ଶ୍ରୀଦେଵୀ ଖଡ୍ଗମାଲାସ୍ତୋତ୍ରରତ୍ନମ୍

 🔴॥ ଶ୍ରୀଦେଵୀ ଖଡ୍ଗମାଲାସ୍ତୋତ୍ରରତ୍ନମ୍ ॥🔴

   [ ମୂଳଗ୍ରନ୍ଥ  -   ଶ୍ରୀ ବାମକେଶ୍ବର ସଂହିତା ]

                 ପ୍ରାର୍ଥନା

ହ୍ରୀଙ୍କାରାନନଗର୍ଭିତାନଲଶିଖାଂ ସୌଃ କ୍ଲୀଙ୍କଲାଂ ବିଭ୍ରତୀଂ

ସୌଵର୍ଣାମ୍ବରଧାରିଣୀଂ ଵରସୁଧାଧୌତାଂ ତ୍ରିନେତ୍ରୋଜ୍ଜ୍ଵଲାମ୍ ।

ଵନ୍ଦେ ପୁସ୍ତକପାଶମଙ୍କୁଶଧରାଂ ସ୍ରଗ୍ଭୂଷିତାମୁଜ୍ଜ୍ଵଲାଂ

ତ୍ଵାଂ ଗୌରୀଂ ତ୍ରିପୁରାଂ ପରାତ୍ପରକଲାଂ ଶ୍ରୀଚକ୍ରସଞ୍ଚାରିଣୀମ୍ ॥

ଅସ୍ୟ ଶ୍ରୀଶୁଦ୍ଧଶକ୍ତିମାଲାମହାମନ୍ତ୍ରସ୍ୟ, ଉପସ୍ଥେନ୍ଦ୍ରିୟାଧିଷ୍ଠାୟୀ

ଵରୁଣାଦିତ୍ୟ ଋଷିଃ ଦେଵୀ ଗାୟତ୍ରୀ ଛନ୍ଦଃ ସାତ୍ଵିକ

କକାରଭଟ୍ଟାରକପୀଠସ୍ଥିତ କାମେଶ୍ଵରାଙ୍କନିଲୟା ମହାକାମେଶ୍ଵରୀ ଶ୍ରୀ

ଲଲିତା ଭଟ୍ଟାରିକା ଦେଵତା, ଐଂ ବୀଜଂ କ୍ଲୀଂ ଶକ୍ତିଃ, ସୌଃ କୀଲକଂ ମମ

ଖଡ୍ଗସିଦ୍ଧ୍ୟର୍ଥେ ସର୍ଵାଭୀଷ୍ଟସିଦ୍ଧ୍ୟର୍ଥେ ଜପେ ଵିନିୟୋଗଃ, ମୂଲମନ୍ତ୍ରେଣ

ଷଡଙ୍ଗନ୍ୟାସଂ କୁର୍ୟାତ୍ ॥

             ଧ୍ୟାନମ୍

ତାଦୃଶଂ ଖଡ୍ଗମାପ୍ନୋତି ୟେନ ହସ୍ତସ୍ଥିତେନଵୈ

ଅଷ୍ଟାଦଶମହାଦ୍ଵୀପସମ୍ରାଡ୍ଭୋକ୍ତାଭଵିଷ୍ୟତି

ଆରକ୍ତାଭାଂତ୍ରିନେତ୍ରାମରୁଣିମଵସନାଂ ରତ୍ନତାଟଙ୍କରମ୍ୟାଂ

ହସ୍ତାମ୍ଭୋଜୈସ୍ସପାଶାଙ୍କୁଶମଦନଧନୁସ୍ସାୟକୈର୍ଵିସ୍ଫୁରନ୍ତୀମ୍ ।

ଆପୀନୋତ୍ତୁଙ୍ଗଵକ୍ଷୋ ରୁହକଲଶଲୁଠତ୍ତାରହାରୋଜ୍ଜ୍ଵଲାଙ୍ଗୀଂ

ଧ୍ୟାୟେଦମ୍ଭୋରୁହସ୍ଥାମରୁଣିମଵସନାମୀଶ୍ଵରୀମୀଶ୍ଵରାଣାମ୍ ॥

