ନବଦୁର୍ଗା ସ୍ତୁତିଃ

 🔴ନବଦୁର୍ଗା ସ୍ତୁତିଃ 🔴

🟣୧. ଶୈଲପୁତ୍ରୀ (ମୂଲାଧାରଚକ୍ର)

ଧ୍ୟାନଂ 

ବନ୍ଦେ ବାଞ୍ଚ୍ଛିତଲାଭାୟ ଚନ୍ଦ୍ରାର୍ଧକୃତଶେଖରାମ୍ ।

ବୃଷାରୂଢାଂ ଶୂଲଧରାଂ ଶୈଲପୁତ୍ରୀଂ ଯଶସ୍ୱିନୀମ୍ ॥

ପୂର୍ଣେନ୍ଦୁନିଭାଙ୍ଗୌରୀଂ ମୂଲାଧାରସ୍ଥିତାଂ ପ୍ରଥମଦୁର୍ଗାଂ ତ୍ରିନେତ୍ରାମ୍ ।

ପଟାମ୍ବରପରିଧାନାଂ ରତ୍ନକିରୀଟାଂ ନାନାଲଙ୍କାରଭୂଷିତାମ୍ ॥

ପ୍ରଫୁଲ୍ଲବଦନାଂ ପଲ୍ଲବାଧରାଂ କାନ୍ତକପୋଲାଂ ତୁଙ୍ଗକୁଚାମ୍ ।

କମନୀୟାଂ ଲାବଣ୍ୟସ୍ନେହମୁଖୀଂ କ୍ଷୀଣମଧ୍ୟାଂ ନିତମ୍ବନୀମ୍ ॥

ସ୍ତୋତ୍ରମ୍ -

ପ୍ରଥମଦୁର୍ଗା ତ୍ୱଂ ହି ଭବସାଗରତାରିଣୀ ।

ଧନ ଐଶ୍ୱର୍ୟଦାୟିନୀ ଶୈଲପୁତ୍ରୀ ପ୍ରଣମାମ୍ୟହମ୍ ॥

ତ୍ରିଲୋକଜନନୀ ତ୍ୱଂ ହି ପରମାନନ୍ଦପ୍ରଦାୟିନୀ ।

ସୌଭାଗ୍ୟାରୋଗ୍ୟଦାୟନୀ ଶୈଲପୁତ୍ରୀ ପ୍ରଣମାମ୍ୟହମ୍ ॥

ଚରାଚରେଶ୍ୱରୀ ତ୍ୱଂ ହି ମହାମୋହବିନାଶିନୀ ।

ଭୁକ୍ତିମୁକ୍ତିଦାୟନୀ ଶୈଲପୁତ୍ରୀ ପ୍ରଣମାମ୍ୟହମ୍ ॥

କବଚମ୍ -

ଓଙ୍କାରଃ ମେ ଶିରଃ ପାତୁ ମୂଲାଧାରନିବାସିନୀ ।

ହ୍ରୀଙ୍କାରଃ ପାତୁ ଲଲାଟେ ବୀଜରୂପା ମହେଶ୍ୱରୀ ॥

ଶ୍ରୀକାରଃ ପାତୁ ବଦନେ ଲଜ୍ଜାରୂପା ମହେଶ୍ୱରୀ ।

ହୂଙ୍କାରଃ ପାତୁ ହୃଦୟେ ତାରିଣୀ ଶକ୍ତିଃ ସ୍ୱଧୃତା ॥

ଫଟ୍କାରଃ ପାତୁ ସର୍ୱାଙ୍ଗେ ସର୍ୱସିଦ୍ଧିଫଲପ୍ରଦା ।

🟣୨. ବ୍ରହ୍ମଚାରିଣୀ (ସ୍ୱାଧିଷ୍ଠାନଚକ୍ର)

