍କଟସଂହର୍ତ୍ରୀ ସର୍ଵସିଦ୍ଧିସମନ୍ଵିତା ।
ସର୍ଵାଧାରା ସର୍ଵମୟୀ ସର୍ଵରୂପା ସଦାନଵା ॥ ୬୫॥
ସର୍ଵଶକ୍ତିଃ ପରଂ ଜ୍ୟୋତିଃ ସର୍ଵଶସ୍ତ୍ରପ୍ରଣାଶିକା ।
ରାଗିଣୀ ରାଗଜନନୀ ରାଗଭୂମିର୍ଦୃଢଵ୍ରତା ॥ ୬୬॥
ରାଗଵଶ୍ୟା ଵୀତରାଗା ସର୍ଵରାଗାନୁରାଗିଣୀ ।
ଧର୍ମଦା ଧର୍ମଧାରା ଚ ଧନଦା ଧାନ୍ୟଦା ଶୁଚିଃ ॥ ୬୭॥
ଭୋଗମୁକ୍ତିଵ୍ରତାଧାରା ଭୋଗମୁକ୍ତିସ୍ଵରୂପିଣୀ ।
ପାନନୀ ପାଵନଗୁଣା ପାମରାଣାଂ ଚ ପାଵନୀ ॥ ୬୮॥
ପାଵନଶ୍ରାଵିଣୀ ଶଶ୍ଵତ୍ପାଵନଶ୍ରଵଣାତ୍ମିକା ।
ପାର୍ଵତୀ ପର୍ଵତସୁତା ପର୍ଵତେଷୁ ଵିହାରିଣୀ ॥ ୬୯॥
ଶ୍ରୀକୃଷ୍ଣାନ୍ଵେଷଣପରା କୃଷ୍ଣଦର୍ଶନଲାଲସା ।
ତତ୍ତ୍ଵାତ୍ମିକା ତତ୍ତ୍ଵଭାଵା ତତ୍ତ୍ଵାନାଂ ତତ୍ତ୍ଵଵର୍ଧିନୀ ॥ ୭୦॥
ତତ୍ତ୍ଵାନୁରାଗିଣୀ ବାଲା ତତ୍ତ୍ଵାକର୍ଷଣକାରିଣୀ ।
ତତ୍ତ୍ଵୋତ୍ପତ୍ତିଵିଧାନଜ୍ଞା ତତ୍ତ୍ଵାନାଂ ନାଶକାରିଣୀ ॥ ୭୧॥
ତତ୍ତ୍ଵଵିଦ୍ଭିଃ ସଦା ଧ୍ୟାତା ତତ୍ତ୍ଵଵିନ୍ମୋକ୍ଷଦାୟିକା ।
ତତ୍ଵଵିଦ୍ଵିଘ୍ନଶମନୀ ତତ୍ତ୍ଵଵିଦ୍ୟାଧିକାରିକା ॥ ୭୨॥
ତତ୍ତ୍ଵଵିତ୍ପ୍ରଦସର୍ଵସ୍ଵା ତତ୍ତ୍ଵଵିତ୍ପ୍ରାଣରକ୍ଷିକା ।
ଶଙ୍ଖିନୀ ଶଙ୍ଖହସ୍ତା ଚ ଶଙ୍ଖନାଦକରୀ ପ୍ରିୟା ॥ ୭୩॥
ଚକ୍ରିଣୀ ଚକ୍ରଵୃତ୍ତିଜ୍ଞା ଦୁଷ୍ଟଚକ୍ରକ୍ଷୟଙ୍କରୀ ।
ଶୂଲିନୀ ଶୂଲହସ୍ତା ଚ ଭକ୍ତାଶୂଲକରୀ ସଦା ॥ ୭୪॥
ଗଦନିଗଦସଂହର୍ତ୍ରୀ ଅଗଦଙ୍କାରଜୀଵିନୀ ।
ସଦାଚାରରତା ସାଧ୍ଵୀ ସଦାଚାରପ୍ରକାଶିନୀ ॥ ୭୫॥
ସଦାଚାରାଽସଦାଚାରଦୂରକର୍ତ୍ରୀ ସଦାର୍ତିହା ।
ସଦାଚାରଵିଶେଷା ଚ ସଦାଚାରପ୍ରମାଣିକା ॥ ୭୬॥
ସଙ୍କେତନିରତା ଲୋଲା ସଙ୍କେତସୁସମାହିତା ।
ସଙ୍କେତସ୍ଵାମିନୀ ଶ୍ୟାମା ସଙ୍କେତପ୍ରୀତିଦା ଶୁଭା ॥ ୭୭॥
ସୁସଙ୍କେତକୃତକ୍ରୀଡା ସଙ୍କେତକୃତନିଶ୍ଚୟା ।
ରାମାରାମାଗତା ରାମପ୍ରିୟା ଦୁଃଖାଦିଭଞ୍ଜିକା ॥ ୭୮॥
ପଦ୍ମା ପଦ୍ମମୁଖୀ ପଦ୍ମଵାସିନୀ ପଦ୍ମଭୂଷଣା ।
ପଦ୍ମାଲୟା ପଦ୍ମହସ୍ତା ପଦ୍ମାକ୍ଷୀ ପଦ୍ମିନୀ ପୁରୀ ॥ ୭୯॥
ପଦ୍ମଵର୍ଣା ପଦ୍ମଗର୍ଭା ପଦ୍ମାନାମ୍ନୀ ମହାନିଧିଃ ।
ରୁକ୍ମାଙ୍ଗପାରୁକ୍ମପର୍ଣା ରୁକ୍ମଦାତ୍ରୀ ଚ ନିର୍ଭୟା ॥ ୮୦॥
ରୁକ୍ମାଧାରାରୁକ୍ମରୁକ୍ମା ରୁକ୍ମିଣୀ ରୁକ୍ମପ୍ରୀତିଦା ।
କାମିନୀ କାମଭୂଃ କାମ୍ୟା କମନୀୟା କୁଟୁମ୍ବିନୀ ॥ ୮୧॥
କମନୀୟସ୍ଵଭାଵାଢ୍ୟା କରୁଣାକାରିଣୀ କୁରୁଃ ।
କାମରୂପା କାମ୍ୟମାନା କାମଦେଵକୃପାଧରା ॥ ୮୨॥
କାଲକର୍ତ୍ରୀ କଲା କଲ୍ୟା କଲିନୀ କୁଲଭାମିନୀ ।
ତୁଲସୀ ଚ ତୁଲା ତନ୍ଦ୍ରା ତୋତଲା ତାରକା ଧ୍ଵନିଃ ॥ ୮୩॥
ତନୁକା ତାଲଵଦ୍ଦୀର୍ଘା ତାରିଣୀ ତାମସୀ ନଵା ।
ରମ୍ଭା ତିଲୋତ୍ତମା ରମ୍ୟା ରମଣୀୟା ଵସୁନ୍ଧରା ॥ ୮୪॥
