ଦୁର୍ଗାଦ୍ୱାତ୍ରିଂଶନ୍ନାମାବଳିଃ
ଦୁର୍ଗାଦ୍ୱାତ୍ରିଂଶନ୍ନାମାବଳିଃ
ଦୁର୍ଗା ଦୁର୍ଗାର୍ତିଂଶମନୀ ଦୁର୍ଗାଽଽପଦ୍ୱିନିବାରିଣୀ ।
ଦୁର୍ଗମଚ୍ଛେଦିନୀ ଦୁର୍ଗସାଧିନୀ ଦୁର୍ଗନାଶିନୀ ॥ ୧॥
ଦୁର୍ଗତୋଦ୍ଧାରିଣୀ ଦୁର୍ଗନିହନ୍ତ୍ରୀ ଦୁର୍ଗମାପହା ।
ଦୁର୍ଗମଜ୍ଞାନଦା ଦୁର୍ଗଦୈତ୍ୟଲୋକଦବାନଲା ॥ ୨॥
ଦୁର୍ଗମାଦୁର୍ଗମାଲୋକା ଦୁର୍ଗମାଽଽତ୍ମସ୍ୱରୂପିଣୀ ।
ଦୁର୍ଗମାର୍ଗପ୍ରଦା ଦୁର୍ଗମବିଦ୍ୟା ଦୁର୍ଗମାଶ୍ରିତା ॥ ୩॥
ଦୁର୍ଗମଜ୍ଞାନସଂସ୍ଥାନା ଦୁର୍ଗମଧ୍ୟାନଭାସିନୀ ।
ଦୁର୍ଗମୋହା ଦୁର୍ଗମଗା ଦୁର୍ଗମାର୍ଥସ୍ୱରୂପିଣୀ ॥ ୪॥
ଦୁର୍ଗମାସୁରସଂହନ୍ତ୍ରୀ ଦୁର୍ଗମାୟୁଧଧାରିଣୀ ।
ଦୁର୍ଗମାଙ୍ଗୀ ଦୁର୍ଗମତା ଦୁର୍ଗମ୍ୟା ଦୁର୍ଗମେଶ୍ୱରୀ ॥ ୫॥
ଦୁର୍ଗଭୀମା ଦୁର୍ଗଭାମା ଦୁର୍ଗଭା ଦୁର୍ଗଦାରିଣୀ ।
ନାମାବଲିମିମାଂ ଯସ୍ତୁ ଦୁର୍ଗାୟା ସୁଧୀ ମାନବଃ ॥ ୬॥
ପଠେତ୍ ସର୍ୱଭୟାନ୍ମୁକ୍ତୋ ଭବିଷ୍ୟତି ନ ସଂଶୟଃ ।
ଶତ୍ରୁଭିଃ ପୀଡ୍ୟମାନୋ ବା ଦୁର୍ଗବନ୍ଧଗତୋଽପି ବା ।
ଦ୍ୱାତ୍ରିଂଶନ୍ନାମପାଠେନ ମୁଚ୍ୟତେ ନାତ୍ର ସଂଶୟଃ ॥ ୭॥
Comments
Post a Comment