ଉଚ୍ଛିଷ୍ଟଗଣପତିପୂଜାପଦ୍ଧତିଃ

 🔴ଉଚ୍ଛିଷ୍ଟଗଣପତିପୂଜାପଦ୍ଧତିଃ 🔴

ଶ୍ରୀଗଣେଶାୟ ନମଃ ।

🔹ତତ୍ରାଦୌ ପୂର୍ଵକୃତ୍ୟମ୍ ॥

ପୁରଶ୍ଚରଣାତ୍ପ୍ରାକ୍ତୃତୀୟାଦିଵସେ କ୍ଷୌରାଦିକଂ ଵିଧାୟ ତତଃ ପ୍ରାୟଶ୍ଚିତ୍ତାଙ୍ଗଭୂତଵିଷ୍ଣୁ ପୂଜାଂ ଵିଷ୍ଣୁତର୍ପଣଂ ଵିଷ୍ଣୁଶ୍ରାଦ୍ଧଂ ହୋମଂ

ଚାନ୍ଦ୍ରାୟଣାଦି ଵ୍ରତଂ ଚ କୁର୍ୟାତ୍ ।

ଵ୍ରତାଶକ୍ତୌ ଗୋଦାନଂ ଦ୍ରଵ୍ୟଦାନଂ ଚ କୁର୍ୟାତ୍ ।

ୟଦି ସର୍ଵକର୍ମାଶକ୍ତସ୍ତତଃ ପ୍ରାୟସ୍ଚିତ୍ତାଙ୍ଗଭୂତପଞ୍ଚଗଵ୍ୟପ୍ରାଶନଂ କୁର୍ୟାତ୍ ।

ତତ୍ର ମନ୍ତ୍ରଃ ।

ୟତ୍ତ୍ଵଗସ୍ଥିଗତଂ ପାପଂ ଦେହେ ତିଷ୍ଠତି ମାମକେ ।

ପ୍ରାଶନାତ୍ପଞ୍ଚଗଵ୍ୟସ୍ୟ ଦହତ୍ୟଗ୍ନିରିଵେନ୍ଧନମ୍ ॥ ୧॥

ଇତି ପଠିତ୍ଵା ପ୍ରଣଵେନ ପଞ୍ଚଗଵ୍ୟଂ ପିବେତ୍ ।

ତଦ୍ଦିନେ ଉପଵାସଂ କୃତ୍ଵା ଅଶକ୍ତଶ୍ଚେତ୍ପୟଃପାନଂ ହଵିଷ୍ୟାନ୍ନେ ନୈକଭକ୍ତଵ୍ରତଂ କୃତ୍ଵା ତତଃ ପୁରଶ୍ଚରଣାତ୍ପୂର୍ଵଦିନେ

ସ୍ଵଦେହଶୁଦ୍ଧ୍ୟର୍ଥଂ ପୁରଶ୍ଚରଣାଧିକାରପ୍ରାପ୍ତ୍ୟର୍ଥଂ ଚାୟୁତଗାୟତ୍ରୀଜପଂ

କୁର୍ୟାତ୍ ॥

🔹ତଦ୍ୟଥା -

ଦେଶକାଲୌ ସଙ୍କୀର୍ତ୍ୟଜ୍ଞାତାଜ୍ଞାତପାପକ୍ଷୟାର୍ଥଂ

କରିଷ୍ୟମାଣୋଚ୍ଛିଷ୍ଟଗଣେଶପୁରଶ୍ଚରଣାଧିକାରାର୍ଥମମୁକମନ୍ତ୍ରେଣ

ସିଦ୍ଧ୍ୟର୍ଥଂ ଚ ଗାୟତ୍ର୍ୟୟୁତଜପମହଂ କରିଷ୍ୟେ ଇତି ସଙ୍କଲ୍ପ୍ୟ

ଗାୟତ୍ର୍ୟୟୁତଂ ଜପେତ୍ ।

ତତଃ ଗାୟତ୍ର୍ୟା ଆଚାର୍ୟ୍ୟଋଷିଂ ଵିଶ୍ଵାମିତ୍ରଂ ତର୍ପୟାମି ୧

ଗାୟତ୍ରୀଛନ୍ଦସ୍ତର୍ପୟାମି ୨ ସଵିତାରଂ ଦେଵତାଂ ତର୍ପୟାମି ୩ ଇତି ତର୍ପଣଂ

କୃତ୍ଵା ତତୋସ୍ୟାଂ ରାତ୍ରୌ ଦେଵତୋପାସ୍ତିଂ ଶୁଭାଶୁଭସ୍ଵପ୍ନଂ ଵିଚାରୟେତ୍ ॥

ତଦ୍ୟଥା ।

ସ୍ନାନାଦିକଂ କୃତ୍ଵା ହରିପାଦାମ୍ବୁଜଂ ସ୍ମୃତ୍ଵା କୁଶାସନାଦିଶୟ୍ୟାୟାଂ ୟଥାସୁଖଂ ସ୍ଥିତ୍ଵା ଵୃଷଭଧ୍ଵଜଂ ପ୍ରାର୍ଥୟେତ୍ ॥

ତତ୍ର ମନ୍ତ୍ରଃ ଓଁ  ``ଭଗଵନ୍ଦେଵଦେଵେଶ ଶୂଲଭୃଦ୍ଵୃଷଵାହନ ।

ଇଷ୍ଟାନିଷ୍ଟଂ ସମାଚଶ୍ଵ ମମ ସୁପ୍ତସ୍ୟ ଶାଶ୍ଵତ ॥ ୧॥

ଓଁ ନମୋଽଜାୟ ତ୍ରିନେତ୍ରାୟ ପିଙ୍ଗଲାୟ ମହାତ୍ମନେ ।

ଵାମାୟ ଵିଶ୍ଵରୂପାୟ ସ୍ଵପ୍ନାଧିପତୟେ ନମଃ ॥ ୨॥

ସ୍ଵପ୍ନେ କଥୟ ମେ ତଥ୍ୟଂ ସର୍ଵକାର୍ୟେଷ୍ଵଶେଷତଃ ।

କ୍ରିୟାସିଦ୍ଧିଂ ଵିଧାସ୍ୟାମି ତ୍ଵତ୍ପ୍ରସାଦାନ୍ମହେଶ୍ଵର ॥ ୩॥''

ଇତି ମନ୍ତ୍ରେଣାଷ୍ଟୋତ୍ତରଶତଵାରଂ ଶିଵଂ ପ୍ରାର୍ଥ୍ୟ ନିଦ୍ରାଂ କୁର୍ୟାତ୍ ॥

ତତଃ ସ୍ଵପ୍ନଂ ଦୃଷ୍ଟଂ ନିଶି ପ୍ରାତର୍ଗୁରଵେ ଵିନିଵେଦୟେତ୍ ।

ଅଥଵା ସ୍ଵୟଂ ସ୍ଵପ୍ନଂ ଵିଚାରୟେତ୍ ।

ଇତି ପୂର୍ଵକୃତ୍ୟମ୍ ।

ତତଶ୍ଚନ୍ଦ୍ରତାରାଦିବଲାନ୍ଵିତେ ସୁମୁହୂର୍ତେ ଵିଵିକ୍ତେ ଦେଶେଜପସ୍ଥାନଂ ପ୍ରକଲ୍ପ୍ୟ

ପୁରଶ୍ଚରଣଦିଵସେ ବ୍ରାହ୍ମେ ମୁହୂର୍ତେ ଚୋତ୍ଥାୟ ପ୍ରାତଃସ୍ମରଣଂ କୁର୍ୟାତ୍ ॥

ଗଣେଶାପ୍ରାତଃସ୍ମରଣମ୍

ଅଥ ଗଣେଶାପ୍ରାତଃସ୍ମରଣମ୍ ।

``ଓଁ ପ୍ରାତଃ ସ୍ମରାମି ଗଣନାଥମନାଥବନ୍ଧୁଂ ସିନ୍ଦୂରପୂର୍ଣପରିଶୋଭିତଗଣ୍ଡୟୁଗ୍ମମ୍ ।

ଉଦ୍ଦଣ୍ଡଵିଘ୍ନପରିଖଣ୍ଡନଚଣ୍ଡଦଣ୍ଡମାଖଣ୍ଡଲାଦିସୁରନାୟକଵୃନ୍ଦଵନ୍ଧ୍ୟମ୍ ॥ ୧॥

ପ୍ରାତର୍ନମାମି ଚତୁରାନନଵନ୍ଦ୍ୟମାନମିଚ୍ଛାନୁକୂଲମଖିଲଂ ଚ ଵରଂ ଦଦାନମ୍ ।

ତଂ ତୁନ୍ଦିଲଂ ଦ୍ଵିରସନାଧିପୟଜ୍ଞସୂତ୍ରଂ ପୁତ୍ରଂ ଵିଲାସଚତୁରଂ ଶିଵ୍ୟୋଃ ଶିଵାୟ ॥ ୨॥

ପ୍ରାତର୍ଭଜାମ୍ୟଭୟଦଂ ଖଲୁଭକ୍ତଶୋକଦାଵାନଲଂ ଗଣଵିଭୁଂ ଵରକୁଞ୍ଜରାସ୍ୟମ୍ ।

ଅଜ୍ଞାନକାନନଵିନାଶନହଵ୍ୟଵାହମୁତ୍ସାହଵର୍ଧନମହଂ ସୁତମୀଶ୍ଵରସ୍ୟ ॥ ୩॥''

ଶ୍ଲୋକତ୍ରୟମିଦଂ ପୁଣ୍ୟଂ ସଦାସାମ୍ରାଜ୍ୟଦାୟକମ୍ ।

ପ୍ରାତରୁତ୍ଥାୟ ସତତଂ ୟଃ ପଠେତ୍ପ୍ରୟତଃ ପୁମାନ୍ ॥ ୪॥

ଇତି ସ୍ମରଣଂ କୃତ୍ଵା ଭୂମିଂ ପ୍ରାର୍ଥୟେତ୍ ।

ତତ୍ରମନ୍ତ୍ରଃ ।

``ସମୁଦ୍ରମେଖଲେ ଦେଵି ପର୍ଵତସ୍ତନମଣ୍ଡଲେ ।

ଵିଷ୍ଣୁପତ୍ନି ନମସ୍ତୁଭ୍ୟଂ ପାଦସ୍ପର୍ଶଂ କ୍ଷମସ୍ଵ ମେ ॥ ୧॥

ଇତି ଭୂମିଂ ସମ୍ପ୍ରାର୍ଥ୍ୟ ଶ୍ଵାସାନୁସାରେଣ ଭୂମୌ ପାଦଂ ଦତ୍ତ୍ଵା ବହିର୍ଵ୍ରଜେତ୍ ॥

ଇତି ପ୍ରାତଃକୃତ୍ୟମ୍ ।

ତତୋଗ୍ରାମାଦ୍ଵାହିର୍ନୈରୃତ୍ୟକୋଣେ ଜନଵର୍ଜିତେ ଉତ୍ତରାଭିମୁଖଃ ଅନୁପାନତ୍କୋ

ଵସ୍ତ୍ରେଣ ଶିରଃ ପ୍ରାଵୃତ୍ୟ ମଲମୋଚନଂ କୃତ୍ଵାମୃତ୍ତିକୟା ଜଲେନ ଚ

ୟଥାସଙ୍ଖ୍ୟଂ ଶୌଚଂ କୃତ୍ଵାହସ୍ତୌ ପାଦୌ ପ୍ରକ୍ଷାଲ୍ୟ ଗଣ୍ଡୂଷଂ କୃତ୍ଵା

ଦନ୍ତଧାଵନଂ ଚ କୁର୍ୟାତ୍ ॥

ତଦ୍ୟଥା ॥

ଆମ୍ରଚମ୍ପକାପାମାର୍ଗଦ୍ୟନ୍ୟତମଂ ଦ୍ଵାଦଶାଙ୍ଗୁଲଂ ଦନ୍ତକାଷ୍ଠଂ ଗୃହୀତ୍ଵା ପ୍ରାର୍ଥୟେତ୍ ।

ତତ୍ର ମନ୍ତ୍ରଃ ।

``ଆୟୁର୍ବଲଂୟଶୋଵର୍ଚଃ ପ୍ରଜାପଶୁଧନାନି ଚ ।

ଶ୍ରିୟଂ ପ୍ରଜ୍ଞା ଚ ମେଧାଂ ଚ ତ୍ଵଂ ନୋ ଦେହି ଵନସ୍ପତେ ॥ ୧॥''

