ନଵଦୁର୍ଗା ସ୍ତୁତିଃ

 🌹 ନଵଦୁର୍ଗା ସ୍ତୁତିଃ 🌹

(କୁଣ୍ଡଳିନୀ ଚକ୍ର ସହିତ) 

୧. ଶୈଲପୁତ୍ରୀ (ମୂଲାଧାରଚକ୍ର)

ଧ୍ୟାନଂ -

ଵନ୍ଦେ ଵାଞ୍ଚ୍ଛିତଲାଭାୟ ଚନ୍ଦ୍ରାର୍ଧକୃତଶେଖରାମ୍ ।

ଵୃଷାରୂଢାଂ ଶୂଲଧରାଂ ଶୈଲପୁତ୍ରୀଂ ୟଶସ୍ଵିନୀମ୍ ॥

ପୂର୍ଣେନ୍ଦୁନିଭାଙ୍ଗୌରୀଂ ମୂଲାଧାରସ୍ଥିତାଂ ପ୍ରଥମଦୁର୍ଗାଂ ତ୍ରିନେତ୍ରାମ୍ ।

ପଟାମ୍ବରପରିଧାନାଂ ରତ୍ନକିରୀଟାଂ ନାନାଲଙ୍କାରଭୂଷିତାମ୍ ॥

ପ୍ରଫୁଲ୍ଲଵଦନାଂ ପଲ୍ଲଵାଧରାଂ

 କାନ୍ତକପୋଲାଂ ତୁଙ୍ଗକୁଚାମ୍ ।

କମନୀୟାଂ ଲାଵଣ୍ୟସ୍ନେହମୁଖୀଂ

 କ୍ଷୀଣମଧ୍ୟାଂ ନିତମ୍ବନୀମ୍ ॥

ସ୍ତୋତ୍ରମ୍ -

ପ୍ରଥମଦୁର୍ଗା ତ୍ଵଂ ହି ଭଵସାଗରତାରିଣୀ ।

ଧନ ଐଶ୍ଵର୍ୟଦାୟିନୀ ଶୈଲପୁତ୍ରୀ ପ୍ରଣମାମ୍ୟହମ୍ ॥

ତ୍ରିଲୋକଜନନୀ ତ୍ଵଂ ହି ପରମାନନ୍ଦପ୍ରଦାୟିନୀ ।

ସୌଭାଗ୍ୟାରୋଗ୍ୟଦାୟନୀ ଶୈଲପୁତ୍ରୀ ପ୍ରଣମାମ୍ୟହମ୍ ॥

ଚରାଚରେଶ୍ଵରୀ ତ୍ଵଂ ହି ମହାମୋହଵିନାଶିନୀ ।

ଭୁକ୍ତିମୁକ୍ତିଦାୟନୀ ଶୈଲପୁତ୍ରୀ ପ୍ରଣମାମ୍ୟହମ୍ ॥

କଵଚମ୍ -

ଓଙ୍କାରଃ ମେ ଶିରଃ ପାତୁ ମୂଲାଧାରନିଵାସିନୀ ।

ହ୍ରୀଙ୍କାରଃ ପାତୁ ଲଲାଟେ ବୀଜରୂପା ମହେଶ୍ଵରୀ ॥

ଶ୍ରୀକାରଃ ପାତୁ ଵଦନେ ଲଜ୍ଜାରୂପା ମହେଶ୍ଵରୀ ।

ହୂଙ୍କାରଃ ପାତୁ ହୃଦୟେ ତାରିଣୀ ଶକ୍ତିଃ ସ୍ଵଧୃତା ॥

ଫଟ୍କାରଃ ପାତୁ ସର୍ଵାଙ୍ଗେ ସର୍ଵସିଦ୍ଧିଫଲପ୍ରଦା ।

୨. ବ୍ରହ୍ମଚାରିଣୀ (ସ୍ଵାଧିଷ୍ଠାନଚକ୍ର)