ଦଧାନା  କରପଦ୍ମାଭ୍ୟାମକ୍ଷମାଲାକମଣ୍ଡଲୂ ।

ଦେବୀ ପ୍ରସୀଦତୁ ମୟି ବ୍ରହ୍ମଚାରିଣ୍ୟନୁତ୍ତମା ॥

ଧ୍ୟାନଂ -

ବନ୍ଦେ ବାଞ୍ଛିତଲାଭାୟ ଚନ୍ଦ୍ରାର୍ଧକୃତଶେଖରାମ୍ ।

ଜପମାଲାକମଣ୍ଡଲୁଧରାଂ ବ୍ରହ୍ମଚାରିଣୀଂ ଶୁଭାମ୍ ।

ଗୌରବର୍ଣାଂ ସ୍ୱାଧିଷ୍ଠାନସ୍ଥିତାଂ ଦ୍ୱିତୀୟଦୁର୍ଗାଂ ତ୍ରିନେତ୍ରାମ୍ ।

ଧବଲବର୍ଣାଂ ବ୍ରହ୍ମରୂପାଂ ପୁଷ୍ପାଲଙ୍କାରଭୂଷିତାମ୍ ।

ପଦ୍ମବଦନାଂ ପଲ୍ଲବାଧରାଂ କାନ୍ତଙ୍କପୋଲାଂ ପୀନପୟୋଧରାମ୍ ।

କମନୀୟାଂ ଲାବଣ୍ୟାଂ ସ୍ମେରମୁଖୀଂ ନିମ୍ନନାଭିଂ ନିତମ୍ବନୀମ୍ ॥

ସ୍ତୋତ୍ରଂ -

ତପଶ୍ଚାରିଣୀ ତ୍ୱଂ ହି ତାପତ୍ରୟନିବାରିଣୀ ।

ବ୍ରହ୍ମରୂପଧରାଂ ବ୍ରହ୍ମଚାରିଣୀଂ ପ୍ରଣମାମ୍ୟହମ୍ ॥

ନବଚକ୍ରଭେଦିନୀ ତ୍ୱଂ ହି ନବ ଐଶ୍ୱର୍ୟପ୍ରଦାୟିନୀ ।

ଧନଦାଂ ସୁଖଦାଂ ବ୍ରହ୍ମଚାରିଣୀଂ ପ୍ରଣମାମ୍ୟହମ୍ ॥

ଶଙ୍କରପ୍ରିୟା ତ୍ୱଂ ହି ଭୁକ୍ତି-ମୁକ୍ତିଦାୟିନୀ ।

ଶାନ୍ତିଦାଂ ମାନଦାଂ ବ୍ରହ୍ମଚାରିଣୀଂ ପ୍ରଣମାମ୍ୟହମ୍ ।

କବଚମ୍ -

ତ୍ରିପୁରା ମେ ହୃଦୟଂ ପାତୁ ଲଲାଟଂ ପାତୁ ଶଙ୍କରଭାମିନୀ

ଅର୍ପଣା ସଦା ପାତୁ ନେତ୍ରୌ ଅଧରୌ ଚ କପୋଲୌ ॥

ପଞ୍ଚଦଶୀ କଣ୍ଠଂ ପାତୁ ମଧ୍ୟଦେଶଂ ପାତୁ ମାହେଶ୍ୱରୀ

ଷୋଡଶୀ ସଦା ପାତୁ ନଭୋ ଗୃହୋ ଚ ପାଦୟୋ ।

ଅଙ୍ଗପ୍ରତ୍ୟଙ୍ଗଂ ସତତଂ ପାତୁ ବ୍ରହ୍ମଚାରିଣୀ ॥

🟣୩. ଚନ୍ଦ୍ରଘଣ୍ଟା -(ମଣିପୁରଚକ୍ର)

ପିଣ୍ଡଜପ୍ରବରାରୂଢା ଚନ୍ଦ୍ରକୋପାସ୍ତ୍ରକୈର୍ୟୁତା ।

ପ୍ରସାଦଂ ତନୁତାଂ ମହ୍ୟଂ ଚନ୍ଦ୍ରଘଣ୍ଟେତି ବିଶ୍ରୁତା ॥

ଧ୍ୟାନଂ -

ବନ୍ଦେ ବାଞ୍ଛିତଲାଭାୟ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାଂ ଦଶଭୁଜାଞ୍ଚନ୍ଦ୍ରଘଣ୍ଟାଂ ଯଶସ୍ୱନୀମ୍ ॥

କଞ୍ଜନାଭାଂ ମଣିପୁରସ୍ଥିତାଂ ତୃତୀୟଦୁର୍ଗାଂ ତ୍ରିନେତ୍ରାମ୍ ।

ଖଡ୍ଗଗଦାତ୍ରିଶୂଲଚାପଧରାଂ ପଦ୍ମକମଣ୍ଡଲୁମାଲାବରାଭୟକରାମ୍ ।

ପଟାମ୍ବରପରିଧାନାଂ ମୃଦୁହାସ୍ୟାଂ ନାନାଲଙ୍କାରଭୂଷିତାମ୍ ।

ମଞ୍ଜୀର-ହାର-କେୟୂର-କିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରଫୁଲ୍ଲବନ୍ଦନାଂ ବିମ୍ବାଧାରାଂ କାନ୍ତଙ୍କପୋଲାଂ ତୁଙ୍ଗକୁଚାମ୍ ।