କୋକିଲା କଲନିର୍ହ୍ରାଦା କଲକଣ୍ଠୀ କଲାସୁଧା ।
ସୁଧାପାନମହାନନ୍ଦା ଶୁଦ୍ଧାଚାରପରାୟଣା ॥ ୮୫॥
ସୁଧାସମୁଦ୍ରଲହରୀ ସୁଧାସିନ୍ଧୁନିଵାସିନୀ ।
ସୁଧାମୟୀ ସୁଧାମୂର୍ତିଃ ସୁଧାକାନ୍ତିଃ ସୁଧାହ୍ଵୟା ॥ ୮୬॥
ସୁଧୀଭିର୍ଵନ୍ଦିତା ଶୁଦ୍ଧା ଶୁଦ୍ଧାଙ୍ଗୀ ଶୁଦ୍ଧକର୍ମଦା ।
ଶୁଦ୍ଧମାର୍ଗରତା ଶୁଦ୍ଧକାରିକା ଭକ୍ତଵତ୍ସଲା ॥ ୮୭॥
ଭକ୍ତାଗମନସାକାଝୀ ଭକ୍ତକୀର୍ତି ଵିଧାୟିନୀ ।
ସୁଷୁମ୍ନାଚ ସୁଷାମା ଚ ସୁଷମା ପରମା ମତା ॥ ୮୮॥
ଇଡା ଚେଡ୍ୟା ମହଦ୍ଭିଃ ସା ସୂର୍ୟଵାହା ସୁଶର୍ମଦା ।
ଚନ୍ଦ୍ରାଦିତ୍ୟକଲା ଜ୍ୟୋତିଃ ସୂର୍ୟଚନ୍ଦ୍ରସୁକୁଣ୍ଡଲା ॥ ୮୯॥
ସୂର୍ୟମଣ୍ଡଲମଧ୍ୟସ୍ଥା ଚନ୍ଦ୍ରମଣ୍ଡଲମାନିତା ।
ସୂର୍ୟାଗ୍ନିଧାମ୍ନୀ ସର୍ଵେଷାଂ ଧାମ୍ନୀ ଧାତ୍ରୀ ଧରିତ୍ରିଣୀ ॥ ୯୦॥
ଲଜ୍ଜାଲଜ୍ଜାଵତୀ ଲଜ୍ଜାପୂରିଣୀ କ୍ଲେଶନାଶିନୀ ।
ନାନାରୂପଧରା ନାନାଵ୍ୟାଧିନାଶନତତ୍ପରା ॥ ୯୧॥
ନାନାଗମରହସ୍ୟଜ୍ଞା ନାନାସାଧନସାଧିକା ।
ନାନାମନ୍ତ୍ରଵିଧାନଜ୍ଞା ନାନାମନ୍ତ୍ରସ୍ଵରୂପିଣୀ ॥ ୯୨॥
ନାନାଭୂଷଣଭୂଷାଙ୍ଗୀ ନାନାଵସ୍ତ୍ଵର୍ଥଗାମିନୀ ।
ନାନାନାଟ୍ୟକଲାଭିଜ୍ଞା ନାନାଶ୍ଲାଘାର୍ଥଜ୍ଞାପିକା ॥ ୯୩॥
ନାନାକର୍ମକରୀ ନାନାକର୍ମମାର୍ଗଵିଧାୟିକା ।
ତୀର୍ଥନାମ୍ନୀ ଭୀତିହରାତୀର୍ଥଶ୍ରଵଣଶୋଧିତା ॥ ୯୪॥
ତୀର୍ଥସ୍ଥିତାଲଙ୍କରଣା ତୀର୍ଥାଶ୍ରିତସୁଖୋନ୍ମୁଖୀ ।
ନିରଞ୍ଜନା ନିରାଲମ୍ବା ନିରାଧାରା ନିରାଶ୍ରୟା ॥ ୯୫॥
ନିରୀହା ନିସ୍ପୃହା ନାରୀ ନିର୍ଦ୍ଵନ୍ଦ୍ଵା ନିରହଙ୍କୃତିଃ ।
ନିର୍ଗୁଣାଗୁଣସଂୟୁକ୍ତା ନିର୍ଭ୍ରମା ଭ୍ରମଵର୍ଜିତା ॥ ୯୬॥
ଗରୁଡାସନଗାମୀୟା ଗାରୁଡୀ ଗରୁଡାର୍ଚିତା ।
ଗରୁଡସ୍କନ୍ଧସଂସ୍ଥାନା ଗରୁଡାର୍ତିଵିନାଶିନୀ ॥ ୯୭॥
ଭାଵପୂଜକସର୍ଵସ୍ଵା ଭାଵନିନ୍ଦକନାଶିନୀ ।
ଭାଵାନୁଗାଚ ଭାଵ୍ୟଜ୍ଞା ଭାଵାଭାଵସ୍ଵରୂପିଣୀ ॥ ୯୮॥
ଭୂତାଭୂତଭଵିଷ୍ୟାଦିଜ୍ଞାନକର୍ତ୍ରୀ ଭଵାର୍ତିହା ।
ଚାର୍ଵଙ୍ଗୀ ଚତୁରା ଚିତ୍ୟା ଚଞ୍ଚଲା ଚଞ୍ଚରୀଧ୍ଵନିଃ ॥ ୯୯॥
ଚାମୁଣ୍ଡା ଚାରୁଚରଣା ଚିରଚାରଣମୋଦିତା ।
ଵାମନୀ ଵର୍ତୁଲମୁଖୀ ଵୃତ୍ତିର୍ଵୃତ୍ତାନ୍ତସେଵିତା ॥ ୧୦୦॥
ପ୍ରକୃତ୍ତିକାରିଣୀ ପ୍ରାପ୍ତିଃ ପ୍ରାଚୀ ପ୍ରାଣାଶୁରକ୍ଷିଣୀ ।
ପ୍ରାଣପ୍ରତିଷ୍ଠା ପ୍ରାକାମ୍ୟା ପରମାଣୁପ୍ରମାଣିକା ॥ ୧୦୧॥
ପରମା ପରମୋତ୍କୃଷ୍ଟା ପରମାଣ୍ଵୀ ପରାଶରା ।
ପରଭାଗଵତୈର୍ଧ୍ୟାତା ପରଭାଗଵତାଭିଧା ॥ ୧୦୨॥
ଶ୍ରୀଭାଗଵତହାର୍ଦିକ୍ୟା ଶ୍ରୀଭାଗଵତମାନସା ।
ଶ୍ରୀଭାଗଵତନିଷ୍ଠାଚ ଶ୍ରୀଭାଗଵତଭାଵିତା ॥ ୧୦୩॥
ଶ୍ରୀଭାଗଵତସଂଵିଜ୍ଜ୍ଞା ଶ୍ରୀଭାଗଵତଭାଷିତା ।
ସାଵିତ୍ରୀ ଶ୍ରୀସଚିଦ୍ରୂପାସଵିତୁଃ ସୁଗତିପ୍ରଦା ॥ ୧୦୪॥
