ମହାସରସ୍ୱତୀସହସ୍ରନାମସ୍ତୋତ୍ରମ୍

 🔴 ମହାସରସ୍ୱତୀସହସ୍ରନାମସ୍ତୋତ୍ରମ୍ 🔴

( ଶ୍ରୀରୁଦ୍ରୟାମଲେ ତନ୍ତ୍ରେ)

ଦେବ୍ୟୁବାଚ ।

ଭଗବନ୍ ଦେବଦେବେଶ ଶରଣାଗତବତ୍ସଲ ।

ବାଗେଶ୍ୟା ନାମସାହସ୍ରାଂ କଥୟସ୍ୱାନୁକମ୍ପୟା ॥ ୧॥

ଭୈରବ ଉବାଚ ।

ଶୃଣୁ ଦେବି ପ୍ରବକ୍ଷ୍ୟାମି ନାମସାହସ୍ରାମୁତ୍ତମମ୍ ।

ପ୍ରକାଶ୍ୟଂ ଦୁର୍ଲଭଂ ଲୋକେ ଦୁଃଖଦାରିଦ୍ର୍ୟନାଶନମ୍ ॥ ୨॥

ମହାପାତକକୋଟୀନାଂ ପରମୈଶ୍ୱର୍ୟଦାୟକମ୍ ।

ସର୍ୱାଗମରହସ୍ୟାଢ୍ୟଂ ଦେବାନାମପି ଦୁର୍ଲଭମ୍ ॥ ୩॥

ସମସ୍ତଶୋକଶମନଂ ମୂଲବିଦ୍ୟାମୟଂ ପରମ୍ ।

ସର୍ୱମନ୍ତ୍ରମୟଂ ଦିବ୍ୟଂ ଭୋଗମୋକ୍ଷଫଲପ୍ରଦମ୍ ॥ ୪॥

ଦେବୀସରସ୍ୱତୀନାମସହସ୍ରଂ ପାପନାଶନମ୍ ।

ଅସ୍ୟ ଶ୍ରୀସରସ୍ୱତୀସହସ୍ରନାମସ୍ତୋତ୍ରସ୍ୟ ଶ୍ରୀକଣ୍ୱଋଷିଃ ବିରାଟ୍ ଛନ୍ଦଃ

ଶ୍ରୀସରସ୍ୱତୀ ଦେବତା ଓଁ ବୀଜଂ ହ୍ରୀଂ ଶକ୍ତିଃ ଐଂ କୀଲକଂ

ଶ୍ରୀଭୋଗାପବର୍ଗସିଦ୍ଧ୍ୟର୍ଥେ ଜପେ ପାଠେ ବିନିୟୋଗଃ ।

ଓଁ ହ୍ରୀଂ ଐଂ ହ୍ରୀଂ ମହାବାଣୀ ବିଦ୍ୟା ବିଦ୍ୟେଶ୍ୱରୀ ତଥା ॥ ୫॥

ସରସ୍ୱତୀ ଚ ବାଗୀଶା ଦେବୀ ଶ୍ରୀଭଗମାଲିନୀ ।

ମହାବିଦ୍ୟା ମହାମାତା ମହାଦେବୋ ମହେଶ୍ୱରୀ ॥ ୬॥

ବେଣା ବେଣମୁଖୀ ଭବ୍ୟା କୁଲାକୁଲବିଚାରିଣୀ ।

ଅମୂର୍ତାମୂର୍ତରୂପା ଚ ବିଦ୍ୟା ଚୈକାଦଶାକ୍ଷରୀ ॥ ୭॥

ସ୍ୱରୂପା ନିର୍ଗୁଣା ସତ୍ତ୍ୱା ମଦିରାରୁଣଲୋଚନା ।

ସାଧ୍ୱୋ ଶୂଲବତୀ ଶାଲା ସୁଧାକଲଶଧାରିଣୀ ॥ ୮॥

ଖଡ୍ଗିନୀ ପଦ୍ମିନୀ ପଦ୍ମା ପଦ୍ମକିଞ୍ଜଲ୍କରଞ୍ଜିତା ।

ଧରାଧରେନ୍ଦ୍ରଜନିତା ଦକ୍ଷିଣା ଦକ୍ଷଜା ଦୟା ॥ ୯॥

ଦୟାବତୀ ମହାମେଧା ମୋଦିନୀ ବୋଧିନୀ ଗଦା ।

ଗଦାଧରାର୍ଚିତା ଗୋପା ଗଙ୍ଗା ଗୋଦାବରୀ ଗୟା ॥ ୧୦॥

ମହାପ୍ରଭାବସହିତା ମହାମେଧା ମହାଧୃତିଃ ।

ମହାମୋହା ମହାତୁଷ୍ଟିଃ ମହାପୁଷ୍ଟିର୍ମହାୟଶାଃ ॥ ୧୧॥

ବରପ୍ରଦା ବୀରଗମ୍ୟା ବୀରମାତା ବସୁନ୍ଧରା ।

ବୟୋଧାନା ବୟସ୍ୟା ଚ ବୀରଭୂର୍ୱୀରନନ୍ଦିନୀ ॥ ୧୨॥

ବାଲା ସରସ୍ୱତୀ ଲକ୍ଷ୍ମୀଃ ଦୁର୍ଗା ଦୁର୍ଗତିହାରିଣୀ ।

ଖେଟକାୟୁଧହସ୍ତା ଚ ଖରେଶୀ ଖରସନ୍ନିଭା ॥ ୧୩॥

ଶରୀରଶୀର୍ଷମଧ୍ୟସ୍ଥା ବୈଖରୀ ଚ ଖରେଶ୍ୱରୀ ।

ବେଦ୍ୟା ବେଦପ୍ରିୟା ବୈଦ୍ୟା ଚାମୁଣ୍ଡା ମୁଣ୍ଡଧାରିଣୀ ॥ ୧୪॥

ମୁଣ୍ଡମାଲାର୍ଚିତା ମୁଦ୍ରା କ୍ଷୋଭନାକର୍ଷଣକ୍ଷମା ।

