ଦୁର୍ଗାସ୍ତଵମ୍
🔸ଦୁର୍ଗାସ୍ତଵମ୍ 🥀
(ମହାଭାରତାନ୍ତର୍ଗତମ୍ )
ଵିନିୟୋଗ -
ଓଂ ଅସ୍ୟ ଶ୍ରୀଭଗଵତୀ ଦୁର୍ଗା ସ୍ତୋତ୍ର ମନ୍ତ୍ରସ୍ୟ ଶ୍ରୀକୃଷ୍ଣାର୍ଜୁନସ୍ଵରୂପୀ ନରନାରାୟଣୋ ଋଷିଃ, ଅନୁଷ୍ଟୁପ୍ ଛନ୍ଦ, ଶ୍ରୀଦୁର୍ଗା ଦେଵତା, ହ୍ରୀଂ ବୀଜଂ, ଐଂ ଶକ୍ତି, ଶ୍ରୀଂ କୀଲକଂ,
ମମାଭୀଷ୍ଟସିଦ୍ଧୟର୍ଥେ ଜପେ ଵିନିୟୋଗଃ ॥
ଋଷ୍ୟାଦିନ୍ୟାସ -
ଶ୍ରୀକୃଷ୍ଣାର୍ଜୁନସ୍ଵରୂପୀ ନରନାରାୟଣୋ ଋଷିଭ୍ୟୋ ନମଃ ଶିରସି, ଅନୁଷ୍ଟୁପ୍ ଛନ୍ଦସେ ନମଃ ମୁଖେ, ଶ୍ରୀଦୁର୍ଗାଦେଵତାୟୈ ନମଃ ହୃଦି, ହ୍ରୀଂ ବୀଜାୟ ନମଃ ଗୁହ୍ୟେ, ଐଂ ଶକ୍ତ୍ୟୈ ନମଃ ପାଦୟୋ, ଶ୍ରୀଂ କୀଲକାୟ ନମଃ ନାଭୌ, ମମାଭୀଷ୍ଟସିଦ୍ଧୟର୍ଥେ ଜପେ ଵିନିୟୋଗାୟ ନମଃ ସର୍ଵାଙ୍ଗେ ॥
🔸କରନ୍ୟାସ -
ଓଂ ହ୍ରାଂ ଅଙ୍ଗୁଷ୍ଠାଭ୍ୟାଂ ନମଃ, ଓଂ ହ୍ରୀଂ ତର୍ଜନୀଭ୍ୟାଂ ସ୍ଵାହା, ଓଂ ହ୍ରୂଂ ମଧ୍ୟମାଭ୍ୟାଂ ଵଷଟ୍, ଓଂ ହ୍ରୈଂ ଅନାମିକାଭ୍ୟାଂ ହୁଂ, ଓଂ ହ୍ରୌଂ କନିଷ୍ଠାଭ୍ୟାଂ ଵୌଷ୍ଟ୍, ଓଂ ହ୍ରଃ କରତଲ କରପୃଷ୍ଠାଭ୍ୟାଂ ଫଟ୍ ॥
🔸ଅଙ୍ଗନ୍ୟାସ -
ଓଂ ହ୍ରାଂ ହୃଦୟାୟ ନମଃ, ଓଂ ହ୍ରୀଂ ଶିରସେଂ ସ୍ଵାହା,ଓଂ ହ୍ରୂଂ ଶିଖାୟୈ ଵଷଟ୍, ଓଂ ହ୍ରୈଂ କଵଚାୟଂ ହୁଂ, ଓଂ ହ୍ରୌଂ ନୈତ୍ରତ୍ରୟାୟ ଵୌଷ୍ଟ୍, ଓଂ ହ୍ରଃ ଅସ୍ତ୍ରାୟ ଫଟ୍ ॥
ଧ୍ୟାନମ୍ -
ସିଂହସ୍ଥା ଶଶିଶେଖରା ମରକତପ୍ରଖ୍ୟା ଚତୁର୍ଭିର୍ଭୁଜୈଃ
ଶଙ୍ଖଚକ୍ରଧନୁଃଶରାଂଶ୍ଚ ଦଧତୀ ନେତ୍ରୈସ୍ତ୍ରିଭିଃ ଶୋଭିତା ।
ଆମୁକ୍ତାଙ୍ଗଦହାରକଙ୍କଣରଣତ୍କାଞ୍ଚୀକ୍ଵଣନ୍ ନୂପୁରା
ଦୁର୍ଗା ଦୁର୍ଗତିହାରିଣୀ ଭଵତୁ ନୋ ରତ୍ନୋଲ୍ଲସତ୍କୁଣ୍ଡଲା ॥
🔸ମାନସ ପୂଜନ -
ଓଂ ହ୍ରୀଂ ଦୁଂ ଦୁର୍ଗାୟୈ ନମଃ ଲଂ ପୃଥିଵ୍ୟାତ୍ମକଂ ଗନ୍ଧଂ ସମର୍ପୟାମି ।
