ଅହିରିପୁପତିକାନ୍ତାତାତସଂଵଦ୍ଧକାନ୍ତା- ହରତନୟନିହନ୍ତୃପ୍ରାଣଦାତୃଧ୍ବଜସ୍ୟ । ସଖିସୁତସୁତକାନ୍ତାତାତସଂପୂଜ୍ୟକାନ୍ତା- ପିତୃଶିରସି ପତନ୍ତୀ ଜାହ୍ନବୀ ନଃ ପୁନାତୁ ।।
ଅହିରିପୁପତିକାନ୍ତାତାତସଂଵଦ୍ଧକାନ୍ତା-
ହରତନୟନିହନ୍ତୃପ୍ରାଣଦାତୃଧ୍ବଜସ୍ୟ ।
ସଖିସୁତସୁତକାନ୍ତାତାତସଂପୂଜ୍ୟକାନ୍ତା-
ପିତୃଶିରସି ପତନ୍ତୀ ଜାହ୍ନବୀ ନଃ ପୁନାତୁ ।।
ଅର୍ଥାତ୍ -
🔸ଅହିଃ = ସର୍ପଃ ।
(ତଦ୍ ରିପୁ଼ଃ)
ଅହିରିପୁଃ = ଗରୁଡଃ ।
(ତତ୍ ପତିଃ)
ଅହିରିପୁପତିଃ = ବିଷ୍ଣୁଃ ।
(ତତ୍ କାନ୍ତା)
ଅହିରିପୁପତିକାନ୍ତା = ଲକ୍ଷ୍ମୀଃ ।
( ତତ୍ ତାତଃ )
ଅହିରିପୁପତିକାନ୍ତାତାତଃ = ସାଗରଃ ।
( ସ ସମ୍ଯକ୍ ବଦ୍ଧଃ ଯେନ )
ଅହିରିପୁପତିକାନ୍ତାତାତସମ୍ବଦ୍ଧଃ = ରାମଃ ।
( ତତ୍ କାନ୍ତା )
ଅହିରିପୁପତିକାନ୍ତାତାତମ୍ବଦ୍ଧକାନ୍ତା = ସୀତା ।
( ତସ୍ଯା ହରୋ ବା ହର୍ତ୍ତା )
ଅହିରିପୁପତିକାନ୍ତାତାତମ୍ବଦ୍ଧକାନ୍ତାହରଃ = ରାବଣଃ ।
( ତତ୍ ତନୟଃ )
ଅହିରିପୁପତିକାନ୍ତାତାତମ୍ବଦ୍ଧକାନ୍ତାହରତନୟଃ = ମେଘନାଦଃ ।
( ତତ୍ ନିହନ୍ତା )
ଅହିରିପୁପତିକାନ୍ତାତାତମ୍ବଦ୍ଧକାନ୍ତାହରତନୟନିହନ୍ତା = ଲକ୍ଷ୍ମଣଃ ।
( ତତ୍ ପ୍ରାଣଦାତା )
ଅହିରିପୁପତିକାନ୍ତାତାତମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତା = ହନୁମାନ୍ ।
(ସ ଧ୍ବଜେ ଯସ୍ୟ , ଏତାଦୃଶ଼ଃ)
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜଃ = ଅର୍ଜୁନଃ ।
(ତସ୍ଯ ସଖା )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖା = ଶ୍ରୀକୃଷ୍ଣଃ ।
( ତତ୍ ସୁତୋ )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତଃ = ପ୍ରଦ୍ୟୁମ୍ନଃ/ମଦନଃ ।
( ତତ୍ ସୁତଃ )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତଃ = ଅନିରୁଦ୍ଧଃ
( ତତ୍ କାନ୍ତା )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତକାନ୍ତା = ଉଷା ।
( ତତ୍ ତାତଃ )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତକାନ୍ତାତାତଃ = ଵାଣାସୁରଃ ।
( ତସ୍ଯ ସମ୍ଯକ୍ ପୂଜ୍ଯଃ )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତକାନ୍ତାତାତସମ୍ପୂଜ୍ୟଃ = ଶିବଃ ।
( ତତ୍ କାନ୍ତା )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତକାନ୍ତାତାତସମ୍ପୂଜ୍ୟକାନ୍ତା = ପାର୍ବତୀ ।
( ତତ୍ ପିତା )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତକାନ୍ତାତାତସମ୍ପୂଜ୍ୟକାନ୍ତାପିତା = ହିମାଳୟଃ ।
( ତତ୍ ଶିରସି ପତନ୍ତୀ )
ଅହିରିପୁପତିକାନ୍ତାତାତସମ୍ବଦ୍ଧକାନ୍ତାହରତନୟନିହନ୍ତୃପ୍ରାଣଦାତୃଧ୍ବଜସଖିସୁତସୁତକାନ୍ତାତାତସମ୍ପୂଜ୍ୟକାନ୍ତାପିତୃଶିରୋବହା = ଗଙ୍ଗା, ସା ମାଂ ପୁନାତୁ ଇତ୍ୟନ୍ବୟଃ ।
ଏବଂ ଭୂତା ଯା ଭାଗିରଥିଗଙ୍ଗା ସା ପୁନାତୁ ଇତ୍ଯର୍ଥଃ ।
🙏🙏🙏🙏🙏🙏🙏🙏🙏🙏🙏
Comments
Post a Comment