ଦଶାକ୍ଷରଲକ୍ଷ୍ମୀମନ୍ତ୍ରମ୍
🟣ଦଶାକ୍ଷରଲକ୍ଷ୍ମୀମନ୍ତ୍ରମ୍ 🟣
ଅସ୍ୟ ଶ୍ରୀଦଶାକ୍ଷରୀମହାମନ୍ତ୍ରସ୍ୟ -
ଦକ୍ଷ ଋଷିଃ - ଵିରାଟ୍ ଛନ୍ଦଃ - ଶ୍ରୀଲକ୍ଷ୍ମୀଃ ଦେଵତା -
ସର୍ଵେଷ୍ଟସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଋଷ୍ୟାଦି ନ୍ୟାସଃ
ଦକ୍ଷ ଋଷୟେ ନମଃ ଶିରସି - ଵିରାଟ୍ ଛନ୍ଦସେ ନମଃ ମୁଖେ
ଶ୍ରିୟୈ ଦେଵତାୟୈ ନମଃ ହୃଦି - ଵିନିୟୋଗାୟ ନମଃ ସର୍ଵାଙ୍ଗେ
କରନ୍ୟାସଃ
ଓଁ ଦେଵ୍ୟୈ ନମଃ ଅଙ୍ଗୁଷ୍ଟାଭ୍ୟାଂ ନମଃ ।
ଓଁ ପଦ୍ମିନ୍ୟୈ ନମଃ ତର୍ଜନୀଭ୍ୟାଂ ନମଃ ।
ଓଁ ଵିଷ୍ଣୁପତ୍ନ୍ୟୈନମଃ ମଧ୍ୟମାଭ୍ୟାଂ ନମଃ ।
ଓଁ ଵରଦାୟୈନମଃ ଅନାମିକାଭ୍ୟାଂ ନମଃ ।
ଓଁ କମଲାୟୈ ନମଃ କନିଷ୍ଠିକାଭ୍ୟାଂ ନମଃ ।
ଓଁ କମଲଵାସିନ୍ୟୈ ନମଃ ।
ଓଁ କରତଲକରପୃଷ୍ଠାଭ୍ୟାଂ ନମଃ ॥
ନେତ୍ରହୀନହୃଦୟାଦି ପଞ୍ଚାଙ୍ଗନ୍ୟାସଃ
ଓଁ ଦେଵ୍ୟୈ ନମଃ ହୃଦୟାୟ ନମଃ ।
ଓଁ ପଦ୍ମିନ୍ୟୈ ନମଃ ଶିରସେ ସ୍ଵାହା ।
ଓଁ ଵିଷ୍ଣୁପତ୍ନ୍ୟୈନମଃ ଶିଖାୟୈ ଵଷଟ୍ ।
ଓଁ ଵରଦାୟୈ ନମଃ କଵଚାୟ ହୁଂ ।
ଓଁ କମଲଵାସିନ୍ୟୈ ନମଃ ଅସ୍ତ୍ରାୟ ଫଟ୍ ।
ଓଁ ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ ॥
ଧ୍ୟାନମ୍ ।
ଆସୀନା ସରସୀରୁହେ ସ୍ମିତମୁଖୀ ହସ୍ତାମ୍ବୁଜୈର୍ବିଭ୍ରତି
ଦାନଂ ପଦ୍ମୟୁଗାଭୟେ ଚ ଵପୁଷା ସୌଦାମିନୀସନ୍ନିଭା ।
ମୁକ୍ତାହାରଵିରାଜମାନପୃଥୁଲୋତ୍ତୁଙ୍ଗସ୍ତନୋଦ୍ଭାସିନୀ
ପାୟାଦ୍ଵଃ କମଲା କଟାକ୍ଷଵିଭଵୈରାନନ୍ଦୟନ୍ତୀ ହରିମ୍ ॥
(ଏଵଂ ଧ୍ୟାତ୍ଵା ପୀଠଶକ୍ତିଭିଃ ପୀଠପୂଜାଂ କୃତ୍ଵା ସ୍ଵର୍ଣାଦି ନିର୍ମିତଂ ୟନ୍ତ୍ରଂ
