ଶ୍ରୀଗଣେଶପଞ୍ଚରତ୍ନସ୍ତୋତ୍ରମ୍

 🔴ଶ୍ରୀଗଣେଶପଞ୍ଚରତ୍ନସ୍ତୋତ୍ରମ୍ 🔴

➖➖➖➖➖➖➖➖➖

           ଶ୍ରୀଗଣେଶାୟ ନମଃ ॥

ମୁଦାକରାତ୍ତମୋଦକଂ ସଦାଵିମୁକ୍ତିସାଧକଂ

     କଲାଧରାଵତଂସକଂ ଵିଲାସିଲୋକରକ୍ଷକମ୍ । (ଵିଲାସିଲୋକରଞ୍ଜକମ୍)

ଅନାୟକୈକନାୟକଂ ଵିନାଶିତେଭଦୈତ୍ୟକଂ

     ନତାଶୁଭାଶୁନାଶକଂ ନମାମି ତଂ ଵିନାୟକମ୍ ॥ ୧॥ 

ନତେତରାତିଭୀକରଂ ନଵୋଦିତାର୍କଭାସ୍ଵରଂ

     ନମତ୍ସୁରାରିନିର୍ଜରଂ ନତାଧିକାପଦୁଦ୍ଧରମ୍ ।

ସୁରେଶ୍ଵରଂ ନିଧୀଶ୍ଵରଂ ଗଜେଶ୍ଵରଂ ଗଣେଶ୍ଵରଂ

     ମହେଶ୍ଵରଂ ତମାଶ୍ରୟେ ପରାତ୍ପରଂ ନିରନ୍ତରମ୍ ॥ ୨॥ 

ସମସ୍ତଲୋକଶଙ୍କରଂ ନିରସ୍ତଦୈତ୍ୟକୁଞ୍ଜରଂ

     ଦରେତରୋଦରଂ ଵରଂ ଵରେଭଵକ୍ତ୍ରମକ୍ଷରମ୍ ।

କୃପାକରଂ କ୍ଷମାକରଂ ମୁଦାକରଂ ୟଶସ୍କରଂ

     ମନସ୍କରଂ ନମସ୍କୃତାଂ ନମସ୍କରୋମି ଭାସ୍ଵରମ୍ ॥ ୩॥ 

ଅକିଞ୍ଚନାର୍ତିମାର୍ଜନଂ ଚିରନ୍ତନୋକ୍ତିଭାଜନଂ

     ପୁରାରିପୂର୍ଵନନ୍ଦନଂ ସୁରାରିଗର୍ଵଚର୍ଵଣମ୍ ।

ପ୍ରପଞ୍ଚନାଶଭୀଷଣଂ ଧନଞ୍ଜୟାଦିଭୂଷଣଂ

     କପୋଲଦାନଵାରଣଂ ଭଜେ ପୁରାଣଵାରଣମ୍ ॥ ୪॥ 

ନିତାନ୍ତକାନ୍ତଦନ୍ତକାନ୍ତିମନ୍ତକାନ୍ତକାତ୍ମଜଂ

     ଅଚିନ୍ତ୍ୟରୂପମନ୍ତହୀନମନ୍ତରାୟକୃନ୍ତନମ୍ ।

ହୃଦନ୍ତରେ ନିରନ୍ତରଂ ଵସନ୍ତମେଵ ୟୋଗିନାଂ

     ତମେକଦନ୍ତମେଵ ତଂ ଵିଚିନ୍ତୟାମି ସନ୍ତତମ୍ ॥ ୫॥ 

ମହାଗଣେଶପଞ୍ଚରତ୍ନମାଦରେଣ ୟୋଽନ୍ଵହଂ

     ପ୍ରଜଲ୍ପତି ପ୍ରଭାତକେ ହୃଦି ସ୍ମରନ୍ ଗଣେଶ୍ଵରମ୍ । (ପ୍ରଗାୟତି ପ୍ରଭାତକେ)

ଅରୋଗତାମଦୋଷତାଂ ସୁସାହିତୀଂ ସୁପୁତ୍ରତାଂ

     ସମାହିତାୟୁରଷ୍ଟଭୂତିମଭ୍ୟୁପୈତି ସୋଽଚିରାତ୍ ॥ ୬॥ 

ଇତି ଶ୍ରୀଶଙ୍କରଭଗଵତଃ କୃତୌ ଶ୍ରୀଗଣେଶପଞ୍ଚରତ୍ନସ୍ତୋତ୍ରଂ ସମ୍ପୂର୍ଣମ୍ ॥