ବୈରିନାଶନଂ କାଲିକାକବଚମ୍ ଶ୍ମଶାନକାଲିକାକବଚମ୍ ଚ
( ବୈରିନାଶନଂ କାଲିକାକବଚମ୍
ଶ୍ମଶାନକାଲିକାକବଚମ୍ ଚ)
➖➖➖➖➖➖➖➖➖
ଶ୍ରୀଗଣେଶାୟ ନମଃ ।
କୈଲାସଶିଖରାସୀନଂ ଦେବଦେବଂ ଜଗଦ୍ଗୁରୁମ୍ ।
ଶଙ୍କରଂ ପରିପପ୍ରଚ୍ଛ ପାର୍ୱତୀ ପରମେଶ୍ୱରମ୍ ॥ ୧॥
(କୈଲାସଶିଖରାରୂଢଂ ଶଙ୍କରଂ ବରଦଂ ଶିବମ୍ ।
ଦେବୀ ପପ୍ରଚ୍ଛ ସର୍ୱଜ୍ଞଂ ସର୍ୱଦେବ ମହେଶ୍ୱରମ୍ ॥ ୧॥)
ପାର୍ୱତ୍ୟୁବାଚ
ଭଗବନ୍ ଦେବଦେବେଶ ଦେବାନାଂ ଭୋଗଦ ପ୍ରଭୋ ।
ପ୍ରବ୍ରୂହି ମେ ମହାଦେବ ଗୋପ୍ୟଂ ଚେଦ୍ୟଦି ହେ ପ୍ରଭୋ ॥ ୨॥
ଶତ୍ରୂଣାଂ ଯେନ ନାଶଃ ସ୍ୟାଦାତ୍ମନୋ ରକ୍ଷଣଂ ଭବେତ୍ ।
ପରମୈଶ୍ୱର୍ୟମତୁଲଂ ଲଭେଦ୍ୟେନ ହି ତଦ୍ୱଦ ॥ ୩॥
ଭୈରବ ଉବାଚ
ବକ୍ଷ୍ୟାମି ତେ ମହାଦେବି ସର୍ୱଧର୍ମବିଦାଂ ବରେ ।
ଅଦ୍ଭୁତଂ କବଚଂ ଦେବ୍ୟାଃ ସର୍ୱକାମପ୍ରସାଧକମ୍ ॥ ୪॥
ବିଶେଷତଃ ଶତ୍ରୁନାଶଂ ସର୍ୱରକ୍ଷାକରଂ ନୃଣାମ୍ ।
ସର୍ୱାରିଷ୍ଟପ୍ରଶମନଂ ସର୍ୱାଭଦ୍ରବିନାଶନମ୍ ॥ ୫॥
ସୁଖଦଂ ଭୋଗଦଂ ଚୈବ ବଶୀକରଣମୁତ୍ତମମ୍ ।
ଶତ୍ରୁସଂଘାଃ କ୍ଷୟଂ ଯାନ୍ତି ଭବନ୍ତି ବ୍ୟାଧିପୀଡିଅତାଃ ॥ ୬॥
ଦୁଃଖିନୋ ଜ୍ୱରିଣଶ୍ଚୈବ ସ୍ୱାଭୀଷ୍ଟଦ୍ରୋହିଣସ୍ତଥା ।
ଭୋଗମୋକ୍ଷପ୍ରଦଂ ଚୈବ କାଲିକାକବଚଂ ପଠେତ୍ ॥ ୭॥
ଓଁ ଅସ୍ୟ ଶ୍ରୀକାଲିକାକବଚସ୍ୟ ଭୈରବ ଋଷିଃ । ଅନୁଷ୍ଟୁପ୍ଛନ୍ଦଃ ।
ଶ୍ରୀକାଲିକା ଦେବତା ।
ଶତ୍ରୁସଂହାରାର୍ଥ ଜପେ ବିନିୟୋଗଃ ।
ଧ୍ୟାନମ୍
ଓଁ ଧ୍ୟାୟେତ୍କାଲୀଂ ମହାମାୟାଂ ତ୍ରିନେତ୍ରାଂ ବହୁରୂପିଣୀମ୍ ।
ଚତୁର୍ଭୁଜାଂ ଲଲଜ୍ଜିହ୍ୱାଂ ପୂର୍ଣଚନ୍ଦ୍ରନିଭାନନାମ୍ ॥ ୮॥
ନୀଲୋତ୍ପଲଦଲଶ୍ୟାମାଂ ଶତ୍ରୁସଂଘବିଦାରିଣୀମ୍ ।
ନରମୁଣ୍ଡଂ ତଥା ଖଡ୍ଗଂ କମଲଂ ଚ ବରଂ ତଥା ॥ ୯॥
ନିର୍ଭୟାଂ ରକ୍ତବଦନାଂ ଦଂଷ୍ଟ୍ରାଲୀଘୋରରୂପିଣୀମ୍ । (ବିଭ୍ରାଣାଂ ରକ୍ତନୟନାଂ)
ସାଟ୍ଟହାସାନନାଂ ଦେବୀଂ ସର୍ୱଦାଂ ଚ ଦିଗମ୍ବରୀମ୍ ॥ ୧୦॥
