ଭଗଵତୀପଦ୍ୟପୁଷ୍ପାଂଜଲିସ୍ତୋତ୍ରଂ ଅଥଵା ମହିଷାସୁରମର୍ଦିନିସ୍ତୋତ୍ରମ୍ ॥
🔴॥ ଭଗଵତୀପଦ୍ୟପୁଷ୍ପାଂଜଲିସ୍ତୋତ୍ରଂ ଅଥଵା ମହିଷାସୁରମର୍ଦିନିସ୍ତୋତ୍ରମ୍ ॥🔴
ଶ୍ରୀ ଭଗଵତ୍ୟୈ ନମଃ ॥
ଭଗଵତି ଭଗଵତ୍ପଦପଙ୍କଜଂ ଭ୍ରମରଭୂତସୁରାସୁରସେଵିତମ୍ ।
ସୁଜନମାନସହଂସପରିସ୍ତୁତଂ କମଲୟାଽମଲୟା ନିଭୃତଂ ଭଜେ ॥ ୧॥
ତେ ଉଭେ ଅଭିଵନ୍ଦେଽହଂ ଵିଘ୍ନେଶକୁଲଦୈଵତେ ।
ନରନାଗାନନସ୍ତ୍ଵେକୋ ନରସିଂହ ନମୋଽସ୍ତୁତେ ॥ ୨॥
ହରିଗୁରୁପଦପଦ୍ମଂ ଶୁଦ୍ଧପଦ୍ମେଽନୁରାଗାଦ୍-
ଵିଗତପରମଭାଗେ ସନ୍ନିଧାୟାଦରେଣ ।
ତଦନୁଚରି କରୋମି ପ୍ରୀତୟେ ଭକ୍ତିଭାଜାଂ
ଭଗଵତି ପଦପଦ୍ମେ ପଦ୍ୟପୁଷ୍ପାଞ୍ଜଲିଂ ତେ ॥ ୩॥
କେନୈତେ ରଚିତାଃ କୁତୋ ନ ନିହିତାଃ ଶୁମ୍ଭାଦୟୋ ଦୁର୍ମଦାଃ
କେନୈତେ ତଵ ପାଲିତା ଇତି ହି ତତ୍ ପ୍ରଶ୍ନେ କିମାଚକ୍ଷ୍ମହେ ।
ବ୍ରହ୍ମାଦ୍ୟା ଅପି ଶଂକିତାଃ ସ୍ଵଵିଷୟେ ୟସ୍ୟାଃ ପ୍ରସାଦାଵଧି
ପ୍ରୀତା ସା ମହିଷାସୁରପ୍ରମଥିନୀ ଚ୍ଛିନ୍ଦ୍ୟାଦଵଦ୍ୟାନି ମେ ॥ ୪॥
ପାତୁ ଶ୍ରୀସ୍ତୁ ଚତୁର୍ଭୁଜା କିମୁ ଚତୁର୍ବାହୋର୍ମହୌଜାନ୍ଭୁଜାନ୍
ଧତ୍ତେଽଷ୍ଟାଦଶଧା ହି କାରଣଗୁଣାଃ କାର୍ୟେ ଗୁଣାରମ୍ଭକାଃ ।
ସତ୍ୟଂ ଦିକ୍ପତିଦନ୍ତିସଂଖ୍ୟଭୁଜଭୃଚ୍ଛମ୍ଭୁଃ ସ୍ଵୟ୍ମ୍ଭୂଃ ସ୍ଵୟଂ
ଧାମୈକପ୍ରତିପତ୍ତୟେ କିମଥଵା ପାତୁଂ ଦଶାଷ୍ଟୌ ଦିଶଃ ॥ ୫॥
ପ୍ରୀତ୍ୟାଽଷ୍ଟାଦଶସଂମିତେଷୁ ୟୁଗପଦ୍ଦ୍ଵୀପେଷୁ ଦାତୁଂ ଵରାନ୍
ତ୍ରାତୁଂ ଵା ଭୟତୋ ବିଭର୍ଷି ଭଗଵତ୍ୟଷ୍ଟାଦଶୈତାନ୍ ଭୁଜାନ୍ ।
ୟଦ୍ଵାଽଷ୍ଟାଦଶଧା ଭୁଜାଂସ୍ତୁ ବିଭୃତଃ କାଲୀ ସରସ୍ଵତ୍ୟୁଭେ
ମୀଲିତ୍ଵୈକମିହାନୟୋଃ ପ୍ରଥୟିତୁଂ ସା ତ୍ଵଂ ରମେ ରକ୍ଷ ମାମ୍ ॥ ୬॥
ଛନ୍ଦଃ ॥
ଅୟି ଗିରିନଂଦିନି ନଂଦିତମେଦିନି ଵିଶ୍ଵଵିନୋଦିନି ନଂଦନୁତେ
ଗିରିଵରଵିଂଧ୍ୟଶିରୋଧିନିଵାସିନି ଵିଷ୍ଣୁଵିଲାସିନି ଜିଷ୍ଣୁନୁତେ ।
ଭଗଵତି ହେ ଶିତିକଣ୍ଠକୁଟୁଂବିନି ଭୂରିକୁଟୁଂବିନି ଭୂରିକୃତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧॥ ॥ ୭॥
ସୁରଵରଵର୍ଷିଣି ଦୁର୍ଧରଧର୍ଷିଣି ଦୁର୍ମୁଖମର୍ଷିଣି ହର୍ଷରତେ
ତ୍ରିଭୁଵନପୋଷିଣି ଶଂକରତୋଷିଣି କିଲ୍ବିଷମୋଷିଣି ଘୋଷରତେ ।