ବ୍ରାହ୍ମୀ ନାରାୟଣୀ ଦେବୀ କୌମାରୀ ଚାପରାଜିତା ॥ ୧୫॥

ରୁଦ୍ରାଣୀ ଚ ଶଚୀନ୍ଦ୍ରାଣୀ ବାରାହୀ ବୀରସୁନ୍ଦରୀ ।

ନାରସିଂହୀ ଭୈରବେଶୀ ଭୈରବାକାରଭୀଷଣା ॥ ୧୬॥

ନାନାଲଙ୍କାରଶୋଭାଢ୍ୟା ନାଗୟଜ୍ଞୋପବୀତିନୀ ।

ବାଣୋ ବେଣାମୁଖୀ ବୀରା ବୀରେଶୋ ବୀରମର୍ଦିନୀ ॥ ୧୭॥

ବୀରାରଣ୍ୟକଭାବ୍ୟା ଚ ବୈରହା ଶତ୍ରୁଘାତିନୀ ।

ବେଦା ବେଦମୟୀ ବିଦ୍ୟା ବିଧାତୃବରଦା ବିଭା ॥ ୧୮॥

ବଟୁକୀ ବଟୁକେଶୀ ଚ ବସୁଧା ବସୁଧାରିଣୀ ।

ବଟୁପ୍ରିୟା ବାମନେତ୍ରା ଲାସ୍ୟହାସ୍ୟୈକବଲ୍ଲଭା ॥ ୧୯॥

ଅରୂପା ନିର୍ଗୁଣା ସତ୍ୟା ଭବାନୀ ଭବମୋଚିନୀ ।

ସଂସାରତାରିଣୀ ତାରା ତ୍ରିପୁରା ତ୍ରିପୁରେଶ୍ୱରୀ ॥ ୨୦॥

ତ୍ରିକୂଟା ତ୍ରିପୁରେଶାନୀ ତ୍ର୍ୟମ୍ବକେଶୀ ତ୍ରିଲୋକଧୃକ୍ ।

ତ୍ରିବର୍ଗେଶୀ ତ୍ରୟୀ ତ୍ର୍ୟକ୍ଷୀ ତ୍ରିବର୍ଗଫଲଦାୟିନୀ ॥ ୨୧॥

ଅତୀବସୁନ୍ଦରୀ ରମ୍ୟା ରେବା ରାବପ୍ରିୟା ରବା ।

ଦେବେଶୀ ଦେବମାତା ଚ ଦେବୀ ଦେବବରପ୍ରଦା ॥ ୨୨॥

ଧବପ୍ରିୟା ଧବହରା ଦୁଷ୍ପୂରା ଦୁଃଖହା ଧବା ।

ଧର୍ମା ଧର୍ମପ୍ରିୟା ଧୀରା ଧନଦା ଧନହାରିଣୀ ॥ ୨୩॥

ଶ୍ରୀଃ କାନ୍ତିଃ କମଲା ଲକ୍ଷ୍ମୀଃ ପଦ୍ମା ପଦ୍ମପ୍ରିୟା ହରା ।

କମଲା କମଲେଶାନୀ କାମଦା କାମପାଲିନୀ ॥ ୨୪॥

କୁଲକା କାଲକୂଟା ନ କାଲୀ କପାଲିନୀ ଶିବା ।

ଖଡ୍ଗା ଖଡ୍ଗଧରା ଖେଟା ଖେଟେଶୀ ଖଲନାଶିନୀ ॥ ୨୫॥

ଖଟ୍ୱାଙ୍ଗଧାରିଣୀ ଖ୍ୟାତା ଖେଲା ଖେଲପ୍ରିୟା ସଦା ।

ଶାମ୍ଭବୀ ଶାଙ୍କରୀ ଶାମ୍ବୀ ଶିବା ଶୁଭପ୍ରିୟଙ୍କରୀ ॥ ୨୬॥

ଶିବରୂପା ଶିବା ଭୂତାଶିବହା ଶିବଭୂଷଣା ।

ଶିବଦାଶିବହର୍ତ୍ରୀ ଚ ଶାନ୍ତା ଶ୍ରଦ୍ଧା ପ୍ରବୋଧିନୀ ॥ ୨୭॥

ଶୁଭଦା ଶୁଦ୍ଧରୂପା ଚ ସାଧକାନାଂ ବରପ୍ରଦା ।

ଜୀବରୂପା ଜୀବନାଦା ଜୈନମାର୍ଗପ୍ରବୋଧିନୀ ॥ ୨୮॥

ଜେତା ଜୟତ୍ରୀ ଜୟଦା ଜଗଦଭୟକାରିଣୀ ।

ସାଙ୍ଖ୍ୟରୂପା ସାଙ୍ଖ୍ୟମୁଖା ସାଙ୍ଖ୍ୟେଶୀ ସାଙ୍ଖ୍ୟନାଶିନୀ ॥ ୨୯॥

ସାଙ୍ଖ୍ୟଦା ବୁଦ୍ଧିଦା ନିତ୍ୟା ଯୋଗମାର୍ଗପ୍ରଦର୍ଶିନୀ ।

ଯୋଗପ୍ରିୟା ଯୋଗଗମ୍ୟା ଯୋଗେଶୀ ଯୋଗଧାରିଣୀ ॥ ୩୦॥

ଯୋଗୟୁଜା ଯୋଗୟଜ୍ଞା ଯୋଗଜ୍ଞା ରୋଗନାଶିନୀ ।

ରୋଗପ୍ରିୟା ରୋଗହର୍ତ୍ରୀ ରୋଗଘ୍ନୀ ରୋଗହା ଶିବା ॥ ୩୧॥

ରୋଗରାଜ୍ଞୀ ରୋଗକରା ରୋଗ୍ୟାରୋଗପ୍ରଦା ସଦା ।