ଶବାସନସ୍ଥିତାଂ କାଲୀଂ ମୁଣ୍ଡମାଲାବିଭୂଷିତାମ୍ ।
ଇତି ଧ୍ୟାତ୍ୱା ମହାକାଲୀଂ ତତସ୍ତୁ କବଚଂ ପଠେତ୍ ॥ ୧୧॥
ଓଁ କାଲିକା ଘୋରରୂପାଢ୍ୟା ସର୍ୱକାମପ୍ରଦା ଶୁଭା ।
ସର୍ୱଦେବସ୍ତୁତା ଦେବୀ ଶତ୍ରୁନାଶଂ କରୋତୁ ମେ ॥ ୧୨॥
ଓଁ ହ୍ରୀଂ ହ୍ରୀଂରୂପିଣୀଂ ଚୈବ ହ୍ରାଂ ହ୍ରୀଂ ହ୍ରାଂରୂପିଣୀଂ ତଥା ।
ହ୍ରାଂ ହ୍ରୀଂ କ୍ଷୋଂ କ୍ଷୌଂସ୍ୱରୂପା ସା ସଦା ଶତ୍ରୂନ୍ୱିଦାରୟେତ୍ ॥ ୧୩॥
ଶ୍ରୀଂ-ହ୍ରୀଂ ଐଂରୂପିଣୀ ଦେବୀ ଭବବନ୍ଧବିମୋଚନୀ ।
ହୁଂରୂପିଣୀ ମହାକାଲୀ ରକ୍ଷାସ୍ମାନ୍ ଦେବି ସର୍ୱଦା ॥ ୧୪॥
ଯୟା ଶୁମ୍ଭୋ ହତୋ ଦୈତ୍ୟୋ ନିଶୁମ୍ଭଶ୍ଚ ମହାସୁରଃ ।
ବୈରିନାଶାୟ ବନ୍ଦେ ତାଂ କାଲିକାଂ ଶଙ୍କରପ୍ରିୟାମ୍ ॥ ୧୫॥
ବ୍ରାହ୍ମୀ ଶୈବୀ ବୈଷ୍ଣବୀ ଚ ବାରାହୀ ନାରସିଂହିକା ।
କୌମାର୍ୟୈନ୍ଦ୍ରୀ ଚ ଚାମୁଣ୍ଡା ଖାଦନ୍ତୁ ମମ ବିଦ୍ୱିଷଃ ॥ ୧୬॥
ସୁରେଶ୍ୱରୀ ଘୋରରୂପା ଚଣ୍ଡମୁଣ୍ଡବିନାଶିନୀ ।
ମୁଣ୍ଡମାଲାବୃତାଙ୍ଗୀ ଚ ସର୍ୱତଃ ପାତୁ ମାଂ ସଦା ॥ ୧୭॥
ହ୍ରୀଂ ହ୍ରୀଂ ହ୍ରୀଂ କାଲିକେ ଘୋରେ ଦଂଷ୍ଟ୍ରେବ ରୁଧିରପ୍ରିୟେ ।
ରୁଧିରାପୂର୍ଣବକ୍ତ୍ରେ ଚ ରୁଧିରେଣାବୃତସ୍ତନି ॥ ୧୮॥
ମମ ଶତ୍ରୂନ୍ ଖାଦୟ ଖାଦୟ ହିଂସ ହିଂସ ମାରୟ ମାରୟ ଭିନ୍ଧି ଭିନ୍ଧି
ଛିନ୍ଧି ଛିନ୍ଧି ଉଚ୍ଚାଟୟ ଉଚ୍ଚାଟୟ ଦ୍ରାବୟ ଦ୍ରାବୟ ଶୋଷୟ ଶୋଷୟ ସ୍ୱାହା ।
ହ୍ରାଂ ହ୍ରୀଂ କାଲିକାୟୈ ମଦୀୟଶତ୍ରୂନ୍ ସମର୍ପୟାମି ସ୍ୱାହା ।
ଓଁ ଜୟ ଜୟ କିରି କିରି କିଟି କିଟି କଟ କଟ ମର୍ଦ ମର୍ଦ ମୋହୟ ମୋହୟ
ହର ହର ମମ ରିପୂନ ଧ୍ୱଂସ ଧ୍ୱଂସ
ଭକ୍ଷୟ ଭକ୍ଷୟ ତ୍ରୋଟୟ ତ୍ରୋଟୟ ଯାତୁଧାନାନ୍
ଚାମୁଣ୍ଡେ ସର୍ୱଜନାନ୍ ରାଜ୍ଞୋ ରାଜପୁରୁଷାନ୍ ସ୍ତ୍ରିୟୋ ମମ ବଶ୍ୟାନ୍ କୁରୁ କୁରୁ
ତନୁ ତନୁ ଧାନ୍ୟଂ ଧନଂ ମେଽଶ୍ୱାନ୍ ଗଜାନ୍ ରତ୍ନାନି ଦିବ୍ୟକାମିନୀଃ ପୁତ୍ରାନ୍