ଦଧାନା  କରପଦ୍ମାଭ୍ୟାମକ୍ଷମାଲାକମଣ୍ଡଲୂ ।

ଦେଵୀ ପ୍ରସୀଦତୁ ମୟି ବ୍ରହ୍ମଚାରିଣ୍ୟନୁତ୍ତମା ॥

ଧ୍ୟାନଂ -

ଵନ୍ଦେ ଵାଞ୍ଛିତଲାଭାୟ ଚନ୍ଦ୍ରାର୍ଧକୃତଶେଖରାମ୍ ।

ଜପମାଲାକମଣ୍ଡଲୁଧରାଂ ବ୍ରହ୍ମଚାରିଣୀଂ ଶୁଭାମ୍ ।

ଗୌରଵର୍ଣାଂ ସ୍ଵାଧିଷ୍ଠାନସ୍ଥିତାଂ ଦ୍ଵିତୀୟଦୁର୍ଗାଂ ତ୍ରିନେତ୍ରାମ୍ ।

ଧଵଲଵର୍ଣାଂ ବ୍ରହ୍ମରୂପାଂ ପୁଷ୍ପାଲଙ୍କାରଭୂଷିତାମ୍ ।

ପଦ୍ମଵଦନାଂ ପଲ୍ଲଵାଧରାଂ 

କାନ୍ତଙ୍କପୋଲାଂ ପୀନପୟୋଧରାମ୍ ।

କମନୀୟାଂ ଲାଵଣ୍ୟାଂ ସ୍ମେରମୁଖୀଂ

 ନିମ୍ନନାଭିଂ ନିତମ୍ବନୀମ୍ ॥

ସ୍ତୋତ୍ରଂ -

ତପଶ୍ଚାରିଣୀ ତ୍ଵଂ ହି ତାପତ୍ରୟନିଵାରିଣୀ ।

ବ୍ରହ୍ମରୂପଧରାଂ ବ୍ରହ୍ମଚାରିଣୀଂ ପ୍ରଣମାମ୍ୟହମ୍ ॥

ନଵଚକ୍ରଭେଦିନୀ ତ୍ଵଂ ହି ନଵ ଐଶ୍ଵର୍ୟପ୍ରଦାୟିନୀ ।

ଧନଦାଂ ସୁଖଦାଂ ବ୍ରହ୍ମଚାରିଣୀଂ ପ୍ରଣମାମ୍ୟହମ୍ ॥

ଶଙ୍କରପ୍ରିୟା ତ୍ଵଂ ହି ଭୁକ୍ତି-ମୁକ୍ତିଦାୟିନୀ ।

ଶାନ୍ତିଦାଂ ମାନଦାଂ ବ୍ରହ୍ମଚାରିଣୀଂ ପ୍ରଣମାମ୍ୟହମ୍ ।

କଵଚମ୍ -

ତ୍ରିପୁରା ମେ ହୃଦୟଂ ପାତୁ ଲଲାଟଂ ପାତୁ ଶଙ୍କରଭାମିନୀ

ଅର୍ପଣା ସଦା ପାତୁ ନେତ୍ରୌ ଅଧରୌ ଚ କପୋଲୌ ॥

ପଞ୍ଚଦଶୀ କଣ୍ଠଂ ପାତୁ ମଧ୍ୟଦେଶଂ ପାତୁ ମାହେଶ୍ଵରୀ

ଷୋଡଶୀ ସଦା ପାତୁ ନଭୋ ଗୃହୋ ଚ ପାଦୟୋ ।

ଅଙ୍ଗପ୍ରତ୍ୟଙ୍ଗଂ ସତତଂ ପାତୁ ବ୍ରହ୍ମଚାରିଣୀ ॥

୩. ଚନ୍ଦ୍ରଘଣ୍ଟା -(ମଣିପୁରଚକ୍ର)

ପିଣ୍ଡଜପ୍ରଵରାରୂଢା ଚନ୍ଦ୍ରକୋପାସ୍ତ୍ରକୈର୍ୟୁତା ।

ପ୍ରସାଦଂ ତନୁତାଂ ମହ୍ୟଂ ଚନ୍ଦ୍ରଘଣ୍ଟେତି ଵିଶ୍ରୁତା ॥

ଧ୍ୟାନଂ -

ଵନ୍ଦେ ଵାଞ୍ଛିତଲାଭାୟ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାଂ ଦଶଭୁଜାଞ୍ଚନ୍ଦ୍ରଘଣ୍ଟାଂ ୟଶସ୍ଵନୀମ୍ ॥

କଞ୍ଜନାଭାଂ ମଣିପୁରସ୍ଥିତାଂ

 ତୃତୀୟଦୁର୍ଗାଂ ତ୍ରିନେତ୍ରାମ୍ ।

ଖଡ୍ଗଗଦାତ୍ରିଶୂଲଚାପଧରାଂ 

ପଦ୍ମକମଣ୍ଡଲୁମାଲାଵରାଭୟକରାମ୍ ।

ପଟାମ୍ବରପରିଧାନାଂ ମୃଦୁହାସ୍ୟାଂ ନାନାଲଙ୍କାରଭୂଷିତାମ୍ ।

ମଞ୍ଜୀର-ହାର-କେୟୂର-କିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରଫୁଲ୍ଲଵନ୍ଦନାଂ ବିମ୍ବାଧାରାଂ 