କମନୀୟାଂ ଲାବଣ୍ୟାଂ କ୍ଷୀଣକଟିଂ ନିତମ୍ବନୀମ୍ ॥

ସ୍ତ୍ରୋତ୍ରମ୍-

ଆପଦୁଦ୍ଧାରିଣୀ ତ୍ୱଂ ହି ଆଦ୍ୟାଶକ୍ତିଃ ଶୁଭା ପରା ।

ଅଣିମାଦିସିଦ୍ଧିଦାତ୍ରି ଚନ୍ଦ୍ରଘଣ୍ଟେ ପ୍ରଣମାମ୍ୟହମ୍ ॥

ଚନ୍ଦ୍ରମୁଖୀ ଇଷ୍ଟଦାତ୍ରୀ ଇଷ୍ଟମନ୍ତ୍ରସ୍ୱରୂପଣୀ ।

ଧନଦାତ୍ର୍ୟାନନ୍ଦଦାତ୍ରୀ ଚନ୍ଦ୍ରଘଣ୍ଟେ ପ୍ରଣମାମ୍ୟହମ୍ ॥

ନାନାରୂପଧାରିଣୀ ଇଚ୍ଛାମୟୀ ଐଶ୍ୱର୍ୟଦାୟନୀ ।

ସୌଭାଗ୍ୟାରୋଗ୍ୟଦାୟନୀ ଚନ୍ଦ୍ରଘଣ୍ଟେ ପ୍ରଣମାମ୍ୟହମ୍ ॥

କବଚଃ-

ରହସ୍ୟଂ ଶୃଣୁ ବକ୍ଷ୍ୟାମି ଶୈବେଶି କମଲାନନେ ।

ଶ୍ରୀଚନ୍ଦ୍ରଘଣ୍ଟାକବଚଂ ସର୍ୱସିଦ୍ଧିପ୍ରଦାୟକମ୍ ॥

ବିନା ନ୍ୟାସଂ  ବିନିୟୋଗଂ ବିନା ଶାପୋଦ୍ଧାରଂ ବିନା 

ବିନା ସ୍ନାନଂ ଶୌଚାଦିକଂ ଶ୍ରଦ୍ଧାମାତ୍ରେଣ ସିଦ୍ଧିଦମ୍ ॥

କୁଶିଷ୍ୟାୟ କୁଟିଲାୟ ବଞ୍ଚକାୟ ନିନ୍ଦାକାୟ ଚ ।

ନ ଦାତବ୍ୟଂ ନ ଦାତବ୍ୟଂ ନ ଦାତବ୍ୟଙ୍କଦାଚନ ॥

🟣୪. କୂଷ୍ମାଣ୍ଡା (ଅନାହତଚକ୍ର)

ସୁରାସମ୍ପୂର୍ଣକଲଶଂ ରୁଧିରାପ୍ଲୁତମେବ ଚ ।

ଦଧାନା ହସ୍ତପଦ୍ମାଭ୍ୟାଂ କୂଷ୍ମାଣ୍ଡା ଶୁଭଦାଽସ୍ତୁ ମେ ॥

ଧ୍ୟାନଂ -

ବନ୍ଦେ ବାଞ୍ଛିତକାମର୍ଥଂ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାମଷ୍ଟଭୁଜାଂ କୁଷ୍ମାଣ୍ଡାଂ ଚ ଯଶସ୍ୱିନୀମ୍ ॥

ଭାସ୍ୱରାଂ ଭାନୁନିଭାମନାହତସ୍ଥିତାଂ 

ଚତୁର୍ଥଦୁର୍ଗାଂ ତ୍ରିନେତ୍ରାମ୍ ।

କମଣ୍ଡଲୁଚାପବାଣପଦ୍ମସୁଧାକଲଶ-

ଚକ୍ରଗଦାଜପବଟୀଧରାମ୍ ॥

ପଟାମ୍ବରପରିଧାନାଂ କମନୀୟାଂ 

ମୃଦୁହାସ୍ୟା ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀ-

ରତ୍ନକୁଣ୍ଡଲମଣ୍ଡିତାମ୍ ।

ପ୍ରଫୁଲ୍ଲବଦନାଂ  ଚାରୁଚିବୁକାଂ କାନ୍ତକପୋଲାଂ ତୁଙ୍ଗକୁଚାମ୍ ।

କୋଲାଙ୍ଗୀଂ ସ୍ମେରମୁଖୀଂ କ୍ଷୀଣକଟିଂ ନିମ୍ନନାଭିଂ ନିତମ୍ବନୀମ୍ ॥

ସ୍ତ୍ରୋତ୍ରଃ-

ଦୁର୍ଗତିନାଶିନୀ ତ୍ୱଂ ହି ଦାରିଦ୍ର୍ୟାଦିବିନାଶିନୀ ।

ଜୟଦା ଧନଦା କୂଷ୍ମାଣ୍ଡେ ପ୍ରଣମାମ୍ୟହମ୍ ॥

ଜଗନ୍ମାତା ଜଗତ୍କର୍ତ୍ରି ଜଗଦାଧାରରୂପିଣୀ ।

ଚରାଚରେଶ୍ୱରୀ କୂଷ୍ମାଣ୍ଡେ ପ୍ରଣମାମ୍ୟହମ୍ ॥

ତ୍ରୈଲୋକ୍ୟସୁନ୍ଦରୀ ତ୍ୱଂ ହି ଦୁଃଖଶୋକନିବାରିଣୀ ।

ପରମାନନ୍ଦମୟୀ କୂଷ୍ମାଣ୍ଡେ ପ୍ରଣମାମ୍ୟହମ୍ ॥

କବଚଂ -

ହସରୈ ମେ ଶିରଃ ପାତୁ କୂଷ୍ମାଣ୍ଡା ଭବନାଶିନୀ ।

ହସଲକରୀ ନେତ୍ରଽଥ, ହସରୌଶ୍ଚ ଲଲାଟକମ୍ ॥

କୌମାରୀ ପାତୁ ସର୍ୱଗାତ୍ରେ ବାରାହୀ ଉତ୍ତରେ ତଥା ।

ପୂର୍ୱେ ପାତୁ ବୈଷ୍ଣବୀ ଇନ୍ଦ୍ରାଣୀ ଦକ୍ଷିଣେ ମମ ।

ଦିଗ୍ଦିକ୍ଷୁ  ସର୍ୱତ୍ରୈବ କୂମ୍ବୀଜଂ ସର୍ୱଦାଽବତୁ ॥

🟣୫. ସ୍କନ୍ଦମାତା (ବିଶୁଦ୍ଧଚକ୍ର)

