ଅର୍ଗଲାସ୍ତୋତ୍ରମ୍
॥ ଅର୍ଗଲାସ୍ତୋତ୍ରମ୍ ॥
॥ ଶ୍ରୀ॥
ଶ୍ରୀଚଣ୍ଡିକାଧ୍ୟାନମ୍
ଓଂ ବନ୍ଧୂକକୁସୁମାଭାସାଂ ପଞ୍ଚମୁଣ୍ଡାଧିଵାସିନୀମ୍ ।
ସ୍ଫୁରଚ୍ଚନ୍ଦ୍ରକଲାରତ୍ନମୁକୁଟାଂ ମୁଣ୍ଡମାଲିନୀମ୍ ॥
ତ୍ରିନେତ୍ରାଂ ରକ୍ତଵସନାଂ ପୀନୋନ୍ନତଘଟସ୍ତନୀମ୍ ।
ପୁସ୍ତକଂ ଚାକ୍ଷମାଲାଂ ଚ ଵରଂ ଚାଭୟକଂ କ୍ରମାତ୍ ॥
ଦଧତୀଂ ସଂସ୍ମରେନ୍ନିତ୍ୟମୁତ୍ତରାମ୍ନାୟମାନିତାମ୍ ।
ଅଥଵା
ୟା ଚଣ୍ଡୀ ମଧୁକୈଟଭାଦିଦୈତ୍ୟଦଲନୀ ୟା ମାହିଷୋନ୍ମୂଲିନୀ
ୟା ଧୂମ୍ରେକ୍ଷଣଚଣ୍ଡମୁଣ୍ଡମଥନୀ ୟା ରକ୍ତବୀଜାଶନୀ ।
ଶକ୍ତିଃ ଶୁମ୍ଭନିଶୁମ୍ଭଦୈତ୍ୟଦଲନୀ ୟା ସିଦ୍ଧିଦାତ୍ରୀ ପରା
ସା ଦେଵୀ ନଵକୋଟିମୂର୍ତିସହିତା ମାଂ ପାତୁ ଵିଶ୍ଵେଶ୍ଵରୀ ॥
ଅଥ ଅର୍ଗଲାସ୍ତୋତ୍ରମ୍
ଓଂ ଅସ୍ୟ ଶ୍ରୀଅର୍ଗଲାସ୍ତୋତ୍ରମନ୍ତ୍ରସ୍ୟ ଵିଷ୍ଣୁରୃଷିଃ, ଅନୁଷ୍ଟୁପ୍ ଛନ୍ଦଃ,
ଶ୍ରୀମହାଲକ୍ଷ୍ମୀର୍ଦେଵତା, ଶ୍ରୀଜଗଦମ୍ବାପ୍ରୀତୟେ ସପ୍ତଶତିପାଠାଙ୍ଗତ୍ଵେନ
ଜପେ ଵିନିୟୋଗଃ ।
ଓଂ ନମଶ୍ଵଣ୍ଡିକାୟୈ
ମାର୍କଣ୍ଡେୟ ଉଵାଚ ।
ଓଂ ଜୟ ତ୍ଵଂ ଦେଵି ଚାମୁଣ୍ଡେ ଜୟ ଭୂତାପହାରିଣି ।
ଜୟ ସର୍ଵଗତେ ଦେଵି କାଲରାତ୍ରି ନମୋଽସ୍ତୁ ତେ ॥ ୧॥
ଜୟନ୍ତୀ ମଙ୍ଗଲା କାଲୀ ଭଦ୍ରକାଲୀ କପାଲିନୀ ।
ଦୁର୍ଗା ଶିଵା କ୍ଷମା ଧାତ୍ରୀ ସ୍ଵାହା ସ୍ଵଧା ନମୋଽସ୍ତୁ ତେ ॥ ୨॥
ମଧୁକୈଟଭଵିଧ୍ଵଂସି ଵିଧାତୃଵରଦେ ନମଃ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୩॥
ମହିଷାସୁରନିର୍ନାଶି ଭକ୍ତାନାଂ ସୁଖଦେ ନମଃ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୪॥
ଧୂମ୍ରନେତ୍ରଵଧେ ଦେଵି ଧର୍ମକାମାର୍ଥଦାୟିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୫॥
ରକ୍ତବୀଜଵଧେ ଦେଵି ଚଣ୍ଡମୁଣ୍ଡଵିନାଶିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୬॥
ନିଶୁମ୍ଭଶୁମ୍ଭନିର୍ନାଶି ତ୍ରିଲୋକ୍ୟଶୁଭଦେ ନମଃ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୭॥
ଵନ୍ଦିତାଙ୍ଘ୍ରିୟୁଗେ ଦେଵି ସର୍ଵସୌଭାଗ୍ୟଦାୟିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୮॥
ଅଚିନ୍ତ୍ୟରୂପଚରିତେ ସର୍ଵଶତ୍ରୁଵିନାଶିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୯॥
ନତେଭ୍ୟଃ ସର୍ଵଦା ଭକ୍ତ୍ୟା ଚାପର୍ଣେ ଦୁରିତାପହେ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୦॥
ସ୍ତୁଵଦ୍ଭ୍ୟୋ ଭକ୍ତିପୂର୍ଵଂ ତ୍ଵାଂ ଚଣ୍ଡିକେ ଵ୍ୟାଧିନାଶିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୧॥