ଇତି ସମ୍ପ୍ରାର୍ଥ୍ୟ ଓଁ ହ୍ରୀଁ ତଡିତ୍ସ୍ଵାହା ଇତି ମନ୍ତ୍ରେଣ କାଷ୍ଠଂ ଛିତ୍ତ୍ଵା ଓଁ

କ୍ଲୀଁ କାମଦେଵାୟ ସର୍ଵଜନପ୍ରିୟାୟ ନମଃ ଇତ୍ୟନେନ ଦନ୍ତାନ୍ ସଂଶୋଧ୍ୟ

ଐଁ ଇତି ବୀଜେନ ଜିହ୍ଵାମୁଲ୍ଲିଖ୍ୟ ଦନ୍ତକାଷ୍ଠଂ କ୍ଷାଲୟିତ୍ଵା ନୈରୃତ୍ୟେ

ଶୁଦ୍ଧଦେଶେ ନିକ୍ଷିପେତ୍ ।

ମୂଲେନ ମଖଂ ପ୍ରକ୍ଷାଲ୍ୟାଚମ୍ୟ ସ୍ନାନଂ କୁର୍ୟାତ୍ ॥

ଇତି ଶୋଚକ୍ରିୟା ॥

ତତଃ ତୀର୍ଥସ୍ନାନଂ ମଙ୍ଗଲସ୍ନାନଂ ଚ ସର୍ଵଦେଵୋପୟୋଗିପଦ୍ଧତିମାର୍ଗେଣ

କୃତ୍ଵା ଗୃହସ୍ନାନଂ କୁର୍ୟାତ୍ ।

ଗୃହସ୍ନାନପ୍ରୟୋଗଃ

ଅଥ ଗୃହସ୍ନାନପ୍ରୟୋଗଃ ।

ତାତ୍କାଲିକୋଦ୍ଧୃତୋଦକେନ ଉଷ୍ଣୋଦକେନ ଵା କୃତ୍ଵା ତ ନୁ ପର୍ୟୁଷିତଶୀତୋଦକେନ

ତାମ୍ରାଦିବୃହତ୍ପାତ୍ରେ ଜଲଂ ଗୃହୀତ୍ଵା ତୀର୍ଥାନ୍ୟାଵାହୟେତ୍ ॥

ତତ୍ର ମନ୍ତ୍ରଃ ॥

``ଗଙ୍ଗେ ଚ ୟମୁନେ ଚୈଵ ଗୋଦାଵରି ସରସ୍ଵତି ।

ନର୍ମଦେ ସିନ୍ଧୁ କାଵେରି ଜଲେଽସ୍ମିନ୍ ସନ୍ନିଧିଂ କୁରୁ ॥ ୧॥

ଓଁ ପୁଷ୍କରାଦ୍ୟାନି ତୀର୍ଥାନି ଗଙ୍ଗାଦ୍ୟାଃ ସରିତସ୍ତଥା ।

ଆଗଚ୍ଛନ୍ତୁ ପଵିତ୍ରାଣି ସ୍ନାନକାଲେ ସଦା ମମ ॥ ୨॥

ବ୍ରହ୍ମାଣ୍ଡୋଦରତୀର୍ଥାନି କରୈଃସ୍ପୃଷ୍ଠାନି ତେ ର ଵେ ।

ତେନ ସତ୍ୟେନ ମେ ଦେଵ ତୀର୍ଥଂ ଦେହି ଦିଵାକର ॥ ୩॥'' ଇତି ତୀର୍ଥନ୍ୟାଵାହ୍ୟ ॥

ଋତଂ ଚ ସତ୍ୟମିତି ମନ୍ତ୍ରେଣାଭିମନ୍ତ୍ର୍ୟ ସ୍ନାନଂ କୁର୍ୟ୍ୟାତ୍ ॥

ଏଵଂ ସ୍ନାନଂ କୃତ୍ଵା ଶୁଷ୍କଂ ଶୁଭ୍ରଂ ରକ୍ତଂ ଵା କାର୍ପାସଵସ୍ତ୍ରଂ ପରିଧାୟ

ସୂର୍ୟାୟାର୍ଘ୍ୟଂ ଦଦ୍ୟାତ୍ ॥

ତତ୍ର ମନ୍ତ୍ରଃ ॥

``ଏହି ସୂର୍ୟ୍ୟ ସହସ୍ରାଂଶୋ ତେଜୋରାଶେ ଜଗତ୍ପତେ ।

ଅନୁକମ୍ପୟ ମାଂ ଦେଵ ଗୃହାଣାର୍ଘ୍ୟଂ ନମୋସ୍ତୁତେ ॥''

ଇତ୍ୟର୍ଘ୍ୟଂ ଦତ୍ତ୍ଵା ସ୍ନାନଵସ୍ତ୍ରଂ ପରିପୀଡ୍ୟ ଆଚମ୍ୟ ପଞ୍ଚତ୍ରିପୁଡ୍ରଂ କୃତ୍ଵା

ରୁଦ୍ରାକ୍ଷମାଲାଂ ଧାରୟେତ୍ ॥

ତତୋ ଜପସ୍ଥାନେ ଗତ୍ଵା ନିତ୍ୟନୈମିତ୍ତିକଂ ସମାପ୍ୟ

ଅଶ୍ଵତ୍ଥୋଦୁମ୍ବରପ୍ଲକ୍ଷାନାମନ୍ୟତମାନ୍ ଵିତସ୍ତିମାତ୍ରାନ୍ ଦଶ କୀଲାନ୍ ॥

ଓଁ ନମଃ ସୁଦର୍ଶନାୟାସ୍ତ୍ରାୟ ଫଟ୍ ଇତି ମନ୍ତ୍ରେଣାଷ୍ଟୋତ୍ତରଶତାଭିମନ୍ତ୍ରିତାମ୍ ॥

``ଓଁ ୟେ ଚାତ୍ର ଵିଘ୍ନକର୍ତାରୋ ଭୁଵି ଦିଵ୍ୟତରିକ୍ଷଗାଃ ।

ଵିଘ୍ନଭୂତାଶ୍ଚ ୟେ ଚାନ୍ୟେ ମମ ମନ୍ତ୍ରସ୍ୟ ସିଦ୍ଧିଷୁ ॥ ୧॥

ମୟୈତତ୍କୀଲିତଂ କ୍ଷେତ୍ରଂ ପରିତ୍ୟଜ୍ୟ ଵିଦୂରତଃ ।

ଅପସର୍ପନ୍ତୁ ତେ ସର୍ଵେନିର୍ଵିଘ୍ନଂ ସିଦ୍ଧିରସ୍ତୁ ମେ ॥ ୨॥''

ଇତି ମନ୍ତ୍ରଦ୍ଵୟେନ ଦଶଦିକ୍ଷୁ ଦଶ କୀଲାନ୍ ନିଖନେତ୍ ॥

ତତସ୍ତେଷୁ ॥

ଓଁ ସୁଦର୍ଶନାୟାସ୍ତ୍ରାୟ ଫଟ୍ ॥

ଇତି ମନ୍ତ୍ରେଣ ପ୍ରତ୍ୟେକଂ କୀଲକାନ୍ ସମ୍ପୂଜ୍ୟ ତଦ୍ବାହ୍ୟେ ଭୂତବଲିଂ ଦଦ୍ୟାତ୍ ॥

ତତ୍ର ମନ୍ତ୍ରଃ ॥

``ୟେ ରୌଦ୍ରକର୍ମାଣୋ ରୌଦ୍ରସ୍ଥାନନିଵାସିନଃ ।

ମାତରୋପ୍ୟୁଗ୍ରରୂପାଶ୍ଚ ଗଣାଧିପତୟଶ୍ଚ ୟେ ॥ ୧॥

ଵିଘ୍ନଭୂତାଶ୍ଚ ୟେ ଚାନ୍ୟେ ଦିଗ୍ଵିଦିକ୍ଷୁ ସମାଶ୍ରିତାଃ ।

ତେ ସର୍ଵେ ପ୍ରୀତମନସଃ ପ୍ରତିଗୃହ୍ଣନ୍ତ୍ଵିମଂ ବଲିମ୍ ॥ ୨॥

ଇତି ମନ୍ତ୍ରଦ୍ଵୟେନ ଦଶଦିକ୍ଷୁ ବାହ୍ୟେ ମାଷଭକ୍ତବଲିଂ ଦଦ୍ୟାତ୍ ॥

ଇତି ଭୂତେଭ୍ୟୋ ବଲିଂ ଦତ୍ତ୍ଵା ହସ୍ତୌ ପାଦୌ ପ୍ରକ୍ଷାଲ୍ୟାଚାମେତ୍ ॥

ତତଃ

``ଓଁ ଅପଵିତ୍ରଃ ପଵିତ୍ରୋଵା ସର୍ଵାଵସ୍ଥାଂ ଗତୋଽପି ଵା ।

ୟଃ ସ୍ମରେତ୍ପୁଣ୍ଡରୀକାକ୍ଷଂ ସ ବାହ୍ୟାଭ୍ୟନ୍ତରଃଶୁଚିଃ ॥ ୧॥''

ଇତି ମନ୍ତ୍ରେଣ ମଣ୍ଡପାନ୍ତରଂ ପ୍ରୋକ୍ଷ୍ୟ ତତ୍ର ତାଵତ୍ ଆସନଭୂମୌ କୂର୍ମଶୋଧନଂ କାର୍ୟମ୍ ॥

ୟତ୍ର ଜପକର୍ତା ଏକ ଏଵ ତଦା କୂର୍ମମୁଖେ ଉପଵିଶ୍ୟ ଜପଂ ତତ୍ରୈଵ ଦୀପସ୍ଥାନଂ ଚ କୁର୍ୟାତ୍ ॥

ୟତ୍ର ବହଵଃ ଜାପକାସ୍ତତ୍ର କୂର୍ମମୁଖୋପରି ଦୀପମେଵ ସ୍ଥାପୟେତ୍ ॥

ଏଵଂ କୂର୍ମଶୋଧନଂ ଵିଧାୟ ତତ୍ରାସନାଧୋ ଜଲାଦିନା ତ୍ରିକୋଣଂ କୃତ୍ଵା ତତ୍ର ॥

ଓଁ କୂର୍ମାୟ ନମଃ ॥

ଓଁ ହ୍ରୀଁ ଆଧାରଶକ୍ତିକମଲାସନାୟ ନମଃ ॥

ଓଁ ପୃଥିଵ୍ୟୈ ନମଃ ॥

ଇତି ଗନ୍ଧାକ୍ଷତପୁଷ୍ପୈଃ ସମ୍ପୂଜ୍ୟ ତପଦୁରିକୁଶାସନଂ ତଦୁପରି ମୃଗାଜିନଂ

ତଦୁପରି କମ୍ବଲାଦ୍ୟାସନମାସ୍ତୀର୍ୟ ସ୍ଥାପିତାନାଂ ତ୍ରୟାଣାମାସନାନାମୁପରି କ୍ରମେଣ

ଓଁ ଅନନ୍ତାସନାୟ ନମଃ ।

ଓଁ ଵିମଲାସନାୟ ନମଃ ।

ଓଁ ପଦ୍ମାସନାୟ ନମଃ ।

ଇତି ମନ୍ତ୍ରତ୍ରୟେଣ ତ୍ରୀନ୍ ଦର୍ଭାନ୍ ପ୍ରତ୍ୟେକଂ ନିଦଧ୍ୟାତ୍ ॥

ଏଵମାସନଂ ସଂସ୍ଥାପ୍ୟ ତତ୍ର ପ୍ରାଙ୍ମୁଖ ଉଦଙ୍ମୁଖୋ ଵା ଉପଵିଶ୍ୟ ଆସନଶୋଧନଂ କୁର୍ୟାତ୍ ॥

ତତ୍ର ମନ୍ତ୍ରଃ ॥

ପୃଥ୍ଵୀତି ମନ୍ତ୍ରସ୍ୟ ମେରୁପୃଷ୍ଠ ଋଷିଃ ।

କୂର୍ମୋ ଦେଵତା । ସୁତଲଞ୍ଛନ୍ଦଃ । ଆସନେ ଵିନିୟୋଗଃ ॥

``ଓଁ ପୃଥ୍ଵି ତ୍ଵୟା ଧୃତା ଲୋକା ଦେଵି ତ୍ଵଂ ଵିଷ୍ଣୁନାଧୃତା ॥

ତ୍ଵଂ ଚ ଧାରୟ ମାଂ ଦେଵି ପଵିତ୍ରଂ କୁରୁ ଚାସନମ୍ ॥''

ଇତି ମନ୍ତ୍ରେଣ ଆସନଂ ପ୍ରୋକ୍ଷ୍ୟ ॥

ତତୋ ମୂଲମନ୍ତ୍ରେଣ ଶିଖାଂ ବଦ୍ଧା ଆଚମ୍ୟ ପ୍ରାଣାନାୟମ୍ୟ ଦେଶକାଲୌ ସଙ୍କୀର୍ତ୍ୟ

ଶ୍ରୀମଦୁଚ୍ଛିଷ୍ଟଗଣପତିଦେଵତାପ୍ରୀତୟେ ଅମୁକମନ୍ତ୍ରସିଦ୍ଧୟେ ଅମୁକସଙ୍ଖ୍ୟାଜପଂ

ତତ୍ତଦ୍ଦଶାଂଶହୋମତର୍ପଣମାର୍ଜନବ୍ରାହ୍ମଣଭୋଜନରୂପପୁରଶ୍ଚରଣମହଂ କରିଷ୍ୟେ ॥

ଇତି ସଙ୍କଲପ୍ୟ ଭୂତଶୁଦ୍ଧିଂ ପ୍ରାଣପ୍ରତିଷ୍ଠାମନ୍ତର୍ମାତୃକାବହିର୍ମାତୃକା-

ସୃଷ୍ଟିସ୍ଥିତିସଂହାରମାତୃକାନ୍ୟାସଂ ଚ ସର୍ଵଦେଵୋପୟୋଗିପଦ୍ଧତିମାର୍ଗେଣ

କୃତ୍ଵା ଗଣେଶକଲାମାତୃକାନ୍ୟାସଂ ଚ କୁର୍ୟାତ୍ ॥

ତଥା ଚ ତତ୍ର କ୍ରମଃ ॥

ଓଁ ଅସ୍ୟ ଵିଘ୍ନେଶାଦିକଲାମାତୃକାନ୍ୟାସସ୍ୟ ଗଣକ ଋଷିଃ ।

ନିଚୃଦ୍ଗାୟତ୍ରୀ ଛନ୍ଦଃ । ଵିନାୟକୋ ଦେଵତା । ହ୍ଲୋ ବୀଜାନି ।

ସ୍ଵରାଃ ଶକ୍ତୟଃ ।

ସର୍ଵେଷ୍ଟସିଦ୍ଧୟେ ନ୍ୟାସେ ଵିନିୟୋଗଃ ॥

ଓଁ ଗାଁ ହୃଦୟାୟ ନମଃ ।

ଓଁ ଗୀଁ ଶିରସେ ସ୍ଵାହା ।

ଓଁ ଗୂଁ ଶିଖାୟୈ ଵଷଟ୍ ।

ଓଁ ଗୈଁ କଵଚାୟ ହୁଁ ।

ଓଁ ଗୌଁ ନେତ୍ରତ୍ରୟାୟ ଵୌଷଟ୍ ।

ଓଁ ଗଃ ଅସ୍ତ୍ରାୟ ଫଟ୍ ।

ଏଵଂ ଷଡଙ୍ଗନ୍ୟାସଂ କୃତ୍ଵା ଗଜାନନଂ ଧ୍ୟାୟେତ୍ ॥

ଅଥ ଧ୍ୟାନମ୍ ।

``ଗୁଣାଙ୍କୁଶଵରାଭୀତିପାଣିରକ୍ତାବ୍ଜହସ୍ତୟା ।

ପ୍ରିୟୟାଲିଙ୍ଗିତଂ ରକ୍ତଂ ତ୍ରିନେତ୍ରଂ ଗଣପଂ ଭଜେ ॥ ୧॥''