ରାଜଶ୍ରିୟଂ ଦେହି ଯଚ୍ଛ କ୍ଷାଂ କ୍ଷୀଂ କ୍ଷୂଂ କ୍ଷୈଂ କ୍ଷୌଂ କ୍ଷଃ ସ୍ୱାହା ।
ଇତ୍ୟେତତ୍ କବଚଂ ଦିବ୍ୟଂ କଥିତଂ ଶମ୍ଭୁନା ପୁରା ।
ଯେ ପଠନ୍ତି ସଦା ତେଷାଂ ଧ୍ରୁବଂ ନଶ୍ୟନ୍ତି ଶତ୍ରବଃ ॥ ୧୯॥
ବୈରିଣଃ ପ୍ରଲୟଂ ଯାନ୍ତି ବ୍ୟାଧିତା ଯା ଭବନ୍ତି ହି ।
ବଲହୀନାଃ ପୁତ୍ରହୀନାଃ ଶତ୍ରବସ୍ତସ୍ୟ ସର୍ୱଦା ॥ ୨୦॥
ସହସ୍ରପଠନାତ୍ସିଦ୍ଧିଃ କବଚସ୍ୟ ଭବେତ୍ତଦା ।
ତତ୍କାର୍ୟାଣି ଚ ସିଧ୍ୟନ୍ତି ଯଥା ଶଙ୍କରଭାଷିତମ୍ ॥ ୨୧॥
ଶ୍ମଶାନାଙ୍ଗାରମାଦାୟ ଚୂର୍ଣଂ କୃତ୍ୱା ପ୍ରୟତ୍ନତଃ ।
ପାଦୋଦକେନ ପିଷ୍ଟ୍ୱା ତଲ୍ଲିଖେଲ୍ଲୋହଶଲାକୟା ॥ ୨୨॥
ଭୂମୌ ଶତ୍ରୂନ୍ ହୀନରୂପାନୁତ୍ତରାଶିରସସ୍ତଥା ।
ହସ୍ତଂ ଦତ୍ତ୍ୱା ତୁ ହୃଦୟେ କବଚଂ ତୁ ସ୍ୱୟଂ ପଠେତ୍ ॥ ୨୩॥
ଶତ୍ରୋଃ ପ୍ରାଣପ୍ରିୟଷ୍ଠାଂ ତୁ କୁର୍ୟାନ୍ମନ୍ତ୍ରେଣ ମନ୍ତ୍ରବିତ୍ ।
ହନ୍ୟାଦସ୍ତ୍ରଂ ପ୍ରହାରେଣ ଶତ୍ରୋ ଗଚ୍ଛ ଯମକ୍ଷୟମ୍ ॥ ୨୪॥
ଜ୍ୱଲଦଙ୍ଗାରତାପେନ ଭବନ୍ତି ଜ୍ୱରିତା ଭୃଶମ୍ ।
ପ୍ରୋଞ୍ଛନୈର୍ୱାମପାଦେନ ଦରିଦ୍ରୋ ଭବତି ଧ୍ରୁବମ୍ ॥ ୨୫॥
ବୈରିନାଶକରଂ ପ୍ରୋକ୍ତଂ କବଚଂ ବଶ୍ୟକାରକମ୍ ।
ପରମୈଶ୍ୱର୍ୟଦଂ ଚୈବ ପୁତ୍ରପୌତ୍ରାଦିବୃଦ୍ଧିଦମ୍ ॥ ୨୬॥
ପ୍ରଭାତସମୟେ ଚୈବ ପୂଜାକାଲେ ଚ ଯତ୍ନତଃ ।
ସାୟଙ୍କାଲେ ତଥା ପାଠାତ୍ସର୍ୱସିଦ୍ଧିର୍ଭବେଦ୍ଧ୍ରୁବମ୍ ॥ ୨୭॥
ଶତ୍ରୁରୁଚ୍ଚାଟନଂ ଯାତି ଦେଶାଦ୍ୱା ବିଚ୍ୟୁତୋ ଭବେତ୍ ।
ପଶ୍ଚାତ୍କିଙ୍କରତାମେତି ସତ୍ୟଂ ସତ୍ୟଂ ନ ସଂଶୟଃ ॥ ୨୮॥
ଶତ୍ରୁନାଶକରେ ଦେବି ସର୍ୱସମ୍ପତ୍କରେ ଶୁଭେ ।
ସର୍ୱଦେବସ୍ତୁତେ ଦେବି କାଲିକେ! ତ୍ୱାଂ ନମାମ୍ୟହମ୍ ॥ ୨୯॥
॥ ଇତି ଶ୍ରୀରୁଦ୍ରୟାମଲେ କାଲିକାକଲ୍ପେ ବୈରିହରଂ ଶ୍ମଶାନକାଲ୍ୟାଃ ଅଥବା
କାଲିକାକବଚଂ ସମ୍ପୂର୍ଣମ୍ ॥
ତନ୍ତ୍ରସାରେଽନୁସନ୍ଧେୟମ୍
Comments
Post a Comment