ସଵିତ୍ରାରାଧିତପଦା ସଚ୍ଚିନ୍ମଣ୍ଡଲମଣ୍ଡିତା ।
କଲ୍ପାନ୍ତସ୍ଥାପିନୀ କଲ୍ପକଲ୍ପିତା କଲ୍ପନାକୁଲା ॥ ୧୦୫॥
କଲ୍ପକଲ୍ପାୟୁଷଃ କଲ୍ପକରୀ କଲ୍ପପ୍ରଭଞ୍ଜିକା ।
ମନ୍ଵନ୍ତରପ୍ରିୟା ମନ୍ଵୀ ମନ୍ଵନ୍ତରମନୁପ୍ରିୟା ॥ ୧୦୬॥
ଶତରୂପା ଶତଗୁଣା ଶତାକ୍ଷୀ ଚ ଶକୁନ୍ତିନୀ ।
ସହସ୍ରାକ୍ଷୀ ଦଶଶତଭୁଜାର୍ପିତମହାୟୁଧା ॥ ୧୦୭॥
ସହସ୍ରଶିରସୀ ମାତାସହସ୍ରଚରଣୈର୍ୟୁତା ।
ସହସ୍ରଦଲପଦ୍ମାନ୍ତର୍ବଦ୍ଧପଦ୍ମାସନାର୍ଚିତା ॥ ୧୦୮॥
ଷଟ୍କୋଣୟନ୍ତ୍ରନିଲୟା ଷଟ୍କୋଣସ୍ଥାପିତପ୍ରଭା ।
ତ୍ରିକୋଣଗୃହମଧ୍ୟସ୍ଥା ତ୍ରିକୋଣେ ପୂଜିତା ଶୁଭା ॥ ୧୦୯॥
ତୁରୀୟା ଚତ୍ଵରାତନ୍ତ୍ରୀ ତନ୍ତ୍ରୀସ୍ଵରଵିଡମ୍ବିନୀ ।
ତନ୍ତ୍ରଗୀତା ତନ୍ତ୍ରସେଵ୍ୟା ତନ୍ତ୍ରୋକ୍ତା ତାନ୍ତ୍ରିକୀ ସ୍ମୃତିଃ ॥ ୧୧୦॥
ତନ୍ତ୍ରଵିଦ୍ୟା ସ୍ଵତନ୍ତ୍ରାଚ ପରତନ୍ତ୍ରପ୍ରିୟା ନଦୀ ।
ସ୍ମୃତିସଂସ୍କାରଜନନୀ ସଂସ୍କୃତିଃ ସଂସ୍କୃତା ପୁରା ॥ ୧୧୧॥
ସନ୍ଧ୍ୟାଧ୍ୟାନରତିଃ ଶଙ୍କା ଶକ୍ତିଃ ସର୍ଵେଷୁ ଜନ୍ତୁଷୁ ।
ସୌମ୍ୟା ସୋମାନନା ସୌମ୍ୟମାର୍ଗବୁଦ୍ଧିପ୍ରଦା ନୃଣାମ୍ ॥ ୧୧୨॥
ସୌମ୍ୟାଗମକରୀ ଶୁଦ୍ଧା ସୌମ୍ୟଵାର୍ତାଵିଧାୟିନୀ ।
ସୌମ୍ୟମୂର୍ତିଃ ସୌମ୍ୟଦେହା ସୌମ୍ୟାଚାରଵିଶେଷିକା ॥ ୧୧୩॥
ସୌମ୍ୟାରାଧ୍ୟା ସୌମ୍ୟୟୁକ୍ତା ସୌମ୍ୟପୂଜକପୁତ୍ରିଣୀ ।
ଗୁର୍ଵୀ ଗୁରୁଵିଧା ଗୌରୀ ଗୋରୋଚନଵିଭୂଷଣା ॥ ୧୧୪॥
ଗୁରୁଭକ୍ତା ଗୁରୁକୁଲା ଗୁରୁଜ୍ଞାନା ଗୁରୁସ୍ପୃହା ।
ଗୁରୁତାଲଵିଶେଷଜ୍ଞା ଗୁରୁପୂଜ୍ୟା ଗୁହାଲୟା ॥ ୧୧୫॥
ସାମଜ୍ଞା ସାମଗାସାମଵିଦିତସ୍ଵାର୍ଥସାଧନା ।
ଶଚୀ ସରସ୍ଵତୀ ଦିଵ୍ୟାରୁନ୍ଧତୀ ପ୍ରମଦୋତ୍ତମା ॥ ୧୧୬॥
ଜୟଦା ଜିତ୍ଵରା ୟାମ୍ୟା ଜୟଜାପ୍ୟା ଜପାନ୍ତିକା ।
ହଵିଷ୍ୟାହୁତିଭୋକ୍ତ୍ରୀ ଚ ହଵିର୍ଧାନୀ ମୁନିପ୍ରିୟା ॥ ୧୧୭॥
ହୋତ୍ରୀ ହୋମକ୍ରିୟା ହୋମସନ୍ତୁଷ୍ଟା ହୋମଵତ୍ସଲା ।
ୟଜୁଃ ପ୍ରିୟା ୟଜୁର୍ମାତା ୟଜୁର୍ଵେଦପ୍ରଣାଲିକା ॥ ୧୧୮॥
ୟଜୁର୍ଵେଦାଭିଲାଷା ଚ ୟଜୁର୍ଵେଦକୃପାକରୀ ।
ଋଚାଂ ସାରାର୍ଥଵିଦୁଷୀ ଋଗ୍ୟଜୁଃ ସାମଗାୟନୀ ॥ ୧୧୯॥
ସାମଦାନମିତାନନ୍ଦା ସାମଗେୟା ଚ ସାମଗା ।
ସାମସାମପ୍ରିୟା ସିଦ୍ଧିଃ ସମାଧିନିରତପ୍ରିୟା ॥ ୧୨୦॥
ସମାଧିଶାସ୍ତ୍ରଶ୍ରଵଣା ସମାଧିର୍ଵ୍ୟାଧିନାଶିନୀ ।
ଵିଜୟା ଵିଶ୍ଵମାତା ଚ ଜୟନ୍ତୀ ଵୀରବାହୁକା ॥ ୧୨୧॥
ଶତ୍ରୁଘ୍ନୀ ଶାମ୍ବରୀ ସେନାକ୍ଷୌହିଣୀ ଦଲହାରିଣୀ ।
ମଞ୍ଜୀରପଦକା କଣ୍ଠେହାରମାଲା କରାଙ୍କୁଶା ॥ ୧୨୨॥
ଭୁଜାଙ୍ଗଦା ଗଦହରା ଗଦପୀଡାକ୍ଷୟଙ୍କରୀ ।
ଶଙ୍ଖଚକ୍ରଗଦାଖଡ୍ଗନିକୁରୁମ୍ବାନି ବିଭ୍ରତୀ ॥ ୧୨୫॥
ଗୋପିନୀ ଦ୍ରାଵଣକରୀ ଦ୍ରଵଣାଖ୍ୟା ସୁସଂସ୍କୃତିଃ ।
