ଶ୍ରୀମହାଲକ୍ଷ୍ମୀସୁପ୍ରଭାତମ୍
🔴 ଶ୍ରୀମହାଲକ୍ଷ୍ମୀସୁପ୍ରଭାତମ୍ ॥
➖➖➖➖➖➖➖➖➖➖
🥀🥀🥀🥀🥀🥀🥀🥀🥀
ଶ୍ରୀଲକ୍ଷ୍ମି ଶ୍ରୀମହାଲକ୍ଷ୍ମି କ୍ଷୀରସାଗରକନ୍ୟକେ
ଉତ୍ତିଷ୍ଠ ହରିସମ୍ପ୍ରୀତେ ଭକ୍ତାନାଂ ଭାଗ୍ୟଦାୟିନି ।
ଉତ୍ତିଷ୍ଠୋତ୍ତିଷ୍ଠ ଶ୍ରୀଲକ୍ଷ୍ମି ଵିଷ୍ଣୁଵକ୍ଷସ୍ଥଲାଲୟେ
ଉତ୍ତିଷ୍ଠ କରୁଣାପୂର୍ଣେ ଲୋକାନାଂ ଶୁଭଦାୟିନି ॥ ୧॥
ଶ୍ରୀପଦ୍ମମଧ୍ୟଵସିତେ ଵରପଦ୍ମନେତ୍ରେ
ଶ୍ରୀପଦ୍ମହସ୍ତଚିରପୂଜିତପଦ୍ମପାଦେ ।
ଶ୍ରୀପଦ୍ମଜାତଜନନି ଶୁଭପଦ୍ମଵକ୍ତ୍ରେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୨॥
ଜାମ୍ବୂନଦାଭସମକାନ୍ତିଵିରାଜମାନେ
ତେଜୋସ୍ଵରୂପିଣି ସୁଵର୍ଣଵିଭୂଷିତାଙ୍ଗି ।
ସୌଵର୍ଣଵସ୍ତ୍ରପରିଵେଷ୍ଟିତଦିଵ୍ୟଦେହେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୩॥
ସର୍ଵାର୍ଥସିଦ୍ଧିଦେ ଵିଷ୍ଣୁମନୋଽନୁକୂଲେ
ସମ୍ପ୍ରାର୍ଥିତାଖିଲଜନାଵନଦିଵ୍ୟଶୀଲେ ।
ଦାରିଦ୍ର୍ୟଦୁଃଖଭୟନାଶିନି ଭକ୍ତପାଲେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୪॥
ଚନ୍ଦ୍ରାନୁଜେ କମଲକୋମଲଗର୍ଭଜାତେ
ଚନ୍ଦ୍ରାର୍କଵହ୍ନିନୟନେ ଶୁଭଚନ୍ଦ୍ରଵକ୍ତ୍ରେ ।
ହେ ଚନ୍ଦ୍ରିକାସମସୁଶୀତଲମନ୍ଦହାସେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୫॥
ଶ୍ରୀଆଦିଲକ୍ଷ୍ମି ସକଲେପ୍ସିତଦାନଦକ୍ଷେ
ଶ୍ରୀଭାଗ୍ୟଲକ୍ଷ୍ମି ଶରଣାଗତ ଦୀନପକ୍ଷେ ।
ଐଶ୍ଵର୍ୟଲକ୍ଷ୍ମି ଚରଣାର୍ଚିତଭକ୍ତରକ୍ଷିନ୍
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୬॥
ଶ୍ରୀଧୈର୍ୟଲକ୍ଷ୍ମି ନିଜଭକ୍ତହୃଦନ୍ତରସ୍ଥେ
ସନ୍ତାନଲକ୍ଷ୍ମି ନିଜଭକ୍ତକୁଲପ୍ରଵୃଦ୍ଧେ ।
ଶ୍ରୀଜ୍ଞାନଲକ୍ଷ୍ମି ସକଲାଗମଜ୍ଞାନଦାତ୍ରି
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୭॥
ସୌଭାଗ୍ୟଦାତ୍ରି ଶରଣଂ ଗଜଲକ୍ଷ୍ମି ପାହି
ଦାରିଦ୍ର୍ୟଧ୍ଵଂସିନି ନମୋ ଵରଲକ୍ଷ୍ମି ପାହି ।
ସତ୍ସୌଖ୍ୟଦାୟିନି ନମୋ ଧନଲକ୍ଷ୍ମି ପାହି
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୮॥