ଦନୁଜନିରୋଷିଣି ଦିତିସୁତରୋଷିଣି ଦୁର୍ମଦଶୋଷିଣି ସିନ୍ଧୁସୁତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୨॥ ॥ ୮॥
ଅୟି ଜଗଦଂବ ମଦଂବ କଦଂବଵନପ୍ରିୟଵାସିନି ହାସରତେ
ଶିଖରିଶିରୋମଣିତୁଙ୍ଗହିମାଲୟଶୃଂଗନିଜାଲୟମଧ୍ୟଗତେ ।
ମଧୁମଧୁରେ ମଧୁକୈଟଭଗଂଜିନି କୈଟଭଭଂଜିନି ରାସରତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୩॥ ॥ ୯॥
ଅୟି ଶତଖଣ୍ଡଵିଖଣ୍ଡିତରୁଣ୍ଡଵିତୁଣ୍ଡିତଶୁଣ୍ଡଗଜାଧିପତେ
ରିପୁଗଜଗଣ୍ଡଵିଦାରଣଚଣ୍ଡପରାକ୍ରମଶୁଣ୍ଡ ମୃଗାଧିପତେ ।
ନିଜଭୁଜଦଣ୍ଡନିପାତିତଖଣ୍ଡନିପାତିତମଣ୍ଡଭଟାଧିପତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୪॥ ॥ ୧୦॥
ଅୟି ରଣଦୁର୍ମଦଶତ୍ରୁଵଧୋଦିତଦୁର୍ଧରନିର୍ଜରଶକ୍ତିଭୃତେ
ଚତୁରଵିଚାରଧୁରୀଣମହାଶିଵଦୂତକୃତପ୍ରମଥାଧିପତେ ।
ଦୁରିତଦୁରୀହଦୁରାଶୟଦୁର୍ମତିଦାନଵଦୂତକୃତାଂତମତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୫॥ ॥ ୧୧॥
ଅୟି ଶରଣାଗତଵୈରିଵଧୂଵରଵୀରଵରାଭୟଦାୟକରେ
ତ୍ରିଭୁଵନମସ୍ତକଶୂଲଵିରୋଧିଶିରୋଧିକୃତାମଲଶୂଲକରେ ।
ଦୁମିଦୁମିତାମରଦୁଂଦୁଭିନାଦମହୋମୁଖରୀକୃତତିଗ୍ମକରେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୬॥ ॥ ୧୨॥
ଅୟି ନିଜହୁଁକୃତିମାତ୍ରନିରାକୃତଧୂମ୍ରଵିଲୋଚନଧୂମ୍ରଶତେ
ସମରଵିଶୋଷିତଶୋଣିତବୀଜସମୁଦ୍ଭଵଶୋଣିତବୀଜଲତେ ।
ଶିଵଶିଵ ଶୁଂଭନିଶୁଂଭମହାହଵତର୍ପିତଭୂତପିଶାଚରତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୭॥ ॥ ୧୩॥
ଧନୁରନୁସଂଗରଣକ୍ଷଣସଂଗପରିସ୍ଫୁରଦଂଗନଟତ୍କବକେ
କନକପିଶଂଗପୃଷତ୍କନିଷଂଗରସଦ୍ଭଟଶୃଂଗହତାଵଟୁକେ ।
କୃତଚତୁରଙ୍ଗବଲକ୍ଷିତିରଙ୍ଗଘଟଦ୍ବହୁରଙ୍ଗରଟଦ୍ବଟୁକେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୮॥॥ ୧୪॥
ସୁରଲଲନାତତଥେୟିତଥେୟିତଥାଭିନୟୋତ୍ତରନୃତ୍ୟରତେ
ହାସଵିଲାସହୁଲାସମୟି ପ୍ରଣତାର୍ତଜନେଽମିତପ୍ରେମଭରେ ।
ଧିମିକିଟଧିକ୍କଟଧିକଟଧିମିଧ୍ଵନିଘୋରମୃଦଂଗନିନାଦରତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୯॥ ॥ ୧୫॥
