ଗଜାନନସ୍ତୋତ୍ର
🔴 ଗଜାନନସ୍ତୋତ୍ର 🔴
(ମୁଦ୍ଗଲପୁରାଣାନ୍ତର୍ଗତମ୍)
ଶ୍ରୀଗଣେଶାୟ ନମଃ ।
ଦେଵର୍ଷୟ ଊଚୁଃ ।
ନମସ୍ତେ ଗଜଵକ୍ତ୍ରାୟ ଗଜାନନସୁରୂପିଣେ ।
ପରାଶରସୁତାୟୈଵ ଵତ୍ସଲାସୂନଵେ ନମଃ ॥ ୧॥
ଵ୍ୟାସଭ୍ରାତ୍ରେ ଶୁକସ୍ୟୈଵ ପିତୃଵ୍ୟାୟ ନମୋ ନମଃ ।
ଅନାଦିଗଣନାଥାୟ ସ୍ଵାନନ୍ଦାଵାସିନେ ନମଃ ॥ ୨॥
ରଜସା ସୃଷ୍ଟିକର୍ତେ ତେ ସତ୍ତ୍ଵତଃ ପାଲକାୟ ଵୈ ।
ତମସା ସର୍ଵସଂହର୍ତ୍ରେ ଗଣେଶାୟ ନମୋ ନମଃ ॥ ୩॥
ସୁକୃତେଃ ପୁରୁଷସ୍ୟାପି ରୂପିଣେ ପରମାତ୍ମନେ ।
ବୋଧାକାରାୟ ଵୈ ତୁଭ୍ୟଂ କେଵଲାୟ ନମୋ ନମଃ ।୪॥
ସ୍ଵସଂଵେଦ୍ୟାୟ ଦେଵାୟ ୟୋଗାୟ ଗଣପାୟ ଚ ।
ଶାନ୍ତିରୂପାୟ ତୁଭ୍ୟଂ ଵୈ ନମସ୍ତେ ବ୍ରହ୍ମନାୟକ ॥ ୫॥
ଵିନାୟକାୟ ଵୀରାୟ ଗଜଦୈତ୍ୟସ୍ୟ ଶତ୍ରଵେ ।
ମୁନିମାନସନିଷ୍ଠାୟ ମୁନୀନାଂ ପାଲକାୟ ଚ ॥ ୬॥
ଦେଵରକ୍ଷକରାୟୈଵ ଵିଘ୍ନେଶାୟ ନମୋ ନମଃ ।
ଵକ୍ରତୁଣ୍ଡାୟ ଧୀରାୟ ଚୈକଦନ୍ତାୟ ତେ ନମଃ ॥ ୭॥
ତ୍ଵୟାଽୟଂ ନିହତୋ ଦୈତ୍ୟୋ ଗଜନାମା ମହାବଲଃ ।
ବ୍ରହ୍ମାଣ୍ଡେ ମୃତ୍ୟୁ ସଂହୀନୋ ମହାଶ୍ଚର୍ୟଂ କୃତଂ ଵିଭୋ!॥ ୮॥
ହତେ ଦୈତ୍ୟେଽଧୁନା କୃତ୍ସ୍ନଂ ଜଗତ୍ସନ୍ତୋଷମେଷ୍ୟତି ।
ସ୍ଵାହା-ସ୍ଵଧା ୟୁତଂ ପୂର୍ଣଂ ସ୍ଵଧର୍ମସ୍ଥଂ ଭଵିଷ୍ୟତି ॥ ୯॥
ଏଵମୁକ୍ତ୍ଵା ଗଣାଧୀଶ ସର୍ଵେ ଦେଵର୍ଷୟସ୍ତତଃ ।
ପ୍ରଣମ୍ୟ ତୂଷ୍ଣୀଭାଵଂ ତେ ସମ୍ପ୍ରାପ୍ତା ଵିଗତଜ୍ଵରାଃ ॥ ୧୦॥
କର୍ଣୌ ସମ୍ପୀଡ୍ୟ ଗଣପ-ଚରଣେ ଶିରସୋ ଧ୍ଵନିଃ ।
ମଧୁରଃ ପ୍ରକୃତସ୍ତୈସ୍ତୁ ତେନ ତୁଷ୍ଟୋ ଗଜାନନଃ ॥ ୧୧॥
ତାନୁଵାଚ ମଦୀୟା ୟେ ଭକ୍ତାଃ ପରମଭାଵିତାଃ ।
ତୈଶ୍ଚ ନିତ୍ୟଂ ପ୍ରକର୍ତଵ୍ୟଂ ଭଵଦ୍ଭିର୍ନମନଂ ୟଥା ॥ ୧୨॥
ତେଭ୍ୟୋଽହଂ ପରମପ୍ରୀତୋ ଦାସ୍ୟାମି ମନସୀପ୍ସିତାମ୍ ।
ଏତାଦୃଶଂ ପ୍ରିୟଂ ମେ ଚ ମନନଂ ନାଽତ୍ର ସଂଶୟଃ ॥ ୧୩॥
ଏଵମୁକ୍ତ୍ଵା ସ ତାନ୍ ସର୍ଵାନ୍ ସିଦ୍ଧି-ବୁଦ୍ଧ୍ୟାଦି-ସଂୟୁତଃ ।
ଅନ୍ତର୍ଦଧେ ତତୋ ଦେଵା ମନୁୟଃ ସ୍ଵସ୍ଥଲଂ ୟୟୁଃ ॥ ୧୪॥
॥ ଇତି ଶ୍ରୀମଦାନ୍ତ୍ୟେ ମୌଦ୍ଗଲେ ଦ୍ଵିତୀୟଖଣ୍ଡେ ଗଜାସୁରଵଧେ ଗଜାନନସ୍ତୋତ୍ରଂ ସମ୍ପୂର୍ଣମ୍ ॥
Comments
Post a Comment