ଗଙ୍ଗା ଗୋଦାବରୀ ତାପୀ ତମସା ବଜ୍ରଦାୟିନୀ ॥ ୩୨॥

ଗୟା ସରସ୍ୱତୀ ଦେବୋ ଗୟାରୂପା ଗୟାଶ୍ରୟା ।

ଗୋଦା ଗୋବର୍ଦ୍ଧନେଶାନୀ ଗରଲାଶନବଲ୍ଲଭା ॥ ୩୩॥

ଗାଂ ଜ୍ଞାତବୀଜନିଲୟା ଗାରୁଡୀ ଗରୁଡାତ୍ମିକା ।

ଗତିରୂପା ଗତିଶିବା ଗତିକା ରାଜଭାସିନୀ ॥ ୩୪॥

ଗମନୀ ଗମକାରୀ ଚ ଗମକାଭାଗମପ୍ରଦା ।

ଯମୁନା ଯାମିନୀ ଯାମୀ ଯମରୂପା ଯମପ୍ରଦା ॥ ୩୫॥

ଯମେଶ୍ୱରୀ ଯମୀ ଧାତ୍ରୀ ଯମା ଯମବିଧାରିଣୀ ।

ଯମକା ଯାଗବିଦ୍ୟା ଚ ଯଶଃପାପ(?)ଯଶଃପ୍ରଦା ॥ ୩୬॥

ଯଶୋଦା ପତିସେବ୍ୟା ଚ ଯଶା ଯଶଃପ୍ରଦା ଶିବା ।

ବିତସ୍ତା ବୈତିଶୀରୂପା ବିଦ୍ୟା ବିଦ୍ୟାବରପ୍ରଦା ॥ ୩୭॥

ବୈଦ୍ୟା ବିସ୍ତାରରୂପା ଚ ବିତ୍ତରୂପା ବିତ୍ତେଶ୍ୱରୀ ।

ସରୀ ସରସ୍ୱତୀରୂପା ସାରସୀ ଚ ଶଶିପ୍ରଭା ॥ ୩୮॥

ଶାରଦା ଶାରହନ୍ତ୍ରୀ ଚ ଚାରଚରଣ୍ୟଭୂଷଣା ।

ଗୋଦାବରୀ ଗଦାହସ୍ତା ଗୋପାଲା ଗୋପବର୍ଦ୍ଧିନୀ ॥ ୩୯॥

ଗୋଶୃଙ୍ଗା ଗାରୁଡରୂପା ପ୍ରିୟାପ୍ରିୟକରା ସଦା ।

ପ୍ରୀତିଦା ପ୍ରୀତିହନ୍ତ୍ରୀ ଚ ପ୍ରେତସ୍ଥା ପ୍ରେତନାଶିନୀ ॥ ୪୦॥

ପ୍ରୀତିଭୁକ୍ତା ସ୍ପୃହା ଚୈବ ପ୍ରୀତାନାଂ କ୍ଷୟକାରିଣୀ ।

ପ୍ରୀତେଶୀ ପ୍ରମଦା ସିଦ୍ଧା ପ୍ରକୃଷ୍ଟା ପ୍ରକୃତୋତ୍ତମା ॥ ୪୧॥

ପ୍ରବୃତ୍ତିର୍ୱୃତ୍ତରୂପା ଚ ବୃତ୍ତଦା ବୃତ୍ତିନାଶିନୀ ।

ବର୍ତ୍ତୁଲା ବର୍ତ୍ତୁଲେଶାତୀ ବୃତ୍ତତା ବର୍ତୁଲପ୍ରଦା ॥ ୪୨॥

ଅକାରରୂପା ଅମଲା ନିର୍ମଲା ନିର୍ମଲେଶ୍ୱରୀ ।

ଅଃସ୍ୱରୂପା ଅକାରେଶୀ ପାପହା ପାଶହାରିଣୀ ॥ ୪୩॥

ପରେଶୀ ପରହାରୀଚ ପରାପରବିହାରିଣୀ ।

ପରଦା ପରମେଶାନୀ ପରମା ପରମେଶ୍ୱରୀ ॥ ୪୪॥

ଚିତ୍ତଦା ଚିତ୍ତହାରୀ ଚ ଚିତ୍ତା ଚିତ୍ତପ୍ରଦା ପରା ।

ଫଲଦା ସ୍ଫୀତବକ୍ତ୍ରା ଚ ଫକାରା ଭୀମନାଦିନୀ ॥ ୪୫॥

ଫବର୍ଣରୂପା ବିମଲା ଫାଲ୍ଗୁଣୀ ବିଜୟପ୍ରଦା ।

ଫେସଖସ୍ତୁରତା ପାତ୍ରୀ ପୁତ୍ରଦା ପୁତ୍ରିକା ପ୍ରଭା ॥ ୪୬॥

ପ୍ରଭାକରୀ ପ୍ରଭେଶାନୀ ପ୍ରଭୁରୂପା ପ୍ରଭୁଃ ଶିବା ।

ଚାନ୍ଦ୍ରୀ ଚନ୍ଦ୍ରକରା ଚିନ୍ତା ଜ୍ୟୋତ୍ସ୍ନାଜାଲବିନାଶିନୀ ॥ ୪୭॥

ତୋରୀଚଣ୍ୟକବର୍ଣା ଚ କୃଶାଙ୍ଗୀ କୁଲକୂଜିତା ।

ସର୍ୱାନନ୍ଦସ୍ୱରୂପା ଚ ସର୍ୱସଙ୍କଷ୍ଟତାରିଣୀ ॥ ୪୮॥

ନିତ୍ୟା ନିତ୍ୟମୟା ନନ୍ଦା ଭଦ୍ରା ନୀଲସରସ୍ୱତୀ ।

ଗାୟତ୍ରୀ ସୁଚରିତ୍ରା ଚ କୌଲବ୍ରତପରାୟଣା ॥ ୪୯॥