ଜୟ ଜୟ ଜପ୍ୟଜୟେ ଜୟଶବ୍ଦପରସ୍ତୁତିତତ୍ପରଵିଶ୍ଵନୁତେ
ଝଣଝଣଝିଞ୍ଜିମିଝିଂକୃତନୂପୁରସିଂଜିତମୋହିତଭୂତପତେ ।
ନଟିତନଟାର୍ଧନଟୀନଟନାୟକନାଟିତନାଟ୍ୟସୁଗାନରତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୦॥ ॥ ୧୬॥
ଅୟି ସୁମନଃସୁମନଃ ସୁମନଃ ସୁମନଃ ସୁମନୋହରକାଂତିୟୁତେ
ଶ୍ରିତରଜନୀରଜନୀରଜନୀରଜନୀରଜନୀକରଵକ୍ତ୍ରଵୃତେ ।
ସୁନୟନଵିଭ୍ରମରଭ୍ରମରଭ୍ରମରଭ୍ରମରଭ୍ରମରାଧିପତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୧॥ ॥ ୧୭॥
ସହିତମହାହଵମଲ୍ଲମତଲ୍ଲିକମଲ୍ଲିତରଲ୍ଲକମଲ୍ଲରତେ
ଵିରଚିତଵଲ୍ଲିକପଲ୍ଲିକମଲ୍ଲିକଝିଲ୍ଲିକଭିଲ୍ଲିକଵର୍ଗଵୃତେ ।
ସିତକୃତଫୁଲ୍ଲିସମୁଲ୍ଲସିତାରୁଣତଲ୍ଲଜପଲ୍ଲଵସଲ୍ଲଲିତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୨॥ ॥ ୧୮॥
ଅଵିରଲଗଣ୍ଡଗଲନ୍ମଦମେଦୁରମତ୍ତମତଙ୍ଗଜରାଜପତେ
ତ୍ରିଭୁଵନଭୂଷଣଭୂତକଲାନିଧିରୂପପୟୋନିଧିରାଜସୁତେ ।
ଅୟି ସୁଦତୀ ଜନଲାଲସମାନସମୋହନମନ୍ମଥରାଜସୁତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୩॥ ॥ ୧୯॥
କମଲଦଲାମଲକୋମଲକାଂତିକଲାକଲିତାମଲଭାଲଲତେ
ସକଲଵିଲାସକଲାନିଲୟକ୍ରମକେଲିଚଲତ୍କଲହଂସକୁଲେ ।
ଅଲିକୁଲସଙ୍କୁଲକୁଵଲୟମଣ୍ଡଲମୌଲିମିଲଦ୍ଭକୁଲାଲିକୁଲେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୪॥ ॥ ୨୦॥
କରମୁରଲୀରଵଵୀଜିତକୂଜିତଲଜ୍ଜିତକୋକିଲମଞ୍ଜୁମତେ
ମିଲିତପୁଲିନ୍ଦମନୋହରଗୁଞ୍ଜିତରଞ୍ଜିତଶୈଲନିକୁଞ୍ଜଗତେ ।
ନିଜଗୁଣଭୂତମହାଶବରୀଗଣସଦ୍ଗୁଣସଂଭୃତକେଲିତଲେ
variation ନିଜଗଣଭୂତମହାଶବରୀଗଣରଙ୍ଗଣସମ୍ଭୃତକେଲିରତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୫॥ ॥ ୨୧॥
କଟିତଟପୀତଦୁକୂଲଵିଚିତ୍ରମୟୂଖତିରସ୍କୃତଚଂଦ୍ରରୁଚେ
ପ୍ରଣତସୁରାସୁରମୌଲିମଣିସ୍ଫୁରଦଂଶୁଲସନ୍ନଖଚଂଦ୍ରରୁଚେ ।
ଜିତକନକାଚଲମୌଲିପଦୋର୍ଜିତନିର୍ଝରକୁଂଜରକୁଂଭକୁଚେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୬॥ ॥ ୨୨॥
ଵିଜିତସହସ୍ରକରୈକସହସ୍ରକରୈକସହସ୍ରକରୈକନୁତେ
କୃତସୁରତାରକସଙ୍ଗରତାରକସଙ୍ଗରତାରକସୂନୁସୁତେ ।
