ଶ୍ରୀଦୁର୍ଗାସପ୍ତଶ୍ଲୋକୀ
🌹 ॥ ଶ୍ରୀଦୁର୍ଗାସପ୍ତଶ୍ଲୋକୀ ॥ 🌹
➖➖➖➖➖➖➖➖➖➖➖
💥 ଅଥ ସପ୍ତଶ୍ଲୋକୀ ଦୁର୍ଗା 💥
ଶିଵ ଉଵାଚ
ଦେଵି ତ୍ଵଂ ଭକ୍ତସୁଲଭେ ସର୍ଵକାର୍ୟଵିଧାୟିନୀ ।
କଲୌ ହି କାର୍ୟସିଦ୍ଧ୍ୟର୍ଥମୁପାୟଂ ବ୍ରୂହି ୟତ୍ନତଃ ॥
ଦେଵ୍ୟୁଵାଚ
ଶୃଣୁ ଦେଵ ପ୍ରଵକ୍ଷ୍ୟାମି କଲୌ ସର୍ଵେଷ୍ଟସାଧନମ୍ ।
ମୟା ତଵୈଵ ସ୍ନେହେନାପ୍ୟମ୍ବାସ୍ତୁତିଃ ପ୍ରକାଶ୍ୟତେ ॥
ଓଂ ଅସ୍ୟ ଶ୍ରୀଦୁର୍ଗାସପ୍ତଶ୍ଲୋକୀସ୍ତୋତ୍ରମହାମନ୍ତ୍ରସ୍ୟ ନାରାୟଣ ଋଷିଃ । ଅନୁଷ୍ଟୁଭାଦୀନି ଛନ୍ଦାଂସି । ଶ୍ରୀମହାକାଲୀମହାଲକ୍ଷ୍ମୀମହାସରସ୍ଵତ୍ୟୋ ଦେଵତାଃ । ଶ୍ରୀଦୂର୍ଗାପ୍ରୀତ୍ୟର୍ଥଂ ସପ୍ତଶ୍ଲୋକୀ ଦୁର୍ଗାପାଠେ ଵିନିୟୋଗଃ ॥
ଜ୍ଞାନିନାମପି ଚେତାଂସି ଦେଵୀ ଭଗଵତୀ ହି ସା ।
ବଲାଦାକୃଷ୍ୟ ମୋହାୟ ମହାମାୟା ପ୍ରୟଚ୍ଛତି ॥ ୧॥
ଦୁର୍ଗେ ସ୍ମୃତା ହରସି ଭୀତିମଶେଷଜନ୍ତୋଃ
ସ୍ଵସ୍ଥୈଃ ସ୍ମୃତା ମତିମତୀଵ ଶୁଭାଂ ଦଦାସି ।
ଦାରିଦ୍ର୍ୟଦୁଃଖଭୟହାରିଣି କା ତ୍ଵଦନ୍ୟା
ସର୍ଵୋପକାରକରଣାୟ ସଦାଽଽର୍ଦ୍ରଚିତ୍ତା ॥ ୨॥
ସର୍ଵମଙ୍ଗଲମାଙ୍ଗଲ୍ୟେ ଶିଵେ ସର୍ଵାର୍ଥସାଧିକେ ।
ଶରଣ୍ୟେ ତ୍ର୍ୟମ୍ବକେ ଗୌରି ନାରାୟଣି ନମୋଽସ୍ତୁ ତେ ॥ ୩॥
ଶରଣାଗତଦୀନାର୍ତପରିତ୍ରାଣପରାୟଣେ ।
ସର୍ଵସ୍ୟାର୍ତିହରେ ଦେଵି ନାରାୟଣି ନମୋଽସ୍ତୁ ତେ ॥ ୪॥
ସର୍ଵସ୍ଵରୂପେ ସର୍ଵେଶେ ସର୍ଵଶକ୍ତିସମନ୍ଵିତେ ।
ଭୟେଭ୍ୟସ୍ତ୍ରାହି ନୋ ଦେଵି ଦୁର୍ଗେ ଦେଵି ନମୋଽସ୍ତୁ ତେ ॥ ୫॥
ରୋଗାନଶେଷାନପହଂସି ତୁଷ୍ଟା ରୁଷ୍ଟା ତୁ କାମାନ୍ ସକଲାନଭୀଷ୍ଟାନ୍ ।
ତ୍ଵାମାଶ୍ରିତାନାଂ ନ ଵିପନ୍ନରାଣାଂ ତ୍ଵାମାଶ୍ରିତା ହ୍ୟାଶ୍ରୟତାଂ ପ୍ରୟାନ୍ତି ॥ ୬॥
ସର୍ଵାବାଧାପ୍ରଶମନଂ ତ୍ରୈଲୋକ୍ୟସ୍ୟାଖିଲେଶ୍ଵରି ।
ଏଵମେଵ ତ୍ଵୟା କାର୍ୟମସ୍ମଦ୍ଵୈରି ଵିନାଶନମ୍ ॥ ୭॥
॥ ଇତି ଦୁର୍ଗାସପ୍ତଶ୍ଲୋକୀ ସମ୍ପୂର୍ଣା ॥
🙏🏿🙏🏿🙏🏿🙏🏿🙏🏿🙏🏿🙏🏿🙏🏿🙏🏿🙏🏿🙏🏿
Comments
Post a Comment