ମନ୍ତ୍ରସିଦ୍ଧିପ୍ରଦମହାଦୁର୍ଗାଶତନାମସ୍ତୋତ୍ରମ୍
🟣ମନ୍ତ୍ରସିଦ୍ଧିପ୍ରଦମହାଦୁର୍ଗାଶତନାମସ୍ତୋତ୍ରମ୍ 🟣
➖➖➖➖➖➖➖➖➖➖➖➖
ଓଁ ଦୁର୍ଗା ଭଵାନୀ ଦେଵେଶୀ ଵିଶ୍ଵନାଥପ୍ରିୟା ଶିଵା ।
ଘୋରଦଂଷ୍ଟ୍ରାକରାଲାସ୍ୟା ମୁଣ୍ଡମାଲାଵିଭୂଷିତା ॥ ୧॥
ରୁଦ୍ରାଣୀ ତାରିଣୀ ତାରା ମାହେଶୀ ଭଵଵଲ୍ଲଭା ।
ନାରାୟଣୀ ଜଗଦ୍ଧାତ୍ରୀ ମହାଦେଵପ୍ରିୟା ଜୟା ॥ ୨॥
ଵିଜୟା ଚ ଜୟାରାଧ୍ୟା ଶର୍ଵାଣୀ ହରଵଲ୍ଲଭା ।
ଅସିତା ଚାଣିମାଦେଵୀ ଲଘିମା ଗରିମା ତଥା ॥ ୩॥
ମହେଶଶକ୍ତିର୍ଵିଶ୍ଵେଶୀ ଗୌରୀ ପର୍ଵତନନ୍ଦିନୀ ।
ନିତ୍ୟା ଚ ନିଷ୍କଲଙ୍କା ଚ ନିରୀହା ନିତ୍ୟନୂତନା ॥ ୪॥
ରକ୍ତା ରକ୍ତମୁଖୀ ଵାଣୀ ଵସ୍ତୁୟୁକ୍ତାସମପ୍ରଭା ।
ୟଶୋଦା ରାଧିକା ଚଣ୍ଡୀ ଦ୍ରୌପଦୀ ରୁକ୍ମିଣୀ ତଥା ॥ ୫॥
ଗୁହପ୍ରିୟା ଗୁହରତା ଗୁହଵଂଶଵିଲାସିନୀ ।
ଗଣେଶଜନନୀ ମାତା ଵିଶ୍ଵରୂପା ଚ ଜାହ୍ନଵୀ ॥ ୬॥
ଗଙ୍ଗା କାଲୀ ଚ କାଶୀ ଚ ଭୈରଵୀ ଭୁଵନେଶ୍ଵରୀ ।
ନିର୍ମଲା ଚ ସୁଗନ୍ଧା ଚ ଦେଵକୀ ଦେଵପୂଜିତା ॥ ୭॥
ଦକ୍ଷଜା ଦକ୍ଷିଣା ଦକ୍ଷା ଦକ୍ଷୟଜ୍ଞଵିନାଶିନୀ ।
ସୁଶୀଲା ସୁନ୍ଦରୀ ସୌମ୍ୟା ମାତଙ୍ଗୀ କମଲାତ୍ମିକା ॥ ୮॥
ନିଶୁମ୍ଭନାଶିନୀ ଶୁମ୍ଭନାଶିନୀ ଚଣ୍ଡନାଶିନୀ ।
ଧୂମ୍ରଲୋଚନସଂହାରୀ ମହିଷାସୁରମର୍ଦିନୀ ॥ ୯॥
ଉମା ଗୌରୀ କରାଲା ଚ କାମିନୀ ଵିଶ୍ଵମୋହିନୀ ।
ଜଗଦୀଶପ୍ରିୟା ଜନ୍ମନାଶିନୀ ଭଵନାଶିନୀ ॥ ୧୦॥
ଘୋରଵକ୍ତ୍ରା ଲଲଜ୍ଜିହ୍ଵା ଅଟ୍ଟହାସା ଦିଗମ୍ବରା ।
ଭାରତୀ ସ୍ଵରଗତା ଦେଵୀ ଭୋଗଦା ମୋକ୍ଷଦାୟିନୀ ॥ ୧୧॥
ଇତ୍ୟେଵଂ ଶତନାମାନି କଥିତାନି ଵରାନନେ ।
ନାମସ୍ମରଣମାତ୍ରେଣ ଜୀଵନ୍ମୁକ୍ତୋ ନ ସଂଶୟଃ ।
ପଠିତ୍ଵା ଶତନାମାନି ମନ୍ତ୍ରସିଦ୍ଧିଂ ଲଭେତ୍ ଧୃଵମ୍ ॥ ୧୨॥
ଇତି ମନ୍ତ୍ରସିଦ୍ଧିପ୍ରଦମହାଦୁର୍ଗାଶତନାମସ୍ତୋତ୍ରଂ ସମ୍ପୂର୍ଣମ୍ ।
ମୁଣ୍ଡମାଲାତନ୍ତ୍ରାନ୍ତର୍ଗତମ୍ ଚତୁର୍ଥେ ପଟଲେ ଶ୍ଲୋକାଃ ୧୦-୨୪
Comments
Post a Comment