ଲମିତ୍ୟାଦିପଞ୍ଚ ପୂଜାଂ କୁର୍ୟାତ୍, ୟଥାଶକ୍ତି ମୂଲମନ୍ତ୍ରଂ ଜପେତ୍ ।

ଲଂ - ପୃଥିଵୀତତ୍ତ୍ଵାତ୍ମିକାୟୈ ଶ୍ରୀଲଲିତାତ୍ରିପୁରସୁନ୍ଦରୀ ପରାଭଟ୍ଟାରିକାୟୈ

          ଗନ୍ଧଂ ପରିକଲ୍ପୟାମି - ନମଃ

ହଂ - ଆକାଶତତ୍ତ୍ଵାତ୍ମିକାୟୈ ଶ୍ରୀଲଲିତାତ୍ରିପୁରସୁନ୍ଦରୀ ପରାଭଟ୍ଟାରିକାୟୈ ପୁଷ୍ପଂ

          ପରିକଲ୍ପୟାମି - ନମଃ

ୟଂ - ଵାୟୁତତ୍ତ୍ଵାତ୍ମିକାୟୈ ଶ୍ରୀଲଲିତାତ୍ରିପୁରସୁନ୍ଦରୀ ପରାଭଟ୍ଟାରିକାୟୈ ଧୂପଂ

          ପରିକଲ୍ପୟାମି - ନମଃ

ରଂ - ତେଜସ୍ତତ୍ତ୍ଵାତ୍ମିକାୟୈ ଶ୍ରୀଲଲିତାତ୍ରିପୁରସୁନ୍ଦରୀ ପରାଭଟ୍ଟାରିକାୟୈ ଦୀପଂ

          ପରିକଲ୍ପୟାମି - ନମଃ

ଵଂ - ଅମୃତତତ୍ତ୍ଵାତ୍ମିକାୟୈ ଶ୍ରୀଲଲିତାତ୍ରିପୁରସୁନ୍ଦରୀ ପରାଭଟ୍ଟାରିକାୟୈ

          ଅମୃତନୈଵେଦ୍ୟଂ ପରିକଲ୍ପୟାମି - ନମଃ

ସଂ - ସର୍ଵତତ୍ତ୍ଵାତ୍ମିକାୟୈ ଶ୍ରୀଲଲିତାତ୍ରିପୁରସୁନ୍ଦରୀ ପରାଭଟ୍ଟାରିକାୟୈ

          ତାମ୍ବୂଲାଦିସର୍ଵୋପଚାରାନ୍ ପରିକଲ୍ପୟାମି - ନମଃ

ଶ୍ରୀଦେଵୀ ସମ୍ବୋଧନଂ - ୧

ଓଂ ଐଂ ହ୍ରୀଂ ଶ୍ରୀଂ ଐଂ କ୍ଲୀଂ ସୌଃ ଓଂ ନମସ୍ତ୍ରିପୁରସୁନ୍ଦରି,

ନ୍ୟାସାଙ୍ଗଦେଵତାଃ -୬

ହୃଦୟଦେଵି, ଶିରୋଦେଵି, ଶିଖାଦେଵି, କଵଚଦେଵି, ନେତ୍ରଦେଵି,

ଅସ୍ତ୍ରଦେଵି, 

ତିଥିନିତ୍ୟାଦେଵତାଃ -୧୬

କାମେଶ୍ଵରି, ଭଗମାଲିନି, ନିତ୍ୟକ୍ଲିନ୍ନେ, ଭେରୁଣ୍ଡେ, ଵହ୍ନିଵାସିନି,