ସିଂହାସନଗତା ନିତ୍ୟଂ ପଦ୍ମାଶ୍ରିତକରଦ୍ୱୟା ।

ଶୁଭଦାସ୍ତୁ ସଦା ଦେବୀ ସ୍କନ୍ଦମାତା ଯଶସ୍ୱିନୀ ॥

ଧ୍ୟାନମ୍ -

ବନ୍ଦେ ବାଞ୍ଛିତକାମାର୍ଥେ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢା ଚତୁର୍ଭୁଜା ସ୍କନ୍ଧମାତା ଯଶସ୍ୱନୀ ॥

ଧବଲବର୍ଣା ବିଶୁଦ୍ଧଚକ୍ରସ୍ଥିତା ପଞ୍ଚମଦୁର୍ଗା ତ୍ରିନେତ୍ରା ।

ଅଭୟପଦ୍ମୟୁଗ୍ମକରାଂ ଦକ୍ଷିଣ ଊରୁପୁତ୍ରଧରାଂ ଭଜେଽମ୍ ॥

ପଟାମ୍ବରପରିଧାନା ମୃଦୁହାସ୍ୟା ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲଧାରିଣୀମ୍ ॥

ପ୍ରଭୁଲ୍ଲବଦନାଂ ପଲ୍ଲବାଧରାଂ କାନ୍ତକପୋଲାଂ ପୀନପୟୋଧରାମ୍ ।

କମନୀୟାଂ ଲାବଣ୍ୟାଂ ଚାରୂତ୍ରିବଲୀଂ ନିତମ୍ବନୀମ୍ ॥

ସ୍ତୋତ୍ରମ୍ -

ନମାମି ସ୍କନ୍ଦମାତରଂ ସ୍କନ୍ଧଧାରିଣୀମ୍ ।

ସମଗ୍ରତତ୍ତ୍ୱସାଗରାମପାରପାରଗହରାମ୍ ॥

ଶଶିପ୍ରଭାଂ ସମୁଜ୍ଜ୍ୱଲାଂ ସ୍ଫୁରଚ୍ଛଶାଙ୍କଶେଖରାମ୍ ।

ଲଲାଟରତ୍ନଭାସ୍କରାଂ ଜଗତ୍ପ୍ରଦୀପ୍ତଭାସ୍କରାମ୍ ॥

ମହେନ୍ଦ୍ରକଶ୍ୟପାର୍ଚିତାଂ ସନତ୍କୁମାରସଂସ୍ତୁତାମ୍ ।

ସୁରାସୁରେନ୍ଦ୍ରବନ୍ଦିତାଂ ଯଥାର୍ଥନିର୍ମଲାଦ୍ଭୁତାମ୍ ॥

ଅତର୍କ୍ୟରୋଚିରୂବିଜାଂ ବିକାର ଦୋଷବର୍ଜିତାମ୍ ।

ମୁମୁକ୍ଷୁଭିର୍ୱିଚିନ୍ତିତାଂ ବିଶେଷତତ୍ତ୍ୱମୂଚିତାମ୍ ॥

ନାନାଲଙ୍କାରଭୂଷିତାଂ ମୃଗେନ୍ଦ୍ରବାହନାଗ୍ରତାମ୍ ।

ସୁଶୁଦ୍ଧତତ୍ତ୍ୱତୋଷଣାଂ ତ୍ରିବେଦମାରଭାଷଣାମ୍ ॥ ??ମାର

ସୁଧାର୍ମିକୌପକାରିଣୀଂ ସୁରେନ୍ଦ୍ରବୈରିଘାତିନୀମ୍ ।

ଶୁଭାଂ ସୁପୁଷ୍ପମାଲିନୀଂ ସୁବର୍ଣକଲ୍ପଶାଖିନୀମ୍ ॥

ତମୋଽନ୍ଧକାରୟାମିନୀଂ ଶିବସ୍ୱଭାବକାମିନୀମ୍ ।

ସହସ୍ରସୂର୍ୟରାଜିକାଂ ଧନଞ୍ଜୟୋଗ୍ରକାରିକାମ୍ ॥

ସୁଶୁଦ୍ଧକାଲକନ୍ଦଲାଂ ସୁଭୃଙ୍ଗକୃନ୍ଦମଞ୍ଜୁଲାମ୍ ।

ପ୍ରଜାୟିନୀଂ ପ୍ରଜାବତୀଂ ନମାମି ମାତରଂ ସତୀମ୍ ॥

ସ୍ୱକର୍ମଧାରଣେ ଗତିଂ ହରିଂ ପ୍ରୟଚ୍ଛ ପାର୍ୱତୀମ୍ । ??ପ୍ରୟଚ୍ଛ

ଅନନ୍ତଶକ୍ତିକାନ୍ତିଦାଂ ଯଶୋଽଥ ଭୁକ୍ତିମୁକ୍ତିଦାମ୍ ॥

ପୁନଃପୁନର୍ଜଗଦ୍ଧିତାଂ ନମାମ୍ୟହଂ ସୁରାର୍ଚିତାମ୍ ।

ଜୟେଶ୍ୱରି ତ୍ରିଲାଚନେ ପ୍ରସୀଦ ଦେବି ପାହି ମାମ୍ ॥

କବଚମ୍ -

ଐଂ ବୀଜାଲିକା ଦେବୀ ପଦୟୁଗ୍ମଧରା ପରା ।

ହୃଦୟଂ ପାତୁ ସା ଦେବୀ କାର୍ତିକେୟଯୁତା ସତୀ ॥

ଶ୍ରୀଂ ହ୍ରୀଂ ହୁଂ ଐଂ ଦେବୀ ପୂର୍ୱସ୍ୟାଂ ପାତୁ ସର୍ୱଦା ।

ସର୍ୱାଙ୍ଗ ମେଂ ସଦା ପାତୁ ସ୍କନ୍ଦମାତା ପୁତ୍ରପ୍ରଦା ॥

ବାଣବାଣାମୃତେ ହୁଂ ଫଟ୍ ବୀଜସସମନ୍ୱିତା ।

ଉତ୍ତରସ୍ୟାଂ ତଥାଗ୍ନେ ଚ ବାରୂଣେ ନୈୠତେଽବତୁ ॥

ଇନ୍ଦ୍ରାଣୀ ଭୈରବୀ ଚୈବାସିତାଙ୍ଗୀ ଚ ସଂହାରିଣୀ ।

ସର୍ୱଦା ପାତୁ ମାଂ ଦେବୀ ଚାନ୍ୟାନ୍ୟାସୁ ହି ଦିକ୍ଷୁ ବୈ ॥

🟣୬. କାତ୍ୟାୟନୀ (ଆଜ୍ଞାଚକ୍ର)

ଚନ୍ଦ୍ରହାସୋଜ୍ଜ୍ୱଲକରା ଶାର୍ଦୂଲବରବାହନା ।

କାତ୍ୟାୟନୀ ଚ ଶୁଭଦା ଦେବୀ ଦାନବଘାତିନୀ ॥

ଧ୍ୟାନମ୍ -

ବନ୍ଦେ ବାଞ୍ଛିତମନୋରଥାର୍ଥାୟ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାଂ ଚତୁର୍ଭୁଜାଂ କାତ୍ୟାୟନୀଂ ଯଶସ୍ୱନୀମ୍ ॥

ସ୍ୱର୍ଣବର୍ଣାମାଜ୍ଞାଚକ୍ରସ୍ଥିତାଂ ଷଷ୍ଠଦୁର୍ଗାଂ ତ୍ରିନେତ୍ରାମ୍ ।

ବରାଭୀତକରାଂ ସଗପଦଧରାଂ କାତ୍ୟାୟନସୁତାଂ ଭଜାମି ॥

ପଟାମ୍ବରପରିଧାନାଂ ସ୍ମେରମୁଖୀଂ ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୁରକିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରସନ୍ନବଦନାଂ ପଲ୍ଲବାଧରାଂ କାନ୍ତକପୋଲାଂ ତୁଙ୍ଗକୁଚାମ୍ ।