ଵୀରଭୂମିର୍ଵୀରଜନୀ ଵୀରପାଲନମାନସା ॥ ୧୨୪॥
ଵୀରାକୃତିର୍ଵୀରମୁଖୀ ଵୀରଵିଦ୍ୟାଵିଶାରଦା ।
ଵୀରାଵୀରଵତୀ ଵୀରଵର୍ଣିନୀ ଵୀରସୁନ୍ଦରୀ ॥ ୧୨୫॥
କ୍ରୋଧିନୀ କ୍ରୋଧସଂଵିଗ୍ନା କ୍ରୋଧଵଶ୍ୟକରୀ ପ୍ରଭା ।
ଗୋମତୀ ଗୋଧନା ଗଙ୍ଗା ଗୋଵର୍ଧନଗିରିପ୍ରିୟା ॥ ୧୨୬॥
ଗୋଵର୍ଧନଧରା ଶକ୍ତିଃ ଗୋପାଲନପରଵ୍ରତା ।
ହୈୟଙ୍ଗଵୀନରସିକା ରସୋତ୍କୃଷ୍ଟାରସାୟନା ॥ ୧୨୭॥
ଵିରାଗିଣୀ ଵିରାଗାଚ ପୂର୍ଣଵୈରାଗ୍ୟଦାୟିନୀ ।
ସରାଗା ଵୀତରାଗାଚ ଵିରାଗା ରାଗସଂୟୁତା ॥ ୧୨୮॥
ଵୈରାଗ୍ୟଜନନୀ ସାକ୍ଷାତ୍ କୃଷ୍ଣଭକ୍ତିଶରୀରଭୃତ୍ ।
ଵୈରାଗ୍ୟାଙ୍ଗଵିଧେଃ କର୍ତ୍ରୀ ଵୈରାଗ୍ୟସୁଖସାଗରା ॥ ୧୨୯॥
ମୃତ୍ୟୁଦା ପାପିଵୃନ୍ଦାନାମାୟୁର୍ଦା ଧର୍ମଧାରିଣାମ୍ ।
ସୁଭଙ୍ଗଦା ହି ଦୁଷ୍ଟାନାଂ ଶିଷ୍ଟାନାଂ ଜ୍ଞାନଭକ୍ତିଦା ॥ ୧୩୦॥
ଭୟଦା ପ୍ରେତଭୂତାନାଂ ସାଧୂନାମଭୟପ୍ରଦା ।
ଶିଵଦା ଶିଵକର୍ତୄଣାଂ ପାମରାଣାଂ କ୍ଷୟଙ୍କରୀ ॥ ୧୩୧॥
ୟୋଗିନାଂୟୋଗଦାରୂପଧାରଣାଧ୍ୟାନତତ୍ପରା ।
ବହିର୍ମୁଖାନାମଶୁଭଙ୍କରିକା ଵାଗ୍ଵିଲାସିନୀ ॥ ୧୩୨॥
ୟଶୋଦା ଚ ୟଶୋରୂପା ୟଶସାଂଵୃଦ୍ଧିଦା ମୁଖୀ ।
ଲୋକଵେଦଵିଧିପ୍ରୌଢା ଲୋକଵେଦପ୍ରଲୋଭିନୀ ॥ ୧୩୩॥
ଲୋକଵେଦରତା ଲୋକଵେଦାଚାରପ୍ରଵାହିକା ।
ଲୋକଵେଦମୟା ଭର୍ତ୍ରୀ ଲୋକଵେଦଶୁଭପ୍ରିୟା ॥ ୧୩୪॥
ଲୋକଵେଦୈଃ ପୂଜ୍ୟତମା ଲୋକଵେଦଵ୍ରତସ୍ତୁତା ।
ଛାୟା ସଂଜ୍ଞାନୁସୂର୍ୟାଚବ୍ରହ୍ମାଣୀଚ ମଦାଲସା ॥ ୧୩୫॥
ମହାହ୍ରଦା ମହାଵାପୀ ପରିଖାଚ ମହାଖନିଃ ।
ପ୍ରାକାରଵଲୟା ଚୈଵ ୟୋଗପଦ୍ମଧରା ଗୟା ॥ ୧୩୬॥
କାଶାଭା କାଶିକା କାଶୀ କାଶ୍ମୀରଚନ୍ଦନାର୍ଚିତା ।
ଵଂଶୀକରପ୍ରିୟାଵଂଶୀ ଵଂଶୀଵାଦନହର୍ଷିତା ॥ ୧୩୭॥
ଵଂଶୀକରା କୃଷ୍ଣଵଂଶୀ ଵଂଶୀନାଦଵିମୋହିତା ।
ଵଂଶୀରୂପରଵାକାରୀ ଵଂଶୀରାଗମନୋହରା ॥ ୧୩୮॥
ଵଂଶୀନାଦେନ ସଂହୃଷ୍ଟା ଵଂଶୀଧ୍ଵନ୍ୟନୁକାରିଣୀ ।
ଵଂଶୀଵଶ୍ୟୋର୍ଵଶୀଭ୍ରାତା ଵଂଶୀଵଂଶନିପାଲିକା ॥ ୧୩୯॥
ଶ୍ରୁତିସ୍ମୃତିପ୍ରିୟା ପ୍ରହ୍ଵା ଶ୍ରୁତିସ୍ମୃତ୍ୟର୍ଥରୂପିଣୀ ।
ଶ୍ରୁତିସ୍ମୃତିସଦାଚାରା ଶ୍ରୁତିସ୍ମୃତ୍ୟର୍ଥଵାଚିକା ॥ ୧୪୦॥
ଶ୍ରୁତିସ୍ମୃତିରତା କାନ୍ତା ଶ୍ରୁତିସ୍ମୃତ୍ୟର୍ଥପୂରଣା ।
ଶ୍ରୁତିଃ ସ୍ମୃତିସ୍ତଥା ତୁଷ୍ଟିଃ ପୁଷ୍ଟିଃ କର୍ତୁର୍ମହାବଲା ॥ ୧୪୧॥
ପ୍ରହ୍ଲାଦିନୀ ଜଗନ୍ମାତା ପ୍ରହ୍ଲାଦଭକ୍ତିଵର୍ଦ୍ଧିନୀ ।
ହିରଣ୍ୟକଶିପୁଚ୍ଛେତ୍ତ୍ରୀ ପ୍ରହ୍ଲାଦାନନ୍ଦକାରିଣୀ ॥ ୧୪୨॥
ହିରଣ୍ୟାକ୍ଷଵଧୋଦ୍ୟୁକ୍ତା ଵାରାହୀ ପ୍ରୀତିମାନସା ।
ରାକ୍ଷସାନାଂ କ୍ଷୟକରୀ ଦେଵତାନାଂ ଜୟାଵହା ॥ ୧୪୩॥
ବଲିପ୍ରିୟା ସଦା ସ୍ଵେକ୍ଷ୍ୟା ବଲିନାଂ ବଲଦା ବଲା ।