ହିରଣ୍ୟଗର୍ଭା ଭୂଗର୍ଭା ବିଶ୍ୱଗର୍ଭା ଯଶସ୍ୱିନୀ ।

ହେମଚନ୍ଦନରମ୍ୟାଙ୍ଗୀ ଦିବ୍ୟୈଶ୍ୱର୍ୟବିଭୂଷିତା ॥ ୫୦॥

ଜଗନ୍ମାତା ଜଗଦ୍ଧାତ୍ରୀ ଜଗତାମୁପକାରିଣୀ ।

ଐନ୍ଦ୍ରୀ ସୌମ୍ୟା ତଥାପାପ୍ମା ବ୍ରହ୍ମାଣୀ ବାୟବୀ ତଥା ॥ ୫୧॥

ଆଗ୍ନେୟୀ ନୈରୃତୀ ଚୈବ ଈଶାନୀ ଚନ୍ଦ୍ରିକାଧିକା ।

ସୁମେରୁତନୟା ବନ୍ଦ୍ୟା ସର୍ୱେଷାମୁପକାରିଣୀ ॥ ୫୨॥

ଲକ୍ଷଜିହ୍ୱା ସରୋଜାକ୍ଷୀ ମୁଣ୍ଡସ୍ରଜବିଭୂଷଣା ।

ସର୍ୱାନନ୍ଦମୟୀ ସର୍ୱା ସର୍ୱାନନ୍ଦସ୍ୱରୂପିଣୀ ॥ ୫୩॥

ଧୃତିର୍ମେଧା ତଥା ଲକ୍ଷ୍ମୀଃ ଶ୍ରଦ୍ଧା ପନ୍ନଗଶାୟିନୀ ।

ରୁକ୍ମିଣୀ ଜାନକୀ ଦୁର୍ଗା ଶୂନ୍ୟା ଶୂନ୍ୟବତୀ ରତିଃ ॥ ୫୪॥

କାମାଖ୍ୟା ମୋକ୍ଷଦାନନ୍ଦା ନାରସିଂହୀ ଜୟପ୍ରଦା ।

ମହାଦେବରତା ଚଣ୍ଡୀ ଚଣ୍ଡମୁଣ୍ଡବିନାଶିନୀ ॥ ୫୫॥

ଦୀର୍ଘକେଶୀ ସୁକେଶୀ ଚ ପିଙ୍ଗକେଶା ମହାକଚା ।

ଭବାନୀ ଭବପତ୍ନୀ ଚ ଭବଭୀତିହରା ଶଚୀ ॥ ୫୬॥

ପୌରନ୍ଦରୀ ତଥା ବିଷ୍ଣୁମାୟା ମାହେଶ୍ୱରୀ ତଥା ।

ସର୍ୱେଷାଂ ଜନନୀ ନିତ୍ୟା ସର୍ୱାଙ୍ଗୀ ବୈରିମର୍ଦିନୀ ॥ ୫୭॥

କାଷ୍ଠା ନିଷ୍ଠା ପ୍ରତିଷ୍ଠା ଚ ଜ୍ୟେଷ୍ଠା ଶ୍ରେଷ୍ଠା ଜୟାବହା ।

ସର୍ୱସିଦ୍ଧିପ୍ରଦା ଦେବୀ ସର୍ୱାଣୀ ସିଦ୍ଧସେବିତା ॥ ୫୮॥

ଯୋଗେଶ୍ୱରୀ ଯୋଗଗମ୍ୟା ଯୋଗା ଯୋଗେଶ୍ୱରପ୍ରିୟା ।

ବ୍ରହ୍ମେଶରୁଦ୍ରନମିତା ସୁରେଶ୍ୱରୀ ବରପ୍ରଦା ॥ ୫୯॥

ତ୍ରିବୃତ୍ତସ୍ଥା ତ୍ରିଲୋକସ୍ଥା ତ୍ରିବିକ୍ରମପଦୋଦ୍ଭବା ।

ଖତାରା ତାରିଣୀ ତାରା ଦୁର୍ଗା ସନ୍ତାରିଣୀ ପରା ॥ ୬୦॥

ସୁତାରିଣୀ ତାରଗତିର୍ଭୃତିସ୍ତାରେଶ୍ୱରପ୍ରଭା ।

ଗୁହ୍ୟବିଦ୍ୟା ମହାବିଦ୍ୟା ଯଜ୍ଞବିଦ୍ୟା ସୁଶୋଭନା ॥ ୬୧॥

ଅଧ୍ୟାତ୍ମବିଦ୍ୟା ବୈ ପୂଜ୍ୟା ବପ୍ରସ୍ଥା ପରମେଶ୍ୱରୀ ।

ଆନ୍ୱୀକ୍ଷିକୀ ତ୍ରୟୀ ବାର୍ତ୍ତା ଦଣ୍ଡନୀତିଶ୍ଚ ଯାମିନୀ ॥ ୬୨॥

ଗୌରୀ ବାଗୀଶ୍ୱରୀ ଗୋଶ୍ରୀର୍ଗାୟତ୍ରୀ କମଲୋଦ୍ଭବା ।

ବିଶ୍ୱମ୍ଭରା ବିଶ୍ୱରୂପା ବିଶ୍ୱମାତା ବସୁନ୍ଧରା ॥ ୬୩॥

ସିଦ୍ଧିଃ ସ୍ୱାହା ସ୍ୱଧା ସ୍ୱସ୍ତି ସୁଧା ସର୍ୱାର୍ଥସାଧିନୀ ।

ଇଚ୍ଛା ସୃଷ୍ଟିଃ ଧୃତିର୍ଭୂତିଃ କୀର୍ତିଃ ଶ୍ରଦ୍ଧା ଦୟା ମତିଃ ॥ ୬୪॥

ଶ୍ରୁତିର୍ମେଧା ଧୃତିଶ୍ଚୈବ ବିଶ୍ୱା ବିବୁଧବନ୍ଦିତା ।

ଅନସୂୟା ଗତିର୍ଧାତ୍ରୀ କାଶଶ୍ୱାସହରା ତଥା ॥ ୬୫॥