କମନୀୟାଂ ଲାବଣ୍ୟାଂ ତ୍ରିବଲୀବିଭୂଷିତନିମ୍ନନାଭିମ୍ ॥

ସ୍ତୋତ୍ରମ୍ -

କାଞ୍ଚନାଭାଂ ବରାଭୟପଦ୍ମଧରାଂ ମୁକୁଟୋଜ୍ଜ୍ୱଲାଂ ।

ସ୍ମେରମୁଖୀଂ ଶିବପତ୍ନୀଂ କାତ୍ୟାୟନସୁତେ ନମୋଽସ୍ତୁତେ ॥

ପଟାମ୍ବରପରିଧାନାଂ ନାନାଲଙ୍କାରଭୂଷିତାଂ ।

ସିଂହାସ୍ଥିତାଂ ପଦ୍ମହସ୍ତାଂ କାତ୍ୟାୟନସୁତେ ନମୋଽସ୍ତୁତେ ॥

ପରମାନନ୍ଦମୟୀ ଦେବି ପରବ୍ରହ୍ମ ପରମାତ୍ମା ।

ପରମଶକ୍ତି,ପରମଭକ୍ତି, କାତ୍ୟାୟନସୁତେ ନମୋଽସ୍ତୁତେ ॥

ବିଶ୍ୱକର୍ତ୍ରୀଂ,ବିଶ୍ୱଭର୍ତ୍ରୀଂ,ବିଶ୍ୱହର୍ତ୍ରୀଂ,ବିଶ୍ୱପ୍ରୀତାମ୍ ।

ବିଶ୍ୱଚିତ୍ତାଂ,ବିଶ୍ୱାତୀତାଂ କାତ୍ୟାୟନସୁତେ ନମୋଽସ୍ତୁତେ ॥

କାଂ ବୀଜା, କାଂ ଜପାନନ୍ଦା କାଂ ବୀଜଜପତୋଷିତା ।

କାଂ କାଂ ବୀଜଜପାସକ୍ତାଂ କାଂ କାଂ ସନ୍ତୁତା ॥ ??  କାଂ ବୀଜଜପସଂସ୍ତୁତାମ୍

କାଙ୍କାରହର୍ଷିଣୀଂ କାଂ କାଂ ଧନଦାଂ ଧନମାନସାମ୍ ।

କାଂ ବୀଜଜପକାରିଣୀଂ କାଂ ବୀଜତପମାନସାମ୍ ॥

କାଂ କାରିଣୀଂ କାଂ ସୂତ୍ରପୂଜିତାଂ କାଂ ବୀଜଧାରିଣୀମ୍ ।

କାଂ କୀଂ କୂଂ କୈଂ କୌଂ କଃ ଠଃ ଛଃ ସ୍ୱାହାରୂପଣୀ ॥

କବଚମ୍ -

କାତ୍ୟାୟନୀ ମୁଖଂ ପାତୁ କାଂ କାଂ ସ୍ୱାହାସ୍ୱରୂପଣୀ ।

ଲଲାଟଂ ବିଜୟା ପାତୁ ମାଲିନୀ ନିତ୍ୟସୁନ୍ଦରୀ ॥

କଲ୍ୟାଣୀ ହୃଦୟଂ ପାତୁ ଜୟା ଚ ଭଗମାଲିନୀ ॥

🟣୭. କାଲରାତ୍ରି (ଭାନୁ ଚକ୍ର)