ବଲାସୁରହରାଵଲ୍ଲୀ ବଲିଭୁଗ୍ବଲଘାତିନୀ ॥ ୧୪୪॥
ରାଜନୀତିଃ କ୍ରିୟାରୂପାରାଜ୍ୟହା ରାଜ୍ୟଭକ୍ଷଣା ।
ରାଜରାଜୈଃ ସ୍ତୁତା ସ୍ତୁତ୍ୟା ସ୍ତଵନୀୟଗୁଣା ସତୀ ॥ ୧୪୫॥
ଷଡୂର୍ମିହରିଣୀ ଷଡ୍ଭା ଷଡ୍ଗୁଣା ତ୍ରିଗୁଣାଲୟା ।
ନିଷ୍କାମଧର୍ମନିରତା ସକାମା କାମନିର୍ମଲା ॥ ୧୪୬॥
ଆର୍ୟା ଦାକ୍ଷିଣ୍ୟରୂପା ଚ ଦକ୍ଷିଣା ୟଜ୍ଞପାଵନୀ ।
ଦକ୍ଷିଣାଗମଵିଦ୍ୟା ଚ ଦକ୍ଷିଣାନାଂ ଵଶଂଵଦା ॥ ୧୪୭॥
ମୁଦ୍ରା ମୁଦ୍ରାପ୍ରିୟା ମୁଦ୍ରାଵିଧାନଜ୍ଞା ମୁଦାନ୍ଵିତା ।
ନିଷ୍କଲଙ୍କା କଲାଧାରା ସୂର୍ୟଚନ୍ଦ୍ରାଗ୍ନିଲୋଚନା ॥ ୧୪୮॥
ଦୁର୍ଗା ଦୁର୍ଗଗତିର୍ଦୁର୍ଗାସୁରମାରଣପଣ୍ଡିତା ।
ତ୍ଵଗସ୍ଥିମାଂସରୁଧିରସ୍ନାୟୁମଜ୍ଜାଦିଶକ୍ତିଦା ॥ ୧୪୯॥
ଗ୍ରହରୂପା ଗ୍ରହମୟୀ ଵିଗ୍ରହା ଗ୍ରହିକା ନିଶା ।
ଗ୍ରହଣା ଗ୍ରାହିଣୀ ଗ୍ରାମଗ୍ରାହିଣୀ ଗ୍ରାମଵଲ୍ଲଭା ॥ ୧୫୦॥
ଗ୍ରାମାଚାରପରାପୂଜ୍ୟା ଗ୍ରାମଶର୍ମାଧିଦାୟିନୀ ।
ସୁଭଦ୍ରା ଭଦ୍ରକାଲୀ ଚ ଭଦ୍ରମାର୍ଗପ୍ରଵର୍ତିକା ॥ ୧୫୧॥
ଭଦ୍ରାସନା ଭଦ୍ରମତିର୍ଭଦ୍ରାଙ୍ଗା ଭଦ୍ରକାରିଣୀ ।
ପୃଥିଵ୍ୟପ୍ତେଜସାଂ ରୂପା ଚାଦ୍ୟାକାଶସ୍ଵରୂପିଣୀ ॥ ୧୫୨॥
କାଵ୍ୟଶକ୍ତିଃ କଵିତ୍ଵଜ୍ଞା କଵିରୂପା କଵିପ୍ରିୟା ।
ଶିଵା ଶିଵଙ୍କରୀ କମ୍ବୁକଣ୍ଠୀ ସର୍ଵାଙ୍ଗସୁନ୍ଦରୀ ॥ ୧୫୩॥
ଭକ୍ତୋଦ୍ଗୀତା ଭକ୍ତକାମ୍ୟା ଭକ୍ତସର୍ଵସ୍ଵଦା ସତୀ ।
ରଜୋ ରଜୋୟୁତା ରକ୍ତା ରଜସଃଶୁଦ୍ଧିସାଧିକା ॥ ୧୫୪॥
ସତ୍ତ୍ଵା ଚ ସତ୍ତ୍ଵସମ୍ପନ୍ନା ସତ୍ତ୍ଵଗୁଣ୍ୟା ଗୁଣାଲୟା ।
ସାତ୍ଵିକୀସତ୍ତ୍ଵସମ୍ପୂର୍ଣା ସତ୍ତ୍ଵଵୃତ୍ତାନ୍ତଵୃତ୍ତିଦା ।
ସତ୍ତ୍ଵାହାରା ସତ୍ତ୍ଵୟୋନିଃ ସତ୍ତ୍ଵଵର୍ଣାଧିନନ୍ଦିନୀ ॥ ୧୫୫॥
ସର୍ଵଶାସ୍ତ୍ରମୟୀ ଵିଦ୍ୟା ସର୍ଵଦେଵମୟୀ ପ୍ରଭା ।
ସର୍ଵଵର୍ଣମୟୀ ଶୟ୍ୟା ସର୍ଵାଭରଣଭୂଷିତା ॥ ୧୫୬॥
ସର୍ଵସାମର୍ଥ୍ୟଦାତ୍ରୀଚ ସର୍ଵମଙ୍ଗଲମାଲିନୀ ।
ସର୍ଵାଶ୍ରୟାସାର୍ଵଭୌମା ସର୍ଵରୂପାଗମପ୍ରଭା ॥ ୧୫୭॥
ଗାନ୍ଧର୍ଵୀ କିନ୍ନରୀ ଦେଵୀ ମୋହକର୍ତ୍ରୀ ସୁବୁଦ୍ଧିଦା ।
ଲଜ୍ଜାଶୀଲା ତ୍ରପାଶୀଲା ଶୀଲସନ୍ତୋଷସଂୟୁତା ॥ ୧୫୮॥
କାମାକ୍ଷୀ କାମିନୀ କାମ୍ୟା କମନୀୟଵପୁର୍ଧରା ।
କାମରୂପା ସିଦ୍ଧିରୂପା ସିଦ୍ଧୈର୍ଵନ୍ଦ୍ୟା ସୁସିଦ୍ଧିଦା ॥ ୧୫୯॥
ଶ୍ରୀଵିଦ୍ୟା ତ୍ରିଜଟା ଦେଵୀ ଲକ୍ଷ୍ମୀର୍ନୀଲସରସ୍ଵତୀ ।
ପୀତାମ୍ବରା ତଥାଦ୍ୟା ଚ ସର୍ଵଵିଦ୍ୟାମୟୀଶ୍ଵରୀ ॥ ୧୬୦॥
ଵ୍ୟକ୍ତାଽଵ୍ୟକ୍ତାଽନେକମୂର୍ତିଃ ସର୍ଵତୀର୍ଥଫଲାଧିକା ।
ଶ୍ରୀରୂପା ଶ୍ରୀସ୍ତୁତା ଶ୍ରାଵ୍ୟା ଶ୍ରଵଣାତ୍ପାପନାଶିନୀ ॥ ୧୬୧॥
ସର୍ଵଧର୍ମଵଦାନ୍ୟାଚ ନିନ୍ଦାନିନ୍ଦକନାଶିନୀ ।
ଶ୍ରୀପ୍ରସାଦକରୀ ଶ୍ରଦ୍ଧାମେଧାରୂପାସୁଶର୍ମଦା ॥ ୧୬୨॥