କାନ୍ତଙ୍କପୋଲାଂ ତୁଙ୍ଗକୁଚାମ୍ ।

କମନୀୟାଂ ଲାଵଣ୍ୟାଂ କ୍ଷୀଣକଟିଂ ନିତମ୍ବନୀମ୍ ॥

ସ୍ତ୍ରୋତ୍ରଃ-

ଆପଦୁଦ୍ଧାରିଣୀ ତ୍ଵଂ ହି ଆଦ୍ୟାଶକ୍ତିଃ ଶୁଭା ପରା ।

ଅଣିମାଦିସିଦ୍ଧିଦାତ୍ରି ଚନ୍ଦ୍ରଘଣ୍ଟେ ପ୍ରଣମାମ୍ୟହମ୍ ॥

ଚନ୍ଦ୍ରମୁଖୀ ଇଷ୍ଟଦାତ୍ରୀ ଇଷ୍ଟମନ୍ତ୍ରସ୍ଵରୂପଣୀ ।

ଧନଦାତ୍ର୍ୟାନନ୍ଦଦାତ୍ରୀ ଚନ୍ଦ୍ରଘଣ୍ଟେ ପ୍ରଣମାମ୍ୟହମ୍ ॥

ନାନାରୂପଧାରିଣୀ ଇଚ୍ଛାମୟୀ ଐଶ୍ଵର୍ୟଦାୟନୀ ।

ସୌଭାଗ୍ୟାରୋଗ୍ୟଦାୟନୀ ଚନ୍ଦ୍ରଘଣ୍ଟେ ପ୍ରଣମାମ୍ୟହମ୍ ॥

କଵଚଃ-

ରହସ୍ୟଂ ଶୃଣୁ ଵକ୍ଷ୍ୟାମି ଶୈଵେଶି କମଲାନନେ ।

ଶ୍ରୀଚନ୍ଦ୍ରଘଣ୍ଟାକଵଚଂ ସର୍ଵସିଦ୍ଧିପ୍ରଦାୟକମ୍ ॥

ଵିନା ନ୍ୟାସଂ ଵିନା ଵିନିୟୋଗଂ ଵିନା ଶାପୋଦ୍ଧାରଂ ଵିନା ହୋମମ୍ ।

ସ୍ନାନଂ ଶୌଚାଦିକଂ ନାସ୍ତି ଶ୍ରଦ୍ଧାମାତ୍ରେଣ ସିଦ୍ଧିଦମ୍ ॥

କୁଶିଷ୍ୟାୟ କୁଟିଲାୟ ଵଞ୍ଚକାୟ ନିନ୍ଦାକାୟ ଚ ।

ନ ଦାତଵ୍ୟଂ ନ ଦାତଵ୍ୟଂ ନ ଦାତଵ୍ୟଙ୍କଦାଚନ ॥

୪. କୂଷ୍ମାଣ୍ଡା (ଅନାହତଚକ୍ର)

ସୁରାସମ୍ପୂର୍ଣକଲଶଂ ରୁଧିରାପ୍ଲୁତମେଵ ଚ ।

ଦଧାନା ହସ୍ତପଦ୍ମାଭ୍ୟାଂ କୂଷ୍ମାଣ୍ଡା ଶୁଭଦାଽସ୍ତୁ ମେ ॥

ଧ୍ୟାନଂ -

ଵନ୍ଦେ ଵାଞ୍ଛିତକାମର୍ଥଂ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାମଷ୍ଟଭୁଜାଂ କୁଷ୍ମାଣ୍ଡାଂ ଚ ୟଶସ୍ଵିନୀମ୍ ॥

ଭାସ୍ଵରାଂ ଭାନୁନିଭାମନାହତସ୍ଥିତାଂ

 ଚତୁର୍ଥଦୁର୍ଗାଂ ତ୍ରିନେତ୍ରାମ୍ ।

କମଣ୍ଡଲୁଚାପବାଣପଦ୍ମସୁଧା-

କଲଶଚକ୍ରଗଦାଜପଵଟୀଧରାମ୍ ॥

ପଟାମ୍ବରପରିଧାନାଂ କମନୀୟାଂ 

ମୃଦୁହାସ୍ୟା ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂର-

କିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ।

ପ୍ରଫୁଲ୍ଲଵଦନାଂ  ଚାରୁଚିବୁକାଂ

 କାନ୍ତକପୋଲାଂ ତୁଙ୍ଗକୁଚାମ୍ ।

କୋଲାଙ୍ଗୀଂ ସ୍ମେରମୁଖୀଂ 

କ୍ଷୀଣକଟିଂ ନିମ୍ନନାଭିଂ ନିତମ୍ବନୀମ୍ ॥

ସ୍ତ୍ରୋତ୍ରଃ-

ଦୁର୍ଗତିନାଶିନୀ ତ୍ଵଂ ହି ଦାରିଦ୍ର୍ୟାଦିଵିନାଶିନୀ ।

ଜୟଦା ଧନଦା କୂଷ୍ମାଣ୍ଡେ ପ୍ରଣମାମ୍ୟହମ୍ ॥

ଜଗନ୍ମାତା ଜଗତ୍କର୍ତ୍ରି ଜଗଦାଧାରରୂପିଣୀ ।

ଚରାଚରେଶ୍ଵରୀ କୂଷ୍ମାଣ୍ଡେ ପ୍ରଣମାମ୍ୟହମ୍ ॥

ତ୍ରୈଲୋକ୍ୟସୁନ୍ଦରୀ ତ୍ଵଂ ହି ଦୁଃଖଶୋକନିଵାରିଣୀ ।

ପରମାନନ୍ଦମୟୀ କୂଷ୍ମାଣ୍ଡେ ପ୍ରଣମାମ୍ୟହମ୍ ॥

କଵଚଂ -

ହସରୈ ମେ ଶିରଃ ପାତୁ କୂଷ୍ମାଣ୍ଡା ଭଵନାଶିନୀ ।

ହସଲକରୀ ନେତ୍ରଽଥ, ହସରୌଶ୍ଚ ଲଲାଟକମ୍ ॥

କୌମାରୀ ପାତୁ ସର୍ଵଗାତ୍ରେ ଵାରାହୀ ଉତ୍ତରେ ତଥା ।

ପୂର୍ଵେ ପାତୁ ଵୈଷ୍ଣଵୀ ଇନ୍ଦ୍ରାଣୀ ଦକ୍ଷିଣେ ମମ ।

ଦିଗ୍ଦିକ୍ଷୁ  ସର୍ଵତ୍ରୈଵ କୂମ୍ବୀଜଂ ସର୍ଵଦାଽଵତୁ ॥

୫. ସ୍କନ୍ଦମାତା (ଵିଶୁଦ୍ଧଚକ୍ର)

