ଶ୍ରୀଗଣେଶପ୍ରାତଃସ୍ମରଣମ୍
🔴॥ ଶ୍ରୀଗଣେଶପ୍ରାତଃସ୍ମରଣମ୍ ॥🔴
ଉତ୍ତିଷ୍ଠୋତ୍ତିଷ୍ଠ ହେରମ୍ବ ଉତ୍ତିଷ୍ଠ ବ୍ରହ୍ମଣସ୍ପତେ ।
ସର୍ଵଦା ସର୍ଵତଃ ସର୍ଵଵିଘ୍ନାନ୍ମାଂ ପାହି ଵିଘ୍ନପ ॥
ଆୟୁରାରୋଗ୍ୟମୈଶ୍ଵର୍ୟଂ ମାମ୍ ପ୍ରଦାୟ ସ୍ଵଭକ୍ତିମତ୍ ।
ସ୍ଵେକ୍ଷଣାଶକ୍ତିରାଦ୍ୟା ତେ ଦକ୍ଷିଣା ପାତୁ ମଂ ସଦା ॥
ପ୍ରାତଃ ସ୍ମରାମି ଗଣନାଥମନାଥବନ୍ଧୁଂ
ସିନ୍ଦୂରପୂରପରିଶୋଭିତଗଣ୍ଡୟୁଗ୍ମମ୍ ।
ଉଦ୍ଦଣ୍ଡଵିଘ୍ନପରିଖଣ୍ଡନଚଣ୍ଡଦଣ୍ଡ-
ମାଖଣ୍ଡଲାଦିସୁରନାୟକଵୃନ୍ଦଵନ୍ଦ୍ୟମ୍ ॥ ୧॥
ପ୍ରାତର୍ନମାମି ଚତୁରାନନଵନ୍ଦ୍ୟମାନ-
ମିଚ୍ଛାନୁକୂଲମଖିଲଂ ଚ ଵରଂ ଦଦାନମ୍ ।
ତଂ ତୁନ୍ଦିଲଂ ଦ୍ଵିରସନାଧିପୟଜ୍ଞସୂତ୍ରଂ
ପୁତ୍ରଂ ଵିଲାସଚତୁରଂ ଶିଵୟୋଃ ଶିଵାୟ ॥ ୨॥
ପ୍ରାତର୍ଭଜାମ୍ୟଭୟଦଂ ଖଲୁ ଭକ୍ତଶୋକ-
ଦାଵାନଲଂ ଗଣଵିଭୁଂ ଵରକୁଞ୍ଜରାସ୍ୟମ୍ ।
ଅଜ୍ଞାନକାନନଵିନାଶନହଵ୍ୟଵାହ-
ମୁତ୍ସାହଵର୍ଧନମହଂ ସୁତମୀଶ୍ଵରସ୍ୟ ॥ ୩॥
ଶ୍ଲୋକତ୍ରୟମିଦଂ ପୁଣ୍ୟଂ ସଦା ସାମ୍ରାଜ୍ୟଦାୟକମ୍ ।
ପ୍ରାତରୁତ୍ଥାୟ ସତତଂ ୟଃ ପଠେତ୍ପ୍ରୟତଃ ପୁମାନ୍ ॥ ୪॥
କରାଗ୍ରେ ସତ୍ପ୍ରଭା ବୁଦ୍ଧିଃ କମଲା କରମଧ୍ୟଗା ।
କରମୂଲେ ମୟୂରେଶଃ ପ୍ରଭାତେ କରଦର୍ଶନମ୍ ॥
ଜ୍ଞାନରୂପଵରାହସ୍ୟ ପତ୍ନି କର୍ମସ୍ଵରୂପିଣି ।
ସର୍ଵାଧାରେ ଧରେ ନୌମି ପାଦସ୍ପର୍ଶଂ କ୍ଷମସ୍ଵ ମେ ॥
ତାରଶ୍ରୀନର୍ମଦାଦୂର୍ଵାଶମୀମନ୍ଦାରମୋଦିତ ।
ଦ୍ଵିରଦାସ୍ୟ ମୟୂରେଶ ଦୁଃସ୍ଵପ୍ନହର ପାହି ମାମ୍ ॥
ଵକ୍ରତୁଣ୍ଡ ମହାକାୟ ସୂର୍ୟକୋଟିସମପ୍ରଭ ।
ନିର୍ଵିଘ୍ନଂ କୁରୁ ମେ ଦେଵ ସର୍ଵକାର୍ୟେଷୁ ସର୍ଵଦା ॥
ଗଣନାଥସରସ୍ଵତୀରଵିଶୁକ୍ରବୃହସ୍ପତୀନ୍ ।
ପଞ୍ଚୈତାନି ସ୍ମରେନ୍ନିତ୍ୟଂ ଵେଦଵାଣୀପ୍ରଵୃତ୍ତୟେ ॥
ଵିନାୟକଂ ଗୁରୁଂ ଭାନୁଂ ବ୍ରହ୍ମଵିଷ୍ଣୁମହେଶ୍ଵରାନ୍ ।
ସର୍ସ୍ଵତୀଂ ପ୍ରଣୌମ୍ୟାଦୌ ସର୍ଵକାର୍ୟାର୍ଥସିଦ୍ଧୟେ ॥
ଅଭୀପ୍ସିତାର୍ଥସିଦ୍ଧ୍ୟର୍ଥଂ ପୂଜିତୋ ୟଃ ସୁରାସୁରୈଃ ।
ସର୍ଵଵିଘ୍ନହରସ୍ତସ୍ମୈ ଗଣାଧିପତୟେ ନମଃ ॥
ଅଗଜାନପଦ୍ମାର୍କଂ ଗଜାନନମହିର୍ନିଶଂ ।
ଅନେକଦଂ ତଂ ଭକ୍ତାନାମେକଦନ୍ତମୁପାସ୍ମହେ ॥
ନମସ୍ତସ୍ମୈ ଗଣେଶାୟ ୟତ୍କଣ୍ଡଃ ପୁଷ୍କରାୟତେ ।
ୟଦାଭୋଗଧନଧ୍ଵାନ୍ତୋ ନୀଲକଣ୍ଠସ୍ୟ ତାଣ୍ଡଵେ ॥
କାର୍ୟଂ ମେ ସିଦ୍ଧିମାୟାତୁ ପ୍ରସନ୍ନେ ତ୍ଵୟି ଧାତରି ।
ଵିଘ୍ନାନି ନାଶମାୟାନ୍ତୁ ସର୍ଵାଣି ସୁରନାୟକ ॥
ନମସ୍ତେ ଵିଘ୍ନସଂହର୍ତ୍ରେ ନମସ୍ତେ ଈପ୍ସିତପ୍ରଦ ।
ନମସ୍ତେ ଦେଵଦେଵେଶ ନମସ୍ତେ ଗଣନାୟକ ॥
॥ ଇତି ଶ୍ରୀଗଣେଶପ୍ରାତଃସ୍ମରଣମ୍ ॥
Comments
Post a Comment