ସୂର୍ଯ୍ଯମଣ୍ଡଳସ୍ତୋତ୍ରଂ ଅଥଵା ସୂର୍ଯ୍ୟମଣ୍ଡଳାଷ୍ଟକମ୍
🔴ସୂର୍ଯ୍ଯମଣ୍ଡଳସ୍ତୋତ୍ରଂ ଅଥଵା ସୂର୍ଯ୍ୟମଣ୍ଡଳାଷ୍ଟକମ୍ 🔴
➖➖➖➖➖➖➖➖➖➖➖
ନମଃ ସଵିତ୍ରେ ଜଗଦେକଚକ୍ଷୁଷେ
ଜଗତ୍ପ୍ରସୂତୀ ସ୍ଥିତିନାଶହେତଵେ ।
ତ୍ରୟୀମୟାୟ ତ୍ରିଗୁଣାତ୍ମଧାରିଣେ
ଵିରଞ୍ଚି ନାରାୟଣ ଶଙ୍କରାତ୍ମନେ ।
ନମୋଽସ୍ତୁ ସୂର୍ୟାୟ ସହସ୍ରରଶ୍ମୟେ
ସହସ୍ରଶାଖାନ୍ଵିତସମ୍ଭଵାତ୍ମନେ ।
ସହସ୍ରୟୋଗୋଦ୍ଭଵଭାଵଭାଗିନେ
ସହସ୍ରସଙ୍ଖ୍ୟାୟୁଗଧାରିଣେ ନମଃ ॥
ୟନ୍ମଣ୍ଡଲଂ ଦୀପ୍ତିକରଂ ଵିଶାଲଂ
ରତ୍ନପ୍ରଭଂ ତୀଵ୍ରମନାଦିରୂପମ୍ ।
ଦାରିଦ୍ର୍ୟଦୁଃଖକ୍ଷୟକାରଣଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୧॥
ୟନ୍ମଣ୍ଡଲଂ ଦେଵଗଣୈଃ ସୁପୂଜିତଂ
ଵିପ୍ରୈଃ ସ୍ତୁତଂ ଭାଵନମୁକ୍ତିକୋଵିଦମ୍ ।
ତଂ ଦେଵଦେଵଂ ପ୍ରଣମାମି ସୂର୍ୟଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୨॥
ୟନ୍ମଣ୍ଡଲଂ ଜ୍ଞାନଘନଂ ତ୍ଵଗମ୍ୟଂ
ତ୍ରୈଲୋକ୍ୟପୂଜ୍ୟଂ ତ୍ରିଗୁଣାତ୍ମରୂପମ୍ ।
ସମସ୍ତ-ତେଜୋମୟ-ଦିଵ୍ୟରୂପଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୩॥
ୟନ୍ମଣ୍ଡଲଂ ଗୂଢମତିପ୍ରବୋଧଂ
ଧର୍ମସ୍ୟ ଵୃଦ୍ଧିଂ କୁରୁତେ ଜନାନାମ୍ ।
ୟତ୍ସର୍ଵପାପକ୍ଷୟକାରଣଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୪॥
ୟନ୍ମଣ୍ଡଲଂ ଵ୍ୟାଧିଵିନାଶଦକ୍ଷଂ
ୟଦୃଗ୍ୟଜୁଃସାମସୁ ସମ୍ପ୍ରଗୀତମ୍ ।
ପ୍ରକାଶିତଂ ୟେନ ଚ ଭୂର୍ଭୁଵଃ ସ୍ଵଃ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୫॥
ୟନ୍ମଣ୍ଡଲଂ ଵେଦଵିଦୋ ଵଦନ୍ତି
ଗାୟନ୍ତି ୟଚ୍ଚାରଣ-ସିଦ୍ଧସଙ୍ଘାଃ ।
ୟଦ୍ୟୋଗିନୋ ୟୋଗଜୁଷାଂ ଚ ସଙ୍ଘାଃ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୬॥
ୟନ୍ମଣ୍ଡଲଂ ସର୍ଵଜନୈଶ୍ଚ ପୂଜିତଂ
ଜ୍ୟୋତିଶ୍ଚ କୁର୍ୟାଦିହ ମର୍ତ୍ୟଲୋକେ ।
ୟତ୍କାଲକାଲାଦ୍ୟମନାଦିରୂପଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୭॥
ୟନ୍ମଣ୍ଡଲଂ ଵିଷ୍ଣୁଚାତୁର୍ମୁଖାଖ୍ୟଂ
ୟଦକ୍ଷରଂ ପାପହରଂ ଜନାନାମ୍ ।
ୟତ୍କାଲକଲ୍ପକ୍ଷୟକାରଣଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୮॥
ୟନ୍ମଣ୍ଡଲଂ ଵିଶ୍ଵସୃଜଂ ପ୍ରସିଦ୍ଧ-
ମୁତ୍ପତ୍ତି-ରକ୍ଷା-ପ୍ରଲୟ-ପ୍ରଗଲ୍ଭମ୍ ।
ୟସ୍ମିଞ୍ଜଗତ୍ସଂହରତେଽଖିଲଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୯॥
ୟନ୍ମଣ୍ଡଲଂ ସର୍ଵଗତସ୍ୟ ଵିଷ୍ଣୋ-
ରାତ୍ମା ପରଂ ଧାମ ଵିଶୁଦ୍ଧତତ୍ତ୍ଵମ୍ ।
ସୂକ୍ଷ୍ମାନ୍ତରୈର୍ୟୋଗପଥାନୁଗମ୍ୟଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୧୦॥
ୟନ୍ମଣ୍ଡଲଂ ଵେଦଵିଦୋ ଵଦନ୍ତି
ଗାୟନ୍ତି ୟଚ୍ଚାରଣ-ସିଦ୍ଧସଙ୍ଘାଃ ।
ୟନ୍ମଣ୍ଡଲଂ ଵେଦଵିଦଃ ସ୍ମରନ୍ତି
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୧୧॥
ୟନ୍ମଣ୍ଡଲଂ ଵେଦଵିଦୋପଗୀତଂ
ୟଦ୍ୟୋଗିନାଂ ୟୋଗପଥାନୁଗମ୍ୟମ୍ ।
ତତ୍ସର୍ଵଵେଦ୍ୟଂ ପ୍ରଣମାମି ସୂର୍ୟଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ ୧୨॥
ସୂର୍ୟମଣ୍ଡଲସୁସ୍ତୋତ୍ରଂ ୟଃ ପଠେତ୍ ସତତଂ ନରଃ ।
ସର୍ଵପାପଵିଶୁଦ୍ଧାତ୍ମା ସୂର୍ୟଲୋକେ ମହୀୟତେ ॥ ୧୩॥
ଇତି ଶ୍ରୀ ଭଵିଷ୍ୟୋତ୍ତରପୁରାଣେ ଶ୍ରୀକୃଷ୍ଣାର୍ଜୁନସଂଵାଦେ
ସୂର୍ୟମଣ୍ଡଲସ୍ତୋତ୍ରଂ ସମ୍ପୂର୍ଣମ୍॥
Comments
Post a Comment