ଚଣ୍ଡିକେ ସତତଂ ୟୁଦ୍ଧେ ଜୟନ୍ତି ପାପନାଶିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୨॥
ଦେହି ସୌଭାଗ୍ୟମାରୋଗ୍ୟଂ ଦେହି ଦେଵି ପରଂ ସୁଖମ୍ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୩॥
ଵିଧେହି ଦେଵି କଲ୍ୟାଣଂ ଵିଧେହି ଵିପୁଲାଂ ଶ୍ରିୟମ୍ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୪॥
ଵିଧେହି ଦ୍ଵିଷତାଂ ନାଶଂ ଵିଧେହି ବଲମୁଚ୍ଚକୈଃ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୫॥
ସୁରାସୁରଶିରୋରତ୍ନନିଘୃଷ୍ଟଚରଣେଽମ୍ବିକେ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୬॥
ଵିଦ୍ୟାଵନ୍ତଂ ୟଶସ୍ଵନ୍ତଂ ଲକ୍ଷ୍ମୀଵନ୍ତଞ୍ଚ ମାଂ କୁରୁ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୭॥
ଦେଵି ପ୍ରଚଣ୍ଡଦୋର୍ଦଣ୍ଡଦୈତ୍ୟଦର୍ପନିଷୂଦିନି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୮॥
ପ୍ରଚଣ୍ଡଦୈତ୍ୟଦର୍ପଘ୍ନେ ଚଣ୍ଡିକେ ପ୍ରଣତାୟ ମେ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୧୯॥
ଚତୁର୍ଭୁଜେ ଚତୁର୍ଵକ୍ତ୍ରସଂସୁତେ ପରମେଶ୍ଵରି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୦॥
କୃଷ୍ଣେନ ସଂସ୍ତୁତେ ଦେଵି ଶଶ୍ଵଦ୍ଭକ୍ତ୍ୟା ସଦାମ୍ବିକେ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୧॥
ହିମାଚଲସୁତାନାଥସଂସ୍ତୁତେ ପରମେଶ୍ଵରି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୨॥
ଇନ୍ଦ୍ରାଣୀପତିସଦ୍ଭାଵପୂଜିତେ ପରମେଶ୍ଵରି ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୩॥
ଦେଵି ଭକ୍ତଜନୋଦ୍ଦାମଦତ୍ତାନନ୍ଦୋଦୟେଽମ୍ବିକେ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୪॥
ଭାର୍ୟାଂ ମନୋରମାଂ ଦେହି ମନୋଵୃତ୍ତାନୁସାରିଣୀମ୍ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୫॥
ତାରିଣି ଦୁର୍ଗସଂସାରସାଗରସ୍ୟାଚଲୋଦ୍ଭଵେ ।
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ॥ ୨୬॥
ଇଦଂ ସ୍ତୋତ୍ରଂ ପଠିତ୍ଵା ତୁ ମହାସ୍ତୋତ୍ରଂ ପଠେନ୍ନରଃ ।
ସପ୍ତଶତୀଂ ସମାରାଧ୍ୟ ଵରମାପ୍ନୋତି ଦୁର୍ଲଭମ୍ ॥ ୨୭॥
॥ ଇତି ଶ୍ରୀମାର୍କଣ୍ଡେୟପୁରାଣେ ଅର୍ଗଲାସ୍ତୋତ୍ରଂ ସମାପ୍ତମ୍ ॥
Comments
Post a Comment