ପ୍ରତିଜ୍ଞା ସତ୍କବିର୍ଭୂତିର୍ଦ୍ୟୌଃ ପ୍ରଭା ବିଶ୍ୱଭାବିନୀ ।

ସ୍ମୃତିର୍ୱାଗ୍ୱିଶ୍ୱଜନନୀ ପଶ୍ୟନ୍ତୀ ମଧ୍ୟମା ସମା ॥ ୬୬॥

ସନ୍ଧ୍ୟା ମେଧା ପ୍ରଭା ଭୀମା ସର୍ୱାକାରାଭୟପ୍ରଦା ।

କାଞ୍ଚୀ କାୟା ମହାମାୟା ମୋହିନୀ ମାଧବପ୍ରିୟା ॥ ୬୭॥

ସୌମ୍ୟା ଭୋଗା ମହାଭୋଗା ଭୋଗିନୀ ଭୋଗଦାୟିକା ।

ପ୍ରତୀଚୀ କନକପ୍ରଖ୍ୟା ସୁବର୍ଣକମଲାସନା ॥ ୬୮॥

ହିରଣ୍ୟବର୍ଣା ସୁଶ୍ରୋଣିର୍ହରିଣୀ ରମଣୀ ରମା ।

ଚନ୍ଦ୍ରା ହିରଣ୍ମୟୀ ଜ୍ୟୋତ୍ସ୍ନା ରମା ଶୋଭା ଶୁଭାବହା ॥ ୬୯॥

ତ୍ରୈଲୋକ୍ୟସୁନ୍ଦରୀ ରାମା ରମା ବିଭବବାହିନୀ ।

ପଦ୍ମସ୍ଥା ପଦ୍ମନିଲୟା ପଦ୍ମମାଲାବିଭୂଷିତା ॥ ୭୦॥

ପଦ୍ମୟୁଗ୍ମଧରା କାନ୍ତା ଦିବ୍ୟାଭରଣଭୂଷିତା ।

ମହାନାରାୟଣୀ ଦେବୀ ବୈଷ୍ଣବୀ ବୀରବନ୍ଦିତା ॥ ୭୧॥

କାଲସଙ୍କର୍ଷିଣୀ ଘୋରା ତତ୍ତ୍ୱସଙ୍କର୍ଷିଣୀ ହରା ।

ଜଗତ୍ସମ୍ପୂରଣୀ ବିଶ୍ୱା ମହାଭୈରବଭୂଷଣା ॥ ୭୨॥

ବାରୁଣୀ ବରଦା ବାଚ୍ୟା ଘଣ୍ଟାକର୍ଣପ୍ରପୂଜିତା ।

ନୃସିଂହୀ ଭୈରବୀ ବ୍ରାହ୍ମୀ ଭାସ୍କରୀ ବ୍ୟୋମଚାରିଣୀ ॥ ୭୩॥

ଐନ୍ଦ୍ରୀ କାମଧନୁଃସୃଷ୍ଟିଃ କାମୟୋନିର୍ମହାପ୍ରଭା ।

ବୃକ୍ଷବେଶା ମହାଶକ୍ତିଃ ବୀଜଶକ୍ତ୍ୟାତ୍ମଦର୍ଶନା ॥ ୭୪॥

ଗରୁଡାରୂଢହୃଦୟା ଚାନ୍ଦ୍ରୀ ଚ ମଧୁରାନନା ।

ମହୋଗ୍ରରୂପା ବାରାହୀ ନାରସିଂହୀ ହତାପରା ॥ ୭୫॥

ଯୁଗାନ୍ତହୁତଭୁଗ୍ଜ୍ୱାଲା କରାଲା ପିଙ୍ଗଲା କରା ।

ତ୍ରୈଲୋକ୍ୟଭୂଷଣା ଭୀମା ଶ୍ୟାମା ତ୍ରୈଲୋକ୍ୟମୋହିନୀ ॥ ୭୬॥

ମହୋତ୍କଟା ମହାରାମା ମହାଚଣ୍ଡା ମହାଶନା ।

ଶଙ୍ଗିନୀ ଲେଖିନୀ ସ୍ୱସ୍ଥା ଖିଙ୍ଖିନୀ(?) ଖେଚରୀଶ୍ୱରୀ ॥ ୭୭॥

ଭଦ୍ରକାଲୀ ଚିତ୍ରରୂପା କୌମାରୀ ଭଗମାଲିନୀ ।

କଲ୍ୟାଣୀ କାମଧୁକ୍ ଜ୍ୱାଲାମୁଖୀ ଚୋତ୍ପଲମାଲିକା ॥ ୭୮॥

ବନ୍ଧୂକା ଧନଦା ସୂର୍ୟହୃଦୟା ନାଗହସ୍ତିକା ।

ଅଜିତା କର୍ଷିଣୀ ରୀତିର୍ଭୁଶୁଣ୍ଡୀ ଗରୁଡାସନା ॥ ୭୯॥

ବୈଶ୍ୱାନରୀ ମହାମାରୀ ମହାକାଲବିଭୂଷିତା ।

ମହାମୟୂରୀ ବିଭବା ସର୍ୱାନନ୍ଦା ରତିପ୍ରଦା ॥ ୮୦॥

ତଦ୍ଗତିଃ ପଦ୍ମମାଲା ଚ ବଧୂର୍ୱେଗବିଭାବିନୀ ।

ଭାବିନୀ ସତ୍କ୍ରିୟା ଦେବସେନା ହିରଣ୍ୟରଞ୍ଜିନୀ ॥ ୮୧॥

ସହସ୍ରଦା ଯଜ୍ଞମାତା ହସ୍ତିନାଦପ୍ରବୋଧିନୀ ।

ବିରୂପାକ୍ଷୀ ବିଶାଲାକ୍ଷୀ ଭକ୍ତାନାଂ ଜୟରକ୍ଷିଣୀ ॥ ୮୨॥