ଏକବେଣୀଜପାକର୍ଣପୁରାନଗ୍ନା ଖରାସ୍ଥିତା ।

ଲମ୍ବୋଷ୍ଠୀକର୍ଣିକାକର୍ଣୀତୈଲାଭ୍ୟଙ୍ଗଶରୀରିଣୀ ॥

ବାମପାଦୋଲ୍ଲସଲ୍ଲୋହଲତାକଣ୍ଟକଭୂଷଣା ।

ବର୍ଧନ୍ମୂର୍ଧଧ୍ୱଜା କୃଷ୍ଣା କାଲରାତ୍ରିର୍ଭୟଙ୍କରୀ ॥

ଧ୍ୟାନମ୍ -

କରାଲବଦନାଂ ଘୋରାଂ ମୁକ୍ତକେଶୀଂ ଚତୁର୍ଭୁଜାମ୍ ।

କାଲରାତ୍ରିଂ କରାଲୀଂ ଚ ବିଦ୍ୟୁନ୍ମାଲାବିଭୂଷିତାମ୍ ॥

ଦିବ୍ୟଲୌହବଜ୍ରଖଡ୍ଗବାମାଧୋର୍ଧ୍ୱକରାମ୍ବୁଜାମ୍ ।

ଅଭୟଂ ବରଦାଂ ଚୈବ ଦକ୍ଷିଣୋର୍ଧ୍ୱାଧଃ ପାଣିକାମ୍ ॥

ମହାମେଘପ୍ରଭାଂ ଶ୍ୟାମାଂ ତଥା ଚ ଗର୍ଦଭାରୂଢାମ୍ ।

ଘୋରଦଂଷ୍ଟ୍ରାକାରାଲାସ୍ୟାଂ ପୀନୋନ୍ନତପୟୋଧରାମ୍ ॥

ସୁଖପ୍ରସନ୍ନବଦନାଂ ସ୍ମେରାନନସରୋରୁହାମ୍ ।

ଏବଂ ସଞ୍ଚିୟନ୍ତୟେତ୍କାଲରାତ୍ରିଂ ସର୍ୱକାମସମୃଦ୍ଧିଦାମ୍ ॥

ସ୍ତୋତ୍ରମ୍ -

ହ୍ରୀଂ କାଲରାତ୍ରିଃ ଶ୍ରୀଂ କରାଲୀ ଚ କ୍ଲୀଂ କଲ୍ୟାଣୀ କଲାବତୀ ।

କାଲମାତା କଲିଦର୍ପଘ୍ନୀ କପଦୀଂଶକୃପନ୍ୱିତା ॥

କାମବୀଜଜପାନନ୍ଦା କାମବୀଜସ୍ୱରୂପିଣୀ ।

କୁମତିଘ୍ନୀ କୁଲୀନାଽଽର୍ତିନଶିନୀ କୁଲକାମିନୀ ॥

କ୍ଲୀଂ ହ୍ରୀଂ ଶ୍ରୀଂ ମନ୍ତ୍ରବର୍ଣେନ କାଲକଣ୍ଟକଘାତିନୀ ।

କୃପାମୟୀ କୃପାଧାରା କୃପାପାରା କୃପାଗମା ॥

କବଚମ୍ -

ଓଁ କ୍ଲୀଂ ମେ ହୃଦୟଂ ପାତୁ ପାଦୌ ଶ୍ରୀଂ କାଲରାତ୍ରିଃ ।

ଲଲାଟଂ ସତତଂ ପାତୁ ଦୁଷ୍ଟଗ୍ରହନିବାରିଣୀ ॥

ରସନାଂ ପାତୁ କୌମାରୀ ଭୈରବୀ ଚକ୍ଷୁଷୀ ମମ ।

କଟୌ ପୃଷ୍ଠେ ମହେଶାନୀ କର୍ଣୌ ଶଙ୍କରଭାମିନୀ ।

ବର୍ଜିତାନି ତୁ ସ୍ଥାନାନି ଯାନି ଚ କବଚେନ ହି ।

ତାନି ସର୍ୱାଣି ମେ ଦେବୀ ସତତଂ ପାତୁ ସ୍ତମ୍ଭିନୀ ॥

🟣୮. ମହାଗୌରୀ (ସୋମଚକ୍ର)

