ଅଥ ତନ୍ତ୍ରୋକ୍ତଂ ଦେଵୀସୂକ୍ତମ୍
🔴॥ ଅଥ ତନ୍ତ୍ରୋକ୍ତଂ ଦେଵୀସୂକ୍ତମ୍ ॥🔴
ଶ୍ରୀଗଣେଶାୟ ନମଃ ।
ନମୋ ଦେଵ୍ୟୈ ମହାଦେଵ୍ୟୈ ଶିଵାୟୈ ସତତଂ ନମଃ ।
ନମଃ ପ୍ରକୃତ୍ୟୈ ଭଦ୍ରାୟୈ ନିୟତାଃ ପ୍ରଣତାଃ ସ୍ମ ତାମ୍ ॥ ୧॥
ରୌଦ୍ରାୟୈ ନମୋ ନିତ୍ୟାୟୈ ଗୌର୍ୟୈ ଧାତ୍ର୍ୟୈ ନମୋ ନମଃ ।
ଜ୍ୟୋତ୍ସ୍ନାୟୈ ଚେନ୍ଦୁରୂପିଣ୍ୟୈ ସୁଖାୟୈ ସତତଂ ନମଃ ॥ ୨॥
କଲ୍ୟାଣ୍ୟୈ ପ୍ରଣତାଂ ଵୃଦ୍ଧ୍ୟୈ ସିଦ୍ଧ୍ୟୈ କୁର୍ମୋ ନମୋ ନମଃ ।
ନୈଋର୍ତ୍ୟୈ ଭୂଭୃତାଂ ଲକ୍ଷ୍ମ୍ୟୈ ଶର୍ଵାଣ୍ୟୈ ତେ ନମୋ ନମଃ ॥ ୩॥
ଦୁର୍ଗାୟୈ ଦୁର୍ଗପାରାୟୈ ସାରାୟୈ ସର୍ଵକାରିଣ୍ୟୈ ।
ଖ୍ୟାତ୍ୟୈ ତଥୈଵ କୃଷ୍ଣାୟୈ ଧୂମ୍ରାୟୈ ସତତଂ ନମଃ ॥ ୪॥
ଅତିସୌମ୍ୟାତିରୌଦ୍ରାୟୈ ନତାସ୍ତସ୍ୟୈ ନମୋ ନମଃ ।
ନମୋ ଜଗତ୍ପ୍ରତିଷ୍ଠାୟୈ ଦେଵ୍ୟୈ କୃତ୍ୟୈ ନମୋ ନମଃ ॥ ୫॥
ୟା ଦେଵୀ ସର୍ଵଭୂତେଷୁ ଵିଷ୍ଣୁମାୟେତି ଶବ୍ଦିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୬॥
ୟା ଦେଵୀ ସର୍ଵଭୂତେଷୁ ଚେତନେତ୍ୟଭିଧୀୟତେ ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୭॥
ୟା ଦେଵୀ ସର୍ଵଭୂତେଷୁ ବୁଦ୍ଧିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୮॥
ୟା ଦେଵୀ ସର୍ଵଭୂତେଷୁ ନିଦ୍ରାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୯॥
ୟା ଦେଵୀ ସର୍ଵଭୂତେଷୁ କ୍ଷୁଧାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୦॥
ୟା ଦେଵୀ ସର୍ଵଭୂତେଷୁ ଛାୟାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୧॥
ୟା ଦେଵୀ ସର୍ଵଭୂତେଷୁ ଶକ୍ତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୨॥
ୟା ଦେଵୀ ସର୍ଵଭୂତେଷୁ ତୃଷ୍ଣାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୩॥
ୟା ଦେଵୀ ସର୍ଵଭୂତେଷୁ କ୍ଷାନ୍ତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୪॥
ୟା ଦେଵୀ ସର୍ଵଭୂତେଷୁ ଜାତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୫॥
ୟା ଦେଵୀ ସର୍ଵଭୂତେଷୁ ଲଜ୍ଜାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୬॥
ୟା ଦେଵୀ ସର୍ଵଭୂତେଷୁ ଶାନ୍ତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୭॥
ୟା ଦେଵୀ ସର୍ଵଭୂତେଷୁ ଶ୍ରଦ୍ଧାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୮॥
ୟା ଦେଵୀ ସର୍ଵଭୂତେଷୁ କାନ୍ତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୧୯॥
ୟା ଦେଵୀ ସର୍ଵଭୂତେଷୁ ଲକ୍ଷ୍ମୀରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୦॥
ୟା ଦେଵୀ ସର୍ଵଭୂତେଷୁ ଵୃତ୍ତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୧॥
ୟା ଦେଵୀ ସର୍ଵଭୂତେଷୁ ସ୍ମୃତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୨॥
ୟା ଦେଵୀ ସର୍ଵଭୂତେଷୁ ଦୟାରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୩॥
ୟା ଦେଵୀ ସର୍ଵଭୂତେଷୁ ତୁଷ୍ଟିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୪॥
ୟା ଦେଵୀ ସର୍ଵଭୂତେଷୁ ମାତୃରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୫॥
ୟା ଦେଵୀ ସର୍ଵଭୂତେଷୁ ଭ୍ରାନ୍ତିରୂପେଣ ସଂସ୍ଥିତା ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୬॥
ଇନ୍ଦ୍ରିୟାଣାମଧିଷ୍ଠାତ୍ରୀ ଭୂତାନାଂ ଚାଖିଲେଷୁ ୟା ।
ଭୂତେଷୁ ସତତଂ ତସ୍ୟୈ ଵ୍ୟାପ୍ତ୍ୟୈ ଦୈଵ୍ୟୈ ନମୋ ନମଃ ॥ ୨୭॥
ଚିତ୍ତିରୂପେଣ ୟା କୃତ୍ସ୍ନମେତଦ୍ଵ୍ୟାପ୍ୟ ସ୍ଥିତାଂ ଜଗତ୍ ।
ନମସ୍ତସ୍ୟୈ ନମସ୍ତସ୍ୟୈ ନମସ୍ତସ୍ୟୈ ନମୋ ନମଃ ॥ ୨୮॥
ସ୍ତୁତା ସୁରୈଃ ପୂର୍ଵମଭୀଷ୍ଟସଂଶ୍ରୟାତ୍ତଥା ସୁରେନ୍ଦ୍ରେଣ ଦିନେଷୁ ସେଵିତା ॥
କରୋତୁ ସା ନଃ ଶୁଭହେତୁରୀଶ୍ଵରୀ ଶୁଭାନି ଭଦ୍ରାଣ୍ୟଭିହନ୍ତୁ ଚାପଦଃ ॥ ୨୯॥
ୟା ସାମ୍ପ୍ରତଂ ଚୋଦ୍ଧତଦୈତ୍ୟତାପିତୈରସ୍ମାଭିରୀଶା ଚ ସୁରୈର୍ନମସ୍ୟତେ ।
ୟା ଚ ସ୍ମୃତା ତତ୍କ୍ଷଣମେଵ ହନ୍ତି ନଃ ସର୍ଵାପଦୋ
ଭକ୍ତିଵିନମ୍ରମୂର୍ତିଭିଃ ॥ ୩୦॥
Comments
Post a Comment