ବହୁରୂପା ସୁରୂପା ଚ ବିରୂପା ରୂପବର୍ଜିତା ।

ଘଣ୍ଟାନିନାଦବହୁଲା ଜୀମୀତଘନନିଃସ୍ୱନା ॥ ୮୩॥

ଆର୍ୟା ସୌର୍ୟା ସୁମଧ୍ୟା ଚ ଧର୍ମକାମାର୍ଥମୋକ୍ଷଦା ।

ଭକ୍ତାର୍ତିଶମନୀ ଭବ୍ୟା ଭବବନ୍ଧବିମୋଚିନୀ ॥ ୮୪॥

ଦୀକ୍ଷା ବୀକ୍ଷା ପରୋକ୍ଷା ଚ ସମୀକ୍ଷା ବୀରବତ୍ସଲା ।

ଅତିସିଦ୍ଧା ସୁସିଦ୍ଧା ଚ ବେଦବିଦ୍ୟା ଧନାର୍ଚିତା ॥ ୮୫॥

ସ୍ୱଦୀପ୍ତଲିଲିହାନା ଚ କରାଲୀ ବିଶ୍ୱପୂରକୀ ।

ଚିଦାକାଶରୁଚା ରାଜ୍ଞୀ ତୋଷିନୀ ବିନ୍ଦୁମାଲିନୀ ॥ ୮୬॥

କ୍ଷୀରଧାରା ସଜଲଦା ସ୍ୱପ୍ରଭା ଚ ସ୍ୱରାର୍ଚିତା ।

ହବ୍ୟଗର୍ଭା ଚାଜ୍ୟଗର୍ଭା ଜୁହ୍ୱତୀ ଯଜ୍ଞସମ୍ଭବା ॥ ୮୭॥

ସର୍ୱକାମପ୍ରଭା ଭଦ୍ରା ସୁଭଦ୍ରା ସର୍ୱମଙ୍ଗଲା ।

ଶ୍ୱେତା ସଶୁକ୍ଲବସନା ଶୁକ୍ଲମାଲ୍ୟାନୁଲେପନା ॥ ୮୮॥

ହଂସାହିତକରୀ ହଂସୀ ହୃଜ୍ଜା ହୃତ୍କମଲାଲୟା ।

ସିତାତପତ୍ରା ସୁଶ୍ରୋଣିଃ ପଦ୍ମପତ୍ରାୟତେକ୍ଷଣା ॥ ୮୯॥

ସାବିତ୍ରୀ ସତ୍ୟସଙ୍କଲ୍ପା କାମଦା କାମଦାୟିନୀ ।

ଦର୍ଶନୀୟା ଦଶା ଦକ୍ଷା ସ୍ପୃଶ୍ୟା ସେବା ବରାଙ୍ଗନା ॥ ୯୦॥

ଭୋଗପ୍ରିୟା ଭୋଗବତୀ ଭୋଗୀନ୍ଦ୍ରଶୟନାସନା ।

ଅଦ୍ରିପୁଷ୍କରିଣୀ ପୁଣ୍ୟା ପୋଷିଣୀ ପାପସୂଦିନୀ ॥ ୯୧॥

ଶ୍ରୀମତୀ ଚ ଶୁଭାକାରା ପରମୈଶ୍ୱର୍ୟଭୂତିଦା ।

ଅଚିନ୍ତ୍ୟାନନ୍ତବିଭବା ଭାବାଭାବବିଭାବିନୀ ॥ ୯୨॥

ସୁଶ୍ରୋଣିଃ ସର୍ୱଦେହସ୍ଥା ସର୍ୱଭୂଜନସଂସ୍କୃତା ।

ବାଲା ବଲାହକା ଦେବୀ ଗୌତମୀ ଗୋକୁଲାଲୟା ॥ ୯୩॥

ତୋଷଣୀ ପୂର୍ଣଚନ୍ଦ୍ରାଭା ଏକାନନା ଶତାନନା ।

ଶତକ୍ରତୁପ୍ରିୟା ଶର୍ମଦାୟିନୀ ଶର୍ମସୁନ୍ଦରୀ ॥ ୯୪॥

ଶିବପ୍ରିୟା ଶ୍ୟେନହସ୍ତା ସୁକେଶୀ ଶୁକ୍ରସୁନ୍ଦରୀ ।

ଶୁକ୍ରପ୍ରିୟା ଶୁକ୍ରରତିଃ ଶୁକ୍ରେଷ୍ଟା ଶୁକ୍ରସୁନ୍ଦରୀ ॥ ୯୫॥

ଶୁକ୍ରାନନ୍ଦା ଶୁକ୍ରରସା ଶୁକ୍ରିଣୀ ଶୁକ୍ରସୂଦନୀ ।

ଶୋକହା ଶୋକମାଲାଢ୍ୟା ଶୁକ୍ଲା ଶୋକୈକସୁନ୍ଦରୀ ॥ ୯୬॥

ଶୁକ୍ଲାବାସା ଶୁକ୍ଲମୁଖୀ ଶୋଭନାଶ୍ୱଶୁଭା ସ୍ମୃତା ।

ଭଗେଶ୍ୱରୀ ଭଗାବାସା ଭୋଗିନୀ ଭୋଗବଲ୍ଲଭା ॥ ୯୭॥

ନବପୀଠନିବାସସ୍ଥା ଶିବଦା ଶିବସୁନ୍ଦରୀ ।

ନବେନ୍ଦ୍ରିୟୈକନିଲୟା ଗୌରୀ ଗୀର୍ୱାଣସୁନ୍ଦରୀ ॥ ୯୮॥

ନବଗାଥା ରମାକାଶା ଗାଥା ଗୁଗଣସୁନ୍ଦରୀ ।

ନବରତ୍ନବିଭୂଷାଢ୍ୟା ବ୍ରାହ୍ମୀ ବ୍ରହ୍ମାଣ୍ଡସୁନ୍ଦରୀ ॥ ୯୯॥