ଶ୍ୱେତେ ବୃଷେ ସମାରୂଢା ଶ୍ୱେତାମ୍ବରଧରା ଶୁଚିଃ ।

ମହାଗୌରୀ ଶୁଭଂ ଦଦ୍ୟାନ୍ମହାଦେବପ୍ରମୋଦଦା ॥

ଓଁ ନମୋ ଭଗବତି ମହାଗୌରି ବୃଷାରୂଢେ ଶ୍ରୀଂ ହ୍ରୀଂ କ୍ଲୀଂ ହୁଂ ଫଟ୍ ସ୍ୱାହା ।

ଧ୍ୟାନ-

ବନ୍ଦେ ବାଞ୍ଛିତକାମାର୍ଥଂ ଚନ୍ଦ୍ରାର୍ଧକୃତଶେଖରାମ୍ ।

ସିଂହାରୂଢାଂ ଚତୁର୍ଭୁଜାଂ ମହାଗୌରୀଂ ଯଶସ୍ୱୀନୀମ୍ ॥

ପୁର୍ଣେନ୍ଦୁନିଭାଂ ଗୌରୀଂ ସୋମବକ୍ରସ୍ଥିଆତାଂ ଅଷ୍ଟମଦୁର୍ଗାଂ ତ୍ରିନେତ୍ରାମ୍ ।

ବରାଭୀତିକରାଂ ତ୍ରିଶୂଲଡମରୂଧରାଂ ମହାଗୌରୀଂ ଭଜେଽହମ୍ ॥

ପଟାମ୍ବରପରିଧାନାଂ ମୃଦୁହାସ୍ୟାଂ ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରଫୁଲ୍ଲବଦନାଂ ପଲ୍ଲବାଧରାଂ କାନ୍ତକପୋଲାଂ ତ୍ରୈଲୋକ୍ୟମୋହନୀମ୍ ।

କମନୀୟାଂ ଲାବଣ୍ୟାଂ ମୃଣାଲାଂ ଚନ୍ଦନଗନ୍ଧଲିପ୍ତାମ୍ ॥

ସ୍ତୋତ୍ରମ୍ -

ସର୍ୱସଙ୍କଟହନ୍ତ୍ରୀ ତ୍ୱଂ ଧନୈଶ୍ୱର୍ୟପ୍ରଦାୟନୀ ।

ଜ୍ଞାନଦା ଚତୁର୍ୱେଦମୟୀ ମହାଗୌରୀଂ ପ୍ରଣମାମ୍ୟହମ୍ ॥

ସୁଖଶାନ୍ତିଦାତ୍ରୀଂ, ଧନଧାନ୍ୟପ୍ରଦାୟନୀମ୍ ।

ଡମରୂବାଦନପ୍ରିୟାଂ ମହାଗୌରୀଂ ପ୍ରଣମାମ୍ୟହମ୍ ॥

ତ୍ରୈଲୋକ୍ୟମଙ୍ଗଲା ତ୍ୱଂ ହି ତାପତ୍ରୟବିନାଶିନୀଂ ପ୍ରଣମାମ୍ୟହମ୍ ।

ବରଦା ଚୈତନ୍ୟମୟୀ ମହାଗୌରୀଂ ପ୍ରଣମାମ୍ୟହମ୍ ॥

କବଚମ୍ -

ଓଙ୍କାରଃ ପାତୁ ଶୀର୍ଷେ ମାଂ, ହ୍ରୀଂ ବୀଜଂ ମାଂ ହୃଦୟେ ।

କ୍ଲୀଂ ବୀଜଂ ସଦା ପାତୁ ନଭୋ ଗୃହୋ ଚ ପାଦୟୋଃ ॥

ଲଲାଟକର୍ଣୌ ହୂଂ ବୀଜଂ ପାତୁ ମହାଗୌରୀ ମାଂ ନେତ୍ରଘ୍ରାଣୌ ।

କପୋଲଚିବୁକୌ ଫଟ୍ ପାତୁ ସ୍ୱାହା ମାଂ ସର୍ୱବଦନୌ ॥

🟣 ୯. ସିଦ୍ଧିଦାତ୍ରୀ (ନିର୍ୱାଣଚକ୍ର)