ସିଂହାସନଗତା ନିତ୍ୟଂ ପଦ୍ମାଶ୍ରିତକରଦ୍ଵୟା ।

ଶୁଭଦାସ୍ତୁ ସଦା ଦେଵୀ ସ୍କନ୍ଦମାତା ୟଶସ୍ଵିନୀ ॥

ଧ୍ୟାନମ୍ -

ଵନ୍ଦେ ଵାଞ୍ଛିତକାମାର୍ଥେ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢା ଚତୁର୍ଭୁଜା ସ୍କନ୍ଧମାତା ୟଶସ୍ଵନୀ ॥

ଧଵଲଵର୍ଣା ଵିଶୁଦ୍ଧଚକ୍ରସ୍ଥିତା ପଞ୍ଚମଦୁର୍ଗା ତ୍ରିନେତ୍ରା ।

ଅଭୟପଦ୍ମୟୁଗ୍ମକରାଂ ଦକ୍ଷିଣ ଊରୁପୁତ୍ରଧରାଂ ଭଜେଽମ୍ ॥

ପଟାମ୍ବରପରିଧାନା ମୃଦୁହାସ୍ୟା ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲଧାରିଣୀମ୍ ॥

ପ୍ରଭୁଲ୍ଲଵଦନାଂ ପଲ୍ଲଵାଧରାଂ କାନ୍ତକପୋଲାଂ ପୀନପୟୋଧରାମ୍ ।

କମନୀୟାଂ ଲାଵଣ୍ୟାଂ ଚାରୂତ୍ରିଵଲୀଂ ନିତମ୍ବନୀମ୍ ॥

ସ୍ତୋତ୍ରମ୍ -

ନମାମି ସ୍କନ୍ଦମାତରଂ ସ୍କନ୍ଧଧାରିଣୀମ୍ ।

ସମଗ୍ରତତ୍ତ୍ଵସାଗରାମପାରପାରଗହରାମ୍ ॥

ଶଶିପ୍ରଭାଂ ସମୁଜ୍ଜ୍ଵଲାଂ ସ୍ଫୁରଚ୍ଛଶାଙ୍କଶେଖରାମ୍ ।

ଲଲାଟରତ୍ନଭାସ୍କରାଂ ଜଗତ୍ପ୍ରଦୀପ୍ତଭାସ୍କରାମ୍ ॥

ମହେନ୍ଦ୍ରକଶ୍ୟପାର୍ଚିତାଂ ସନତ୍କୁମାରସଂସ୍ତୁତାମ୍ ।

ସୁରାସୁରେନ୍ଦ୍ରଵନ୍ଦିତାଂ ୟଥାର୍ଥନିର୍ମଲାଦ୍ଭୁତାମ୍ ॥

ଅତର୍କ୍ୟରୋଚିରୂଵିଜାଂ ଵିକାର ଦୋଷଵର୍ଜିତାମ୍ ।

ମୁମୁକ୍ଷୁଭିର୍ଵିଚିନ୍ତିତାଂ ଵିଶେଷତତ୍ତ୍ଵମୂଚିତାମ୍ ॥

ନାନାଲଙ୍କାରଭୂଷିତାଂ ମୃଗେନ୍ଦ୍ରଵାହନାଗ୍ରତାମ୍ ।

ସୁଶୁଦ୍ଧତତ୍ତ୍ଵତୋଷଣାଂ ତ୍ରିଵେଦମାରଭାଷଣାମ୍ ॥ ??ମାର

ସୁଧାର୍ମିକୌପକାରିଣୀଂ ସୁରେନ୍ଦ୍ରଵୈରିଘାତିନୀମ୍ ।

ଶୁଭାଂ ସୁପୁଷ୍ପମାଲିନୀଂ ସୁଵର୍ଣକଲ୍ପଶାଖିନୀମ୍ ॥

ତମୋଽନ୍ଧକାରୟାମିନୀଂ ଶିଵସ୍ଵଭାଵକାମିନୀମ୍ ।

ସହସ୍ରସୂର୍ୟରାଜିକାଂ ଧନଞ୍ଜୟୋଗ୍ରକାରିକାମ୍ ॥