ସୁରଥସମାଧିସମାନସମାଧିସମାଧିସମାଧିସୁଜାତରତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୭॥ ॥ ୨୩॥
ପଦକମଲଂ କରୁଣାନିଲୟେ ଵରିଵସ୍ୟତି ୟୋଽନୁଦିନଂ ସ ଶିଵେ
ଅୟି କମଲେ କମଲାନିଲୟେ କମଲାନିଲୟଃ ସ କଥଂ ନ ଭଵେତ୍ ।
ତଵ ପଦମେଵ ପରଂପଦମେଵମନୁଶୀଲୟତୋ ମମ କିଂ ନ ଶିଵେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୮॥ ॥ ୨୪॥
କନକଲସତ୍କଲସିନ୍ଧୁଜଲୈରନୁସିଞ୍ଚିନୁତେ ଗୁଣ ରଙ୍ଗଭୁଵଂ
ଭଜତି ସ କିଂ ନ ଶଚୀକୁଚକୁଂଭତଟୀପରିରଂଭସୁଖାନୁଭଵମ୍ ।
ତଵ ଚରଣଂ ଶରଣଂ କରଵାଣି ନତାମରଵାଣିନିଵାସି ଶିଵଂ
variation ମୃଡାନି ସଦା ମୟି ଦେହି ଶିଵଂ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୧୯॥ ॥ ୨୫॥
ତଵ ଵିମଲେନ୍ଦୁକୁଲଂ ଵଦନେନ୍ଦୁମଲଂ ସକଲଂ ନନୁ କୂଲୟତେ
କିମୁ ପୁରୁହୂତପୁରୀନ୍ଦୁମୁଖୀସୁମୁଖୀଭିରସୌ ଵିମୁଖୀକ୍ରିୟତେ ।
ମମ ତୁ ମତଂ ଶିଵନାମଧନେ ଭଵତୀ କୃପୟା କିମୁତ କ୍ରିୟତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୨୦॥ ॥ ୨୬॥
ଅୟି ମୟି ଦୀନଦୟାଲୁତୟା କୃପୟୈଵ ତ୍ଵୟା ଭଵିତଵ୍ୟମୁମେ
ଅୟି ଜଗତୋ ଜନନୀ କୃପୟାସି ୟଥାସି ତଥାଽନୁମିତାସି ରତେ ।
ୟଦୁଚିତମତ୍ର ଭଵତ୍ୟୁରରୀକୁରୁତାଦୁରୁତାପମପାକୁରୁତେ
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ ॥ ୨୧॥ ॥ ୨୭॥
ସ୍ତୁତିମିତସ୍ତିମିତଃ ସୁସମାଧିନା ନିୟମତୋଽୟମତୋଽନୁଦିନଂ ପଠେତ୍ ।
ପରମୟା ରମୟାପି ନିଷେଵ୍ୟତେ ପରିଜନୋଽରିଜନୋଽପି ଚ ତଂ ଭଜେତ୍ ॥ ୨୮॥
ରମୟତି କିଲ କର୍ଷସ୍ତେଷୁ ଚିତ୍ତଂ ନରାଣାମଵରଜଵରୟସ୍ମାଦ୍ରାମକୃଷ୍ଣଃ କଵୀନାମ୍ ।
ଅକୃତ ସୁକୃତିଗମ୍ୟଂ ରମ୍ୟପଦ୍ୟୈକହର୍ମ୍ୟଂ ସ୍ତଵନମଵନହେତୁଂ ପ୍ରୀତୟେ ଵିଶ୍ଵମାତୁଃ ॥ ୨୯॥
ଇନ୍ଦୁରମ୍ୟୋ ମୁହୁର୍ବିନ୍ଦୁରମ୍ୟୋ ମୁହୁର୍ବିନ୍ଦୁରମ୍ୟୋ ୟତଃ ସାଽନଵଦ୍ୟଂ ସ୍ମୃତଃ ।
ଶ୍ରୀପତେଃ ସୂନୂନା କାରିତୋ ୟୋଽଧୁନା ଵିଶ୍ଵମାତୁଃ ପଦେ ପଦ୍ୟପୁଷ୍ପାଞ୍ଜଲିଃ ॥ ୩୦॥
ଇତି ଶ୍ରୀଭଗଵତୀପଦ୍ୟପୁଷ୍ପାଞ୍ଜଲିସ୍ତୋତ୍ରମ୍ ସମ୍ପୂର୍ଣମ୍॥
Comments
Post a Comment