ସିଦ୍ଧଗନ୍ଧର୍ୱୟକ୍ଷାଦ୍ୟୈରସୁରୈରମରୈରପି ।

ସେବ୍ୟମାନା ସଦା ଭୂୟାତ୍ ସିଦ୍ଧିଦା ସିଦ୍ଧିଦାୟିନୀ ॥

ଧ୍ୟାନମ୍ -

ବନ୍ଦେ ବାଞ୍ଛିତମନୋରଥାର୍ଥଂ ଚନ୍ଦ୍ରାର୍ଧକୃତଶେଖରାମ୍ ।

କମଲସ୍ଥିତାଂ ଚତୁର୍ଭୁଜାଂ ସିଦ୍ଧିଦାଂ ଯଶସ୍ୱନୀମ୍ ॥

ସ୍ୱର୍ଣବର୍ଣନିର୍ୱାଣଚକ୍ରସ୍ଥିତାଂ ନବମଦୁର୍ଗାଂ ତ୍ରିନେତ୍ରାମ୍ ।

ଶଙ୍ଖଚକ୍ରଗଦା ପଦ୍ମଧରାଂ ସିଦ୍ଧିଦାତ୍ରୀଂ ଭଜେଽହମ୍ ॥

ପଟାମ୍ବରପରିଧାନାଂ ସୁହାସ୍ୟାଂ ନାନାଲଙ୍କାରଭୂଷିତାମ୍ ।

ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲମଣ୍ଡିତାମ୍ ॥

ପ୍ରଫୁଲ୍ଲବଦନାଂ ପଲ୍ଲବାଧରାଂ କାନ୍ତକପୋଲାଂ ପୀନପୟୋଧରାମ୍ ।

କମନୀୟାଂ ଲାବଣ୍ୟାଂ କ୍ଷୀଣକଟିଂ ନିମ୍ନନାଭିଂ ନିତମ୍ବନୀମ୍ ॥

ସ୍ତୋତ୍ରମ୍ -

କଞ୍ଜନାଭାଂ ଶଙ୍ଖଚକ୍ରଗଦାଧରାଂ ମୁକୁଟୋଜ୍ଜ୍ୱଲାମ୍ ।

ସ୍ମେରମୁଖି ଶିବପତ୍ନି ସିଦ୍ଧିଦାତ୍ରି ନମୋଽସ୍ତୁ ତେ ॥

ପଟାମ୍ବରପରିଧାନାଂ ନାନାଲଙ୍କାରଭୂଷିତାମ୍ ।

ନଲିନସ୍ଥିତା ନଲିନାକ୍ଷୀ ସିଦ୍ଧିଦାତ୍ରୀ ନମୋଽସ୍ତୁ ତେ ॥

ପରମାନନ୍ଦମୟୀ ଦେବୀ ପରବ୍ରହ୍ମ ପରମାତ୍ମା ।

ପରମଶକ୍ତି ପରମଭକ୍ତି ସିଦ୍ଧିଦାତ୍ରୀ ନମୋଽସ୍ତୁ ତେ ॥

ବିଶ୍ୱକର୍ତ୍ରୀ ବିଶ୍ୱଭର୍ତ୍ରୀ ବିଶ୍ୱହର୍ତ୍ରୀ ବିଶ୍ୱପ୍ରୀତା ।

ବିଶ୍ୱାର୍ଚିତା ବିଶ୍ୱାତୀତା ସିଦ୍ଧିଦାତ୍ରୀ ନମୋଽସ୍ତୁ ତେ ॥

ଭୁକ୍ତିମୁକ୍ତିକାରଣୀ ଭକ୍ତକଷ୍ଟନିବାରିଣୀ ।

ଭବସାଗରତାରିଣୀ ସିଦ୍ଧିଦାତ୍ରୀ ନମୋଽସ୍ତୁ ତେ ॥

ଧର୍ମାର୍ଥକାମପ୍ରଦାୟିନୀ ମହାମୋହବିନାଶିନୀ ।

ମୋକ୍ଷଦାୟିନୀ ସିଦ୍ଧିଦାତ୍ରୀ ଋଦ୍ଧିଦାତ୍ରୀ ନମୋଽସ୍ତୁ ତେ ॥

କବଚମ୍ -

ଓଙ୍କାରଃ ପାତୁ ଶୀର୍ଷେ ମାଂ, ଐଂ ବୀଜଂ ମାଂ ହୃଦୟେ ।

ହ୍ରୀଂ ବୀଜଂ ସଦା ପାତୁ ନଭୋ ଗୃହୋ ଚ ପାଦୟୋଃ ॥

ଲଲାଟକର୍ଣୌ ଶ୍ରୀଂ ବୀଜଂ ପାତୁ କ୍ଲୀଂ ବୀଜଂ ମାଂ ନେତ୍ରଘ୍ରାଣୌ ।

କପୋଲଚିବୁକୌ ହସୌଃ ପାତୁ ଜଗତ୍ପ୍ରସୂତ୍ୟୈ ମାଂ ସର୍ୱବଦନେ ॥