ମହାଵଜ୍ରେଶ୍ଵରି, ଶିଵଦୂତି, ତ୍ଵରିତେ, କୁଲସୁନ୍ଦରି, ନିତ୍ୟେ,

ନୀଲପତାକେ, ଵିଜୟେ, ସର୍ଵମଙ୍ଗଲେ, ଜ୍ଵାଲାମାଲିନି, ଚିତ୍ରେ,

ମହାନିତ୍ୟେ,

ଦିଵ୍ୟୌଘଗୁରଵଃ -୭

ପରମେଶ୍ଵରପରମେଶ୍ଵରି, ମିତ୍ରେଶମୟି, ଷଷ୍ଠୀଶମୟି, ଉଡ୍ଡୀଶମୟି, 

ଚର୍ୟାନାଥମୟି, ଲୋପାମୁଦ୍ରାମୟି, ଅଗସ୍ତ୍ୟମୟି,

ସିଦ୍ଧୌଘଗୁରଵଃ -୪

କାଲତାପଶମୟି, ଧର୍ମାଚାର୍ୟମୟି, ମୁକ୍ତକେଶୀଶ୍ଵରମୟି, ଦୀପକଲାନାଥମୟି,

ମାନଵୌଘଗୁରଵଃ -୮

ଵିଷ୍ଣୁଦେଵମୟି, ପ୍ରଭାକରଦେଵମୟି, ତେଜୋଦେଵମୟି, ମନୋଜଦେଵମୟି,

କଲ୍ୟାଣଦେଵମୟି, ଵାସୁଦେଵମୟି, ରତ୍ନଦେଵମୟି, ଶ୍ରୀରାମାନନ୍ଦମୟି,

ଶ୍ରୀଚକ୍ର ପ୍ରଥମାଵରଣଦେଵତାଃ -୩୨

ଅଣିମାସିଦ୍ଧେ, ଲଘିମାସିଦ୍ଧେ, ଗରିମାସିଦ୍ଧେ, ମହିମାସିଦ୍ଧେ,

ଈଶିତ୍ଵସିଦ୍ଧେ, ଵଶିତ୍ଵସିଦ୍ଧେ, ପ୍ରାକାମ୍ୟସିଦ୍ଧେ, ଭୁକ୍ତିସିଦ୍ଧେ,

ଇଚ୍ଛାସିଦ୍ଧେ, ପ୍ରାପ୍ତିସିଦ୍ଧେ, ସର୍ଵକାମସିଦ୍ଧେ, ବ୍ରାହ୍ମି,

ମାହେଶ୍ଵରି, କୌମାରି, ଵୈଷ୍ଣଵି, ଵାରାହି, ମାହେନ୍ଦ୍ରି, ଚାମୁଣ୍ଡେ,

ମହାଲକ୍ଷ୍ମି, ସର୍ଵସଙ୍କ୍ଷୋଭିଣି, ସର୍ଵଵିଦ୍ରାଵିଣି, ସର୍ଵାକର୍ଷିଣି,

ସର୍ଵଵଶଙ୍କରି, ସର୍ଵୋନ୍ମାଦିନି, ସର୍ଵମହାଙ୍କୁଶେ, ସର୍ଵଖେଚରି,

ସର୍ଵବୀଜେ, ସର୍ଵୟୋନେ, ସର୍ଵତ୍ରିଖଣ୍ଡେ, ତ୍ରୈଲୋକ୍ୟମୋହନ

ଚକ୍ରସ୍ଵାମିନି, ପ୍ରକଟୟୋଗିନି,

ଶ୍ରୀଚକ୍ର ଦ୍ଵିତୀୟାଵରଣଦେଵତାଃ -୧୮

କାମାକର୍ଷିଣି, ବୁଦ୍ଧ୍ୟାକର୍ଷିଣି, ଅହଂକାରାକର୍ଷିଣି, ଶବ୍ଦାକର୍ଷିଣି,