ନବଦୀପୈକବସନା ପୀତା ପାବନସୁନ୍ଦରୀ ।

ନବପନ୍ନଗହାରାଢ୍ୟପ୍ରାନ୍ତା ପନ୍ନଗସୁନ୍ଦରୀ ॥ ୧୦୦॥

ନବମାତୃକ୍ରମୋଲ୍ଲାସା ନବ୍ୟା ନକ୍ଷତ୍ରସୁନ୍ଦରୀ ।

କଲାପିନୀ କାଲଗମ୍ୟା ଭୟଦା ଭୟନାଶିନୀ ॥ ୧୦୧॥

ସୌଦାମନୀ ମେଘରବା ଦୈତ୍ୟଦାନବମର୍ଦିନୀ ।

ଜଗନ୍ମାତା ଭବକରୀ ଭୂତଧାତ୍ରୀ ସୁଦୁର୍ଲଭା ॥ ୧୦୨॥

ଧନ୍ୟା ଧନ୍ୟେଶ୍ୱରୀ ଭବ୍ୟା ରତ୍ନଧାମାଶୁବର୍ଦ୍ଧିନୀ ।

ଗାନ୍ଧର୍ୱୀ ରେବତୀ ଗଙ୍ଗା ଶକୁନୀ ବିମଲାନନା ॥ ୧୦୩॥

ଦୁର୍ଗଶାନ୍ତିକରୀ ଚୈବ ତାପସୀ ମଲୟାଲୟା ।

ଆଜ୍ୟା ଚ ବସ୍ତ୍ରକୌମାରୀ ଖେଶୟା କୁସୁମାଶ୍ରୟା ॥ ୧୦୪॥

ଜଗଚ୍ଛ୍ରୀପା ସିଂହରଥା ଦୁର୍ଜୟା ଖଗବାହନା ।

ମନୋଭବା କାମଚରୀ ସିଦ୍ଧିଦା ସିଦ୍ଧସେବିତା ॥ ୧୦୫॥

ବ୍ୟୋମଲକ୍ଷ୍ମୀର୍ମହାଲକ୍ଷ୍ମୀସ୍ତେଜୋଲକ୍ଷ୍ମୀଃ ସ୍ୱତେଜସା ।

ରସଲକ୍ଷ୍ମୀର୍ଜଗଦ୍ୟୋନିର୍ଗନ୍ଧଲକ୍ଷ୍ମୀର୍ୱନାଶ୍ରୟା ॥ ୧୦୬॥

ଶ୍ରାବଣେ ଶ୍ରୁତିଦା ନେତ୍ରା ରସନାପ୍ରାନ୍ତଚାରିଣୀ ।

ବିରିଞ୍ଚିମାତା ବିଭବା ବରଦା ଋଜୁବାହନା ॥ ୧୦୭॥

ବୀରା ବୀରେଶ୍ୱରୀ ବନ୍ଦ୍ୟା ବିଶୋକା ବସୁବର୍ଧିନୀ ।

ଅନାହତା କୁଣ୍ଡଲିନୀ ନଲିନୀ ବନବାସିନୀ ॥ ୧୦୮॥

ରାଜଗନ୍ଧର୍ୱବନିତା ସୁରେନ୍ଦ୍ରନମିତା ସତୀ ।

ସିନୀବାଲୀ କୁହୂ ରାକା ମହୋତ୍ପଲନିବାସିନୀ ॥ ୧୦୯॥

ଅରୁନ୍ଧତୀ ବସୁମତୀ ଭାର୍ଗବୀ ବିଷ୍ଣୁଦେବତା ।

ମାୟୂରୀ ବଜ୍ରବେତାଲୀ ବଜ୍ରହସ୍ତା ବରାନନା ॥ ୧୧୦॥

ଅନଘା ଧାରିଣୀ ଧୀରା ଧମନୀ ମଣିଭୂଷଣା ।

ରାଜଶ୍ରୀରୂପସହିତା ବ୍ରହ୍ମଶ୍ରୀର୍ବ୍ରହ୍ମବନ୍ଦିତା ॥ ୧୧୧॥

ଜୟତ୍ରୀ ଜୟଦା ଜେୟା ସ୍ୱର୍ଗଶ୍ରୀଃ ସ୍ୱର୍ଗତିଃ ସଦା ।

ବଲାକା ତ୍ୱଙ୍କରହିତା ବିଶାଲା ଦୀପନୀ ରତିଃ ॥ ୧୧୨॥

ସମ୍ବୋଧିନୀ ହାରିଣୀ ଚ ପ୍ରଭାବା ଭବଭୂତିଦା ।

ଅମୃତସ୍ୟନ୍ଦିନୀ ଜୀବଜନନୀ ଘଟିକାଶ୍ରିତା ॥ ୧୧୩॥

ଧୂମ୍ରା କଲାବତୀ ପ୍ରାଣା ଭାସ୍ୱରାଂଶୁମତୀ ଶୁଭା ।

ଶୁଣ୍ଡାଧ୍ୱନିଃ ସତୀ ସୃଷ୍ଟିର୍ୱିକୃଷ୍ଟୀରେବତୀତି ଚ ॥ ୧୧୪॥

ପ୍ରାୟଣୀ ପ୍ରାୟଦା ପ୍ରଖ୍ୟା ବିଶ୍ୱା ପାଣ୍ଡବବାସିନୀ ।

ଓଂ ଐଂ ହ୍ରୀଂ ଶ୍ରୀଂ ସରସ୍ୱତୀ ଦେବୀ ଚୈକାଦଶାକ୍ଷରୀ ॥ ୧୧୫॥

ଇତି ବାଣ୍ୟାଃ ପରଂ ନାମ୍ନାଂ ସହସ୍ରଂ ଶିବଭାଷିତମ୍ ।

ସର୍ୱମନ୍ତ୍ରୈକନିଲୟଂ ସୁନ୍ଦରୀମାନସପ୍ରିୟମ୍ ॥ ୧୧୬॥