ଗୋପୀ ଗିରିସୁତା ଗୁର୍ଵୀ ଗୌରୀ ଗୌଃ ସର୍ଵତୋମୁଖୀ ।
ଚତୁର୍ଭୁଜା ଦଶଭୁଜା ଚତୁର୍ଵର୍ଗଫଲପ୍ରଦା ॥ ୧୬୩॥
ଚର୍ମଣ୍ଵତୀ ଵେଦଵତୀ ଚତୁରାଚାତୁରୀ କଲା ।
ଷୋଡଶାଧିସହସ୍ରାଣାଂ ସ୍ତ୍ରୀଣାଂ ମଧ୍ୟେ ତୁଵନ୍ଦିତା ॥ ୧୬୪॥
ନଵମୀ ପଞ୍ଚମୀଭୂତା ଷଷ୍ଠୀ ଷଷ୍ଠୀ ଚ ସପ୍ତମୀ ।
ଅମାଚ ପୂର୍ଣିମା ପୂର୍ଣା ଶିଵରାତ୍ରିଃ ପ୍ରଭାଵତୀ ॥ ୧୬୫॥
ଚତୁଃଷଷ୍ଟିକଲାୟୁକ୍ତା ଷୋଡଶୀ ତ୍ରିପୁରେଶ୍ଵରୀ ।
ସର୍ଵପ୍ରାଣମୟୀ ଵନ୍ଦ୍ୟା ଦୃଢବନ୍ଧଵିମୁକ୍ତିଦା ॥ ୧୬୬॥
ସର୍ଵାଧାରା ସର୍ଵଦେଵୀ ସର୍ଵାରାଧ୍ୟା ସମାଲିକା ।
ମନ୍ତ୍ରବୀଜରହସ୍ୟାଦିସର୍ଵଵିଦ୍ୟାପ୍ରକାଶିନୀ ॥ ୧୬୭॥
ସର୍ଵଵର୍ଣମୟୀନ୍ଦ୍ରାଣୀ ଜପଜାପ୍ୟପରା ଚ ସା ।
ଶ୍ରୀଧରୀ ଶ୍ରୀଧରାଵନ୍ଦ୍ୟା ଶ୍ରୀଧରପ୍ରାଣଵଲ୍ଲଭା ॥ ୧୬୮॥
ଶ୍ରୀରାଧା (ଶ୍ରୀ) କୃଷ୍ଣହୃଦୟା ଶ୍ରୀଧରପ୍ରାଣଜୀଵନୀ ।
ଶ୍ରୀଧରସ୍ୟ ପ୍ରତାପାଦିଶା(ଜ୍ଞା) ପିକାଖିଲକାରଣମ୍ ॥ ୧୬୯॥
ସର୍ଵାନୁସ୍ୟୂତଶକ୍ତିଶ୍ଚ ବୃହଦ୍ଵୃନ୍ଦଵନାଲୟା ।
ଇତୀଦଂ ରାଧିକାଦେଵ୍ୟା ଦିଵ୍ୟଂ ନାମସହସ୍ରକମ୍ ।
ମୟା ସମ୍ୟକ୍ତୟା ପ୍ରୋକ୍ତମୃଷେ ତ୍ଵଦ୍ଧିତକାମ୍ୟୟା ॥ ୧୭୦॥
ୟଃ ପଠେତ୍ ପ୍ରାତରୁତ୍ଥାୟ ଶୁଚିସ୍ତଦ୍ଗତମାନସଃ ।
ସ ଭଵେତ୍ସର୍ଵସମ୍ପୂର୍ଣଃ ଶୁଭାଚାରଃ ପରାତ୍ପରଃ ॥ ୧୭୧॥
ପ୍ରଜ୍ଞାଚକ୍ଷୁର୍ଲଭେଦୃଷ୍ଟିଂ ନେତ୍ରରୋଗୈର୍ନ ପୀଡ୍ୟତେ ।
ମୂକୋଵାଚଂ ଲଭେତ୍ସର୍ଵଲକ୍ଷଣୈଃ ସଂୟୁତାଂ ଶୁଭାମ୍ ॥ ୧୭୨॥
ପ୍ରାତଃକାଲେଽଥ ସାୟାହ୍ନେ ନିଶୀଥେ ୟଃ ପଠେତ୍ସ୍ତଵମ୍ ।
ଶ୍ରୀରାଧାକୃଷ୍ଣସାକ୍ଷାତ୍କାରୋଜାୟତେ ସୁନିଶ୍ଚିତମ୍ ॥ ୧୭୩॥
ଵୈଷ୍ଣଵେଷୁ ଭଵେଦ୍ଧନ୍ୟସ୍ତ୍ରିଷୁ ଲୋକେଷୁ ଵିଶ୍ରୁତଃ ।
ଧର୍ମକର୍ତୃଷୁଧର୍ମୀଶଃ ପଠେଦ୍ୟଃ ସ୍ତୋତ୍ରମୁତ୍ତମମ୍ ॥ ୧୭୪॥
ସ ୟୋଗୀ ପରମୋତ୍କୃଷ୍ଟଃ ସ ଋଷିଃ ସର୍ଵଵେଦଵିତ୍ ।
ସ ଜ୍ଞାନୀ ସ ଚ ଭକ୍ତସ୍ତୁ ସ କର୍ମସକଲାର୍ଥଵିତ୍ ॥ ୧୭୫॥
ସ ଇନ୍ଦ୍ରଃ ସ ହରିର୍ବ୍ରହ୍ମା ସ ରୁଦ୍ରୋ ବ୍ରହ୍ମରୂପଵିତ୍ ।
ସଶେଷଃ ସ ମୁନିର୍ଵ୍ୟାସୋ ଦତ୍ତାତ୍ରେୟଃ ସଦାଶିଵଃ ॥ ୧୭୬॥
ପ୍ରାତରୁତ୍ଥାୟ ୟୋଽଧୀତେ ନାମ୍ନାଂ ଦଶଶତୀମିମାମ୍ ।
ସର୍ଵତୀର୍ଥେଷୁ ୟତ୍ସ୍ନାନଂ ସର୍ଵଲୋକେଷୁ ୟଦ୍ଧିତମ୍ ॥ ୧୭୭॥
ସର୍ଵଵେଦେଷୁ ୟତ୍ସର୍ଵଂ ସର୍ଵସ୍ମୃତିଷୁ ୟତ୍ଫଲମ୍ ।
ପୁରାଣେଷୁ ଚ ଶାସ୍ତ୍ରେଷୁ ତଥା ଗୀତପ୍ରହେଲିଷୁ ॥ ୧୭୮॥
ୟତ୍ସାରଂ ୟଚ୍ଚ ହାର୍ଦଂ ତୁ ୟା ଶକ୍ତିଃ ସର୍ପଦସ୍ୟୁହୃତ୍ ।
ତତ୍ସର୍ଵମିଦମାଖ୍ୟାତଂ ନାତଃ କିଞ୍ଚିତ୍ପରଂ ମୁନେ ॥ ୧୭୯॥
ଧନ୍ୟଂ ୟଶସ୍ୟମାୟୁଷ୍ୟଂ ଶ୍ରୀକୃଷ୍ଣପ୍ରେମଵର୍ଦ୍ଧନମ୍ ।
ଇଦମେକଂ ମୟା ଦୃଷ୍ଟଂ ରାଧାନାମସହସ୍ରକମ୍ ॥ ୧୮୦॥
