ବ୍ରହ୍ମକୃତଂ ଛିନ୍ନମସ୍ତାସ୍ତୋତ୍ରମ୍
🔴 ବ୍ରହ୍ମକୃତଂ ଛିନ୍ନମସ୍ତାସ୍ତୋତ୍ରମ୍ 🔴
ଶ୍ରୀଗଣେଶାୟ ନମଃ ।
ଈଶ୍ଵର ଉଵାଚ -
ସ୍ତଵରାଜମହଂ ଵନ୍ଦେ ଵୈରୋଚନ୍ୟାଃ ଶୁଭପ୍ରଦମ୍ ।
ନାଭୌ ଶୁଭ୍ରାରଵିନ୍ଦଂ ତଦୁପରି ଵିଲସନ୍
ମଣ୍ଡଲଂ ଚଣ୍ଡରଶ୍ମେଃ
ସଂସାରସ୍ୟୈକସାରାଂ ତ୍ରିଭୁଵନଜନନୀଂ
ଧର୍ମକାମାର୍ଥଦାତ୍ରୀମ୍ ।
ତସ୍ମିନ୍ମଧ୍ୟେ ତ୍ରିମାର୍ଗେ ତ୍ରିତୟତନୁଧରାଂ
ଛିନ୍ନମସ୍ତାଂ ପ୍ରଶସ୍ତାଂ
ତାଂ ଵନ୍ଦେ ଛିନ୍ନମସ୍ତାଂ ଶମନଭୟହରାଂ
ୟୋଗିନୀଂ ୟୋଗମୁଦ୍ରାମ୍ ॥ ୧॥
ନାଭୌ ଶୁଦ୍ଧସରୋଜଵକ୍ତ୍ରଵିଲସଦ୍ବନ୍ଧୂକପୁଷ୍ପାରୁଣଂ
ଭାସ୍ଵଦ୍ଭାସ୍କରମଣ୍ଡଲଂ ତଦୁଦରେ ତଦ୍ୟୋନିଚକ୍ରଂ ମହତ୍ ।
ତନ୍ମଧ୍ୟେ ଵିପରୀତମୈଥୁନରତପ୍ରଦ୍ୟୁମ୍ନସତ୍କାମିନୀ
ପୃଷ୍ଠସ୍ଥାମ୍ ତରୁଣାର୍କକୋଟିଵିଲସତ୍ତେଜସ୍ସ୍ଵରୂପାଂ ଭଜେ ॥ ୨॥
ଵାମେ ଛିନ୍ନଶିରୋଧରାଂ ତଦିତରେ ପାଣୌ ମହତ୍କର୍ତୃକାଂ
ପ୍ରତ୍ୟାଲୀଢପଦାଂ ଦିଗନ୍ତଵସନାମୁନ୍ମୁକ୍ତକେଶଵ୍ରଜାମ୍ ।
ଛିନ୍ନାତ୍ମୀୟଶିରସ୍ସମୁଚ୍ଛଲଦସୃଗ୍ଧାରାଂ ପିବନ୍ତୀଂ ପରାଂ
ବାଲାଦିତ୍ୟସମପ୍ରକାଶଵିଲସନ୍ନେତ୍ରତ୍ରୟୋଦ୍ଭାସିନୀମ୍ ॥ ୩॥
ଵାମାଦନ୍ୟତ୍ର ନାଲଂ ବହୁଗହନଗଲଦ୍ରକ୍ତଧାରାଭିରୁଚ୍ଚୈଃ
ଗାୟନ୍ତୀମସ୍ଥିଭୂଷାଂ କରକମଲଲସତ୍କର୍ତୃକାମୁଗ୍ରରୂପାମ୍ ।
ରକ୍ତାମାରକ୍ତକେଶୀମପଗତଵସନାଂ ଵର୍ଣିନୀମାତ୍ମଶକ୍ତିଂ
ପ୍ରତ୍ୟାଲୀଢୋରୁପାଦାମରୁଣିତନୟନାଂ
ୟୋଗିନୀଂ ୟୋଗନିଦ୍ରାମ୍ ॥ ୪॥
ଦିଗ୍ଵସ୍ତ୍ରାଂ ମୁକ୍ତକେଶୀଂ ପ୍ରଲୟଘନଘଟା-
ଘୋରରୂପାଂ ପ୍ରଚଣ୍ଡାଂ
ଦଂଷ୍ଟ୍ରା ଦୁଷ୍ପ୍ରେକ୍ଷ୍ୟ ଵକ୍ତ୍ରୋଦରଵିଵରଲସଲ୍ଲୋଲଜିହ୍ଵାଗ୍ରଭାସାମ୍ ।
ଵିଦ୍ୟୁଲ୍ଲୋଲାକ୍ଷିୟୁଗ୍ମାଂ ହୃଦୟତଟଲସଦ୍ଭୋଗିନୀଂ ଭୀମମୂର୍ତ୍ତିଂ