ନବତତ୍ତ୍ୱମୟଂ ଦିବ୍ୟଂ ବ୍ରହ୍ମାଣ୍ଡାନ୍ତସୁଧାମୟମ୍ ।

ଭୋଗାପବର୍ଗଦଂ ପୁଣ୍ୟଂ ସର୍ୱତୀର୍ଥୈକସାଧକମ୍ ॥ ୧୧୭॥

ବରଦଂ ସର୍ୱଦା ଶାନ୍ତଂ ଗ୍ରହାଣାଂ ଶାନ୍ତିକୃତ୍ ପରମ୍ ।

ଭୂତପ୍ରେତପିଶାଚାନାଂ ଯକ୍ଷରାକ୍ଷସଭୀତିଷୁ ॥ ୧୧୮॥

ପଠେଦ୍ୱା ପାଠୟେନ୍ନାମ୍ନାଂ ସହସ୍ରଂ ମନ୍ତ୍ରଗର୍ଭକମ୍ ।

ଦୂରାଦେବ ପଲାୟନ୍ତେ ଖଗେଶାଦିବ ପନ୍ନଗାଃ ॥ ୧୧୯॥

କୁଷ୍ଠାଦୟୋ ମହାରୋଗାଃ ଶମମେଷ୍ୟନ୍ତି ପାଠନାତ୍ ।

ସାଧକସ୍ୟ ସଦା ପୁଣ୍ୟବର୍ଦ୍ଧନଂ ଧନବର୍ଦ୍ଧନମ୍ ॥ ୧୨୦॥

ସର୍ୱୟଜ୍ଞୈକଫଲଦଂ ସର୍ୱମନ୍ତ୍ରୈକସାଧନମ୍ ।

ଭୂର୍ଜତ୍ୱଚି ଲିଖେନ୍ମନ୍ତ୍ରୀ ରବିବାରେ ଚ ସାଧକଃ ॥ ୧୨୧॥

ମାରୟେଦ୍ରିପୁସଙ୍ଘାତାନ୍ ସାଧୟେନ୍ମନ୍ତ୍ରସଞ୍ଚୟମ୍ ।

ଆକର୍ଷୟେଦପ୍ସରସଃ ଉଚ୍ଚାଟୟତି ବୈରିଣଃ ॥ ୧୨୨॥

ପଠନାଚ୍ଛ୍ରବଣାତ୍ ସତ୍ୟଂ ଧାରଣାତ୍ସାଧକୋତ୍ତମଃ ।

ଇହ ଲୋକେ ସୁଖୀ ଭୂତ୍ୱା ପରତ୍ର ତ୍ରିଦିବଂ ବ୍ରଜେତ୍ ॥ ୧୨୩॥

ପଠେନ୍ନାମ୍ନାଂ ସହସ୍ରଂ ତୁ ସାଧକୋ ମୁଚ୍ୟତେ ଭୟାତ୍ ।

କଲ୍ପକୋଟିଶତୈରମ୍ୟୈଃ କଲ୍ପକୋଟିଶତୈରପି ॥ ୧୨୪॥

ପ୍ରଭାବମେଷାଂ ନାମ୍ନାଂ ବୈ ସହସ୍ରସ୍ୟ ଚ ବର୍ଣିତୁମ୍ ।

ନ ଶକ୍ତୋଽସ୍ମି ନ ଶକ୍ତୋଽସ୍ମି ପଞ୍ଚାସ୍ୟେ ନ ଯୁତଃ ଶିବେ ॥ ୧୨୫॥

ଅଲଂ ବିସ୍ତାରମାତ୍ରେଣ ଯଃ ପଠେତ୍ ସାଧକୋତ୍ତମଃ ।

ବିଚରେଦ୍ଭୁବନେଽପ୍ୟେକୋ ଯଥାହଂ ଭୈରବୋତ୍ତମଃ ॥ ୧୨୬॥

ଇତି ନାମ୍ନାଂ ସହସ୍ରଂ ତୁ ସର୍ୱମନ୍ତ୍ରୈକରୂପକମ୍ ।

ବାଗୀଶ୍ୟାଃ ସର୍ୱସର୍ୱସ୍ୱେ ରହସ୍ୟଂ ସ୍ୱର୍ଗବାସିନାମ୍ ॥ ୧୨୭॥

ଗୁହ୍ୟଂ ଗୁପ୍ତଂ ସଦା ଗୋପ୍ୟଂ ଗୋପ୍ତବ୍ୟଂ ପଶୁସଙ୍କଟେ ।

ଅଦୀକ୍ଷିତେ ଶଠେ କ୍ରୂରେ ନିଃସତ୍ତ୍ୱେ ଶୁଚିବର୍ଜିତେ ॥ ୧୨୮॥

ଦାମ୍ଭିକେ ଚ ଖଲେ ମୂର୍ଖେ ପ୍ରମତ୍ତେ ବିସ୍ମୃତେଽଲସେ ।

ଗୁରୁଶାସ୍ତ୍ରସଦାଚାରଦୂଷକେ କଲହପ୍ରିୟେ ॥ ୧୨୯॥

ଅଦୀକ୍ଷିତାୟ ଯୋ ଦଦାତ୍ କୁଶୀଲାୟ ଦୁରାତ୍ମନେ ।

ନିନ୍ଦକାୟାନ୍ୟଶିଷ୍ୟାୟ ସ ମନ୍ତ୍ରୀ ନିରୟୀଭବେତ୍ ॥ ୧୩୦॥

ଦେୟଂ ଶିଷ୍ୟାୟ ଶାନ୍ତାୟ କୁଲୀନାୟ କୃତାର୍ଥିନେ ।

ସାଧକାୟ ସମର୍ଥାୟ ଗୋପନୀୟଂ ମୁମୁକ୍ଷୁଭିଃ ॥ ୧୩୧॥

ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଉମାହରସଂବାଦେ ଦଶବିଦ୍ୟାରହସ୍ୟେ

ସରସ୍ୱତୀସହସ୍ରନାମସ୍ତୋତ୍ରଂ ସମାପ୍ତମ୍ ।