ନକ୍ଷତ୍ରଶାନ୍ତିସ୍ତୋତ୍ରମ୍

         💥ନକ୍ଷତ୍ରଶାନ୍ତିସ୍ତୋତ୍ରମ୍ 💥

କୃତ୍ତିକା ପରମା ଦେଵୀ ରୋହିଣୀ ରୁଚିରାନନା ॥ ୧॥

ଶ୍ରୀମାନ୍ ମୃଗଶିରା ଭଦ୍ରା ଆର୍ଦ୍ରା ଚ ପରମୋଜ୍ଜ୍ଵଲା ।

ପୁନର୍ଵସୁସ୍ତଥା ପୁଷ୍ୟ ଆଶ୍ଲେଷାଽଥ ମହାବଲା ॥ ୨॥

ନକ୍ଷତ୍ରମାତରୋ ହ୍ୟେତାଃ ପ୍ରଭାମାଲାଵିଭୂଷିତାଃ ।

ମହାଦେଵାଽର୍ଚନେ ଶକ୍ତା ମହାଦେଵାଽନୁଭାଵିତଃ ॥ ୩॥

ପୂର୍ଵଭାଗେ ସ୍ଥିତା ହ୍ୟେତାଃ ଶାନ୍ତିଂ କୁର୍ଵନ୍ତୁ ମେ ସଦା ।

ମଘା ସର୍ଵଗୁଣୋପେତା ପୂର୍ଵା ଚୈଵ ତୁ ଫାଲ୍ଗୁନୀ ॥ ୪॥

ଉତ୍ତରା ଫାଲ୍ଗୁନୀ ଶ୍ରେଷ୍ଠା ହସ୍ତା ଚିତ୍ରା ତଥୋତ୍ତମା ।

ସ୍ଵାତୀ ଵିଶାଖା ଵରଦା ଦକ୍ଷିଣସ୍ଥାନସଂସ୍ଥିତାଃ ॥ ୫॥

ଅର୍ଚୟନ୍ତି ସଦାକାଲଂ ଦେଵଂ ତ୍ରିଭୁଵନେଶ୍ଵରମ୍ ।

ନକ୍ଷତ୍ରମାରୋ ହ୍ୟେତାସ୍ତେଜସାପରିଭୂଷିତାଃ ॥ ୬॥

ମମାଽପି ଶାନ୍ତିକଂ ନିତ୍ୟଂ କୁର୍ଵନ୍ତୁ ଶିଵଚୋଦିତାଃ ।

ଅନୁରାଧା ତଥା ଜ୍ୟେଷ୍ଠା ମୂଲମୃଦ୍ଧିବଲାନ୍ଵିତମ୍ ॥ ୭॥ 

ପୂର୍ଵାଷାଢା ମହାଵୀର୍ୟା ଆଷାଢା ଚୋତ୍ତରା ଶୁଭା ।

ଅଭିଜିନ୍ନାମ ନକ୍ଷତ୍ରଂ ଶ୍ରଵଣଃ ପରମୋଜ୍ଜ୍ଵଲଃ ॥ ୮॥

ଏତାଃ ପଶ୍ଚିମତୋ ଦୀପ୍ତା ରାଜନ୍ତେ ରାଜମୂର୍ତୟଃ ।

ଈଶାନଂ ପୂଜୟନ୍ତ୍ୟେତାଃ ସର୍ଵକାଲଂ ଶୁଭାଽନ୍ଵିତାଃ ॥ ୯॥

ମମ ଶାନ୍ତିଂ ପ୍ରକୁର୍ଵନ୍ତୁ ଵିଭୂତିଭିଃ ସମନ୍ଵିତାଃ ।

ଧନିଷ୍ଠା ଶତଭିଷା ଚ ପୂର୍ଵାଭାଦ୍ରପଦା ତଥା ॥ ୧୦॥

ଉତ୍ତରାଭାଦ୍ରରେଵତ୍ୟାଵଶ୍ଵିନୀ ଚ ମହର୍ଧିକା ।

ଭରଣୀ ଚ ମହାଵୀର୍ୟା ନିତ୍ୟମୁତ୍ତରତଃ ସ୍ଥିତାଃ ॥ ୧୧॥

ଶିଵାର୍ଚନପରା ନିତ୍ୟଂ ଶିଵଧ୍ୟାନୈକମାନସାଃ ।

ଶାନ୍ତିଂ କୁର୍ଵନ୍ତୁ ମେ ନିତ୍ୟଂ ସର୍ଵକାଲଂ ଶୁଭୋଦୟାଃ ॥ ୧୨॥

          ଇତି ନକ୍ଷତ୍ରଶାନ୍ତିସ୍ତୋତ୍ରଂ ସମ୍ପୂର୍ଣମ୍ ।