ସୁଶୁଦ୍ଧକାଲକନ୍ଦଲାଂ ସୁଭୃଙ୍ଗକୃନ୍ଦମଞ୍ଜୁଲାମ୍ ।

ପ୍ରଜାୟିନୀଂ ପ୍ରଜାଵତୀଂ ନମାମି ମାତରଂ ସତୀମ୍ ॥

ସ୍ଵକର୍ମଧାରଣେ ଗତିଂ ହରିଂ ପ୍ରୟଚ୍ଛ ପାର୍ଵତୀମ୍ । ??ପ୍ରୟଚ୍ଛ

ଅନନ୍ତଶକ୍ତିକାନ୍ତିଦାଂ ୟଶୋଽଥ ଭୁକ୍ତିମୁକ୍ତିଦାମ୍ ॥

ପୁନଃପୁନର୍ଜଗଦ୍ଧିତାଂ ନମାମ୍ୟହଂ ସୁରାର୍ଚିତାମ୍ ।

ଜୟେଶ୍ଵରି ତ୍ରିଲାଚନେ ପ୍ରସୀଦ ଦେଵି ପାହି ମାମ୍ ॥

କଵଚମ୍ -

ଐଂ ବୀଜାଲିକା ଦେଵୀ ପଦୟୁଗ୍ମଧରା ପରା ।

ହୃଦୟଂ ପାତୁ ସା ଦେଵୀ କାର୍ତିକେୟୟୁତା ସତୀ ॥

ଶ୍ରୀଂ ହ୍ରୀଂ ହୁଂ ଐଂ ଦେଵୀ ପୂର୍ଵସ୍ୟାଂ ପାତୁ ସର୍ଵଦା ।

ସର୍ଵାଙ୍ଗ ମେଂ ସଦା ପାତୁ ସ୍କନ୍ଦମାତା ପୁତ୍ରପ୍ରଦା ॥

ଵାଣଵାଣାମୃତେ ହୁଂ ଫଟ୍ ବୀଜସସମନ୍ଵିତା ।

ଉତ୍ତରସ୍ୟାଂ ତଥାଗ୍ନେ ଚ ଵାରୂଣେ ନୈୠତେଽଵତୁ ॥

ଇନ୍ଦ୍ରାଣୀ ଭୈରଵୀ ଚୈଵାସିତାଙ୍ଗୀ ଚ ସଂହାରିଣୀ ।

ସର୍ଵଦା ପାତୁ ମାଂ ଦେଵୀ ଚାନ୍ୟାନ୍ୟାସୁ ହି ଦିକ୍ଷୁ ଵୈ ॥

୬. କାତ୍ୟାୟନୀ (ଆଜ୍ଞାଚକ୍ର)

ଚନ୍ଦ୍ରହାସୋଜ୍ଜ୍ଵଲକରା ଶାର୍ଦୂଲଵରଵାହନା ।

କାତ୍ୟାୟନୀ ଚ ଶୁଭଦା ଦେଵୀ ଦାନଵଘାତିନୀ ॥

ଧ୍ୟାନମ୍ -

ଵନ୍ଦେ ଵାଞ୍ଛିତମନୋରଥାର୍ଥାୟ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାଂ ଚତୁର୍ଭୁଜାଂ କାତ୍ୟାୟନୀଂ ୟଶସ୍ଵନୀମ୍ ॥

ସ୍ଵର୍ଣଵର୍ଣାମାଜ୍ଞାଚକ୍ରସ୍ଥିତାଂ ଷଷ୍ଠଦୁର୍ଗାଂ ତ୍ରିନେତ୍ରାମ୍ ।

ଵରାଭୀତକରାଂ ସଗପଦଧରାଂ କାତ୍ୟାୟନସୁତାଂ ଭଜାମି ॥

ପଟାମ୍ବରପରିଧାନାଂ ସ୍ମେରମୁଖୀଂ ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୁରକିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରସନ୍ନଵଦନାଂ ପଲ୍ଲଵାଧରାଂ କାନ୍ତକପୋଲାଂ ତୁଙ୍ଗକୁଚାମ୍ ।