ଏଵଂ ଧ୍ୟାତ୍ଵା ନ୍ୟାସଂ କୁର୍ୟ୍ୟାତ୍ ॥

ତଥା ଚ ତତ୍ର କ୍ରମଃ ॥

ଓଁ ଅଁ ଵିଘ୍ନେଶହ୍ରୀଭ୍ୟାଂ ନମଃ ଲଲାଟେ । ୧।

ଓଁ ଆଁ ଵିଘ୍ନରାଜଶ୍ରୀଭ୍ୟାଂ ନମଃ ମୁଖଵୃତ୍ତେ । ୨।

ଓଁ ଈଁ ଵିନାୟକପୁଷ୍ଟିଭ୍ୟାଂ ନମଃ ଦକ୍ଷିଣନେତ୍ରେ । ୩।

ଓଁ ଈଁ ଶିଵୋତ୍ତମଶାନ୍ତିଭ୍ୟାଂ ନମଃ ଵାମନେତ୍ରେ । ୪।

ଓଁ ଉଁ ଵିଘ୍ନକୃତ୍ସ୍ଵସ୍ତିଭ୍ୟାଂ ନମଃ ଦକ୍ଷିଣକର୍ଣେ । ୫।

ଓଁ ଊଁ ଵିଘ୍ନହର୍ତୃସରସ୍ଵତୀଭ୍ୟାଂ ନମଃ ଵାମକର୍ଣେ । ୬।

ଓଁ ଋଁ ଗଣସ୍ଵାହାଭ୍ୟାଂ ନମଃ ଦକ୍ଷିଣନାସାପୁଟେ । ୭।

ଓଁ ୠଁ ଏକଦନ୍ତସୁମେଧାଭ୍ୟାଂ ନମଃ ଵାମନାସାପୁଟେ । ୮।

ଓଁ ଌଁ ଦ୍ଵିଦନ୍ତକାନ୍ତିଭ୍ୟାଂ ନମଃ ଦକ୍ଷିଣଗଣ୍ଡେ । ୯।

ଓଁ ୡଁ ଗଜଵକ୍ତ୍ରକାମିନୀଭ୍ୟାଂ ନମଃ ଵାମଗଣ୍ଡେ । ୧୦।

ଓଁ ଏଁ ନିରଞ୍ଜନମୋହିନୀଭ୍ୟାଂ ନମଃ ଊର୍ଧ୍ଵୋଷ୍ଠେ । ୧୧।

ଓଁ ଐଁ କପର୍ଦିନଟୀଭ୍ୟାଂ ନମଃ ଅଧରୋଷ୍ଠେ । ୧୨।

ଓଁ ଓଁ ଦୀର୍ଘଜିହ୍ଵପାର୍ଵତୀଭ୍ୟାଂ ନମଃ ଊର୍ଧ୍ଵଦନ୍ତପଙ୍କ୍ତୌ । ୧୩।

ଓଁ ଔଁ ଶଙ୍କୁକର୍ଣଜ୍ଵାଲିନୀଭ୍ୟାଂ ନମଃ ଅଧୋଦନ୍ତପଙ୍କ୍ତୌ । ୧୪।

ଓଁ ଅଁ ଵଷଭଧ୍ଵଜନନ୍ଦାଭ୍ୟାଂ ନମଃ ଶିରସି । ୧୫।

ଓଁ ଅଃ ଗଣେଶସୁରେଶୀଭ୍ୟାଂ ନମଃ ମୁଖେ । ୧୬।

ଓଁ କଁ ଗଜେନ୍ଦ୍ରକାମରୂପିଣୀଭ୍ୟାଂ ନମଃ ଦକ୍ଷିଣବାହୁମୂଲେ । ୧୭।

ଓଁ ଖଁ ଶୂର୍ପକର୍ଣୋମାଭ୍ୟାଂ ନମଃ ଦକ୍ଷିଣକୂର୍ପରେ । ୧୮।

ଓଁ ଗଁ ତ୍ରିଲୋଚନତେଜୋଵତୀଭ୍ୟାଂ ନମଃ ଦକ୍ଷିଣମଣିବନ୍ଧେ । ୧୯।

ଓଁ ଗଁ ଲମ୍ବୋଦରସତ୍ୟାଭ୍ୟାଂ ନମଃ ଦକ୍ଷାଙ୍ଗୁଲିମୂଲେ । ୨୦।

ଓଁ ଙଁ ମହାନନ୍ଦଵିଘ୍ନେଶୀଭ୍ୟାଂ ନମଃ ଦକ୍ଷାଙ୍ଗୁଲ୍ୟଗ୍ରେ । ୨୧।

ଓଁ ଚଁ ଚତୁର୍ମୂର୍ତିସ୍ଵରୂପିଣୀଭ୍ୟାଂ ନମଃ ଵାମବାହୁମୂଲେ । ୨୨।

ଓଁ ଛଁ ସଦାଶିଵକାମଦାଭ୍ୟାଂ ନମଃ ଵାମକୂର୍ପରେ । ୨୩।

ଓଁ ଜଁ ଆମୋଦମଦଜିହ୍ଵାଭ୍ୟାଂ ନମଃ ଵାମମଣିବନ୍ଧେ । ୨୪।

ଓଁ ଝଁ ଦୁର୍ମୁଖଭୂତିଭ୍ୟାଂ ନମଃ ଵାମାଙ୍ଗୁଲିମୂଲେ । ୨୫।

ଓଁ ଞଁ ସୁମୁଖଭୌତିକାଭ୍ୟା ନମଃ ଵାମାଙ୍ଗୁଲ୍ୟାଗ୍ରେ । ୨୬।

ଓଁ ଟଁ ପ୍ରମୋଦସିତାଭ୍ୟାଂ ନମଃ ଦକ୍ଷପାଦମୂଲେ । ୨୭।

ଓଁ ଠଁ ଏକପାଦରମାଭ୍ୟାଂ ନମଃ ଦକ୍ଷିଣଜାନୁନି । ୨୮।

ଓଁ ଡଁ ଦ୍ଵିଜିହ୍ଵମହିଷୀଭ୍ୟାଂ ନମଃ ଦକ୍ଷିଣଗୁଲ୍ଫେ । ୨୯।

ଓଁ ଢଁ ଶୂରଭଞ୍ଜନୀଭ୍ୟାଂ ନମଃ ଦକ୍ଷିଣପାଦାଙ୍ଗୁଲିମୂଲେ । ୩୦।

ଓଁ ଣଁ ଵୀରଵିକରଣାଭ୍ୟାଂ ନମଃ ଦକ୍ଷିଣପାଦାଙ୍ଗୁଲ୍ୟଗ୍ରେ । ୩୧।

ଓଁ ତଁ ଷଣ୍ମୁଖଭୃକୁଟୀଭ୍ୟାଂ ନମଃ ଵାମପାଦମୂଲେ । ୩୨।

ଓଁ ଥଁ ଵରଦଲଜ୍ଜାଭ୍ୟାଂ ନମଃ ଵାମଜାନୁନି । ୩୩।

ଓଁ ଦଁ ଵାମଦେଵଦୀର୍ଘ ଘୋଣାଭ୍ୟାଂ ନମଃ ଵାମଗୁଲ୍ଫେ । ୩୪।

ଓଁ ଘଁ ଵକ୍ରତୁଣ୍ଡ ଧନୁର୍ଧରାଭ୍ୟାଂ ନମଃ ଵାମପାଦାଙ୍ଗୁଲିମୂଲେ । ୩୫।

ଓଁ ନଁ ଦ୍ଵିରଦୟାମିନୀଭ୍ୟାଂ ନମଃ ଵାମପାଦାଙ୍ଗୁଲ୍ୟଗ୍ରେ । ୩୬।

ଓଁ ପଁ ସେନାନୀରାତ୍ରିଭ୍ୟାଂ ନମଃ ଦକ୍ଷିଣପାର୍ଶ୍ଵେ । ୩୭।

ଓଁ ଫଁ କାମାନ୍ଧଗ୍ରାମଣୀଭ୍ୟାଂ ନମଃ ଵାମପାର୍ଶ୍ଵେ । ୩୮।

ଓଁ ବଁ ମତ୍ତଶଶିପ୍ରଭାଭ୍ୟାଂ ନମଃ ପୃଷ୍ଠେ । ୩୯।

ଓଁ ଭଁ ଵିମତ୍ତଲୋଲଲୋଚନାଭ୍ୟାଂ ନମଃ ନାଭୌ । ୪୦।

ଓଁ ମଁ ମତ୍ତଵାହନଚଞ୍ଚଲାଭ୍ୟାଂ ନମଃ ଜଠରେ । ୪୧।

ଓଁ ୟଁ ତ୍ଵଗାତ୍ମଭ୍ୟାଂ ଜଟିଦୀପ୍ତିଭ୍ୟାଂ ହୃଦି । ୪୨।

ଓଁ ରଁ ଅମୃଗାତ୍ମଭ୍ୟାଂ ମୁଣ୍ଡିସୁଭଗାଭ୍ୟାଂ ନମଃ ଦକ୍ଷାଂସେ । ୪୩।

ଓଁ ଲଁ ମାଂସାତ୍ମଭ୍ୟାଂ ଖଡିଦୁର୍ଭଗାଭ୍ୟାଂ ନମଃ କକୁଦି । ୪୪।

ଓଁ ଵଁ ମେଦାତ୍ମଭ୍ୟାଂ ନମଃ ଵରେଣ୍ୟଶିଵାଭ୍ୟାଂ ନମଃ ଵାମାସେ । ୪୫।

ଓଁ ଶଁ ଅସ୍ଥ୍ୟାତ୍ମଭ୍ୟାଂ ଵୃଷକେତନଭଗାଭ୍ୟାଂ ନମଃ ହୃଦୟାଦିଦକ୍ଷହସ୍ତାନ୍ତମ୍ । ୪୬।

ଓଁ ଷଁ ମଜ୍ଜାତ୍ମଭ୍ୟାଂ ଭକ୍ତିପ୍ରିୟଭଗିନୀଭ୍ୟାଂ ନମଃ ହୃଦୟାଦିଵାମହସ୍ତାନ୍ତମ୍ । ୪୭।

ଓଁ ସଁ ଶୁକ୍ରାତ୍ମଭ୍ୟାଂ ଗଣେଶଭୋଗିନୀଭ୍ୟାଂ ନମଃ ହୃଦୟାଦିଦକ୍ଷପାଦାନ୍ତମ୍ । ୪୮।

ଓଁ ହଁ ପ୍ରାଣାତ୍ମଭ୍ୟାଂ ମେଘନାଦସୁଭଗାଭ୍ୟାଂ ନମଃ ହୃଦୟାଦିଵାମପାଦାନ୍ତମ୍ । ୪୯।

ଓଁ ଳଁ ଶକ୍ତ୍ୟାତ୍ମଭ୍ୟାଂ ଵ୍ୟାପ୍ତିକାଲରାତ୍ରିଭ୍ୟାଂ ନମଃ ଜଠରେ । ୫୦।

ଓଁ କ୍ଷଁ ପରମାତ୍ମଭ୍ୟାଂ ଗଣେଶ୍ଵରକାଲିକାଭ୍ୟାଂ ନମଃ ମୁଖେ୫୧॥

ଇତି ସର୍ଵଗଣେଶମନ୍ତ୍ରାଙ୍ଗଭୂତଵିଘ୍ନେଶାଦିକଲାମାତୃକାନ୍ୟାସଃ ॥

ଏଵଂ କଲାନ୍ୟାସଂ କୃତ୍ଵା ପ୍ରୟୋଗୋକ୍ତନ୍ୟାସାଦିକଂ କୁର୍ୟ୍ୟାତ୍ ॥

ତତଃ ପୀଠାଦୌ ରଚିତେ ସର୍ଵତୋଭଦ୍ରମଣ୍ଡଲେ ଗଣେଶମଣ୍ଡଲେ ଵା

ମଣ୍ଡୂକାଦିପରତତ୍ତ୍ଵାନ୍ତପୀଠଦେଵତାଃ ସ୍ଥାପୟେତ୍ ॥

ତଥା ଚ ॥

ପୁଷ୍ପାକ୍ଷତାନାଦାୟ ସ୍ଵଵାମଭାଗେ ଶ୍ରୀଗୁରୁଭ୍ୟୋ ନମଃ । ୧।

ଦକ୍ଷିଣେ ଗଣପତୟେ ନମଃ । ୨।