ସର୍ଵପାପପ୍ରଶମନମକାଲମୃତ୍ୟୁନାଶନମ୍ ।
ସର୍ଵମାଙ୍ଗଲ୍ୟଦମିଦଂ ପଠିତଵ୍ୟଂ ମୁମୁକ୍ଷୁଭିଃ ॥ ୧୮୧॥
ସର୍ଵାଗମପ୍ରିୟଂ ହ୍ୟେତତ୍ ସର୍ଵପାପପ୍ରଣାଶନମ୍ ।
ସର୍ଵଵେଦଶିରୋଭାଗେ ସର୍ଵାଧିଵ୍ୟାଧିଶାନ୍ତିକୃତ୍ ॥ ୧୮୨॥
ଭାଵୁକଂ ଭଵ୍ୟସାଧୂନାଂ ତାରକ ତତ୍ତ୍ଵମୀକ୍ଷତାମ୍ ।
ମାରକଂ ସର୍ଵଦୁଷ୍ଟାନାମିଦମେଵ ହି ନିର୍ମିତମ୍ ॥ ୧୮୩॥
ଏତସ୍ୟ ପଠନାତ୍ସଦ୍ୟୋମୁକ୍ତିଃ ସ୍ୟାଦନପାୟିନୀ ।
ଭକ୍ତିରପ୍ୟସ୍ୟ ଶ୍ରୀକୃଷ୍ଣେ ରାଧୟା ସହିତେ ଭଵେତ୍ ॥ ୧୮୪॥
କୃଷ୍ଣଵଶ୍ୟକରଂ ସମ୍ୟକ୍ ଜ୍ଞାନଵିଜ୍ଞାନଵର୍ଦ୍ଧନମ୍ ।
ବହୁ କିଂ ପଠନାଦସ୍ୟ ମାସୈକେନ ମହାମୁନେ ॥ ୧୮୫॥
ଭକ୍ତିୟୁକ୍ତୋଲଭେଜ୍ଜ୍ଞାନଂ ଶ୍ରଦ୍ଧାଵାଂଶ୍ଚେନ୍ମୁନିଃ ପଠେତ୍ ।
ଆୟୁରାରୋଗ୍ୟମୈଶ୍ଵର୍ୟଂ ଜ୍ଞାନଂ ଵୈରାଗ୍ୟସଂୟୁତମ୍ ॥ ୧୮୬॥
ୟଦ୍ୟଦିଷ୍ଟତମଂଲୋକେ ତତ୍ତଦାପ୍ନୋତ୍ୟସଂଶୟମ୍ ।
ମହତାଂ ସଙ୍ଗତିକରଂ ମହଦ୍ଭାଗ୍ୟୋଦୟପ୍ରଦମ୍ ॥ ୧୮୭॥
ମହତାଂ ହି ସଦା ସେଵ୍ୟମିଦମେଵ ହ୍ୟୁଦାହୃତମ୍ ।
ଵେଦଶାସ୍ତ୍ରପୁରାଣେଭ୍ୟ ଇଦମେଵ ସମୁଦ୍ଧୃତମ୍ ॥ ୧୮୮॥
ତସ୍ମାତ୍ସର୍ଵପ୍ରୟତ୍ନେନ ରାଧାନାମସହସ୍ରକମ୍ ।
ଭୂତାଷ୍ଟମ୍ୟାମମାୟାଂ ଚ ସଙ୍କ୍ରାନ୍ତୌ ଵ୍ୟତିପାତକେ ॥ ୧୮୯॥
ସୂର୍ୟଚନ୍ଦ୍ରୋପରାଗେଚ ପଠିତଵ୍ୟଂ ଶୁଭେପ୍ସୁଭିଃ ।
ପଠ୍ୟମାନମିଦଂ ସ୍ତୋତ୍ରଂ ଶ୍ରଦ୍ଧୟା ୟଃ ଶୃଣୋତିଚ ॥ ୧୯୦॥
ସର୍ଵାଭୀଷ୍ଟେନ ସଂୟୁକ୍ତୋ ଜାୟତେ ରାଧିକାଜ୍ଞୟା ।
ଏକାଦଶ୍ୟାଂ ମହାରାତ୍ରୌ ଦ୍ଵାଦଶ୍ୟାଂ ଗ୍ରହପର୍ଵଣି ॥ ୧୯୧॥
ପଠତାଂ ଶୃଣ୍ଵତାଂ ପୁଂସାଂ ତେଷାଂ ମୁକ୍ତିର୍ନ ଦୁର୍ଲଭା ।
ହିକ୍କାରୋଗସ୍ତଥା ଛର୍ଦିର୍ମୂତ୍ରକୃଚ୍ଛୂଂ ତଥା ଜ୍ଵରଃ ॥ ୧୯୨॥
ଅତୀସାରସ୍ତଧା ଶୂଲଂ ଆମଵାତାଦୟୋଽପି ଚ ।
ଅନ୍ୟେ ଚ ବହଵୋ ରୋଗାଃ ସନ୍ନିପାତମୁଖା ଋଷେ ॥ ୧୯୩॥
ଶାନ୍ତିଂ ପ୍ରୟାନ୍ତି ତେ ସର୍ଵେ ସ୍ତୋତ୍ରସ୍ୟାସ୍ୟ ପ୍ରଭାଵତଃ ।
ସ୍ତୋତ୍ରସ୍ୟ ପଠନାଦସ୍ୟ ପ୍ରହ୍ଲାଦଃ ସିଦ୍ଧତାଂ ଗତଃ ॥ ୧୯୪॥
ୟୁଧିଷ୍ଠିରୋଽଧ ଭୀଷ୍ମଶ୍ଚ ଜାମଦଗ୍ନ୍ୟୋଦ୍ଧଵୌ ତଥା ।
ହରିଶ୍ଚନ୍ଦ୍ରାମ୍ବରୀଷୌ ଚ ବ୍ରହ୍ମପୁତ୍ରାସ୍ତଥାଽନଘାଃ ॥ ୧୯୫॥
ଏତେ ସିଦ୍ଧିଂ ଗତାଃ ସର୍ଵେ ସତ୍ୟଂ ସତ୍ୟଂ ଵଦାମ୍ୟହମ୍ ।
ଶ୍ରୀରାଧାୟାଃ ପ୍ରସାଦେନ ସର୍ଵାନୁଗ୍ରହଣେ କ୍ଷମାଃ ॥ ୧୯୬॥
ତସ୍ମାତ୍ସଦେୟମେଵାତ୍ର ପୂଜନୀୟା ମୁହୁର୍ମୁହୁଃ ।
ଅଥାସ୍ୟସାଧନଂ ଵକ୍ଷ୍ୟେ ଉଭୟୋଃ ପ୍ରୀତିଵର୍ଦ୍ଧନମ୍ ॥ ୧୯୭॥
ପ୍ରାତରୁତ୍ଥାୟ କର୍ତ୍ତଵ୍ୟଂ ସାଧକେନ ଶୁଭେଚ୍ଛୁନା ।
ପ୍ରକ୍ଷାଲ୍ୟ ହସ୍ତୌ ପାଦୌ ଚ ତ୍ରିରାଚମ୍ୟ ଶୁଚିଃ ପୁମାନ୍ ॥ ୧୯୮॥
ଜଲାଶୟେ ତଥା ନଦ୍ୟାଂ ଦେଵଖାତେ ହ୍ରଦେ ତଥା ।
