ଶ୍ରୀଗଣପତିଗକାରାଷ୍ଟୋତ୍ତରଶତନାମସ୍ତୋତ୍ରମ୍
🔴ଶ୍ରୀଗଣପତିଗକାରାଷ୍ଟୋତ୍ତରଶତନାମସ୍ତୋତ୍ରମ୍🔴
➖➖➖➖➖➖➖➖➖➖➖
ଓଁ ଶ୍ରୀଗଣେଶାୟ ନମଃ ।
ଓଁ ଗକାରରୂପୋ ଗମ୍ବୀଜୋ ଗଣେଶୋ ଗଣଵନ୍ଦିତଃ ।
ଗଣନୀୟୋ ଗଣୋ ଗଣ୍ୟୋ ଗଣନାତୀତସଦ୍ଗୁଣଃ ॥ ୧॥
ଗଗନାଦିକସୃଦ୍ଗଙ୍ଗାସୁତୋ ଗଙ୍ଗାସୁତାର୍ଚିତଃ ।
ଗଙ୍ଗାଧରପ୍ରୀତିକରୋ ଗଵୀଶେଡ୍ୟୋ ଗଦାପହଃ ॥ ୨॥
ଗଦାଧରନୁତୋ ଗଦ୍ୟପଦ୍ୟାତ୍ମକକଵିତ୍ଵଦଃ ।
ଗଜାସ୍ୟୋ ଗଜଲକ୍ଷ୍ମୀଵାନ୍ ଗଜଵାଜିରଥପ୍ରଦଃ ॥ ୩॥
ଗଞ୍ଜାନିରତଶିକ୍ଷାକୃଦ୍ଗଣିତଜ୍ଞୋ ଗଣୋତ୍ତମଃ ।
ଗଣ୍ଡଦାନାଞ୍ଚିତୋ ଗନ୍ତା ଗଣ୍ଡୋପଲସମାକୃତିଃ ॥ ୪॥
ଗଗନଵ୍ୟାପକୋ ଗମ୍ୟୋ ଗମାନାଦିଵିଵର୍ଜିତଃ ।
ଗଣ୍ଡଦୋଷହରୋ ଗଣ୍ଡଭ୍ରମଦ୍ଭ୍ରମରକୁଣ୍ଡଲଃ ॥ ୫॥
ଗତାଗତଜ୍ଞୋ ଗତିଦୋ ଗତମୃତ୍ୟୁର୍ଗତୋଦ୍ଭଵଃ ।
ଗନ୍ଧପ୍ରିୟୋ ଗନ୍ଧଵାହୋ ଗନ୍ଧସିନ୍ଦୁରଵୃନ୍ଦଗଃ ॥ ୬॥
ଗନ୍ଧାଦିପୂଜିତୋ ଗଵ୍ୟଭୋକ୍ତା ଗର୍ଗାଦିସନ୍ନୁତଃ ।
ଗରିଷ୍ଠୋ ଗରଭିଦ୍ଗର୍ଵହରୋ ଗରଲିଭୂଷଣଃ ॥ ୭॥
ଗଵିଷ୍ଠୋ ଗର୍ଜିତାରାଵୋ ଗଭୀରହୃଦୟୋ ଗଦୀ ।
ଗଲତ୍କୁଷ୍ଠହରୋ ଗର୍ଭପ୍ରଦୋ ଗର୍ଭାର୍ଭରକ୍ଷକଃ ॥ ୮॥
ଗର୍ଭାଧାରୋ ଗର୍ଭଵାସିଶିଶୁଜ୍ଞାନପ୍ରଦାୟକଃ ।
ଗରୁତ୍ମତ୍ତୁଲ୍ୟଜଵନୋ ଗରୁଡଧ୍ଵଜଵନ୍ଦିତଃ ॥ ୯॥
ଗୟେଡିତୋ ଗୟାଶ୍ରାଦ୍ଧଫଲଦଶ୍ଚ ଗୟାକୃତିଃ ।
ଗଦାଧରାଵତାରୀ ଚ ଗନ୍ଧର୍ଵନଗରାର୍ଚିତଃ ॥ ୧୦॥
ଗନ୍ଧର୍ଵଗାନସନ୍ତୁଷ୍ଟୋ ଗରୁଡାଗ୍ରଜଵନ୍ଦିତଃ ।
ଗଣରାତ୍ରସମାରାଧ୍ୟୋ ଗର୍ହଣସ୍ତୁତିସାମ୍ୟଧୀଃ ॥ ୧୧॥
ଗର୍ତାଭନାଭିର୍ଗଵ୍ୟୂତିଃ ଦୀର୍ଘତୁଣ୍ଡୋ ଗଭସ୍ତିମାନ୍ ।