ସ୍ପର୍ଶାକର୍ଷିଣି, ରୂପାକର୍ଷିଣି, ରସାକର୍ଷିଣି, ଗନ୍ଧାକର୍ଷିଣି,

ଚିତ୍ତାକର୍ଷିଣି, ଧୈର୍ୟାକର୍ଷିଣି, ସ୍ମୃତ୍ୟାକର୍ଷିଣି, ନାମାକର୍ଷିଣି,

ବୀଜାକର୍ଷିଣି, ଆତ୍ମାକର୍ଷିଣି, ଅମୃତାକର୍ଷିଣି, ଶରୀରାକର୍ଷିଣି,

ସର୍ଵାଶାପରିପୂରକଚକ୍ରସ୍ଵାମିନି, ଗୁପ୍ତୟୋଗିନି,

ଶ୍ରୀଚକ୍ର ତୃତୀୟାଵରଣଦେଵତାଃ -୧୦

ଅନଙ୍ଗକୁସୁମେ, ଅନଙ୍ଗମେଖଲେ, ଅନଙ୍ଗମଦନେ, ଅନଙ୍ଗମଦନାତୁରେ,

ଅନଙ୍ଗରେଖେ, ଅନଙ୍ଗଵେଗିନି, ଅନଙ୍ଗାଙ୍କୁଶେ, ଅନଙ୍ଗମାଲିନି,

ସର୍ଵସଙ୍କ୍ଷୋଭଣଚକ୍ରସ୍ଵାମିନି, ଗୁପ୍ତତରୟୋଗିନି,

ଶ୍ରୀଚକ୍ର ଚତୁର୍ଥାଵରଣଦେଵତାଃ -୧୬

ସର୍ଵସଙ୍କ୍ଷୋଭିଣି, ସର୍ଵଵିଦ୍ରାଵିନି, ସର୍ଵାକର୍ଷିଣି,

ସର୍ଵହ୍ଲାଦିନି, ସର୍ଵସମ୍ମୋହିନି, ସର୍ଵସ୍ତମ୍ଭିନି, ସର୍ଵଜୃମ୍ଭିଣି,

ସର୍ଵଵଶଙ୍କରି, ସର୍ଵରଞ୍ଜନି, ସର୍ଵୋନ୍ମାଦିନି, ସର୍ଵାର୍ଥସାଧିକେ,

ସର୍ଵସମ୍ପତ୍ତିପୂରିଣି, ସର୍ଵମନ୍ତ୍ରମୟି, ସର୍ଵଦ୍ଵନ୍ଦ୍ଵକ୍ଷୟଙ୍କରି,

ସର୍ଵସୌଭାଗ୍ୟଦାୟକଚକ୍ରସ୍ଵାମିନି, ସମ୍ପ୍ରଦାୟୟୋଗିନି,

ଶ୍ରୀଚକ୍ର ପଞ୍ଚମାଵରଣଦେଵତାଃ -୧୨

ସର୍ଵସିଦ୍ଧିପ୍ରଦେ, ସର୍ଵସମ୍ପତ୍ପ୍ରଦେ, ସର୍ଵପ୍ରିୟଙ୍କରି,

ସର୍ଵମଙ୍ଗଲକାରିଣି, ସର୍ଵକାମପ୍ରଦେ, ସର୍ଵଦୁଃଖଵିମୋଚନି,

ସର୍ଵମୃତ୍ୟୁପ୍ରଶମନି, ସର୍ଵଵିଘ୍ନନିଵାରିଣି, ସର୍ଵାଙ୍ଗସୁନ୍ଦରି,

ସର୍ଵସୌଭାଗ୍ୟଦାୟିନି, ସର୍ଵାର୍ଥସାଧକଚକ୍ରସ୍ଵାମିନି,

କୁଲୋତ୍ତୀର୍ଣୟୋଗିନି,