କମନୀୟାଂ ଲାଵଣ୍ୟାଂ ତ୍ରିଵଲୀଵିଭୂଷିତନିମ୍ନନାଭିମ୍ ॥

ସ୍ତୋତ୍ରମ୍ -

କାଞ୍ଚନାଭାଂ ଵରାଭୟପଦ୍ମଧରାଂ ମୁକୁଟୋଜ୍ଜ୍ଵଲାଂ ।

ସ୍ମେରମୁଖୀଂ ଶିଵପତ୍ନୀଂ କାତ୍ୟାୟନସୁତେ ନମୋଽସ୍ତୁତେ ॥

ପଟାମ୍ବରପରିଧାନାଂ ନାନାଲଙ୍କାରଭୂଷିତାଂ ।

ସିଂହାସ୍ଥିତାଂ ପଦ୍ମହସ୍ତାଂ କାତ୍ୟାୟନସୁତେ ନମୋଽସ୍ତୁତେ ॥

ପରମାନନ୍ଦମୟୀ ଦେଵି ପରବ୍ରହ୍ମ ପରମାତ୍ମା ।

ପରମଶକ୍ତି,ପରମଭକ୍ତି, କାତ୍ୟାୟନସୁତେ ନମୋଽସ୍ତୁତେ ॥

ଵିଶ୍ଵକର୍ତ୍ରୀଂ,ଵିଶ୍ଵଭର୍ତ୍ରୀଂ,ଵିଶ୍ଵହର୍ତ୍ରୀଂ,ଵିଶ୍ଵପ୍ରୀତାମ୍ ।

ଵିଶ୍ଵଚିତ୍ତାଂ,ଵିଶ୍ଵାତୀତାଂ କାତ୍ୟାୟନସୁତେ ନମୋଽସ୍ତୁତେ ॥

କାଂ ବୀଜା, କାଂ ଜପାନନ୍ଦା କାଂ ବୀଜଜପତୋଷିତା ।

କାଂ କାଂ ବୀଜଜପାସକ୍ତାଂ କାଂ କାଂ ସନ୍ତୁତା ॥ ??  କାଂ ବୀଜଜପସଂସ୍ତୁତାମ୍

କାଙ୍କାରହର୍ଷିଣୀଂ କାଂ କାଂ ଧନଦାଂ ଧନମାନସାମ୍ ।

କାଂ ବୀଜଜପକାରିଣୀଂ କାଂ ବୀଜତପମାନସାମ୍ ॥

କାଂ କାରିଣୀଂ କାଂ ସୂତ୍ରପୂଜିତାଂ କାଂ ବୀଜଧାରିଣୀମ୍ ।

କାଂ କୀଂ କୂଂ କୈଂ କୌଂ କଃ ଠଃ ଛଃ ସ୍ଵାହାରୂପଣୀ ॥

କଵଚମ୍ -

କାତ୍ୟାୟନୀ ମୁଖଂ ପାତୁ କାଂ କାଂ ସ୍ଵାହାସ୍ଵରୂପଣୀ ।

ଲଲାଟଂ ଵିଜୟା ପାତୁ ମାଲିନୀ ନିତ୍ୟସୁନ୍ଦରୀ ॥

କଲ୍ୟାଣୀ ହୃଦୟଂ ପାତୁ ଜୟା ଚ ଭଗମାଲିନୀ ॥

୭. କାଲରାତ୍ରି (ଭାନୁ ଚକ୍ର)

ଏକଵେଣୀଜପାକର୍ଣପୁରାନନା ଖରାସ୍ଥିତା ।

ଲମ୍ବୋଷ୍ଠୀକର୍ଣିକାକର୍ଣୀତୈଲାଭ୍ୟଙ୍ଗଶରୀରିଣୀ ॥

ଵାମପାଦୋଲ୍ଲସଲ୍ଲୋହଲତାକଣ୍ଟକଭୂଷଣା ।

ଵର୍ଧନାମୂର୍ଧଜା କୃଷ୍ଣା କାଲରାତ୍ରିର୍ଭୟଙ୍କରୀ ॥

ଧ୍ୟାନମ୍ -

କରାଲଵଦନାଂ ଘୋରାଂ ମୁକ୍ତକେଶୀଂ ଚତୁର୍ଭୁଜାମ୍ ।

କାଲରାତ୍ରିଂ କରାଲୀଂ ଚ ଵିଦ୍ୟୁନ୍ମାଲାଵିଭୂଷିତାମ୍ ॥

ଦିଵ୍ୟଲୌହଵଜ୍ରଖଡ୍ଗଵାମାଧୋର୍ଧ୍ଵକରାମ୍ବୁଜାମ୍ ।

ଅଭୟଂ ଵରଦାଂ ଚୈଵ ଦକ୍ଷିଣୋର୍ଧ୍ଵାଧଃ ପାଣିକାମ୍ ॥

ମହାମେଘପ୍ରଭାଂ ଶ୍ୟାମାଂ ତଥା ଚ ଗର୍ଦଭାରୂଢାମ୍ ।

ଘୋରଦଂଷ୍ଟ୍ରାକାରାଲାସ୍ୟାଂ ପୀନୋନ୍ନତପୟୋଧରାମ୍ ॥

ସୁଖପ୍ରସନ୍ନଵଦନାଂ ସ୍ମେରାନନସରୋରୁହାମ୍ ।

ଏଵଂ ସଞ୍ଚିୟନ୍ତୟେତ୍କାଲରାତ୍ରିଂ ସର୍ଵକାମସମୃଦ୍ଧିଦାମ୍ ॥

ସ୍ତୋତ୍ରମ୍ -

ହ୍ରୀଂ କାଲରାତ୍ରିଃ ଶ୍ରୀଂ କରାଲୀ ଚ କ୍ଲୀଂ କଲ୍ୟାଣୀ କଲାଵତୀ ।

କାଲମାତା କଲିଦର୍ପଘ୍ନୀ କପଦୀଂଶକୃପନ୍ଵିତା ॥

କାମବୀଜଜପାନନ୍ଦା କାମବୀଜସ୍ଵରୂପିଣୀ ।

କୁମତିଘ୍ନୀ କୁଲୀନାଽଽର୍ତିନଶିନୀ କୁଲକାମିନୀ ॥

କ୍ଲୀଂ ହ୍ରୀଂ ଶ୍ରୀଂ ମନ୍ତ୍ରଵର୍ଣେନ କାଲକଣ୍ଟକଘାତିନୀ ।

କୃପାମୟୀ କୃପାଧାରା କୃପାପାରା କୃପାଗମା ॥

କଵଚମ୍ -

ଓଂ କ୍ଲୀଂ ମେ ହୃଦୟଂ ପାତୁ ପାଦୌ ଶ୍ରୀଂ କାଲରାତ୍ରିଃ ।

ଲଲାଟଂ ସତତଂ ପାତୁ ଦୁଷ୍ଟଗ୍ରହନିଵାରିଣୀ ॥

ରସନାଂ ପାତୁ କୌମାରୀ ଭୈରଵୀ ଚକ୍ଷୁଷୀ ମମ ।

କଟୌ ପୃଷ୍ଠେ ମହେଶାନୀ କର୍ଣୌ ଶଙ୍କରଭାମିନୀ ।

ଵର୍ଜିତାନି ତୁ ସ୍ଥାନାନି ୟାନି ଚ କଵଚେନ ହି ।

ତାନି ସର୍ଵାଣି ମେ ଦେଵୀ ସତତଂ ପାତୁ ସ୍ତମ୍ଭିନୀ ॥

୮. ମହାଗୌରୀ (ସୋମଚକ୍ର)