ଓଂ ହ୍ରୀଂ ଦୁଂ ଦୁର୍ଗାୟୈ ନମଃ ହଂ ଆକାଶାତ୍ମକଂ ପୁଷ୍ପଂ ସମର୍ପୟାମି ।
ଓଂ ହ୍ରୀଂ ଦୁଂ ଦୁର୍ଗାୟୈ ନମଃ ୟଂ ଵାୟ୍ଵାତ୍ମକଂ ଧୂପଂ ଘ୍ରାପୟାମି ।
ଓଂ ହ୍ରୀଂ ଦୁଂ ଦୁର୍ଗାୟୈ ନମଃ ରଂ ଵହୃୟାତ୍ମକଂ ଦୀପଂ ଦର୍ଶୟାମି ।
ଓଂ ହ୍ରୀଂ ଦୁଂ ଦୁର୍ଗାୟୈ ନମଃ ଵଂ ଅମୃତାତ୍ମକଂ ନୈଵେଦ୍ୟଂ ନିଵେଦୟାମି ।
ଓଂ ହ୍ରୀଂ ଦୁଂ ଦୁର୍ଗାୟୈ ନମଃ ସଂ ସର୍ଵାତ୍ମକଂ ତାମ୍ବୂଲଂ ସମର୍ପୟାମି ।
(ଶ୍ରୀମହାଭାରତେ ଭୀଷ୍ମପର୍ଵାନ୍ତର୍ଗତେ ଶ୍ରୀମଦ୍ଭଗଵଦ୍ଗୀତାପର୍ଵଣି
ତ୍ରୟୋଵିଂଶୋଽଧ୍ୟାୟଃ ।
ସଞ୍ଜୟ ଉଵାଚ -
ଧାର୍ତରାଷ୍ଟ୍ରବଲଂ ଦୃଷ୍ଟ୍ଵା ୟୁଦ୍ଧାୟ ସମୁପସ୍ଥିତମ୍ ।
ଅର୍ଜୁନସ୍ୟ ହିତାର୍ଥାୟ କୃଷ୍ଣୋ ଵଚନମବ୍ରଵୀତ୍ ॥ ୧॥
ଶ୍ରୀଭଗଵାନୁଵାଚ -
ଶୁଚିର୍ଭୂତ୍ଵା ମହାବାହୋ ସଙ୍ଗ୍ରାମାଭିମୁଖେ ସ୍ଥିତଃ ।
ପରାଜୟାୟ ଶତ୍ରୂଣାଂ ଦୁର୍ଗାସ୍ତୋତ୍ରମୁଦୀରୟ ॥ ୨॥
ସଞ୍ଜୟ ଉଵାଚ -
ଏଵମୁକ୍ତୋଽର୍ଜୁନଃ ସଙ୍ଖ୍ୟେ ଵାସୁଦେଵେନ ଧୀମତା ।
ଅଵତୀର୍ୟଂ ରଥାତ୍ ପାର୍ଥଃ ସ୍ତୋତ୍ରମାହ କୃତାଞ୍ଜଲିଃ ॥ ୩॥)
ଅଥ ଦୁର୍ଗାଦେଵୀସ୍ତଵମ୍ ।
ଶ୍ରୀଅର୍ଜୁନ ଉଵାଚ -
ନମସ୍ତେ ସିଦ୍ଧସେନାନି ଆର୍ୟେ ମନ୍ଦରଵାସିନି ।
କୁମାରି କାଲି କାପାଲି କପିଲେ କୃଷ୍ଣପିଙ୍ଗଲେ ॥ ୧॥
ଭଦ୍ରକାଲି ନମସ୍ତୁଭ୍ୟମ୍ ମହାକାଲି ନମୋସ୍ତୁତେ ।
ଚଣ୍ଡିଚଣ୍ଡେ ନମସ୍ତୁଭ୍ୟମ୍ ତାରିଣି ଵରଵର୍ଣିନି ॥ ୨॥
କାତ୍ୟାୟନି ମହାଭାଗେ କରାଲି ଵିଜୟେ ଜୟେ ।
ଶିଖିପିଚ୍ଛଧ୍ଵଜଧରେ ନାନାଭରଣଭୂଷିତେ ॥ ୩॥
ଅଟ୍ଟଶୂଲପ୍ରହରଣେ ଖଡ୍ଗଖେଟଧାରିଣି ।
ଗୋପେନ୍ଦ୍ରସ୍ୟାନୁଜେ ଜ୍ୟେଷ୍ଟେ ନନ୍ଦଗୋପକୁଲୋଦ୍ଭଵେ ॥ ୪॥
ମହିଷାସୃକ୍ପ୍ରିୟେ ନିତ୍ୟଂ କୌଶିକି ପୀତଵାସିନି ।
ଅଟ୍ଟହାସେ କୋକମୁଖେ ନମସ୍ତେଽସ୍ତୁ ରଣପ୍ରିୟେ ॥ ୫॥