ମଧ୍ୟେ ସ୍ଵେଷ୍ଟଦେଵତାୟୈ ନମଃ । ୩।

ଇତି ନତ୍ଵା ପୀଠମଧ୍ୟେ ଓଁ ମଁ ମଣ୍ଡୂକାୟ ନମଃ । ୪।

ଓଁ କଁ କାଲାଗ୍ନିରୁଦ୍ରାୟ ନମଃ । ୫।

ଓଁ ଆଁ ଆଧାରଶକ୍ତୟେ ନମଃ । ୬।

ଓଁ କୂଁ କୂର୍ମାୟ ନମଃ । ୭।

ଓଁ ଅଁ ଅନନ୍ତାୟ ନମଃ । ୮।

ଓଁ ପୃଁ ପୃଥିଵ୍ୟୈ ନମଃ । ୯।

ଓଁ କ୍ଷୀଁ କ୍ଷୀରସାଗରାୟ ନମଃ । ୧୦।

ଓଁ ରଁ ରତ୍ନଦ୍ଵୀପାୟ ନମଃ । ୧୧।

ଓଁ ରଁ ରତ୍ନଵେଦିକାୟୈ ନମଃ । ୧୨।

ଓଁ କଁ କଲ୍ପଵୃକ୍ଷାୟୈ ନମଃ । ୧୩।

ଓଁ ରଁ ରତ୍ନଵେଦିକାୟୈ ନମଃ । ୧୪।

ଓଁ ରଁ ରତ୍ନସିଂହାସନାୟ ନମଃ । ୧୫।

ଇତ୍ୟୁପର୍ୟୁପରି ସମ୍ପୂଜ୍ୟ ॥

ଆଗ୍ନେୟ୍ୟାଂ ଓଁ ଧଁ ଧର୍ମ୍ମାୟ ନମଃ । ୧୬।

ନୈରୃତ୍ୟାଂ ଓଁ ଜ୍ଞାଁ ଜ୍ଞାନାୟ ନମଃ । ୧୭।

ଵାୟଵ୍ୟେ ଓଁ ଵୈଁ ଵୈରାଗ୍ୟାୟ ନମଃ । ୧୮।

ଐଶାନ୍ୟେ ଓଁ ଐଁ ଐଶ୍ଵର୍ୟାୟ ନମଃ । ୧୯।

ପୂର୍ଵ ଓଁ ଅଁ ଅଧର୍ମାୟ ନମଃ । ୨୦।

ଦକ୍ଷିଣେ ଓଁ ଅଁ ଅଜ୍ଞାନାୟ ନମଃ । ୨୧।

ପଶ୍ଚିମେ ଓଁ ଅଁ ଅଵୈରାଗ୍ୟାୟ ନମଃ । ୨୨।

ଉତ୍ତରେ ଓଁ ଅଁ ଅନୈଶ୍ଵର୍ୟାୟ ନମଃ । ୨୩।

ଇତି ପୂଜୟେତ୍ ॥

ତତଃ ପୁନଃ ପୀଠମଧ୍ୟେ ॥

ଓଁ ଆଁ ଆନନ୍ଦକନ୍ଦାୟ ନମଃ । ୨୪।

ଓଁ ସଁ ସଂଵିନ୍ନାଲାୟ ନମଃ । ୨୫।

ଓଁ ସଁ ସର୍ଵତତ୍ତ୍ଵକମଲାସନାୟ ନମଃ । ୨୬।

ଓଁ ପ୍ରଁ ପ୍ରକୃତିମୟପତ୍ରେଭ୍ୟୋ ନମଃ । ୨୭।

ଓଁ ଵିଁ ଵିକାରମୟକେସରେଭ୍ୟୋ ନମଃ । ୨୮।

ଓଁ ପଁ ପଞ୍ଚାଶଦ୍ଵର୍ଣାଢ୍ୟକର୍ଣିକାଭ୍ୟୋ ନମଃ । ୨୯।

ଓଁ ଅଁ ଅର୍କମଣ୍ଡଲାୟ ଦ୍ଵାଦଶକଲାତ୍ମନେ ନମଃ । ୩୦।

ଓଁ ସୋଁ ସୋମମଣ୍ଡଲାୟ ଷୋଡଶକଲାତ୍ମନେ ନମଃ । ୩୧।

ଓଁ ଵଁ ଵହ୍ନିମଣ୍ଡଲାୟ ଦଶକଲାତ୍ମନେ ନମଃ । ୩୨।

ଓଁ ସଁ ସତ୍ତ୍ଵାୟ ନମଃ । ୩୩।

ଓଁ ରଁ ରଜସେ ନମଃ । ୩୪।

ଓଁ ତଁ ତମସେ ନମଃ । ୩୫।

ଓଁ ଆଁ ଆତ୍ମନେ ନମଃ । ୩୬।

ଓଁ ପଁ ପରମାତ୍ମନେ ନମଃ । ୩୭।

ଓଁ ୟଁ ଅନ୍ତରାତ୍ମନେ ନମଃ । ୩୮।

ଓଁ ହ୍ରୀଁ ଜ୍ଞାନାତ୍ମନେ ନମଃ । ୩୯।

ଓଁ ମଁ ମାୟାତତ୍ତ୍ଵାୟ ନମଃ । ୪୦।

ଓଁ କଁ କଲାତତ୍ତ୍ଵାୟ ନମଃ । ୪୧।

ଓଁ ଵିଁ ଵିଦ୍ୟାତତ୍ତ୍ଵାୟ ନମଃ । ୪୨।

ଓଁ ପଁ ପରତତ୍ତ୍ଵାୟ ନମଃ । ୪୩।

ଏଵଂ ପୀଠଦେଵତାଃ ସମ୍ପୂଜ୍ୟ ନଵପୀଠଶକ୍ତୀଃ ପୂଜୟେତ୍ ॥

ତଦ୍ୟଥା ।

ପୂର୍ଵେ ଓଁ ତୀଵ୍ରାୟୈ ନମଃ । ୧।

ଆଗ୍ନେୟ୍ୟାଂ ଓଁ ଚାଲିନ୍ୟୈ ନମଃ । ୨।

ଦକ୍ଷିଣେ ଓଁ ନନ୍ଦାୟୈ ନମଃ । ୩।

ନୈରୃତ୍ୟେ ଓଁ ଭୋଗଦାୟୈ ନମଃ । ୪।

ପଶ୍ଚିମେ ଓଁ କାମରୂପିଣ୍ୟୈ ନମଃ । ୫।

ଵାୟଵ୍ୟେ ଓଁ ଉଗ୍ରାୟୈ ନମଃ । ୬।

ଉତ୍ତରେ ଓଁ ତେଜୋଵତ୍ୟୈ ନମଃ । ୭।

ଐଶାନ୍ୟେ ଓଁ ସତ୍ୟାୟୈ ନମଃ । ୮।

ପୀଠମଧ୍ୟେ ଓଁ ଵିଘ୍ନନାଶିନ୍ୟୈ ନମଃ । ୯।

ଇତି ପୀଠଶକ୍ତୀଃ ସମ୍ପୂଜ୍ୟ ପାତ୍ରାସାଦନଂ କୁର୍ୟାତ୍ ॥

ଅଥ ପାତ୍ରାସାଦନପ୍ରୟୋଗଃ ॥

ତତ୍ର ପାତ୍ରାସାଦନଂ ସର୍ଵଦେଵୋପୟୋଗିପଦ୍ଧତିମାର୍ଗେଣ ସଵିସ୍ତରଂ କୃତ୍ଵା

ଅଶକ୍ତଶ୍ଚେତ୍ସାଧାରଣଂ କୁର୍ୟାତ୍ ॥

ତତ୍ର କ୍ରମଃ ॥

ତତ୍ରାଦୌ ଗନ୍ଧାକ୍ଷତାଦିପୂଜୋପକରଣାନିସ୍ଵଦକ୍ଷିଣପାର୍ଶ୍ଵେ ସଂସ୍ଥାପ୍ୟ ଜଲାର୍ଥଂ

ବୃହତ୍ପାତ୍ରଂ ଵ୍ୟଜନଂ ଛତ୍ରାଦର୍ଶଚାମରାଣି ଵାମପାର୍ଶ୍ଵେ ସ୍ଥାପୟିତ୍ଵା

କଲଶସ୍ଥାପନଂ କୁର୍ୟାତ୍ ॥

ଅଥ କଲଶସ୍ଥାପନପ୍ରୟୋଗଃ ॥

ସ୍ଵଵାମଭାଗେ ତ୍ରିକୋଣମଣ୍ଡଲଂ କୃତ୍ଵା ଜଲେନ ପ୍ରୋକ୍ଷ୍ୟ ତ୍ରିକୋଣାନ୍ତର୍ମାୟାଂ ଵିଲିଖ୍ୟା ॥

ଓଁ ହ୍ରୀଁ ଆଧାର୍ଶକ୍ତୟୈ ନମଃ ।

ଇତି ସମ୍ପୂଜ୍ୟ ତତୋ ମୂଲେନ ନମଃ ।

ଇତି ତ୍ରିପଦାଧାରଂ ପ୍ରକ୍ଷାଲ୍ୟ ତ୍ରିକୋଣମଧ୍ୟେ ସଂସ୍ଥାପ୍ୟ ତତ୍ରସୁଦର୍ଶନାୟାସ୍ତ୍ରାୟ

ଫଟ୍ ଇତି ମନ୍ତ୍ରେଣ କଲଶଂ ପ୍ରକ୍ଷାଲ୍ୟ ଆଧାରୋପରି ହସ୍ତଦ୍ଵୟେନ ସଂସ୍ଥାପ୍ୟ

ରକ୍ତଵସ୍ତ୍ରମାଲ୍ୟାଦିନା ଭୂଷୟିତ୍ଵା ମୂଲେନ ନମଃ ।

ଇତି ଜଲେନାପୂର୍ୟ ॥

ଓଁ ଭୂର୍ଭୁଵଃ ସ୍ଵଃ ଵରୁଣ ଇହାଗଚ୍ଛ ଇହତିଷ୍ଠ ॥

ଇତି ଵରୁଣମାଵାହ୍ୟ ସ୍ଵେଷ୍ଟଦେଵଂ ଧ୍ୟାତ୍ଵା ଗନ୍ଧପୁଷ୍ପୈଃ ସମ୍ପୂଜୟେତ୍ ॥

ଇତି କଲଶସ୍ଥାପନମ୍ ॥

ଅଥ ଶଙ୍ଖସ୍ଥାପନପ୍ରୟୋଗଃ ॥

ସ୍ଵଦକ୍ଷିଣେ କଲଶୋକ୍ତଵିଧ୍ୟାନୁସାରେଣାଧାରଂ ସଂସ୍ଥାପ୍ୟ ଓଁ ସୁଦର୍ଶନାୟାସ୍ତ୍ରାୟ ଫଟ୍ ॥

ଇତି ଶଙ୍ଖଂ ପ୍ରକ୍ଷାଲ୍ୟ ଆଧାରୋପରି ସଂସ୍ଥାପ୍ୟ ମୂଲେନ ନମଃ ଇତି ଜଲେନାପୂର୍ୟ ॥

ପ୍ରଣଵେନ ଗନ୍ଧାଦିଭିଃ ସମ୍ପୂଜ୍ୟାଭିମନ୍ତ୍ରୟେତ୍ ॥

``ଓଁ ଶଙ୍ଖାଦୌ ଚନ୍ଦ୍ରଦୈଵତ୍ୟଂ କୁକ୍ଷୌ ଵରୁଣଦେଵତା ।

ପୃଷ୍ଠେ ପ୍ରଜାପତିଶ୍ଚୈଵମଗ୍ରେ ଗଙ୍ଗା ସରସ୍ଵତୀ ॥ ୧॥

ତ୍ରୈଲୋକ୍ୟେ ତାନି ତୀର୍ଥାନି ଵାସୁଦେଵସ୍ୟ ଚାଜ୍ଞୟା ।

ଶଙ୍ଖେ ତିଷ୍ଠନ୍ତି ଵିପ୍ରେନ୍ଦ୍ର ତସ୍ମାଚ୍ଛଙ୍ଖଂ ପ୍ରପୂଜୟେତ୍ ॥''