ଶ୍ରୀରାଜ୍ୟଲକ୍ଷ୍ମି ନୃପଵେଶ୍ମଗତେ ସୁହାସିନ୍
ଶ୍ରୀୟୋଗଲକ୍ଷ୍ମି ମୁନିମାନସପଦ୍ମଵାସିନ୍ ।
ଶ୍ରୀଧାନ୍ୟଲକ୍ଷ୍ମି ସକଲାଵନିକ୍ଷେମଦାତ୍ରି
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୯॥
ଶ୍ରୀପାର୍ଵତୀ ତ୍ଵମସି ଶ୍ରୀକରି ଶୈଵଶୈଲେ
କ୍ଷୀରୋଦଧେସ୍ତ୍ଵମସି ପାଵନି ସିନ୍ଧୁକନ୍ୟା ।
ସ୍ଵର୍ଗସ୍ଥଲେ ତ୍ଵମସି କୋମଲେ ସ୍ଵର୍ଗଲକ୍ଷ୍ମୀ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୦॥
ଗଙ୍ଗା ତ୍ଵମେଵ ଜନନୀ ତୁଲସୀ ତ୍ଵମେଵ
କୃଷ୍ଣପ୍ରିୟା ତ୍ଵମସି ଭାଣ୍ଡିରଦିଵ୍ୟକ୍ଷେତ୍ରେ ।
ରାଜଗୃହେ ତ୍ଵମସି ସୁନ୍ଦରି ରାଜ୍ୟଲକ୍ଷ୍ମୀ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୧॥
ପଦ୍ମାଵତୀ ତ୍ଵମସି ପଦ୍ମଵନେ ଵରେଣ୍ୟେ
ଶ୍ରୀସୁନ୍ଦରୀ ତ୍ଵମସି ଶ୍ରୀଶତଶୃଙ୍ଗକ୍ଷେତ୍ରେ ।
ତ୍ଵଂ ଭୂତଲେଽସି ଶୁଭଦାୟିନି ମର୍ତ୍ୟଲକ୍ଷ୍ମୀ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୨॥
ଚନ୍ଦ୍ରା ତ୍ଵମେଵ ଵରଚନ୍ଦନକାନନେଷୁ
ଦେଵି କଦମ୍ବଵିପିନେଽସି କଦମ୍ବମାଲା ।
ତ୍ଵଂ ଦେଵି କୁନ୍ଦଵନଵାସିନି କୁନ୍ଦଦନ୍ତୀ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୩॥
ଶ୍ରୀଵିଷ୍ଣୁପତ୍ନି ଵରଦାୟିନି ସିଦ୍ଧଲକ୍ଷ୍ମି
ସନ୍ମାର୍ଗଦର୍ଶିନି ଶୁଭଙ୍କରି ମୋକ୍ଷଲକ୍ଷ୍ମି ।
ଶ୍ରୀଦେଵଦେଵି କରୁଣାଗୁଣସାରମୂର୍ତେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୪॥
ଅଷ୍ଟୋତ୍ତରାର୍ଚନପ୍ରିୟେ ସକଲେଷ୍ଟଦାତ୍ରି
ହେ ଵିଶ୍ଵଧାତ୍ରି ସୁରସେଵିତପାଦପଦ୍ମେ ।
ସଙ୍କଷ୍ଟନାଶିନି ସୁଖଙ୍କରି ସୁପ୍ରସନ୍ନେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୫॥
ଆଦ୍ୟନ୍ତରହିତେ ଵରଵର୍ଣିନି ସର୍ଵସେଵ୍ୟେ
ସୂକ୍ଷ୍ମାତିସୂକ୍ଷ୍ମତରରୂପିଣି ସ୍ଥୂଲରୂପେ ।
ସୌନ୍ଦର୍ୟଲକ୍ଷ୍ମି ମଧୁସୂଦନମୋହନାଙ୍ଗି
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୬॥