ଶ୍ରୀଚକ୍ର ଷଷ୍ଠାଵରଣଦେଵତାଃ -୧୨

ସର୍ଵଜ୍ଞେ, ସର୍ଵଶକ୍ତେ, ସର୍ଵୈଶ୍ଵର୍ୟପ୍ରଦାୟିନି, ସର୍ଵଜ୍ଞାନମୟି,

ସର୍ଵଵ୍ୟାଧିଵିନାଶିନି, ସର୍ଵାଧାର ସ୍ଵରୂପେ, ସର୍ଵପାପହରେ,

ସର୍ଵରକ୍ଷାସ୍ଵରୂପିଣି, ସର୍ଵେପ୍ସିତଫଲପ୍ରଦେ, ସର୍ଵରକ୍ଷାକର

ଚକ୍ରସ୍ଵାମିନି, ନିଗର୍ଭୟୋଗିନି,

ଶ୍ରୀଚକ୍ର ସପ୍ତମାଵରଣଦେଵତାଃ -୧୦

ଵଶିନି, କାମେଶ୍ଵରି, ମୋଦିନି, ଵିମଲେ, ଅରୁଣେ, ଜୟିନି,

ସର୍ଵେଶ୍ଵରି, କୌଲିନି, ସର୍ଵରୋଗହରଚକ୍ରସ୍ଵାମିନି,

ରହସ୍ୟୟୋଗିନି,

ଶ୍ରୀଚକ୍ର ଅଷ୍ଟମାଵରଣଦେଵତାଃ -୯

ବାଣିନି, ଚାପିନି, ପାଶିନି, ଅଙ୍କୁଶିନି, ମହାକାମେଶ୍ଵରି,

ମହାଵଜ୍ରେଶ୍ଵରି, ମହାଭଗମାଲିନି, ସର୍ଵସିଦ୍ଧିପ୍ରଦଚକ୍ରସ୍ଵାମିନି,

ଅତିରହସ୍ୟୟୋଗିନି,

ଶ୍ରୀଚକ୍ର ନଵମାଵରଣଦେଵତାଃ -୩

ଶ୍ରୀ ଶ୍ରୀମହାଭଟ୍ଟାରିକେ, ସର୍ଵାନନ୍ଦମୟଚକ୍ରସ୍ଵାମିନି,

ପରାପରାତିରହସ୍ୟୟୋଗିନି,

ନଵଚକ୍ରେଶ୍ଵରୀ ନାମାନି -୯

ତ୍ରିପୁରେ, ତ୍ରିପୁରେଶି, ତ୍ରିପୁରସୁନ୍ଦରି, ତ୍ରିପୁରଵାସିନି,

ତ୍ରିପୁରାଶ୍ରୀଃ, ତ୍ରିପୁରମାଲିନି, ତ୍ରିପୁରାସିଦ୍ଧେ, ତ୍ରିପୁରାମ୍ବ,

ମହାତ୍ରିପୁରସୁନ୍ଦରି,

ଶ୍ରୀଦେଵୀ ଵିଶେଷଣାନି - ନମସ୍କାରନଵାକ୍ଷରୀଚ -୯

ମହାମହେଶ୍ଵରି, ମହାମହାରାଜ୍ଞି, ମହାମହାଶକ୍ତେ, ମହାମହାଗୁପ୍ତେ,

ମହାମହାଜ୍ଞପ୍ତେ, ମହାମହାନନ୍ଦେ, ମହାମହାସ୍କନ୍ଧେ, ମହାମହାଶୟେ,

ମହାମହା ଶ୍ରୀଚକ୍ରନଗରସାମ୍ରାଜ୍ଞି, ନମସ୍ତେ ନମସ୍ତେ ନମସ୍ତେ ନମଃ ।