ଇତ୍ୟଭିମନ୍ତ୍ର୍ୟ ପ୍ରାର୍ଥୟେତ୍ ॥

``ଓଁ ତ୍ଵଂ ପୁରା ସାଗରୋତ୍ପନ୍ନୋ ଵିଷ୍ଣୁନା ଵିଧୃତଃ କରେ ।

ନିର୍ମିତଃ ସର୍ଵଦେଵୈଶ୍ଚ ପାଞ୍ଚଜନ୍ୟ ନମୋଽସ୍ତୁ ତେ ॥ ୨॥

ପାଞ୍ଚଜନ୍ୟାୟ ଵିଦ୍ମହେ ପାଵମାନାୟ ଧୀମହି ।

ତନ୍ନଃ ଶଙ୍ଖଃ ପ୍ରଚୋଦୟାତ୍ ॥'' ଇତି ପ୍ରାର୍ଥ୍ୟ ଶଙ୍ଖମୁଦ୍ରାଂ ପ୍ରଦର୍ଶୟେତ୍ ।

ଇତି ଶଙ୍ଖସ୍ଥାପନମ୍ ॥

ଘଣ୍ଟାସ୍ଥାପନପ୍ରୟୋଗଃ

ଅଥ ଘଣ୍ଟାସ୍ଥାପନପ୍ରୟୋଗଃ ।

ସ୍ଵଵାମଭାଗେ ଘଣ୍ଟାଂ ସଂସ୍ଥାପ୍ୟ ।

``ଆଗମାର୍ଥଂ ତୁ ଦେଵାନାଂ ଗମନାର୍ଥଂ ତୁ ରକ୍ଷସାମ୍ ।

ଘଣ୍ଟାନାଦଂ ପ୍ରକୁର୍ଵୀତ ପଶ୍ଚାଦ୍ଧଣ୍ଟାଂ ପ୍ରପୂଜେତ୍ ॥ ୧॥

``ଓଁ ଭୂର୍ଭୁଵଃ ସ୍ଵଃ ଗରୁଡାୟ ନମଃ ଆଵାହୟାମି ।

ସର୍ଵୋପଚାରାର୍ଥଂ ଗନ୍ଧାକ୍ଷତପୁଷ୍ପାଣି ସମର୍ପୟାମି ନମସ୍କରୋମି ॥

ଇତ୍ୟାଵାହ୍ୟ ॥

``ଓଁ ଜଗଦ୍ଧ୍ଵନିମନ୍ତ୍ରମାତଃ ସ୍ଵାହା ॥''

ଇତି ମନ୍ତ୍ରେଣ ଘଣ୍ଟାସ୍ଥିତଗରୁଡଂ ଘଣ୍ଟାଂ ଚ ସମ୍ପୂଜ୍ୟ ପ୍ରଣମ୍ୟ ଗରୁଡମୁଦ୍ରାଂ ପ୍ରଦର୍ଶୟେତ୍ ॥

ଇତି ଘଣ୍ଟାସ୍ଥାପନମ୍ ॥

ତତଃ ଶଙ୍ଖାତ୍ପୂର୍ଵାଦିପ୍ରାଦକ୍ଷିଣ୍ୟେନ ପାଦ୍ୟାର୍ଘ୍ୟାଚମନୀୟମଧୁପର୍କସ୍ନାନାର୍ଥଂ

ପଞ୍ଚପାତ୍ରାଣି ଅଶକ୍ତଶ୍ଚେତ୍ତର୍ହି ଏକମେଵ ପାତ୍ରଂ ସନ୍ଥାପ୍ୟ ସାମାନ୍ୟଵିଧିନା ପୂଜୟେତ୍ ॥

ଏଵଂ ପୂଜାପାତ୍ରାଣି ସମ୍ପାଦ୍ୟ ॥

ପ୍ରାଣପ୍ରତିଷ୍ଠାଂ

ପ୍ରୟୋଗୋକ୍ତେ ୟନ୍ତ୍ରେ ମୂର୍ତୌ ଵା ଅଗ୍ନ୍ୟୁତ୍ତାରଣପୂର୍ଵକଂ ପ୍ରାଣାନ୍ପ୍ରତିଷ୍ଠାପୟେତ୍ ॥

ଅଥ ପ୍ରାଣପ୍ରତିଷ୍ଠାପ୍ରୟୋଗଃ ॥

ଆଚମ୍ୟ ଦେଶକାଲୌ ସଙ୍କୀର୍ତ୍ୟ ମମେତ୍ୟାଦିଅମୁକଗଣପତିର୍ଦେଵତାନୂତନୟନ୍ତ୍ରେ

(ମୂର୍ତୌ ଵା) ପ୍ରାଣପ୍ରତିଷ୍ଠାଂ କରିଷ୍ୟେ ॥

ଇତି ସଙ୍କଲ୍ପ୍ୟ ॥

ଅସ୍ୟ ଶ୍ରୀପ୍ରାଣପ୍ରତିଷ୍ଟାମନ୍ତ୍ରସ୍ୟ ବ୍ରହ୍ମଵିଷ୍ଣୁମହେଶ୍ଵରା ଋଷୟଃ ।

ଋଗ୍ୟଜୁଃସାମାନିଚ୍ଛନ୍ଦାଂସି ।

ତ୍ରିୟାମୟଵପୁଃପ୍ରାଣାଖ୍ୟା ଦେଵତା । ଆଁ ବୀଜମ୍ । ହ୍ରୀଁ ଶକ୍ତିଃ । କ୍ରୋଁ କୀଲକମ୍ ।

ଅସ୍ମିନ୍ନୂତନୟନ୍ତ୍ରେ ଅସ୍ୟାଂ (ନୂତନମୂର୍ତୌ ଵା) ପ୍ରାଣପ୍ରତିଷ୍ଠାପନେ ଵିନିୟୋଗଃ ।

ଇତି ଜଲଂ କ୍ଷିପେତ୍ ॥

କରେଣାଚ୍ଛାଦ୍ୟ ।

ଓଁ ଆଁ ହ୍ରୀଁ କ୍ରୋଁ ୟଁ ରଁ ଲଁ ଵଁ ଶଁ ଷଁ ସଁ ହଁ ସଃ ସୋହଁ ।

ଅସ୍ୟ ଶ୍ରୀମଦୁଚ୍ଛିଷ୍ଟଗଣପତେଃ ସପରିଵାରୟନ୍ତ୍ରସ୍ୟ (ମୂର୍ତେର୍ଵା) ପ୍ରାଣା ଇହ ପ୍ରାଣାଃ ॥ ୧॥

ପୁନଃ ଓଁ ଆଁ ହ୍ରୀଁ କ୍ରୋଁ ୟଁ ରଁ ଲଁ ଵଁ ଶଁ ଷଁ ସଁ ହଁ ସଃ ସୋହଁ ।

ଅସ୍ୟ ଶ୍ରୀମଦୁଚ୍ଛିଷ୍ଟଗଣପତେଃ ସପରିଵାରୟନ୍ତ୍ରସ୍ୟ (ମୂର୍ତେର୍ଵା) ଜୀଵ ଇହ ସ୍ଥିତଃ ॥ ୨॥

ଓଁ ଆଁ ହ୍ରୀଁ କ୍ରୋଁ ୟଁ ରଁ ଲଁ ଵଁ ଶଁ ଷଁ ସଁ ହଁ ସଃ ସୋହଁ ।

ଅସ୍ୟ ଶ୍ରୀମଦୁଚ୍ଛିଷ୍ଟଗଣପତେଃ ସପରିଵାରୟନ୍ତ୍ରସ୍ୟ (ମୂର୍ତେର୍ଵା) ସର୍ଵେନ୍ଦ୍ରିୟାଣୀହ ସ୍ଥିଥାନି ॥ ୩॥

ଓଁ ଆଁ ହ୍ରୀଁ କ୍ରୋଁ ୟଁ ରଁ ଲଁ ଵଁ ଶଁ ଷଁ ସଁ ହଁ ସଃ ସୋହଁ ।

ଅସ୍ୟ ଶ୍ରୀମଦୁଚ୍ଛିଷ୍ଟଗଣପତେଃ ସପରିଵାରୟନ୍ତ୍ରସ୍ୟ (ମୂର୍ତେର୍ଵା)

ଵାଙ୍ମନସ୍ତ୍ଵକ୍ଚକ୍ଷୁଃ ଶ୍ରୋତ୍ରଜିହ୍ଵାଘ୍ରାଣପାଣିପାଦପାୟୂପସ୍ଥାନି ଇହୈଵାଗତ୍ୟ

ସୁଖଂ ଚିରଂ ତିଷ୍ଠନ୍ତୁ ସ୍ଵାହା ॥ ୪॥

ଇତି ପ୍ରାଣାନ୍ପ୍ରତିଷ୍ଠାପ୍ୟ ଗର୍ଭାଧାନାଦିପଞ୍ଚଦଶସଂସ୍କାରସିଦ୍ଧୟେ ପଞ୍ଚଦଶପ୍ରଣଵାଵୃତ୍ତୀଃ କୃତ୍ଵା ।

ଅନେନ ଶ୍ରୀମଦୁଚ୍ଛିଷ୍ଟଗଣପତେଃ ସପରିଵାରୟନ୍ତ୍ରସ୍ୟ (ମୂର୍ତେର୍ଵା)

ଗର୍ଭାଧାନାଦିପଞ୍ଚଦଶସଂସ୍କାରାନ୍ସମ୍ପାଦୟାମି ଇତି ଵଦେତ୍ ॥

ଏଵଂ ପ୍ରାଣପ୍ରତିଷ୍ଠାପ୍ରୟୋଗଃ ॥

ତତ ଆଵାହନାଦିପୂଜାଂ କୁର୍ୟାତ୍ ।

ତଦ୍ୟଥା ॥

ଅଥାଵାହନମ୍ ।

ଅକ୍ଷତାନାଦାୟ

``ଦେଵେଶ ଭକ୍ତିସୁଲଭ ପରିଵାରସମନ୍ଵିତ ।

ୟାଵତ୍ତ୍ଵାଂ ପୂଜୟିଷ୍ୟାମି ତାଵଦ୍ଦେଵ ଇହାଵହ ॥ ୧॥

ଆଗଚ୍ଛ ଭଗଵନ୍ଦେଵ ସ୍ଥାନେ ଚାତ୍ର ସ୍ଥିତୋଭଵ ।

ୟାଵତ୍ପୂଜାଂ କରିଷ୍ୟାମି ତାଵତ୍ତ୍ଵଂ ସନ୍ନିଧୌ ଭଵ ॥ ୨॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତିର୍ଦେଵତାମାଵାହୟାମି ।

ଇତ୍ୟାଵାହନମ୍ ॥ ୧॥''

``ତଵେୟଂ ମହିମାମୂର୍ତିସ୍ତସ୍ୟାଂ ତ୍ଵାଂ ସର୍ଵଗ ପ୍ରଭୋ ।

ଭକ୍ତିସ୍ନେହସମାକୃଷ୍ଟଦୀପଵତ୍ସ୍ଥାପୟାମ୍ୟହମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତିଦେଵ ଇହ ତିଷ୍ଠ ।

ଇତି ସ୍ଥାପନମ୍ ॥ ୨॥

``ଅନନ୍ୟା ତଵ ଦେଵେଶ ମୂର୍ତିଶକ୍ତିରିୟଂ ପ୍ରଭୋ ।

ସାନ୍ନିଧ୍ୟଂ କୁରୁ ତସ୍ୟାଂ ତ୍ଵଂ ଭକ୍ତାନୁଗ୍ରହତତ୍ପର ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତିଦେଵ ଇହ ସନ୍ନିଧେହି ।

ଇତି ସନ୍ନିଧାପନମ୍ ॥ ୩॥

``ଆଜ୍ଞୟା ତଵ ଦେଵେଶ କୃପାମ୍ଭୋଧେ ଗୁଣାମ୍ବୁଧେ ।

ଆତ୍ମାନନ୍ଦୈକତୃପ୍ତଂ ତ୍ଵାଂ ନିରୁଣଧ୍ମି ପିତର୍ଗୁରୋ ॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତିଦେଵ ଇହ ସନ୍ନିରୁଧ୍ୟ ।

ଇତି ସନ୍ନିରୋଧନମ୍ ॥ ୪॥

``ଅଜ୍ଞାନାଦ୍ଦୁର୍ମନସ୍ତ୍ଵାଦ୍ଵା ଵୈକଲ୍ୟାତ୍ସାଧନସ୍ୟ ଚ ।

ୟଦପୂର୍ଣଂ ଭଵେତ୍କୃତ୍ୟଂ ତଦପ୍ୟଭିମୁଖୋ ଭଵ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତିଦେଵ ଇହ ସମ୍ମୁଖୋ ଭଵ ।

ଇତି ସମ୍ମୁଖୀକରଣମ୍ ॥ ୫॥

``ଅଭକ୍ତଵାଙ୍ମନଶ୍ଚକ୍ଷୁଃ ଶ୍ରୋତ୍ରଦୂରାତିଗଦ୍ୟୁତେ ।

ସ୍ଵତେଜଃପଞ୍ଜରେଣାଶୁ ଵେଷ୍ଟିତୋ ଭଵ ସର୍ଵତଃ ॥ ୧॥''

ମୂଲଂ ପଟିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତିଦେଵ ଅଵଗୁଣ୍ଠିଥୋ ଭଵଃ ।

ଇତ୍ୟଵଗୁଣ୍ଠନମ୍ ॥ ୬॥

``ୟସ୍ୟ ଦର୍ଶନମିଚ୍ଛନ୍ତି ଦେଵାଃ ସ୍ଵାଭୀଷ୍ଟସିଦ୍ଧୟେ ।

ତସ୍ମୈ ତେ ପରମେଶାୟ ସ୍ଵାଗତଂ ସ୍ଵାଗତଂ ଚ ତେ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ସୁସ୍ଵାଗତଂ ସମର୍ପୟାମି ।