ଅସ୍ତ୍ରମନ୍ତ୍ରେଣ ଆସନଂ ଦତ୍ଵା ପୀଠମଧ୍ୟେ ସଂସ୍ଥାପ୍ୟ ପୁନର୍ଧ୍ୟାତ୍ଵା
ମୂଲେନ ମୂର୍ତିଂ ପ୍ରକଲ୍ପ୍ୟ, ଆଵାହନାଦି ପୁଷ୍ପାକ୍ଷତୈଃ ଉପଚାରୈଃ ସମ୍ପୂଜ୍ୟ
ଦେଵ୍ୟାଜ୍ଞାଂ ଗୃହୀତ୍ଵା ଆଵରଣପୂଜାଂ କୁର୍ୟାତ୍ ।)
ଷଟ୍କୋଣ କେସରେଷୁ -
ଆଗ୍ନେୟକୋଣେ ଓଁ ଦେଵ୍ୟୈ ନମଃ ହୃଦୟାୟ ନମଃ ।
ନିରୃତିକୋଣେ ଓଁ ପଦ୍ମିନ୍ୟୈ ନମଃ ଶିରସେ ସ୍ଵାହା ।
ଵାୟଵ୍ୟକୋଣେ ଓଁ ଵିଷ୍ଣୁପତ୍ନ୍ୟୈ ନମଃ ଶିଖାୟୈ ଵଷଟ୍ ।
ଈଶାନ୍ୟକୋଣେ ଓଁ ଵରଦାୟୈ ନମଃ କଵଚାୟ ହୁଂ ।
ଦେଵୀ ପଶ୍ଚିମେ କୋଣେ ଓଁ କମଲଵାସିନ୍ୟୈ ନମଃ ଅସ୍ତ୍ରାୟ ଫଟ୍ ।
ଇତି ପଞ୍ଚାଙ୍ଗାନି ପୂଜୟେତ୍ ତତଃ ପୁଷ୍ପାଞ୍ଜଲିଂ ଆଦାୟ ମୂଲମନ୍ତ୍ରଂ ଉଚ୍ଚାର୍ୟ,
ଓଁ ଅଭୀଷ୍ଟସିଦ୍ଧିଂ ମେ ଦେହି ଶରଣାଗତଵତ୍ସଲେ ।
ଭକ୍ତ୍ୟା ସମର୍ପୟେ ତୁଭ୍ୟଂ ପ୍ରଥମାଵରଣାର୍ଚନମ୍ ॥
ଇତି ପୁଷ୍ପାଞ୍ଜଲିଂ ଵିକୀର୍ୟ ଵିଶେଷାର୍ଘ୍ୟାତ୍ ବିନ୍ଦୁଂ ନିକ୍ଷିପ୍ୟ ପୂଜିତାଃ ତର୍ପିତାଃ ସନ୍ତୁ
ଇତି ଵଦେତ୍ - ତତଃ ଅଷ୍ଟଦଲପଦ୍ମେଷୁ -
ପୂର୍ଵେ ଓଁ ବଲାକ୍ୟୈ ନମଃ ।
ଆଗ୍ନେୟେ ଓଁ ଵିମଲାୟୈ ନମଃ ।
ଦକ୍ଷିଣେ ଓଁ କମଲାୟୈ ନମଃ ।
ନୈରୃତ୍ୟୈ ଓଁ ଵିଭୀଷିକାୟୈ ନମଃ ।
ପଶ୍ଚିମେ ଓଁ ମାଲିକାୟୈ ନମଃ ।
ଵାୟଵ୍ୟେ ଓଁ ଶାଙ୍କର୍ୟୈ ନମଃ ।
ଉଦୀଚ୍ୟାଂ ଓଁ ଵସୁମାଲିକାୟୈ ନମଃ ।
ଈଶାନ୍ୟେ ଓଁ ଵନମାଲିକାୟୈ ନମଃ ।
ଇତି ଭକ୍ତ୍ୟା ପୂଜୟିତ୍ଵା ପୁଷ୍ପାଞ୍ଜଲିଂ ଗୃହୀତ୍ଵା,
ଓଁ ଅଭୀଷ୍ଟସିଦ୍ଧିଂ ମେ ଦେହି ଶରଣାଗତଵତ୍ସଲେ ।
ଭକ୍ତ୍ୟା ସମର୍ପୟେ ତୁଭ୍ୟଂ ଦ୍ଵିତୀୟାଵରଣାର୍ଚନମ୍ ॥
ତତଃ ଭୂପୁରେ କ୍ରମେଣ -
ପୂର୍ଵେ ଓଁ ଵଂ ଵଜ୍ରାୟ ନମଃ ଓଁ ଇନ୍ଦ୍ରାୟ ନମଃ ।
ଆଗ୍ନେୟେ ଓଁ ଶଂ ଶକ୍ତୟେ ନମଃ ଓଁ ଅଗ୍ନୟେ ନମଃ ।