ସୌଖ୍ୟପ୍ରଦେ ପ୍ରଣତମାନସଶୋକହନ୍ତ୍ରି
ଅମ୍ବେ ପ୍ରସୀଦ କରୁଣାସୁଧୟାଽଽର୍ଦ୍ରଦୃଷ୍ଟ୍ୟା ।
ସୌଵର୍ଣହାରମଣିନୂପୁରଶୋଭିତାଙ୍ଗି
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୭॥
ନିତ୍ୟଂ ପଠାମି ଜନନି ତଵ ନାମ ସ୍ତୋତ୍ରଂ
ନିତ୍ୟଂ କରୋମି ତଵ ନାମଜପଂ ଵିଶୁଦ୍ଧେ ।
ନିତ୍ୟଂ ଶୃଣୋମି ଭଜନଂ ତଵ ଲୋକମାତଃ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୮॥
ମାତା ତ୍ଵମେଵ ଜନନୀ ଜନକସ୍ତ୍ଵମେଵ
ଦେଵି ତ୍ଵମେଵ ମମ ଭାଗ୍ୟନିଧିସ୍ତ୍ଵମେଵ ।
ସଦ୍ଭାଗ୍ୟଦାୟିନି ତ୍ଵମେଵ ଶୁଭପ୍ରଦାତ୍ରୀ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୧୯॥
ଵୈକୁଣ୍ଠଧାମନିଲୟେ କଲିକଲ୍ମଷଘ୍ନେ
ନାକାଧିନାଥଵିନୁତେ ଅଭୟପ୍ରଦାତ୍ରି ।
ସଦ୍ଭକ୍ତରକ୍ଷଣପରେ ହରିଚିତ୍ତଵାସିନ୍
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୨୦॥
ନିର୍ଵ୍ୟାଜପୂର୍ଣକରୁଣାରସସୁପ୍ରଵାହେ
ରାକେନ୍ଦୁବିମ୍ବଵଦନେ ତ୍ରିଦଶାଭିଵନ୍ଦ୍ୟେ ।
ଆବ୍ରହ୍ମକୀଟପରିପୋଷିଣି ଦାନହସ୍ତେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୨୧॥
ଲକ୍ଷ୍ମୀତି ପଦ୍ମନିଲୟେତି ଦୟାପରେତି
ଭାଗ୍ୟପ୍ରଦେତି ଶରଣାଗତଵତ୍ସଲେତି ।
ଧ୍ୟାୟାମି ଦେଵି ପରିପାଲୟ ମାଂ ପ୍ରସନ୍ନେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୨୨॥
ଶ୍ରୀପଦ୍ମନେତ୍ରରମଣୀଵରେ ନୀରଜାକ୍ଷି
ଶ୍ରୀପଦ୍ମନାଭଦୟିତେ ସୁରସେଵ୍ୟମାନେ ।
ଶ୍ରୀପଦ୍ମୟୁଗ୍ମଧୃତନୀରଜହସ୍ତୟୁଗ୍ମେ
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୨୩॥
ଇତ୍ଥଂ ତ୍ଵଦୀୟକରୁଣାତ୍କୃତସୁପ୍ରଭାତଂ
ୟେ ମାନଵାଃ ପ୍ରତିଦିନଂ ପ୍ରପଠନ୍ତି ଭକ୍ତ୍ୟା ।
ତେଷାଂ ପ୍ରସନ୍ନହୃଦୟେ କୁରୁ ମଙ୍ଗଲାନି
ଶ୍ରୀଲକ୍ଷ୍ମି ଭକ୍ତଵରଦେ ତଵ ସୁପ୍ରଭାତମ୍ ॥ ୨୪॥
ଜଲଧୀଶସୁତେ ଜଲଜାକ୍ଷଵୃତେ
ଜଲଜୋଦ୍ଭଵସନ୍ନୁତେ ଦିଵ୍ୟମତେ ।
ଜଲଜାନ୍ତରନିତ୍ୟନିଵାସରତେ
ଶରଣଂ ଶରଣଂ ଵରଲକ୍ଷ୍ମି ନମଃ ॥ ୨୫॥