ଶ୍ଵେତେ ଵୃଷେ ସମାରୂଢା ଶ୍ଵେତାମ୍ବରଧରା ଶୁଚିଃ ।

ମହାଗୌରୀ ଶୁଭଂ ଦଦ୍ୟାନ୍ମହାଦେଵପ୍ରମୋଦଦା ॥

ଓଂ ନମୋ ଭଗଵତି ମହାଗୌରି ଵୃଷାରୂଢେ ଶ୍ରୀଂ ହ୍ରୀଂ କ୍ଲୀଂ ହୁଂ ଫଟ୍ ସ୍ଵାହା ।

(ଭଗଵତୀ ମହାଗୌରୀ ଵୃଷଭ କେ ପୀଠ ପର ଵିରାଜମାନ ହୈଂ, ଜିନକେ ମସ୍ତକ ପର ଚନ୍ଦ୍ର କା ମୁକୁଟ ହୈ । ମଣିକାନ୍ତିମଣି କେ ସମାନ କାନ୍ତି ଵାଲୀ ଅପନୀ ଚାର ଭୁଜାଓଂ ମେଂ ଶଙ୍ଖ, ଚକ୍ର, ଧନୁଷ ଔର ବାଣ ଧାରଣ କିଏ ହୁଏ ହୈଂ, ଜିନକେ କାନୋଂ ମେଂ ରତ୍ନଜଡିତ କୁଣ୍ଡଲ ଝିଲମିଲାତେ ହୈଂ, ଐସୀ ଭଗଵତୀ ମହାଗୌରୀ ହୈଂ।)

ଧ୍ୟାନ-

ଵନ୍ଦେ ଵାଞ୍ଛିତକାମାର୍ଥଂ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାଂ ଚତୁର୍ଭୁଜାଂ ମହାଗୌରୀଂ ୟଶସ୍ଵୀନୀମ୍ ॥

ପୁର୍ଣେନ୍ଦୁନିଭାଂ ଗୌରୀଂ ସୋମଵକ୍ରସ୍ଥିଆତାଂ ଅଷ୍ଟମଦୁର୍ଗାଂ ତ୍ରିନେତ୍ରାମ୍ ।

ଵରାଭୀତିକରାଂ ତ୍ରିଶୂଲଡମରୂଧରାଂ ମହାଗୌରୀଂ ଭଜେଽହମ୍ ॥

ପଟାମ୍ବରପରିଧାନାଂ ମୃଦୁହାସ୍ୟାଂ ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରଫୁଲ୍ଲଵଦନାଂ ପଲ୍ଲଵାଧରାଂ କାନ୍ତକପୋଲାଂ ତ୍ରୈଲୋକ୍ୟମୋହନୀମ୍ ।

କମନୀୟାଂ ଲାଵଣ୍ୟାଂ ମୃଣାଲାଂ ଚନ୍ଦନଗନ୍ଧଲିପ୍ତାମ୍ ॥

ସ୍ତୋତ୍ରମ୍ -

ସର୍ଵସଙ୍କଟହନ୍ତ୍ରୀ ତ୍ଵଂ ଧନୈଶ୍ଵର୍ୟପ୍ରଦାୟନୀ ।

ଜ୍ଞାନଦା ଚତୁର୍ଵେଦମୟୀ ମହାଗୌରୀଂ ପ୍ରଣମାମ୍ୟହମ୍ ॥

ସୁଖଶାନ୍ତିଦାତ୍ରୀଂ, ଧନଧାନ୍ୟପ୍ରଦାୟନୀମ୍ ।

ଡମରୂଵାଦନପ୍ରିୟାଂ ମହାଗୌରୀଂ ପ୍ରଣମାମ୍ୟହମ୍ ॥

ତ୍ରୈଲୋକ୍ୟମଙ୍ଗଲା ତ୍ଵଂ ହି ତାପତ୍ରୟଵିନାଶିନୀଂ ପ୍ରଣମାମ୍ୟହମ୍ ।

ଵରଦା ଚୈତନ୍ୟମୟୀ ମହାଗୌରୀଂ ପ୍ରଣମାମ୍ୟହମ୍ ॥

କଵଚମ୍ -

ଓଙ୍କାରଃ ପାତୁ ଶୀର୍ଷେ ମାଂ, ହ୍ରୀଂ ବୀଜଂ ମାଂ ହୃଦୟେ ।

କ୍ଲୀଂ ବୀଜଂ ସଦା ପାତୁ ନଭୋ ଗୃହୋ ଚ ପାଦୟୋଃ ॥

ଲଲାଟକର୍ଣୌ ହୂଂ ବୀଜଂ ପାତୁ ମହାଗୌରୀ ମାଂ ନେତ୍ରଘ୍ରାଣୌ ।

କପୋଲଚିବୁକୌ ଫଟ୍ ପାତୁ ସ୍ଵାହା ମାଂ ସର୍ଵଵଦନୌ ॥

୯. ସିଦ୍ଧିଦାତ୍ରୀ (ନିର୍ଵାଣଚକ୍ର)