ଇତି ସୁସ୍ଵାଗତମ୍ ॥ ୭॥

``ଦେଵଦେଵ ମହାରାଜପ୍ରିୟେଶ୍ଵର ପ୍ରଜାପତେ ।

ଆସନଂ ଦିଵ୍ୟମୀଶାନ ଦାସ୍ୟେଽହଂ ପରମେଶ୍ଵର ॥ ୧॥

ଅପରାଧୋ ଭଵତ୍ୟେଵ ସେଵକସ୍ୟ ପଦେପଦେ ।

କୋଽପରଃ ସହତାଂ ଲୋକେ କେଵଲଂ ସ୍ଵାମିନଂ ଵିନା ॥ ୨॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଆସନଂ ସମର୍ପୟାମି ।

ଇତ୍ୟାସନମ୍ ॥ ୮॥

ତତଃ ପାର୍ଥୟେତ୍ ॥

ତତ୍ର ମନ୍ତ୍ରଃ ॥

``ସ୍ଵାଗତଂ ଦେଵଦେଵେଶ ମଦ୍ଭାଗ୍ୟାତ୍ତ୍ଵମିହାଗତଃ ।

ପ୍ରାକୃତଂ ତ୍ଵଂ ଚ ଦୃଷ୍ଵା ମାଂ ବାଲଵତ୍ପରିପାଲୟ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ପ୍ରାର୍ଥନାଂ ସମର୍ପୟାମି ନମସ୍କରୋମି ।

ଇତି ପ୍ରାର୍ଥନା ॥ ୯॥

ଅଥ ପାଦ୍ୟାଦିପୂଜାପ୍ରୟୋଗଃ ॥

``ୟଦ୍ଭକ୍ତିଲେଶଶସମ୍ପର୍କାତ୍ପରମାନନ୍ଦସମ୍ଭଵଃ ।

ତସ୍ମୈ ତେ ଚରଣାବ୍ଜାୟ ପାଦ୍ୟଂ ଶୁଦ୍ଧାୟ କଲ୍ପୟେ ॥ ୧॥''

ମୂଲଂ ପଠିତ୍ଵା ଓଁ ଭୂର୍ ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ପାଦ୍ୟଂ ସମର୍ପୟାମି ।

ଇତି ପାଦ୍ୟମ୍ ॥ ୧୦॥

ତାପତ୍ରୟହରଂ ଦିଵ୍ୟଂ ପରମାନନ୍ଦଲକ୍ଷଣମ୍ ।

ତାପତ୍ରୟଵିନିର୍ମୁକ୍ତ ତଵାର୍ଘ୍ୟଂ କଲ୍ପୟାମ୍ୟହମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଇଦମର୍ଘ୍ୟଂ ସମର୍ପୟାମି ।

ଇତ୍ୟର୍ଘ୍ୟଃ ॥ ୧୧॥

``ଵେଦାନାମପି ଦେଵାୟ ଵେଦାନାଂ ଦେଵତାତ୍ମନେ ।

ଆଚାମଂ କଲ୍ପୟାମୀଶ ଶୁଦ୍ଧାନାଂ ଶୁଦ୍ଧି ହେତଵେ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଆଚମନୀୟଂ ସମର୍ପୟାମି ।

ଇତ୍ୟାଚମନମ୍ ॥ ୧୨॥

ଇତ୍ୟାଚମନଂ ଦତ୍ତ୍ଵା ମଧୁପର୍କପଞ୍ଚାମୃତସ୍ନାନାଦି ଚ ସର୍ଵଦେଵୋପୟୋଗିପଦ୍ଧତିମାର୍ଗେଣ କୁର୍ୟାତ୍ ॥

ଅଶକ୍ତଶ୍ଚେଜ୍ଜଲସ୍ନାନଂ ମଧୁସ୍ନାନଂ ଶୁଦ୍ଦୋଦକସ୍ନାନଂ ଚ କୁର୍ୟାତ୍ ॥

ତଦ୍ୟଥା ॥

`` ଗଙ୍ଗାସରସ୍ଵତୀରେଵାପୟୋଷ୍ଣୀ ନର୍ମଦାଜଲୈଃ ।

ସ୍ନାପିତୋଽସି ମୟା ଦେଵ ତଥା ଶାନ୍ତିଂ କୁରୁଷ୍ଵମେ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଜଲସ୍ନାନଂ ସମର୍ପୟାମି ।

ଇତି ଜଲସ୍ନାନମ୍ ॥ ୧୩॥

``ତରୁଣପୁଷ୍ପସଦ୍ଭୂତଂ ସୁସ୍ଵାଦୁ ମଧୁରଂ ମଧୁ ।

ତେଜଃ ପୁଷ୍ଟିକରଂ ଦିଵ୍ୟଂ ସ୍ନାନାର୍ଥଂ ପ୍ରତି ଗୃହ୍ୟତାମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ମଧୁସ୍ନାନଂ ସମର୍ପୟାମି ॥ ୧୪॥

``ଗଙ୍ଗାସରସ୍ଵତୀରେଵାପୟୋଷ୍ଣୀ ନର୍ମଦାଜଲୈଃ ।

ସ୍ନାପିତୋଽସି ମୟା ଦେଵ ତଥା ଶାନ୍ତି କୁରୁଷ୍ଵ ମେ ॥ ୧॥''

ମୂଲଂ ପଠିତ୍ଵା ଓଁ ଭୂର୍ ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଶୁଦ୍ଧୋଦକସ୍ନାନଂ ସମର୍ପୟାମି ।

ଇତି ଶୁଦ୍ଧୋଦକସ୍ନାନମ୍ ॥ ୧୫॥

ଏଵଂ ସ୍ନାନଂ ସମର୍ପୟାଚମନଂ ଦଦ୍ୟାତ୍ ॥

ତତଃ ।

``ସର୍ଵଭୂଷାଦିକେସାମ୍ୟେ ଲୋକଲଜ୍ଜାନିଵାରଣେ ।

ମୟୈଵାପାଦିତେ ତୁଭ୍ୟଂ ଵାସସୀ ପ୍ରତିଗୃହ୍ୟତାମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ରକ୍ତଵସ୍ତ୍ରଂ ସମର୍ପୟାମି ।

ଇତି ରକ୍ତଵସ୍ତ୍ରମ୍ ॥ ୧୬॥

``ନଵଭିସ୍ତନ୍ତୁଭିର୍ୟୁକ୍ତଂ ତ୍ରିଗୁଣଂ ଦେଵତାମୟମ୍ ।

ଉପଵୀତଂ ଚୋତ୍ତରୀୟଂ ଗୃହାଣ ପରମେଶ୍ଵର ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ୟଜ୍ଞୋପଵୀତଂ ସମର୍ପୟାମି ।

ଇତି ୟଜ୍ଞୋପଵୀତମ୍ ॥ ୧୭॥

``ଶ୍ରୀଖଣ୍ଡଂ ଚନ୍ଦନଂ ଦିଵ୍ୟଂ ଗନ୍ଧାଢ୍ୟଂ ସୁମନୋହରମ୍ ।

ଵିଲେପନଂ ସୁରଶ୍ରେଷ୍ଟ ଚନ୍ଦନଂ ପ୍ରତିଗୃହ୍ୟତାମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଗନ୍ଧଂ ସମର୍ପୟାମି ॥

ଅଙ୍ଗୁଷ୍ଠୌ କନିଷ୍ଠାମୂଲଲଗ୍ନୌ ଗନ୍ଧମୁଦ୍ରା ।

ଇତି ଗନ୍ଧମ୍ ॥ ୧୮॥

``ଅକ୍ଷତାଶ୍ଚ ସୁରଶ୍ରେଷ୍ଟ କୁଙ୍କୁମାକ୍ତାଃ ସୁଶୋଭିତାଃ ।

ମୟା ନିଵେଦିତା ଭକ୍ତ୍ୟା ଗୃହାଣ ପରମେଶ୍ଵର ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଅକ୍ଷତାନ୍ସମର୍ପୟାମି ।

ସର୍ଵାଙ୍ଗୁଲୀଭିର୍ଦଦ୍ୟାତ୍ ।

ଇତ୍ୟକ୍ଷତାମ୍ ॥ ୧୯॥

``ମାଲ୍ୟାଦୀନି ସୁଗନ୍ଧୀନି ମାଲତ୍ୟାଦୀନି ଵୈ ପ୍ରଭୋ ।

ମୟାନୀତାନି ପୁଷ୍ପାଣି ଗୃହାଣ ପରମେଶ୍ଵର ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ରକ୍ତପୁଷ୍ପଂ ସମର୍ପୟାମି ॥

ତର୍ଜନ୍ୟାଵଙ୍ଗୁଷ୍ଠମୂଲମଗ୍ନେ ପୁଷ୍ପମୁଦ୍ରା ।

ଇତି ପୁଷ୍ପଂ ୮॥ ୨୦॥

ଏଵଂ ପୁଷ୍ପାନ୍ତଂ ପୂଜୟିତ୍ଵା ପ୍ରୟୋଗୋକ୍ତାଵରଣପୂଜାଂ ଚ କୃତ୍ଵା ଧୂପାଦିପୂଜନଂ କୁର୍ୟାତ୍ ॥

॥

ଅଥ ଧୂପାଦିପୂଜାପ୍ରୟୋଗଃ ॥

ଫଡିତି ଧୂପପାତ୍ରଂ ସମ୍ପ୍ରୋକ୍ଷ୍ୟ ନମ ଇତି ଗନ୍ଧପୁଷ୍ପାଭ୍ୟାଂ ସମ୍ପୂଜ୍ୟ ପୁରତୋ

ନିଧାୟ ରଂ ଇତି ଵହ୍ନିବୀଜେନ ଉପରି ଅଗ୍ନିଂ ସଂସ୍ଥାପ୍ୟ ତଦୁପରି ଦଶାଙ୍ଗଂ

ଦତ୍ତ୍ଵା ଘଣ୍ଟାଂ ଚ ନାଦୟନ୍ ॥

``ଵନସ୍ପତିରସୋଦ୍ଭୂତୋ ଗନ୍ଧାଢ୍ୟୋ ଗନ୍ଧ ଉତ୍ତମଃ ।

ଆଘ୍ରେୟଃ ସର୍ଵଦେଵାନାଂ ଧୂପୋଽୟଂ ପ୍ରତିଗୃହ୍ୟତାମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଧୂପଂ ସମର୍ପୟାମି ॥

ଇତି ପଠିତ୍ଵା ଦେଵସ୍ୟ ଵାମଭାଗେ ଧୂପପାତ୍ରଂ ସଂସ୍ଥାପ୍ୟ

ତର୍ଜନୀମୂଲୟୋରଙ୍ଗୁଷ୍ଠୟୋଗୋ ଧୂପମୁଦ୍ରା ତାଂ ପ୍ରଦର୍ଶୟେତ୍ ।

ଇତି ଧୂପମ୍ ॥ ୨୧॥

ତତୋ ଦୀପପାତ୍ରଂ ଗୋଘୃତେନାପୂର୍ୟ ଵର୍ଣାକ୍ଷରତନ୍ତୁଭିର୍ଵାର୍ତିଂ ନିକ୍ଷିପ୍ୟ

ପ୍ରଣଵେନ ପ୍ରଜ୍ଵାଲ୍ୟ ଘଣ୍ଟାଂ ଵାଦୟନ୍ ମନ୍ତ୍ରଂ ପଠେତ୍ ॥

``ସୁପ୍ରକାଶୋ ମହାଦୀପଃ ସର୍ଵତସ୍ତିମିରାପହଃ ।

ସବାହ୍ୟାଭ୍ୟନ୍ତରଂ ଜ୍ୟୋତିର୍ଦୀପୋୟଂ ପ୍ରତିଗହ୍ୟତାମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଦୀପଂ ସମର୍ପୟାମି ॥

ଇତି ପଠିତ୍ଵା ଦେଵସ୍ୟ ଦକ୍ଷିଣଭାଗେ ନିଧାୟ ମଧ୍ୟମେ ଅଙ୍ଗୁଷ୍ଠଲଗ୍ନେ ଦୀପମୁଦ୍ରା ତାଂ ପ୍ରଦର୍ଶୟେତ୍ ।