ପ୍ରଣତାଖିଲଦେଵପଦାବ୍ଜୟୁଗେ
ଭୁଵନାଖିଲପୋଷଣ ଶ୍ରୀଵିଭଵେ ।
ନଵପଙ୍କଜହାରଵିରାଜଗଲେ
ଶରଣଂ ଶରଣଂ ଗଜଲକ୍ଷ୍ମି ନମଃ ॥ ୨୬॥
ଘନଭୀକରକଷ୍ଟଵିନାଶକରି
ନିଜଭକ୍ତଦରିଦ୍ରପ୍ରଣାଶକରି ।
ଋଣମୋଚନି ପାଵନି ସୌଖ୍ୟକରି
ଶରଣଂ ଶରଣଂ ଧନଲକ୍ଷ୍ମି ନମଃ ॥ ୨୭॥
ଅତିଭୀକରକ୍ଷାମଵିନାଶକରି
ଜଗଦେକଶୁଭଙ୍କରି ଧାନ୍ୟପ୍ରଦେ ।
ସୁଖଦାୟିନି ଶ୍ରୀଫଲଦାନକରି
ଶରଣଂ ଶରଣଂ ଶୁଭଲକ୍ଷ୍ମି ନମଃ ॥ ୨୮॥
ସୁରସଙ୍ଘଶୁଭଙ୍କରି ଜ୍ଞାନପ୍ରଦେ
ମୁନିସଙ୍ଘପ୍ରିୟଙ୍କରି ମୋକ୍ଷପ୍ରଦେ ।
ନରସଙ୍ଘଜୟଙ୍କରି ଭାଗ୍ୟପ୍ରଦେ
ଶରଣଂ ଶରଣଂ ଜୟଲକ୍ଷ୍ମି ନମଃ ॥ ୨୯॥
ପରିସେଵିତଭକ୍ତକୁଲୋଦ୍ଧରିଣି
ପରିଭାଵିତଦାସଜନୋଦ୍ଧରିଣି ।
ମଧୁସୂଦନମୋହିନି ଶ୍ରୀରମଣି
ଶରଣଂ ଶରଣଂ ତଵ ଲକ୍ଷ୍ମି ନମଃ ॥ ୨୮॥
ଶୁଭଦାୟିନି ଵୈଭଵଲକ୍ଷ୍ମି ନମୋ
ଵରଦାୟିନି ଶ୍ରୀହରିଲକ୍ଷ୍ମି ନମଃ ।
ସୁଖଦାୟିନି ମଙ୍ଗଲଲକ୍ଷ୍ମି ନମୋ
ଶରଣଂ ଶରଣଂ ସତତଂ ଶରଣଂ ॥ ୨୯॥
ଵରଲକ୍ଷ୍ମି ନମୋ ଧନଲକ୍ଷ୍ମି ନମୋ
ଜୟଲକ୍ଷ୍ମି ନମୋ ଗଜଲକ୍ଷ୍ମି ନମଃ ।
ଜୟ ଷୋଡଶଲକ୍ଷ୍ମି ନମୋଽସ୍ତୁ ନମୋ
ଶରଣଂ ଶରଣଂ ସତତଂ ଶରଣଂ ॥ ୩୦॥
ନମୋ ଆଦିଲକ୍ଷ୍ମି ନମୋ ଜ୍ଞାନଲକ୍ଷ୍ମି
ନମୋ ଧାନ୍ୟଲକ୍ଷ୍ମି ନମୋ ଭାଗ୍ୟଲକ୍ଷ୍ମି ।
ମହାଲକ୍ଷ୍ମି ସନ୍ତାନଲକ୍ଷ୍ମି ପ୍ରସୀଦ
ନମସ୍ତେ ନମସ୍ତେ ନମୋ ଶାନ୍ତଲକ୍ଷ୍ମି ॥ ୩୦॥
ନମୋ ସିଦ୍ଧିଲକ୍ଷ୍ମି ନମୋ ମୋକ୍ଷଲକ୍ଷ୍ମି
ନମୋ ୟୋଗଲକ୍ଷ୍ମି ନମୋ ଭୋଗଲକ୍ଷ୍ମି ।
ନମୋ ଧୈର୍ୟଲକ୍ଷ୍ମି ନମୋ ଵୀରଲକ୍ଷ୍ମି
ନମସ୍ତେ ନମସ୍ତେ ନମୋ ଶାନ୍ତଲକ୍ଷ୍ମି ॥ ୩୧॥
ଅଜ୍ଞାନିନା ମୟା ଦୋଷାନଶେଷାନ୍ଵିହିତାନ୍ ରମେ ।
କ୍ଷମସ୍ଵ ତ୍ଵଂ କ୍ଷମସ୍ଵ ତ୍ଵଂ ଅଷ୍ଟଲକ୍ଷ୍ମି ନମୋଽସ୍ତୁତେ ॥ ୩୨॥
ଦେଵି ଵିଷ୍ଣୁଵିଲାସିନି ଶୁଭକରି ଦୀନାର୍ତିଵିଚ୍ଛେଦିନି
ସର୍ଵୈଶ୍ଵର୍ୟପ୍ରଦାୟିନି ସୁଖକରି ଦାରିଦ୍ର୍ୟଵିଧ୍ଵଂସିନି ।
ନାନାଭୂଷିତଭୂଷଣାଙ୍ଗି ଜନନି କ୍ଷୀରାବ୍ଧିକନ୍ୟାମଣି
ଦେଵି ଭକ୍ତସୁପୋଷିଣି ଵରପ୍ରଦେ ଲକ୍ଷ୍ମି ସଦା ପାହି ନଃ ॥ ୩୩॥ (ମାମ୍)
