କୀଲକସ୍ତୋତ୍ରମ୍
🔴॥ କୀଲକସ୍ତୋତ୍ରମ୍ ॥🔴
ଓଂ ଅସ୍ୟ ଶ୍ରୀକୀଲକମନ୍ତ୍ରସ୍ୟ ଶିଵଋଷିଃ, ଅନୁଷ୍ଟୁପ୍ ଛନ୍ଦଃ,
ଶ୍ରୀମହାସରସ୍ଵତୀ ଦେଵତା, ଶ୍ରୀଜଗଦମ୍ବାପ୍ରୀତ୍ୟର୍ଥଂ
ସପ୍ତଶତୀପାଠାଙ୍ଗତ୍ଵେନ ଜପେ ଵିନିୟୋଗଃ ।
ଓଂ ନମଶ୍ଚଣ୍ଡିକାୟୈ ।
ମାର୍କଣ୍ଡେୟ ଉଵାଚ ।
ଓଂ ଵିଶୁଦ୍ଧଜ୍ଞାନଦେହାୟ ତ୍ରିଵେଦୀଦିଵ୍ୟଚକ୍ଷୁଷେ ।
ଶ୍ରେୟଃପ୍ରାପ୍ତିନିମିତ୍ତାୟ ନମଃ ସୋମାର୍ଧଧାରିଣେ ॥ ୧॥
ସର୍ଵମେତଦ୍ଵିଜାନୀୟାନ୍ମନ୍ତ୍ରାଣାମପି କୀଲକମ୍ ।
ସୋଽପି କ୍ଷେମମଵାପ୍ନୋତି ସତତଂ ଜପ୍ୟତତ୍ପରଃ ॥ ୨॥
ସିଦ୍ଧ୍ୟନ୍ତ୍ୟୁଚ୍ଚାଟନାଦୀନି କର୍ମାଣି ସକଲାନ୍ୟପି ।
ଏତେନ ସ୍ତୁଵତାଂ ଦେଵୀଂ ସ୍ତୋତ୍ରଵୃନ୍ଦେନ ଭକ୍ତିତଃ ॥ ୩॥
ନ ମନ୍ତ୍ରୋ ନୌଷଧଂ ତସ୍ୟ ନ କିଞ୍ଚିଦପି ଵିଦ୍ୟତେ ।
ଵିନା ଜପ୍ୟେନ ସିଦ୍ଧ୍ୟେତ୍ତୁ ସର୍ଵମୁଚ୍ଚାଟନାଦିକମ୍ ॥ ୪॥
ସମଗ୍ରାଣ୍ୟପି ସେତ୍ସ୍ୟନ୍ତି ଲୋକଶଙ୍କାମିମାଂ ହରଃ ।
କୃତ୍ଵା ନିମନ୍ତ୍ରୟାମାସ ସର୍ଵମେଵମିଦଂ ଶୁଭମ୍ ॥ ୫॥
ସ୍ତୋତ୍ରଂ ଵୈ ଚଣ୍ଡିକାୟାସ୍ତୁ ତଚ୍ଚ ଗୁହ୍ୟଂ ଚକାର ସଃ ।
ସମାପ୍ନୋତି ସ ପୁଣ୍ୟେନ ତାଂ ୟଥାଵନ୍ନିମନ୍ତ୍ରଣାମ୍ ॥ ୬॥
ସୋଽପି କ୍ଷେମମଵାପ୍ନୋତି ସର୍ଵମେଵ ନ ସଂଶୟଃ ।
କୃଷ୍ଣାୟାଂ ଵା ଚତୁର୍ଦଶ୍ୟାମଷ୍ଟମ୍ୟାଂ ଵା ସମାହିତଃ ॥ ୭॥
ଦଦାତି ପ୍ରତିଗୃହ୍ଣାତି ନାନ୍ୟଥୈଷା ପ୍ରସୀଦତି ।
ଇତ୍ଥଂ ରୂପେଣ କୀଲେନ ମହାଦେଵେନ କୀଲିତମ୍ ॥ ୮॥
ୟୋ ନିଷ୍କୀଲାଂ ଵିଧାୟୈନାଂ ଚଣ୍ଡୀଂ ଜପତି ନିତ୍ୟଶଃ ।
ସ ସିଦ୍ଧଃ ସ ଗଣଃ ସୋଽଥ ଗନ୍ଧର୍ଵୋ ଜାୟତେ ଧ୍ରୁଵମ୍ ॥ ୯॥
ନ ଚୈଵାପାଟଵଂ ତସ୍ୟ ଭୟଂ କ୍ଵାପି ନ ଜାୟତେ ।
ନାପମୃତ୍ୟୁଵଶଂ ୟାତି ମୃତେ ଚ ମୋକ୍ଷମାପ୍ନୁୟାତ୍ ॥ ୧୦॥
ଜ୍ଞାତ୍ଵା ପ୍ରାରଭ୍ୟ କୁର୍ଵୀତ ହ୍ୟକୁର୍ଵାଣୋ ଵିନଶ୍ୟତି ।
ତତୋ ଜ୍ଞାତ୍ଵୈଵ ସମ୍ପୂର୍ଣମିଦଂ ପ୍ରାରଭ୍ୟତେ ବୁଧୈଃ ॥ ୧୧॥
ସୌଭାଗ୍ୟାଦି ଚ ୟତ୍କିଞ୍ଚିଦ୍ ଦୃଶ୍ୟତେ ଲଲନାଜନେ ।
ତତ୍ସର୍ଵଂ ତତ୍ପ୍ରସାଦେନ ତେନ ଜପ୍ୟମିଦମ୍ ଶୁଭମ୍ ॥ ୧୨॥
ଶନୈସ୍ତୁ ଜପ୍ୟମାନେଽସ୍ମିନ୍ ସ୍ତୋତ୍ରେ ସମ୍ପତ୍ତିରୁଚ୍ଚକୈଃ ।
ଭଵତ୍ୟେଵ ସମଗ୍ରାପି ତତଃ ପ୍ରାରଭ୍ୟମେଵ ତତ୍ ॥ ୧୩॥
ଐଶ୍ଵର୍ୟଂ ତତ୍ପ୍ରସାଦେନ ସୌଭାଗ୍ୟାରୋଗ୍ୟମେଵ ଚ ।
ଶତ୍ରୁହାନିଃ ପରୋ ମୋକ୍ଷଃ ସ୍ତୂୟତେ ସା ନ କିଂ ଜନୈଃ ॥ ୧୪॥
ଚଣ୍ଡିକାଂ ହୃଦୟେନାପି ୟଃ ସ୍ମରେତ୍ ସତତଂ ନରଃ ।
ହୃଦ୍ୟଂ କାମମଵାପ୍ନୋତି ହୃଦି ଦେଵୀ ସଦା ଵସେତ୍ ॥ ୧୫॥
ଅଗ୍ରତୋଽମୁଂ ମହାଦେଵକୃତଂ କୀଲକଵାରଣମ୍ ।
ନିଷ୍କୀଲଞ୍ଚ ତଥା କୃତ୍ଵା ପଠିତଵ୍ୟଂ ସମାହିତୈଃ ॥ ୧୬॥
॥ ଇତି ଶ୍ରୀଭଗଵତ୍ୟାଃ କୀଲକସ୍ତୋତ୍ରଂ ସମାପ୍ତମ୍
Comments
Post a Comment