ଇତି ଦୀପମ୍ ॥ ୨୨॥

ଅଥ ନୈଵେଦ୍ୟମ୍ ॥

ଦେଵସ୍ୟାଗ୍ରେ ଜଲେନ ଚତୁରସ୍ରଂ ମଣ୍ଡଲଂ କୃତ୍ଵା ସ୍ଵର୍ଣାଦିନିର୍ମିତଂ

ଭୋଜନପାତ୍ରଂ ସଂସ୍ଥାପ୍ୟ ତନ୍ମଧ୍ୟେ ମୋଦକଂ ଗୁଡମିଶ୍ରିତପାୟସଂ ଵା

ନିଧାୟ ଓଁ ୟଁ ଇତି ଵାୟୁ ବୀଜେନ ଦ୍ଵାଦଶଵାରାଭିମନ୍ତ୍ରିତାଽର୍ଘଜଲେନ

ସମ୍ପ୍ରୋକ୍ଷ୍ୟ ମୂଲେନ ସଂଵୀକ୍ଷ୍ୟ ଅଧୋମୁଖଦକ୍ଷିଣହସ୍ତୋପରି ତଦ୍ଦୃଶଂ

ଵାମଂ ନୈଵେଦ୍ୟେନାଚ୍ଛାଦ୍ୟ ଓଁ ୟଁ ଇତି ଵାୟୁବୀଜଂ ଷୋଡଶଧା ସଞ୍ଜପ୍ୟ

ଵାୟୁନା ତଦ୍ଗତଦୋଷାନ୍ ସଂଶୋଷ୍ୟ ଦକ୍ଷିଣକରତଲେ ଓଁ ରଁ ଇତ୍ୟଗ୍ନିବୀଜଂ

ଵିଚିନ୍ତ୍ୟ ତତ୍ପୃଷ୍ଠଲଗ୍ନଂ ଵାମକରତଲଂ କୃତ୍ଵା ନୈଵେଦ୍ୟଂ ପ୍ରଦର୍ଶ୍ୟ

ଓଁ ରଁ ଇତି ଵହ୍ନିବୀଜେନ ଷୋଡଶଵାରଂ ସଞ୍ଜପ୍ୟ ତଦୁତ୍ପନ୍ନାଗ୍ନିନା ତଦ୍ଦୋଷଂ

ଦଗ୍ଧ୍ଵା ଵାମକରତଲେ ଓଁ ଵଁ ଇତି ଅମୃତବୀଜଂ ଵିଚିନ୍ତ୍ୟ ତତ୍ପୃଷ୍ଠଲଗ୍ନେ

ଦକ୍ଷିଣକରତଲଂ କୃତ୍ଵା ନୈଵେଦ୍ୟଂ ପ୍ରଦର୍ଶ୍ୟ ॥

ପୁନଃ ଓଁ ଵଁ ଇତି ସୁଧାବୀଜଂ ଷୋଡଶଵାରଂ ଜପିତ୍ଵା ତଦୁତ୍ଥାମୃତଧାରୟା

ପ୍ଲାଵିତଂ ଵିଭାଵ୍ୟ ମୂଲମନ୍ତ୍ରେଣ ପ୍ରୋକ୍ଷ୍ୟ ଧେନୁମୁଦ୍ରାଂ ପ୍ରଦର୍ଶ୍ୟ

ମୂଲେନାଷ୍ଟଧାଭିମନ୍ତ୍ର୍ୟ ଗନ୍ଧପୁଷ୍ପାଭ୍ୟାଂ ସମ୍ପୂଜ୍ୟ ଵାମାଙ୍ଗୁଷ୍ଠେନ

ନୈଵେଦ୍ୟପାତ୍ରଂ ସ୍ପୃଷ୍ଟ୍ଵା ଦକ୍ଷିଣକରେଣ ଜଲଂ ଗୃହୀତ୍ଵା -

``ସତ୍ପାତ୍ରସିଦ୍ଧିଂ ସୁହଵିର୍ଵିଵିଧାନେକଭକ୍ଷଣମ୍ ।

ନିଵେଦୟାମି ଦେଵେଶ ସାନୁଗାୟ ଗୃହାଣ ତତ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃ ସ୍ଵଃ ସଙ୍ଗାୟ ସପରିଵାରାୟ

ଶ୍ରୀମଦୁଚ୍ଛିଷ୍ଟଗଣପତୟେ ନମଃ ନୈଵେଦ୍ୟଂ ସମର୍ପୟାମି ଇତି ଜଲମୁତ୍ସୃଜ୍ୟ

ଅନାମାମୂଲୟୋରଙ୍ଗୁଷ୍ଠୟୋଗେ ନୈଵେଦ୍ୟମୁଦ୍ରା ତାଂ ପ୍ରଦର୍ଶୟେତ୍ ।

ଇତି ନୈଵେଦ୍ୟମ୍ ॥ ୨୩॥

ଅଥାନ୍ତଃପଟମ୍ ॥

``ବ୍ରହ୍ମେଶାଦ୍ୟୈଃ ସରସମଭିତଃ ସୋପଵିଷ୍ଟୈଃ ସମନ୍ତାଚ୍ଛିଞ୍ଜଦ୍ଵାଲଵ୍ୟଜନୈକରୈର୍ଵୀଜ୍ୟମାନଃ ସଖୀଭିଃ ।

ନର୍ମକ୍ରୀଡାପ୍ରହସନପରାନ୍ପଙ୍କ୍ତିଭୋକ୍ତୄନ୍ହସନ୍ଵୈ ଭୁକ୍ତେ ପାତ୍ରେ କନକଘଟିତେ ଷଡ୍ସାଞ୍ଛ୍ରୀଗଣେଶଃ ॥ ୧॥

ଶାଲୀଭକ୍ତଂ ସୁପକ୍ଵଂ ଶିଶିରକରସିତଂ ପାୟସାପୂପସୂପଂ ଲେହ୍ୟଂ ପେୟଂ

ଚ ଚୋଷ୍ୟଂ ସିତମମୃତଫଲଂ ଘାରିକାଦ୍ୟଂ ସୁଖାଦ୍ୟମ୍ ।

ଆଜ୍ୟଂ ପ୍ରାଜ୍ୟଂ ସମୋଜ୍ୟଂ ନୟନରୁଚିକରଂ ରାଜିକୈଲାମରୀଚସ୍ଵାଦୀୟଃ

ଶାକରାଜୀପରିକରମମୃତାହାରଜୋଷଂ ଜୁଷସ୍ଵ ॥ ୨॥'' ଇତ୍ୟନ୍ତଃପଟମ୍ ।

॥ ୨୪॥

``ନମସ୍ତେ ଦେଵଦେଵେଶ ସର୍ଵତୃପ୍ତିକରଂ ପରମ୍ ।

ଅଖଣ୍ଡାନନ୍ଦସମ୍ପୂର୍ଣ ଗୃହାଣ ଜଲମୁତ୍ତମମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ ଭୁଵଃ ସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଜଲଂ ସମର୍ପୟାମି ।

ଇତି ଜଲମ୍ ॥ ୨୫॥

ପୁନର୍ଗଣ୍ଡୂଷାର୍ଥଂ ଜଲଂ ଦତ୍ତ୍ଵା ମୂଲେନ ଶୁଦ୍ଧାଚମନଂ ଚ ଦଦ୍ୟାତ୍ ॥

ଅଥ ତାମ୍ବୂଲମ୍ ॥

``ପୂଗୀଫଲଂ ମହଦ୍ଦିଵ୍ୟଂ ନାଗଵଲ୍ଲୀଦଲୈର୍ୟୁତମ୍ ।

ଏଲାଚୂର୍ଣାଦିଭିର୍ୟୁକ୍ତଂ ତାମ୍ବୂଲଂ ପ୍ରତିଗୃହ୍ୟତାମ୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ତାମ୍ବୂଲଂ ସମର୍ପୟାମି ।

ଇତି ତାମ୍ବୂଲମ୍ ॥ ୨୬॥

ଅଥ ଫଲମ୍ ॥

``ଇଦଂ ଫଲଂ ମୟା ଦେଵ ସ୍ଥାପିତଂ ପୁରତସ୍ତ୍ଵ ।

ତେନ ମେ ସଫଲଆଵାପ୍ତିର୍ଭଵେଜ୍ଜନ୍ମାନି ଜନ୍ମାନି ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ଫଲଂ ସମର୍ପୟାମି ।

ଇତି ଫଲମ୍ ॥ ୨୭॥

ଶକ୍ତଶ୍ଚେତ୍ କ୍ଷେତ୍ରାଦିଦକ୍ଷିଣାପର୍ୟନ୍ତଂ ସର୍ଵଦେଵୋପୟୋଗିପଦ୍ଧତିମାର୍ଗେଣ ଦତ୍ତ୍ଵା ଆରାତ୍ରିକଂ କୁର୍ୟ୍ୟାତ୍ ॥

ଅଥ କର୍ପୂରରାତ୍ରିକମ୍ ॥

``କଦଲୀଗର୍ଭସମ୍ଭୂତଂ କର୍ପୂରଂ ଚ ପ୍ରଦୀପିତମ୍ ।

ଆରାତ୍ରିକମହଂ କୁର୍ଵେ ପଶ୍ୟ ମେ ଵରଦୋ ଭଵ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ କର୍ପୂରାରାତ୍ରିକଂ ସମର୍ପୟାମି ।

ଇତି ପଠିତ୍ଵା ମୂଲେନ ଦେଵୋପରି ନେତ୍ରାଦିପାଦପର୍ୟନ୍ତଂ ନଵଵାରଂ ତ୍ରିଵାରଂ ଵା ଭ୍ରାମୟେତ୍ ଘଣ୍ଟାଂ ଚ ନାଦୟେତ୍ ।

ଇତି କର୍ପୂରାରାତ୍ରିକମ୍ ॥ ୨୮॥

ଅଥ ପ୍ରଦକ୍ଷିଣା ॥

``ୟାନି କାନି ଚ ପାପାନି ଜନ୍ମାନ୍ତରକୃତାନି ଵୈ ।

ତାନି ସର୍ଵାଣି ନଶ୍ୟନ୍ତୁ ପ୍ରଦକ୍ଷିଣପଦେପଦେ ॥ ୧॥'' ଇତି ମନ୍ତ୍ରେଣ ତିସ୍ରଃ ପ୍ରଦକ୍ଷିଣା ଦଦ୍ୟାତ୍ ॥

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ପ୍ରଦକ୍ଷିଣାଂ ସମର୍ପୟାମି ।

ଇତି ପ୍ରଦକ୍ଷିଣା ॥ ୨୯॥

ଅଥ ପୁଷ୍ପାଞ୍ଜଲିଃ ॥

``ନାନାସୁଗନ୍ଧପୁଷ୍ପାଣି ୟଥାକାଲୋଦ୍ଭଵାନି ଚ ।

ପୁଷ୍ପାଞ୍ଜଲିଂ ମୟା ଦତ୍ତଂ ଗୃହାଣ ପରମେଶ୍ଵର୍ ॥ ୧॥''

ମୂଲଂ ପଠିତ୍ଵା ଓଁ ଭୂର୍ଭୁଵଃସ୍ଵଃ ଶ୍ରୀମଦୁଚ୍ଛିଷ୍ଟଗଣପତୟେ ନମଃ ପୁଷ୍ପାଞ୍ଜଲିଂ ସମର୍ପୟାମି ।

ଇତି ପୁଷ୍ପାଞ୍ଜଲିଃ ॥ ୩୦॥

ଅଥ ସାଷ୍ଟାଙ୍ଗପ୍ରଣାମଃ ।

``ପ୍ରପନ୍ନଂ ପାହି ମାମୀଶ ଭୀତଂ ମୃତ୍ୟୁଗ୍ରହଣର୍ଵାତ୍ ॥'' ଇତି ଵଦନ୍ ସାଷ୍ଟାଙ୍ଗପ୍ରଣାମେ ନାମ ନିଵେଦୟେତ୍ ॥ ୩୧॥

ତତ୍ସ୍ତୁତିପାଠେଣ ଦେଵଂ ସ୍ତୁତ୍ଵା ବଦ୍ଧାଞ୍ଜଲିପୂର୍ଵକଂ କ୍ଷମାପୟେତ୍ ॥

``ଜ୍ଞାନତୋଽଜ୍ଞାନତୋ ଵାଥ ୟନ୍ମୟା କ୍ରିୟତେଽଶିଵମ୍ ।

ମମ କୃତ୍ୟମିଦଂ ସର୍ଵମିତି ଦେଵ କ୍ଷମସ୍ଵମେ ॥ ୧॥'' ଅପରାଧସହସ୍ରାଣି କ୍ରିୟନ୍ତେଽହନିର୍ଶଂ ମୟା ।

ଦାସୋହମିତି ମାଂ ମତ୍ତ୍ଵା କ୍ଷମସ୍ଵ ପରମେଶ୍ଵର ॥ ୨॥

ଅପରାଧୋ ଭଵତ୍ୟେଵ ସେଵକସ୍ୟ ପଦେପଦେ ।

କୋଽପରଃ ସହତାଂ ଲୋକେ କେଵଲଂ ସ୍ଵାମିନଂ ଵିନା ॥ ୩॥

ଭୂମୌସ୍ଖଲିତପାଦାନାଂ ଭୂମିରେଵାଵଲମ୍ବନମ୍ ।

ତ୍ଵୟି ଜାତା ପରାଧାନାଂ ତ୍ଵମେଵ ଶରଣଂ ଶିଵ ॥ ୪॥'' ଇତି ବଦ୍ଧାଞ୍ଜଲି ପୂର୍ଵକଂ କ୍ଷମାପନମ୍ ॥୩୨॥

ଅଥ ପ୍ରାର୍ଥନା ``ୟଦୁକ୍ତଂ ୟଦି ଭାଵେନ ପତ୍ରଂ ପୁଷ୍ପଂ ଫଲଂ ଜଲମ୍ ।

ନିଵେଦିତଂ ଚ ନୈଵେଦ୍ୟଂ ଗୃହାଣ ତ୍ଵନୁକମ୍ପୟା ॥ ୧॥'' ଇତି ପ୍ରାର୍ଥ୍ୟ ଦେଵସ୍ୟ ଦକ୍ଷିଣକରେ କିଞ୍ଚିଜ୍ଜଲଂ ଦଦ୍ୟାତ୍ ।