ସଦ୍ୟଃପ୍ରଫୁଲ୍ଲସରସୀରୁହପତ୍ରନେତ୍ରେ
ହାରିଦ୍ରଲେପିତସୁକୋମଲଶ୍ରୀକପୋଲେ ।
ପୂର୍ଣେନ୍ଦୁବିମ୍ବଵଦନେ କମଲାନ୍ତରସ୍ଥେ
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୩୪॥
ଭକ୍ତାନ୍ତରଙ୍ଗଗତଭାଵଵିଧେ ନମସ୍ତେ
ରକ୍ତାମ୍ବୁଜାତନିଲୟେ ସ୍ଵଜନାନୁରକ୍ତେ ।
ମୁକ୍ତାଵଲୀସହିତଭୂଷଣଭୂଷିତାଙ୍ଗି
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୩୫॥
କ୍ଷାମାଦିତାପହାରିଣି ନଵଧାନ୍ୟରୂପେ
ଅଜ୍ଞାନଘୋରତିମିରାପହଜ୍ଞାନରୂପେ ।
ଦାରିଦ୍ର୍ୟଦୁଃଖପରିମର୍ଦିତଭାଗ୍ୟରୂପେ
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୩୬॥
ଚମ୍ପାଲତାଭଦରହାସଵିରାଜଵକ୍ତ୍ରେ
ବିମ୍ବାଧରେଷୁ କପିକାଞ୍ଚିତମଞ୍ଜୁଵାଣି ।
ଶ୍ରୀସ୍ଵର୍ଣକୁମ୍ଭପରିଶୋଭିତଦିଵ୍ୟହସ୍ତେ
ଲକ୍ଷ୍ମି ତ୍ଵତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୩୭॥
ସ୍ଵର୍ଗାପଵର୍ଗପଦଵିପ୍ରଦେ ସୌମ୍ୟଭାଵେ
ସର୍ଵାଗମାଦିଵିନୁତେ ଶୁଭଲକ୍ଷଣାଙ୍ଗି ।
ନିତ୍ୟାର୍ଚିତାଙ୍ଘ୍ରିୟୁଗଲେ ମହିମାଚରିତ୍ରେ
ଲକ୍ଷ୍ମି ତ୍ଵତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୩୮॥
ଜାଜ୍ଜ୍ଵଲ୍ୟକୁଣ୍ଡଲଵିରାଜିତକର୍ଣୟୁଗ୍ମେ
ସୌଵର୍ଣକଙ୍କଣସୁଶୋଭିତହସ୍ତପଦ୍ମେ ।
ମଞ୍ଜୀରଶିଞ୍ଜିତସୁକୋମଲପାଵନାଙ୍ଘ୍ରେ
ଲକ୍ଷ୍ମି ତ୍ଵତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୩୯॥
ସର୍ଵାପରାଧଶମନି ସକଲାର୍ଥଦାତ୍ରି
ପର୍ଵେନ୍ଦୁସୋଦରି ସୁପର୍ଵଗଣାଭିରକ୍ଷିନ୍ ।
ଦୁର୍ଵାରଶୋକମୟଭକ୍ତଗଣାଵନେଷ୍ଟେ
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୪୦॥
ବୀଜାକ୍ଷରତ୍ରୟଵିରାଜିତମନ୍ତ୍ରୟୁକ୍ତେ
ଆଦ୍ୟନ୍ତଵର୍ଣମୟଶୋଭିତଶବ୍ଦରୂପେ ।
ବ୍ରହ୍ମାଣ୍ଡଭାଣ୍ଡଜନନି କମଲାୟତାକ୍ଷି
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୪୧॥
ଶ୍ରୀଦେଵି ବିଲ୍ଵନିଲୟେ ଜୟ ଵିଶ୍ଵମାତଃ
(ଵସୁଦାୟିନି)
ଆହ୍ଲାଦଦାତ୍ରି ଧନଧାନ୍ୟସୁଖପ୍ରଦାତ୍ରି ।