ଗର୍ହିତାଚାରଦୂରଶ୍ଚ ଗରୁଡୋପଲଭୂଷିତଃ ॥ ୧୨॥
ଗଜାରିଵିକ୍ରମୋ ଗନ୍ଧମୂଷଵାଜୀ ଗତଶ୍ରମଃ ।
ଗଵେଷଣୀୟୋ ଗହନୋ ଗହନସ୍ଥମୁନିସ୍ତୁତଃ ॥ ୧୩॥
ଗଵୟଚ୍ଛିଦ୍ଗଣ୍ଡକଭିଦ୍ଗହ୍ଵରାପଥଵାରଣଃ ।
ଗଜଦନ୍ତାୟୁଧୋ ଗର୍ଜଦ୍ରିପୁଘ୍ନୋ ଗଜକର୍ଣିକଃ ॥ ୧୪॥
ଗଜଚର୍ମାମୟଚ୍ଛେତ୍ତା ଗଣାଧ୍ୟକ୍ଷୋ ଗଣାର୍ଚିତଃ ।
ଗଣିକାନର୍ତନପ୍ରୀତୋ ଗଚ୍ଛନ୍ଗନ୍ଧଫଲୀପ୍ରିୟଃ ॥ ୧୫॥
ଗନ୍ଧକାଦିରସାଧୀଶୋ ଗଣକାନନ୍ଦଦାୟକଃ ।
ଗରଭାଦିଜନୁର୍ହର୍ତା ଗଣ୍ଡକୀଗାହନୋତ୍ସୁକଃ ॥ ୧୬॥
ଗଣ୍ଡୂଷୀକୃତଵାରାଶିଃ ଗରିମାଲଘିମାଦିଦଃ ।
ଗଵାକ୍ଷଵତ୍ସୌଧଵାସୀ ଗର୍ଭିତୋ ଗର୍ଭିଣୀନୁତଃ ॥ ୧୭॥
ଗନ୍ଧମାଦନଶୈଲାଭୋ ଗଣ୍ଡଭେରୁଣ୍ଡଵିକ୍ରମଃ ।
ଗଦିତୋ ଗଦ୍ଗଦାରାଵସଂସ୍ତୁତୋ ଗହ୍ଵରୀପତିଃ ॥ ୧୮॥
ଗଜେଶାୟ ଗରୀୟସେ ଗଦ୍ୟେଡ୍ୟୋ ଗତଭୀର୍ଗଦିତାଗମଃ । ?
ଗର୍ହଣୀୟଗୁଣାଭାଵୋ ଗଙ୍ଗାଦିକଶୁଚିପ୍ରଦଃ ॥ ୧୯॥
ଗଣନାତୀତଵିଦ୍ୟାଶ୍ରୀବଲାୟୁଷ୍ୟାଦିଦାୟକଃ ।
ଏଵଂ ଶ୍ରୀଗଣନାଥସ୍ୟ ନାମ୍ନାମଷ୍ଟୋତ୍ତରଂ ଶତମ୍ ॥ ୨୦॥
ପଠନାଚ୍ଛ୍ରଵଣାତ୍ ପୁଂସାଂ ଶ୍ରେୟଃ ପ୍ରେମପ୍ରଦାୟକମ୍ ।
ପୂଜାନ୍ତେ ୟଃ ପଠେନ୍ନିତ୍ୟଂ ପ୍ରୀତସ୍ସନ୍ ତସ୍ୟଵିଘ୍ନରାଟ୍ ॥ ୨୧॥
ୟଂ ୟଂ କାମୟତେ କାମଂ ତଂ ତଂ ଶୀଘ୍ରଂ ପ୍ରୟଚ୍ଛତି ।
ଦୂର୍ଵୟାଭ୍ୟର୍ଚୟନ୍ ଦେଵମେକଵିଂଶତିଵାସରାନ୍ ॥ ୨୨॥
ଏକଵିଂଶତିଵାରଂ ୟୋ ନିତ୍ୟଂ ସ୍ତୋତ୍ରଂ ପଠେଦ୍ୟଦି ।
ତସ୍ୟ ପ୍ରସନ୍ନୋ ଵିଘ୍ନେଶସ୍ସର୍ଵାନ୍ କାମାନ୍ ପ୍ରୟଚ୍ଛତି ॥ ୨୩॥
॥ ଇତି ଶ୍ରୀଗଣପତି ଗକାରାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥
Comments
Post a Comment