ଫଲଶ୍ରୁତିଃ

ଏଷା ଵିଦ୍ୟା ମହାସିଦ୍ଧିଦାୟିନୀ ସ୍ମୃତିମାତ୍ରତଃ ।

ଅଗ୍ନିଵାତମହାକ୍ଷୋଭେ ରାଜାରାଷ୍ଟ୍ରସ୍ୟ ଵିପ୍ଲଵେ ॥

ଲୁଣ୍ଠନେ ତସ୍କରଭୟେ ସଙ୍ଗ୍ରାମେ ସଲିଲପ୍ଲଵେ ।

ସମୁଦ୍ରୟାନଵିକ୍ଷୋଭେ ଭୂତପ୍ରେତାଦିକେ ଭୟେ ॥

ଅପସ୍ମାରଜ୍ଵରଵ୍ୟାଧିମୃତ୍ୟୁକ୍ଷାମାଦିଜେ ଭୟେ ।

ଶାକିନୀ ପୂତନାୟକ୍ଷରକ୍ଷଃକୂଷ୍ମାଣ୍ଡଜେ ଭୟେ ॥

ମିତ୍ରଭେଦେ ଗ୍ରହଭୟେ ଵ୍ୟସନେଷ୍ଵାଭିଚାରିକେ ।

ଅନ୍ୟେଷ୍ଵପି ଚ ଦୋଷେଷୁ ମାଲାମନ୍ତ୍ରଂ ସ୍ମରେନ୍ନରଃ ॥

ସର୍ଵୋପଦ୍ରଵନିର୍ମୁକ୍ତସ୍ସାକ୍ଷାଚ୍ଛିଵମୟୋଭଵେତ୍ ।

ଆପତ୍କାଲେ ନିତ୍ୟପୂଜାଂ ଵିସ୍ତାରାତ୍କର୍ତୁମାରଭେତ୍ ॥

ଏକଵାରଂ ଜପଧ୍ୟାନଂ ସର୍ଵପୂଜାଫଲଂ ଲଭେତ୍ ।

ନଵାଵର୍ଣଦେଵୀନାଂ ଲଲିତାୟା ମହୌଜସଃ ॥

ଏକତ୍ର ଗଣନାରୂପୋ ଵେଦଵେଦାଙ୍ଗଗୋଚରଃ ।

ସର୍ଵାଗମରହସ୍ୟାର୍ଥଃ ସ୍ମରଣାତ୍ପାପନାଶିନୀ ॥

ଲଲିତାୟା ମହେଶାନ୍ୟା ମାଲା ଵିଦ୍ୟା ମହୀୟସି ।

ନରଵଶ୍ୟଂ ନରେନ୍ଦ୍ରାଣାଂ ଵଶ୍ୟଂ ନାରୀଵଶଙ୍କରମ୍ ॥

ଅଣିମାଦିଗୁଣୈଶ୍ଵର୍ୟଂ ରଞ୍ଜନଂ ପାପଭଞ୍ଜନମ୍ ।

ତତ୍ତଦାଵରଣସ୍ଥାୟି ଦେଵତାଵୃନ୍ଦମନ୍ତ୍ରକମ୍ ॥

ମାଲାମନ୍ତ୍ରଂ ପରଂ ଗୁହ୍ୟାଂ ପରଂ ଧାମପ୍ରକୀର୍ତିତମ୍ ।

ଶକ୍ତିମାଲା ପଞ୍ଚଧା ସ୍ୟାଚ୍ଛିଵମାଲା ଚ ତାଦୃଶୀ ॥

ତସ୍ମାଦ୍ଗୋପ୍ୟତରାଦ୍ଗୋପ୍ୟଂ ରହସ୍ୟଂ ଭୁକ୍ତିମୁକ୍ତିଦମ୍ ॥

ଇତି ଶ୍ରୀଵାମକେଶ୍ଵରତନ୍ତ୍ରେ ଉମାମହେଶ୍ଵରସଂଵାଦେ

ଦେଵୀଖଡ୍ଗମାଲାସ୍ତୋତ୍ରରତ୍ନଂ ସମାପ୍ତମ୍ ।