ଦକ୍ଷିଣେ ଓଁ ଦଂ ଦଣ୍ଡାୟ ନମଃ ଓଁ ୟମାୟ ନମଃ ।
ନୈରୃତ୍ୟେ ଓଁ ଖଂ ଖଡ୍ଗାୟ ନମଃ ଓଁ ନିରୃତୟେ ନମଃ ।
ପଶ୍ଚିମେ ଓଁ ପଂ ପାଶାୟ ନମଃ ଓଁ ଵରୁଣାୟ ନମଃ ।
ଵାୟଵ୍ୟେ ଓଁ ଅଂ ଅଙ୍କୁଶାୟ ନମ ଓଁ ଵାୟଵେ ନମଃ ।
ଉତ୍ତରେ ଓଁ ଗଂ ଗଦାୟୈ ନମଃ ଓଁ କୁବେରାୟ ନମଃ ।
ଈଶାନ୍ୟେ ଓଁ ତ୍ରିଂ ତ୍ରିଶୂଲାୟ ନମଃ ଓଁ ଈଶାନାୟ ନମଃ ।
(ଇତି ଭକ୍ତ୍ୟା ପୂଜାଂ କୃତ୍ଵା ଧୂପାଦି ନୀରାଜନାନନ୍ତରଂ ପୂଜ୍ୟ
ହସ୍ତେ ପୁଷ୍ପାଞ୍ଜଲିଂ ଗୃହୀତ୍ଵା -)
ଓଁ ଅଭୀଷ୍ଟସିଦ୍ଧିଂ ମେ ଦେହି ଶରଣାଗତଵତ୍ସଲେ ।
ଭକ୍ତ୍ୟା ସମର୍ପୟେ ତୁଭ୍ୟଂ ତୃତୀୟାଵରଣାର୍ଚନମ୍ ॥
ଅଥ ଦଶାକ୍ଷରଲକ୍ଷ୍ମୀ ମନ୍ତ୍ରଃ ।
ଓଁ ନମଃ କମଲଵାସିନ୍ୟୈ ସ୍ଵାହା ।
ଜପପ୍ରକାରଃ
ଦଶଲକ୍ଷଂ ଜପେନ୍ମନ୍ତ୍ରଂ ମନ୍ତ୍ରଵିଦ୍ଵିଜିତେନ୍ଦ୍ରିୟଃ ।
ଦଶାଂଶଂ ଜୁହୁୟାନ୍ମନ୍ତ୍ରୀ ମଧୁନାଽଽକ୍ତୈଃ ସରୋରୁହୈଃ ॥
ଇତି ସମ୍ପୂଜୟେଦ୍ଦେଵୀଂ ସମ୍ପଦାମାଲୟଂ ଭଵେତ୍ ।
ସମୁଦ୍ରକନ୍ୟାଂ ସରିତି କଣ୍ଠମାତ୍ରେ ଜଲେ ସ୍ଥିତଃ ॥
ତ୍ରିଲକ୍ଷଂ ପ୍ରଜପେନ୍ମନ୍ତ୍ରୀ ସାକ୍ଷାଦ୍ଵୈଶ୍ରଵଣୋ ଭଵେତ୍ ।
ଆରାଧ୍ୟୋତ୍ତରନକ୍ଷତ୍ରେ ଦେଵୀଂ ସ୍ରକ୍ଚନ୍ଦନାଦିଭିଃ ॥
ନନ୍ଦ୍ୟାଵର୍ତ୍ତଭଵୈଃ ପୁଷ୍ପୈଃ ସହସ୍ରଂ ଜୁହୁୟାତ୍ତତଃ ।
ପୂର୍ଣମାସ୍ୟାଂ ଫଲୈଃ ଚିତ୍ରୈଃ ଜୁହୁୟାନ୍ମଧୁରାପ୍ଲୁତୈଃ ॥
ପଞ୍ଚମ୍ୟାଂ ଵିଶଦାମ୍ଭୋଜୈଃ ଶୁକ୍ରଵାରେ ସୁଗନ୍ଧିଭିଃ ।
ଅନ୍ୟୈର୍ଵା ଵିଶଦୈଃ ପୁଷ୍ପୈଃ ପ୍ରତିମାସଂ ଫଲାଵତୀଃ ॥
ସ ଭଵେଦବ୍ଦମାତ୍ରେଣ ସର୍ଵଦା ସମ୍ପଦାଂ ନିଧିଃ ॥
ଇତି ଦଶାକ୍ଷରଲକ୍ଷ୍ମୀମନ୍ତ୍ରଂ ସମ୍ପୂର୍ଣମ୍ ।
Comments
Post a Comment