ଶ୍ରୀଵୈଷ୍ଣଵି ଦ୍ରଵିଣରୂପିଣି ଦୀର୍ଘଵେଣି
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୪୨॥
ଆଗଚ୍ଛ ତିଷ୍ଠ ତଵ ଭକ୍ତଗଣସ୍ୟ ଗେହେ
ସନ୍ତୁଷ୍ଟପୂର୍ଣହୃଦୟେନ ସୁଖାନି ଦେହି ।
ଆରୋଗ୍ୟଭାଗ୍ୟମକଲଙ୍କୟଶାଂସି ଦେହି
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୪୩॥
ଶ୍ରୀଆଦିଲକ୍ଷ୍ମି ଶରଣଂ ଶରଣଂ ପ୍ରପଦ୍ୟେ
ଶ୍ରୀଅଷ୍ଟଲକ୍ଷ୍ମି ଶରଣଂ ଶରଣଂ ପ୍ରପଦ୍ୟେ ।
ଶ୍ରୀଵିଷ୍ଣୁପତ୍ନି ଶରଣଂ ଶରଣଂ ପ୍ରପଦ୍ୟେ
ଲକ୍ଷ୍ମି ତ୍ଵଦୀୟଚରଣୌ ଶରଣଂ ପ୍ରପଦ୍ୟେ ॥ ୪୪॥
ମଙ୍ଗଲଂ କରୁଣାପୂର୍ଣେ ମଙ୍ଗଲଂ ଭାଗ୍ୟଦାୟିନି ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୪୫॥
ଅଷ୍ଟକଷ୍ଟହରେ ଦେଵି ଅଷ୍ଟଭାଗ୍ୟଵିଵର୍ଧିନି ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୪୬॥
କ୍ଷୀରୋଦଧିସମୁଦ୍ଭୂତେ ଵିଷ୍ଣୁଵକ୍ଷସ୍ଥଲାଲୟେ ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୪୭॥
ଧନଲକ୍ଷ୍ମି ଧାନ୍ୟଲକ୍ଷ୍ମି ଵିଦ୍ୟାଲକ୍ଷ୍ମି ୟଶସ୍କରି ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୪୮॥
ସିଦ୍ଧଲକ୍ଷ୍ମି ମୋକ୍ଷଲକ୍ଷ୍ମି ଜୟଲକ୍ଷ୍ମି ଶୁଭଙ୍କରି ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୪୯॥
ସନ୍ତାନଲକ୍ଷ୍ମି ଶ୍ରୀଲକ୍ଷ୍ମି ଗଜଲକ୍ଷ୍ମି ହରିପ୍ରିୟେ ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୫୦॥
ଦାରିଦ୍ର୍ୟନାଶିନି ଦେଵି କୋଲ୍ହାପୁରନିଵାସିନି ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୫୧॥
ଵରଲକ୍ଷ୍ମି ଧୈର୍ୟଲକ୍ଷ୍ମି ଶ୍ରୀଷୋଡଶଭାଗ୍ୟଙ୍କରି ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୫୨॥
ମଙ୍ଗଲଂ ମଙ୍ଗଲଂ ନିତ୍ୟଂ ମଙ୍ଗଲଂ ଜୟମଙ୍ଗଲଂ ।
ମଙ୍ଗଲଂ ଶ୍ରୀମହାଲକ୍ଷ୍ମି ମଙ୍ଗଲଂ ଶୁଭମଙ୍ଗଲମ୍ ॥ ୫୩॥
ଇତି ଶ୍ରୀମହାଲକ୍ଷ୍ମୀସୁପ୍ରଭାତଂ ସମ୍ପୂର୍ଣମ୍ ।
Comments
Post a Comment