ସିଦ୍ଧଗନ୍ଧର୍ଵୟକ୍ଷାଦ୍ୟୈରସୁରୈରମରୈରପି ।

ସେଵ୍ୟମାନା ସଦା ଭୂୟାତ୍ ସିଦ୍ଧିଦା ସିଦ୍ଧିଦାୟିନୀ ॥

ଧ୍ୟାନମ୍ -

ଵନ୍ଦେ ଵାଞ୍ଛିତମନୋରଥାର୍ଥଂ ଚନ୍ଦ୍ରାର୍ଧକୃତଶେଖରାମ୍ ।

କମଲସ୍ଥିତାଂ ଚତୁର୍ଭୁଜାଂ ସିଦ୍ଧିଦାଂ ୟଶସ୍ଵନୀମ୍ ॥

ସ୍ଵର୍ଣଵର୍ଣନିର୍ଵାଣଚକ୍ରସ୍ଥିତାଂ ନଵମଦୁର୍ଗାଂ ତ୍ରିନେତ୍ରାମ୍ ।

ଶଙ୍ଖଚକ୍ରଗଦା ପଦ୍ମଧରାଂ ସିଦ୍ଧିଦାତ୍ରୀଂ ଭଜେଽହମ୍ ॥

ପଟାମ୍ବରପରିଧାନାଂ ସୁହାସ୍ୟାଂ ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରଫୁଲ୍ଲଵଦନାଂ ପଲ୍ଲଵାଧରାଂ କାନ୍ତକପୋଲାଂ ପୀନପୟୋଧରାମ୍ ।

କମନୀୟାଂ ଲାଵଣ୍ୟାଂ କ୍ଷୀଣକଟିଂ ନିମ୍ନନାଭିଂ ନିତମ୍ବନୀମ୍ ॥

ସ୍ତୋତ୍ରମ୍ -

କଞ୍ଜନାଭାଂ ଶଙ୍ଖଚକ୍ରଗଦାଧରାଂ ମୁକୁଟୋଜ୍ଜ୍ଵଲାମ୍ ।

ସ୍ମେରମୁଖି ଶିଵପତ୍ନି ସିଦ୍ଧିଦାତ୍ରି ନମୋଽସ୍ତୁ ତେ ॥

ପଟାମ୍ବରପରିଧାନାଂ ନାନାଲଙ୍କାରଭୂଷିତାମ୍ ।

ନଲିନସ୍ଥିତା ନଲିନାକ୍ଷୀ ସିଦ୍ଧିଦାତ୍ରୀ ନମୋଽସ୍ତୁ ତେ ॥

ପରମାନନ୍ଦମୟୀ ଦେଵୀ ପରବ୍ରହ୍ମ ପରମାତ୍ମା ।

ପରମଶକ୍ତି ପରମଭକ୍ତି ସିଦ୍ଧିଦାତ୍ରୀ ନମୋଽସ୍ତୁ ତେ ॥

ଵିଶ୍ଵକର୍ତ୍ରୀ ଵିଶ୍ଵଭର୍ତ୍ରୀ ଵିଶ୍ଵହର୍ତ୍ରୀ ଵିଶ୍ଵପ୍ରୀତା ।

ଵିଶ୍ଵାର୍ଚିତା ଵିଶ୍ଵାତୀତା ସିଦ୍ଧିଦାତ୍ରୀ ନମୋଽସ୍ତୁ ତେ ॥

ଭୁକ୍ତିମୁକ୍ତିକାରଣୀ ଭକ୍ତକଷ୍ଟନିଵାରିଣୀ ।

ଭଵସାଗରତାରିଣୀ ସିଦ୍ଧିଦାତ୍ରୀ ନମୋଽସ୍ତୁ ତେ ॥

ଧର୍ମାର୍ଥକାମପ୍ରଦାୟିନୀ ମହାମୋହଵିନାଶିନୀ ।

ମୋକ୍ଷଦାୟିନୀ ସିଦ୍ଧିଦାତ୍ରୀ ଋଦ୍ଧିଦାତ୍ରୀ ନମୋଽସ୍ତୁ ତେ ॥

କଵଚମ୍ -

ଓଙ୍କାରଃ ପାତୁ ଶୀର୍ଷେ ମାଂ, ଐଂ ବୀଜଂ ମାଂ ହୃଦୟେ ।

ହ୍ରୀଂ ବୀଜଂ ସଦା ପାତୁ ନଭୋ ଗୃହୋ ଚ ପାଦୟୋଃ ॥

ଲଲାଟକର୍ଣୌ ଶ୍ରୀଂ ବୀଜଂ ପାତୁ କ୍ଲୀଂ ବୀଜଂ ମାଂ ନେତ୍ରଘ୍ରାଣୌ ।

କପୋଲଚିବୁକୌ ହସୌଃ ପାତୁ ଜଗତ୍ପ୍ରସୂତ୍ୟୈ ମାଂ ସର୍ଵଵଦନେ ॥