ଉମେ ଶାକମ୍ବରୀ ଶ୍ଵେତେ କୃଷ୍ଣେ କୈଟଭନାଶିନି ।
ହିରଣ୍ୟାକ୍ଷି ଵିରୂପାକ୍ଷି ସୁଧୂମ୍ରାକ୍ଷି ନମୋଽସ୍ତୁ ତେ ॥ ୬॥
ଵେଦଶ୍ରୁତି ମହାପୁଣ୍ୟେ ବ୍ରହ୍ମଣ୍ୟେ ଜାତଵେଦସି ।
ଜମ୍ବୂକଟକଚୈତ୍ୟେଷୁ ନିତ୍ୟମ୍ ସନ୍ନିହିତାଲୟେ ॥ ୭॥
ତ୍ଵଂ ବ୍ରହ୍ମଵିଦ୍ୟାଵିଦ୍ୟାନାଂ ମହାନିଦ୍ରା ଚ ଦେହିନାମ୍ ।
ସ୍କନ୍ଦମାତର୍ଭଗଵତି ଦୁର୍ଗେ କାନ୍ତାରଵାସିନି ॥ ୮॥
ସ୍ଵାହାକାରଃ ସ୍ଵଧା ଚୈଵ କଲା କାଷ୍ଠା ସରସ୍ଵତୀ ।
ସାଵିତ୍ରୀ ଵେଦମାତା ଚ ତଥା ଵେଦାନ୍ତ ଉଚ୍ୟତେ ॥ ୯॥
ସ୍ତୁତାସି ତ୍ଵଂ ମହାଦେଵି ଵିଶୁଦ୍ଧେନାନ୍ତରାତ୍ମନା ।
ଜୟୋ ଭଵତୁ ମେ ନିତ୍ୟଂ ତ୍ଵତ୍ପ୍ରସାଦାଦ୍ରଣାଜିରେ ॥ ୧୦॥
କାନ୍ତାରଭୟଦୁର୍ଗେଷୁ ଭକ୍ତାନାଂ ଚାଲୟେଷୁ ଚ ।
ନିତ୍ୟଂ ଵସସି ପାତାଲେ ୟୁଦ୍ଧେ ଜୟସି ଦାନଵାନ୍ ॥ ୧୧॥
ତ୍ଵଂ ଜମ୍ଭନୀ ମୋହିନୀ ଚ ମାୟା ହ୍ରୀଃ ଶ୍ରୀସ୍ତଥୈଵ ଚ ।
ସନ୍ଧ୍ୟା ପ୍ରଭାଵତୀ ଚୈଵ ସାଵିତ୍ରୀ ଜନନୀ ତଥା ॥ ୧୨॥
ତୁଷ୍ଟିଃ ପୁଷ୍ଟିର୍ଧୃତିର୍ଦୀପ୍ତିଶ୍ଚନ୍ଦ୍ରାଦିତ୍ୟଵିଵର୍ଧିନୀ ।
ଭୂତିର୍ଭୂତିମତାଂ ସଙ୍ଖ୍ୟେ ଵୀକ୍ଷ୍ୟସେ ସିଦ୍ଧଚାରଣୈଃ ॥ ୧୩॥
ଫଲଶ୍ରୁତି -
ୟଃ ଇଦଂ ପଠତେ ସ୍ତୋତ୍ରଂ କଲ୍ୟ ଉତ୍ଥାୟ ମାନଵଃ ।
ୟକ୍ଷରକ୍ଷଃପିଶାଚେଭ୍ୟୋ ନ ଭୟଂ ଵିଦ୍ୟତେ ସଦା ॥ ୧॥
ନ ଚାପି ରିପଵସ୍ତେଭ୍ୟଃ ସର୍ପାଦ୍ୟା ୟେ ଚ ଦଂଷ୍ଟ୍ରିଣଃ ।
ନ ଭୟଂ ଵିଦ୍ୟତେ ତସ୍ୟ ସଦା ରାଜକୁଲାଦପି ॥ ୨॥
ଵିଵାଦେ ଜୟମାପ୍ନୋତି ବଦ୍ଧୋ ମୁଚ୍ୟେତ ବନ୍ଧନାତ୍ ।
ଦୁର୍ଗଂ ତରତି ଚାଵଶ୍ୟଂ ତଥା ଚୋରୈର୍ଵିମୁଚ୍ୟତେ ॥ ୩॥
ସଙ୍ଗ୍ରାମେ ଵିଜୟେନ୍ନିତ୍ୟଂ ଲକ୍ଷ୍ମୀଂ ପ୍ରାପ୍ନୋତି କେଵଲାମ୍ ।
ଆରୋଗ୍ୟବଲସମ୍ପନ୍ନୋ ଜୀଵେଦ୍ ଵର୍ଷଶତଂ ତଥା ॥ ୪॥
Comments
Post a Comment