ଇତି ପ୍ରାର୍ଥନା ॥ ୩୩॥

ତତଃ ପଶ୍ଚାତ୍ସର୍ଵଦେଵୋପୟୋଗିପଦ୍ଧତିମାର୍ଗେଣ ମାଲାୟାଃ ସଂସ୍କାରାନ୍ କୁର୍ୟାତ୍ ॥

ଅଶକ୍ତଶ୍ଚେତ୍ସାଧାରଣସଂସ୍କାରଂ କୁର୍ୟାତ୍ ॥

ତଥା ଚ ଜପମାଲାମାନୀୟ କ୍ଵଚିତ୍ପାତ୍ରେ ଵାମହସ୍ତେନାଚ୍ଛାଦ୍ୟ

ମୂଲେନାର୍ଘ୍ୟୋଦକେନାଭ୍ୟୁକ୍ଷ୍ୟ

``ଓଁ ମାଲେମାଲେ ମହାମାୟେ ସର୍ଵଶକ୍ତି ସ୍ଵରୂପିଣି ।

ଚତୁର୍ଵର୍ଗସ୍ତ୍ଵୟି ନ୍ୟସ୍ତସ୍ତସ୍ମାତ୍ତ୍ଵଂ ସିଦ୍ଧିଦା ଭଵ ॥ ୧॥''

ଇତ୍ୟନେନ ଗ ନ୍ଧ ପୁଷ୍ପାଭ୍ୟାଂ ସମ୍ପୂଜ୍ୟ ତତୋ ଦେଵତାନିଵେଦିତମୋଦକଂ ତାମ୍ବୂଲଂ

ଵା ସ୍ଵୟଂ ଭୁକ୍ତା ପୁନଃ ``ଅଵିଘ୍ନଂ କୁରୁ ମାଲେ ତ୍ଵଂ ସର୍ଵକାର୍ୟେଷୁ ସର୍ଵଦା ॥''

ଇତି ମନ୍ତ୍ରେଣ ଦକ୍ଷିଣହସ୍ତେ ମାଲାମାଦାୟ ହୃଦୟେ ଧାରୟନ୍ ସ୍ଵେଷ୍ଟଦେଵତାଂ

ଧ୍ୟାତ୍ଵା ମଧ୍ୟମାଙ୍ଗୁଲିମଧ୍ୟପର୍ଵାଣି ସଂସ୍ଥାପ୍ୟ ଜ୍ୟେଷ୍ଠାଗ୍ରେଣ ଭ୍ରାମୟିତ୍ଵା

ଏକାଗ୍ରଚିତ୍ତୋ ମନ୍ତ୍ରାର୍ଥଂ ସ୍ମରନ୍ ୟଥାଶକ୍ତି ମୂଲମନ୍ତ୍ରଂ ଜପେତ୍ ॥

ଜପାନ୍ତେ - ``ଓଁ ତ୍ଵଂ ମାଲେ ସର୍ଵଦେଵାନାଂ ପ୍ରୀତିଦା ଶୁଭଦା ମମ ।

ଶୁଭଂ କୁରୁଷ୍ଵ ମେ ଭଦ୍ରେ ୟଶୋ ଵୀର୍ୟଂ ଚ ଦେହି ମେ ॥ ୧॥''

ଓଁ ହ୍ରୀଁ ସିଦ୍ଧ୍ୟୈ ନମଃ ॥

ଇତି ମାଲାଂ ଶିରସି ନିଧାୟ ଗୋମୁଖୀଂ ରହସି ସ୍ଥାପୟେତ୍ ॥

ନାଶୁଚିଃ ସ୍ପର୍ଶୟେତ୍ ।

ନାନ୍ୟସ୍ମୈ ଦଦ୍ୟାତ୍ ।

ଅଶୁଚିସ୍ଥାନେ ନ ନିଧାପୟେତ୍ ।

ସ୍ଵୟୋନିଦ୍ଗାପ୍ତାଂ କୁର୍ୟାତ୍ ।

ତତଃ କଵଚସ୍ତୋତ୍ରସହସ୍ରନାମାଦିକଂ ପଠିତ୍ଵା ପୁନଃ ମୂଲମନ୍ତ୍ରସ୍ୟ ଋଷ୍ୟାଦି

ନ୍ୟାସଂ କରନ୍ୟାସଂ ହୃଦୟାଦିଷଡଙ୍ଗନ୍ୟାସଂ ଚ କୃତ୍ଵା ପଞ୍ଚୋପଚାରୈଃ

ସମ୍ପୂଜ୍ୟ ପୁଷ୍ପାଞ୍ଜଲିଂ ଦଦ୍ୟାତ୍ ।

ତତଃ ଅର୍ଘୋଦକେନ ଚୁଲୁକମାଦାୟ -

``ଓଁ ଗୁହ୍ୟାତିଗୁହ୍ୟଗୋପ୍ତା ତ୍ଵଂ ଗୃହାଣାସ୍ମ୍ତ୍କୃତଂ ଜପମ୍ ।

ସିଦ୍ଧିର୍ଭଵତୁ ମେ ଦେଵ ତ୍ଵତ୍ପ୍ରସାଦାତ୍ତ୍ଵସି ସ୍ଥିଥିଃ ॥ ୧॥''

ଓଁ ଇତଃ ପୂର୍ଵଂ ପ୍ରାଣବୁଦ୍ଧିଦେହଧର୍ମାଧିକାରତୋ

ଜାଗ୍ରତ୍ସ୍ଵପ୍ନସୁଷୁପ୍ତିତୁର୍ୟାଵସ୍ଥାସୁ ମନସା ଵାଚା କର୍ମଣା ହସ୍ତାଭ୍ୟାଂ

ପଦ୍ଭ୍ୟାମୁଦରେଣ ଶିଶ୍ନା ୟତ୍ସ୍ମୃତଂ ୟଦୁକ୍ତଂ ୟତ୍କୃତଂ ତତ୍ସର୍ଵଂ

ବ୍ରହ୍ମାର୍ପଣଂ ଭଵତୁ ସ୍ଵାହା ॥

ମାଂ ମଦୀୟଂ ଚ ସକଲଂ ଶ୍ରୀମଦୁଚ୍ଛିଷ୍ଟଗଣପତିଦେଵତାୟୈ ସମର୍ପୟାମି ନମଃ ॥

ଓଁ ତତ୍ସଦିତି ବ୍ରହ୍ମାର୍ପଣଂ ଭଵତୁ ॥

ଇତି ଦେଵଦକ୍ଷିଣକରେ ଜପସମର୍ପଣ ଜଲଂ ଦତ୍ତ୍ଵା କୃତାଞ୍ଜଲିପୂର୍ଵକଂ କ୍ଷମାପନଂ କୁର୍ୟାତ୍ ॥

ଅଥ କ୍ଷମାପନମ୍ ॥

`` ଆଵାହନଂ ନ ଜାନାମି ନ ଜାନାମି ଵିସର୍ଜନମ୍ ।

ପୂଜାଭାଗଂ ନ ଜାନାମି ତ୍ଵଂ ଗତିଃ ପରମେଶ୍ଵର ॥ ୧॥

କର୍ମଣା ମନସା ଵାଚା ତ୍ଵତ୍ତୋ ନାନ୍ୟା ଗତିର୍ମମ ।

ଅନ୍ତଶ୍ଚରସି ଭୂତାନାମିଷ୍ଟସ୍ତ୍ଵଂ ପରମେଶ୍ଵର ॥ ୨॥

ଅନ୍ୟଥା ଶରଣଂ ନାସ୍ତି ତ୍ଵମେଵ ଶରଣଂ ମମ ।

ତସ୍ମାତ୍କାରୁଣ୍ୟଭାଵେନ ରକ୍ଷସ୍ଵ ପରମେଶ୍ଵର ॥ ୩॥

ଶତୟୋନି ସହସ୍ରାଣାଂ ସହସ୍ରେଷୁ ଵ୍ରଜାମ୍ୟହମ୍ ।

ତେଷୁ ଚେଷ୍ଟାଚଲା ଭକ୍ତିରଚ୍ୟୁତାସ୍ତୁ ସଦା ତ୍ଵୟି ॥ ୪॥

ଗତଂ ପାପଂ ଗତଂ ଦୁଃଖଂ ଗତଂ ଦାରିଦ୍ର୍ୟମେଵ ଚ ।

ଆଗତା ସୁଖସମ୍ପତ୍ତିଃ ପୁଣ୍ୟାଚ୍ଚ ତଵ ଦର୍ଶନାତ୍ ॥ ୫॥

ମନ୍ତ୍ରହୀନଂ କ୍ରିୟାହୀନଂ ଭକ୍ତିହୀନଂ ସୁରେଶ୍ଵର ।

ୟତ୍ପୂଜିତଂ ମୟା ଦେଵ ପରିପୂର୍ଣଂ ତଦସ୍ତୁ ମେ ॥ ୬॥

ୟଦକ୍ଷରପଦଭ୍ରଷ୍ଟଂ ମାତ୍ରାହୀନଂ ଚ ୟଦ୍ଭଵେତ୍ ।

ତତ୍ସର୍ଵଂ କ୍ଷମ୍ୟ ତାଂ ଦେଵ ପ୍ରସୀଦ ପରମେଶ୍ଵର ॥ ୭॥

ଦେଵୋ ଦାତା ଚ ଭୋକ୍ତା ଚ ଦେଵରୂପମିଦଂ ଜଗତ୍ ।

ଦେଵଂ ଜପତି ସର୍ଵତ୍ରୟୋ ଦେଵଃ ସୋହମେଵ ହି ॥ ୮॥

କ୍ଷମସ୍ଵ ଦେଵଦେଵେଶ କ୍ଷମ୍ୟତେ ଭୁଵନେଶ୍ଵର ।

ତଵ ପାଦାମ୍ବୁଜେ ନିତ୍ୟଂ ନିଶ୍ଚଲା ଭକ୍ତିରସ୍ତୁ ମେ'' ॥ ୯॥

ଇତି କୃତାଞ୍ଜଲିଃ ପ୍ରାର୍ଥୟିତ୍ଵା ତତଃ ଶଙ୍ଖମୁଦ୍ଧୃତ୍ୟ ଦେଵୋପରି ଭ୍ରାମୟିତ୍ଵା ॥

``ସାଧୁ ଵାସାଧୁ ଵା କର୍ମ ୟଦ୍ୟଦାଚରିତଂ ମୟା ।

ତତ୍ସର୍ଵଂ କୃପୟା ଦେଵ ଗୃହାଣାରାଧନଂ ମମ'' ॥ ୧॥

ଇତ୍ୟୁଚ୍ଚରନ୍ଦେଵସ୍ୟ ଦକ୍ଷିଣହସ୍ତେ କିଞ୍ଚିଜ୍ଜଲଂ ଦତ୍ତ୍ଵା ପ୍ରାଗ୍ଵଦର୍ଘ୍ୟଂ

ଦେଵଶିରସି ଦତ୍ତ୍ଵା ଶଙ୍ଖଂ ୟଥାସ୍ଥାନେ ନିଵେଶ୍ୟ ମୁଲେନ

ଦେଵୋଚ୍ଛିଷ୍ଟନୈଵେଦ୍ୟାଦିକଂ ଶିରସି ଧୃତ୍ଵା ଦେଵଭକ୍ତେଷୁ ଵିଭଜ୍ୟ

ସ୍ଵୟଂ ଭୁକ୍ତା ବଲୀତ୍ୟାଦିକଂ ଗତସାରନୈଵେଦ୍ୟଂ ଚ ତଦୁଚ୍ଛିଷ୍ଟଭୋଜିନେ

ଇତି ନିଵେଦୟେତ୍ ॥

ଅଥ ଵିସର୍ଜନମ୍ ॥

``ଗଚ୍ଛଗଚ୍ଛ ପରସ୍ଥାନେ ସ୍ଵସ୍ଥାନେ ପରମେଶ୍ଵର ।

ୟଂ ହି ବ୍ରହ୍ମାଦୟୋ ଦେଵା ନ ଵିନ୍ଦୁଃପରମଂ ପଦମ୍'' ॥ ୧॥

ଇତ୍ୟକ୍ଷତାନ୍ନିକ୍ଷିପ୍ୟ ଦେଵଂସ୍ଵହୃଦୟମଧ୍ୟେ ସ୍ଥାପୟେତ୍ ॥

ତଦ୍ୟଥା -

``ତିଷ୍ଠ ତିଷ୍ଠ ପରସ୍ଥାନେ ସ୍ଵସ୍ଥାନେ ପରମେଶ୍ଵର ।

ୟତ୍ର ବ୍ରହ୍ମାଦୟୋଦେଵାଃ ସର୍ଵେ ତିଷ୍ଠନ୍ତି ମେ ହୃଦି'' ॥ ୧॥

ଇତି ଦେଵଂ ହୃଦୟେ ସଂସ୍ଥାପ୍ୟ ମାନସୋପଚାରୈଃ ସମ୍ପୂଜ୍ୟ ସ୍ଵାତ୍ମାନଂ ଦେଵରୂପଂ ଭାଵୟନ୍ ୟଥାସୁଖଂ ଵିହରେତ୍ ॥

ଅୟଂ ସର୍ଵଗଣପତିପୂଜାକ୍ରମଃ ସାଧାରଣଃ ॥

ଇତି ଶ୍ରୀମଦୁଚ୍ଛିଷ୍ଟଗଣପତ୍ୟୁପାସନାପଞ୍ଚରତ୍ନେ

ଶ୍ରୀମଦୁଚ୍ଛିଷ୍ଟଗଣପତିପୂଜାପଦ୍ଧତି ନିରୂପଣଂ ନାମ (ପଞ୍ଚାଙ୍ଗେ) ଦ୍ଵିତୀୟ ରତ୍ନମ୍ ॥ ୨॥

ଇତି ଉଚ୍ଛିଷ୍ଟଗଣପତିପୂଜାପଦ୍ଧତିଃ ସମାପ୍ତା ।