କୂପେ ଗୃହେ ସ୍ଵକୀୟେ ଵା ସ୍ନାୟାଦ୍ଵୈ ଵିଧିପୂର୍ଵକମ୍ ॥ ୧୯୯॥
ସଦାଚାରଂ ତତଃ କୃତ୍ଵା ପୁଷ୍ପଧୂପାଦିଚନ୍ଦନୈଃ ।
ପୁସ୍ତକଂ ତୁ ପ୍ରପୂଜ୍ୟାଥ ମନ୍ତ୍ରରାଜମୁଦୀରୟେତ୍ ॥ ୨୦୦॥
ଅଥ ମନ୍ତ୍ରଂ ପ୍ରଵକ୍ଷ୍ୟାମି ଵିଷ୍ଣୁଭକ୍ତିକରଂ ନୃଣାମ୍ ।
ତାରଂ ରମାନାଥସୈଵତଗଃ ୟଦି ମୁଦୀର୍ୟ ଚ ॥ ୨୦୧॥
ପପଞ୍ଚମୋ ଭଗାଦ୍ୟାଶ୍ଚ ଭକ୍ତିଂ ଦେହି ତତଃ ପରମ୍ ।
ଦେହି ଦେହି ତତଃ ପଶ୍ଚାତ୍ତାରଂ ତତ୍ର ପୁନର୍ଵଦେତ୍ ॥ ୨୦୨॥
ସଂପ୍ରୋକ୍ତୋ ମନ୍ତ୍ରରାଜୋଽୟଂ ଶ୍ରୀରାଧାୟା ଋଷେ ତଵ ।
ଦଶଵାରମସୌ ମନ୍ତ୍ରୋ ଜପ୍ୟଶ୍ଚ ପ୍ରଥମଂ ମୁଦା ॥ ୨୦୩॥
ତତଃ ସହସ୍ରନାମେଦଂ ପଠିତଵ୍ୟଂ ମୁନେ ତ୍ଵୟା ।
ଏକକାଲସ୍ୟ ପଠନାଦ୍ଵିଷ୍ଣୁଭକ୍ତୋ ଭଵେଦ୍ୟଦି ॥ ୨୦୪॥
ଦ୍ଵିତ୍ରିକାଲସ୍ୟ ପଠନାଦ୍ଭକ୍ତିଃ ସ୍ୟାଦନପାୟିନୀ ।
ଏକୋଽଦ୍ଵୟାତ୍ମକୋ ମନ୍ତ୍ରସ୍ତ୍ରିଷୁ ଲୋକେଷୁ ଦୁର୍ଲଭଃ ॥ ୨୦୫॥
ଗୋପନୀୟଃ ପ୍ରୟତ୍ନେନ କୃଷ୍ଣସ୍ୟ ପଦମିଚ୍ଛତା ।
ଏକୋଽଦ୍ଵୟାତ୍ମକୋ ମନ୍ତ୍ରସ୍ତୁଭ୍ୟମୁକ୍ତୋ ମୟା ମନେ ।
ତସ୍ମାତ୍ତ୍ଵୟାଽପି ଧୂର୍ତେଭ୍ୟଃ ସନ ଦେୟଃ କଦାଚନ ॥ ୨୦୬॥
ଇଦଂ ଖଲାୟ ପଶଵେ ଵେଦାନାଂ ନିନ୍ଦକାୟ ଚ ।
ଅଶ୍ରଦ୍ଧାୟାତିମୂର୍ଖାୟ ପରସ୍ତ୍ରୀଲମ୍ପଟାୟଚ ॥ ୨୦୭॥
ଦୁରାଚାରାୟ ମୂଢାୟ ଗୀଲାୟାଵ୍ରତରୂପିଣେ ।
ନିର୍ଦୟାୟାତିହ୍ରସ୍ଵାୟ ନାସ୍ତିକାୟାତ୍ମଘାତିନେ ॥ ୨୦୮॥
ନୈଵ ଦେୟଂ ସ୍ତୋତ୍ରମିଦନ୍ନ ପ୍ରକାଶ୍ୟଂ ସୁଦୁର୍ଲଭମ୍ ।
ଦଦାତୀଦଂ ୟ ଏତେଭ୍ୟଃ ଶିଵହାସ ନିଗଦ୍ୟତେ ॥ ୨୦୯॥
ଭକ୍ତାୟ ଭକ୍ତିୟୁକ୍ତାୟ ସର୍ଵଭୂତଦୟାଲଵେ ।
ଶମଦମାଦିୟୁକ୍ତାୟ ସ୍ଵଚ୍ଛାନ୍ତଃକରଣାୟ ଚ ॥ ୨୧୦॥
ଗୁରୁପୂଜାପରାୟାଥ ଶ୍ରଦ୍ଧାଚାରୟୁତାୟ ଚ ।
ଚିଦ୍ଵିଲଗ୍ନାୟ ୟୋଗ୍ୟାୟ ମୁଦ୍ରାମାଲାଧରାୟ ଚ ॥ ୨୧୧॥
ଜିତକ୍ରୋଧାୟ ଶାନ୍ତାୟ ଵିଷ୍ଣୁଵ୍ରତପରାୟ ଚ ।
ଅନ୍ୟୈରପି ଗୁଣୈଃ ଶଶ୍ଵତ୍ ତିତିକ୍ଷାକ୍ଷାନ୍ତିରାର୍ଜଵୈଃ ॥ ୨୧୨॥
ୟୁକ୍ତାୟ ସାଧକାୟାଥ ଦେୟଂ ସ୍ତୋତ୍ରମିଦଂ ମୁଦା ।
ନନ୍ଵୀଦୃଶାୟ ଭକ୍ତାୟ ୟୋ ଦଦାତି ଶୁଭଂ ତ୍ଵିଦମ୍ ॥ ୨୧୩॥
ସ ଵୈ ପୁଣ୍ୟତମୋ ଲୋକେ ତତ୍ପରୋ ନୈଵ କଶ୍ଚନ ।
ତସ୍ମାନ୍ମୁନେଽତ୍ର ଵିଖ୍ୟାତଂ ମୟା ତ୍ଵଦ୍ଧିତକାମ୍ୟୟା ॥ ୨୧୪॥
ଇଦଂ ପଠସ୍ଵଚ ଶୃଣୁ ୟଦୀଚ୍ଛସି ହରିଂ ପ୍ରଭୁମ୍ ।
ଏତସ୍ୟ ପଠନାଦ୍ଦେଵଃ କୃଷ୍ଣସ୍ତେ ସଂପ୍ରସୀଦତି ॥ ୨୧୫॥
ଅଥ କିଂ ବହୁନୋକ୍ତେନ ଵର୍ଣନେନ ପୁନଃ ପୁନଃ ।
ଵଶୟେଦ୍ରାଧିକାକୃଷ୍ଣୌ ନିତ୍ୟଂ ପାଠକରଃ ପୁମାନ୍ ॥ ୨୧୬॥
ଇତି ରୁଦ୍ରୟାମଲତଃ କୃତଂ ଶ୍ରୀରାଧାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ।
Comments
Post a Comment