ସଦ୍ୟଶ୍ଛିନ୍ନାତ୍ମକଣ୍ଠପ୍ରଗଲିତରୁଧିରୈର୍ଡାକିନୀଂ ଵର୍ଧୟନ୍ତୀମ୍ ॥ ୫॥
ବ୍ରହ୍ମେଶାନାଚ୍ୟୁତାଦ୍ୟୈଃ ଶିରସି ଵିନିହତା ମନ୍ଦପାଦାରଵିନ୍ଦୈ-
ରାପ୍ତୈର୍ୟୋଗୀନ୍ଦ୍ରମୁଖ୍ୟୈଃ ପ୍ରତିପଦମନିଶଂ ଚିନ୍ତିତାଂ ଚିନ୍ତ୍ୟରୂପାମ୍ ।
ସଂସାରେ ସାରଭୂତାଂ ତ୍ରିଭୁଵନଜନନୀଂ ଛିନ୍ନମସ୍ତାଂ ପ୍ରଶସ୍ତା-
ମିଷ୍ଟାଂ ତାମିଷ୍ଟଦାତ୍ରୀଂ କଲିକଲୁଷହରାଂ ଚେତସା ଚିନ୍ତୟାମି ॥ ୬॥
ଉତ୍ପତ୍ତିସ୍ଥିତିସଂହତୀର୍ଘଟୟିତୁଂ ଧତ୍ତେ ତ୍ରିରୂପାଂ ତନୁମ୍ ।
ତ୍ରୈଗୁଣ୍ୟାଜ୍ଜଗତୋ ୟଦୀୟ ଵିକୃତିର୍ବ୍ରହ୍ମାଚ୍ୟୁତଃ ଶୂଲଭୃତ୍ ॥
ତାମାଦ୍ୟାଂ ପ୍ରକୃତିଂ ସ୍ମରାମି ମନସା ସର୍ଵାର୍ଥସଂସିଦ୍ଧୟେ ।
ୟସ୍ୟାଃ ସ୍ମେରପଦାରଵିନ୍ଦୟୁଗଲେ ଲାଭଂ ଭଜନ୍ତେ ନରାଃ ॥ ୭॥
ଅଭିଲଷିତପରସ୍ତ୍ରୀୟୋଗପୂଜାପରୋଽହଂ
ବହୁଵିଧଜନଭାଵାରମ୍ଭସମ୍ଭାଵିତୋଽହମ୍ ।
ପଶୁଜନଵିରତୋଽହଂ ଭୈରଵୀସଂସ୍ଥିତୋଽହଂ
ଗୁରୁଚରଣପରୋଽହଂ ଭୈରଵୋଽହଂ ଶିଵୋଽହମ୍ ॥ ୮॥
ଇଦଂ ସ୍ତୋତ୍ରଂ ମହାପୁଣ୍ୟଂ ବ୍ରହ୍ମଣା ଭାଷିତଂ ପୁରା ।
ସର୍ଵସିଦ୍ଧିପ୍ରଦଂ ସାକ୍ଷାନ୍ମହାପାତକନାଶନମ୍ ॥ ୯॥
ୟଃ ପଠେତ୍ପ୍ରାତରୁତ୍ଥାୟ ଦେଵ୍ୟାଃ ସନ୍ନିହିତୋଽପି ଵା ।
ତସ୍ୟ ସିଦ୍ଧିର୍ଭଵେଦ୍ଦେଵି ଵାଞ୍ଛିତାର୍ତ୍ଥପ୍ରଦାୟିନୀ ॥ ୧୦॥
ଧନଂ ଧାନ୍ୟଂ ସୁତଂ ଜାୟାଂ ହୟଂ ହସ୍ତିନମେଵ ଚ ।
ଵସୁନ୍ଧରାଂ ମହାଵିଦ୍ୟାମଷ୍ଟସିଦ୍ଧିଂ ଲଭେଦ୍ ଧ୍ରୁଵମ୍ ॥ ୧୧॥
ଵୈୟାଘ୍ରାଜିନରଞ୍ଜିତସ୍ଵଜଘନେଽରଣ୍ୟେ ପ୍ରଲମ୍ବୋଦରେ
ଖର୍ଵେଽନିର୍ଵଚନୀୟପର୍ଵସୁଭଗେ ମୁଣ୍ଡାଵଲୀମଣ୍ଡିତେ ।
କର୍ତ୍ରୀଂ କୁନ୍ଦରୁଚିଂ ଵିଚିତ୍ରଵନିତାଂ ଜ୍ଞାନେ ଦଧାନେ ପଦେ
ମାତର୍ଭକ୍ତଜନାନୁକମ୍ପିନି ମହାମାୟେଽସ୍ତୁ ତୁଭ୍ୟଂ ନମଃ ॥ ୧୨
ଇତି ବ୍ରହ୍ମକୃତଂ ଛିନ୍ନମସ୍ତାସ୍ତୋତ୍ରମ୍ ॥
Comments
Post a Comment